Chapter LIV: Appendix: The Passamaquoddy Wampum Records

[This is an emendation of the text published by me in
Proceedings of the American Philosophical Society, xxxvi., pp.
479 ff. P.]

Mechi mieu begokni tohocioltowuk kʾchi ya wioo wʾskitap epitjik wasisek nespi wʾsikyojik yot mechi mipniltimkil; nit etuch alit-huswinook negmaoo tepit-hodmotit chewi kegw layoo kegusitch eliyoek chewi layoo tech na neksayiu. Nit etuchi mʾsioo sise pʾchittaketil kinwetaswinoo mʾsitte elipitt wʾskichin anquotch elquiyik sownisnook anquotch wʾchipenook ketkik snoot segdenook ketkik kʾski yasnook. Pechiote pechiyik Wabnakik.[70] Kʾmach wʾsipkikmʾn yaka keswook naga wewʾchiyanya nitta tama wejiwetit wʾtiyawa wʾskichunoo kepechip-tolnen wʾliagnotmagʾn. Nit ettlowsittgw-ton kisipootwusoo likislootemook. Mʾsitte tekepitt wʾskichin kinwetto nit kʾchi lagootwagʾn kitwitasso. Mʾsioo wʾskichin nootek aknoomagʾn mʾsioo wʾlitt-hasoo. Mʾsioo wʾsiwatch yogonyalkatkisilet tekowmʾk maltnitin. Nit mʾsioo kesookmik sittobjitakan opootwuswinoom. Mʾsioo kesookmik sittopetchitakan nissoo kessena agwamʾk opootwuswinoom natchiwitchitagwik kʾchi lagootwagʾn kessena kʾchi mawopootwuswagʾn.

Nit mʾsioo kisma wewsettil nit omache tipit-hodmʾnya ta nʾteh wʾtelook-hʾdinya. Stepal mʾsioo siwatch yokotit eli wʾabli pemowsittit; yokt kʾchi sogmak wʾtiyana-kʾt kihee yot elapimʾk asittwechosyokw kʾnʾmittunen elipegak naptwuk kenemittonenwul kesek ewablikil yotʾl pegaknigil temʾhigʾnsisʾl to (?) naga tapyik tepakw-yil chewi pooskenoswul oskemioo nitte mʾsioo wʾtlkislootmʾnya wʾtlagootinya; nit otaginwipoonmʾnya kisook etuchi pootwusitit.

Nit liwettasoo chikte wigwam. Yot wʾkesekmenya etasikiskakil katama loo-wen-kelosioo mʾsitte pootwuswin chewitpit-hasoo tanetch wʾtitmʾn. Tan etuchi littootit tebaskuswagʾnʾl mʾsitte wʾtipithodmʾnya tanetch likisi-chenetasso manʾtimʾk guni chikpultowuk topemlokemkil.

Apch etuchi apkw-timootit wigwam liwitassoo mʾsittakw-wen tlewestoo nitt na guni omache pootwuswinya; mʾsioo potwooswin wʾtoknootmʾn elipipyaks naga mech matnuttitit mʾsioo eli wʾsikyoltotitits guenipnʾltimʾk; nittlo alteketch tepnasko yotipit-hatosoo naga kʾtemakitt-haman wʾtepittemowa wʾtowasismowa naga mamatwikoltijik; mechi mieu yokli-wʾsikyaspenik tahalote saglit-hat wʾsikap naga mʾtappeguin. Nit mʾsioo mitte westotitit. Nit likisloomuk wʾtlitonia kʾchi lakalosnihagʾn naga tochioo opoomʾnya epasioo kʾchi wigwam tebagalosneoo; na wʾtlitunia ebiss oponmoonya omittakw-sowall nit wen pelestowat nit etuch eshemhoottam yotʾl eyilijil wʾnijanʾl tebakalusneoo. Mʾsitte na wʾtachwiyik settswawall naga na mejimioo wʾmʾtutwatmʾn wʾkchi squt wa wechi skanekaswenook. Yot wechi mach-hak wababi tebaskuswagʾnʾl.

Nit lagalosnihagʾnʾl etli-nʾsettwasik spemek nit nitmame lagootwi-kislootmewagʾn mʾsitte kesigpesitt wʾskichin newanko kesookinito kenooklo kechayami milijpesw. Mʾsitte yokteke wʾskichinwuk wʾtachwi elyanya naga wiginya tebagaloosneoo teketch wen kegw liwableloket chiwisemha wʾnikikowal wʾtesemhogol; nit ebis kisi mawettasiks nittlo tane teppo wigit tebakalosneoo chejik sʾtʾmenal tan eyigil tebaskuswagʾnʾl kessena essemha. Nit wigwam ettlinwasik tabakalosneoo hidmowioo mʾsitte kesitt wʾskichin kesittakw chewi sanke wipemowsoo. Katama apch chigawi yotoltiwun chewi lipemowsowuk tahalo wesi westoltijik witsegesotoltijik opeskon wenikicowa. Nittlo kʾchi squt etli wʾsittwasik wigwamek hidmowiw mʾsitte ta wut kiswichitakw wʾskichin nittetch ettlositit squtek wela manch skat apch teke yiwibmes-honwal. Nittlo wenikigowal ettlin mʾsitt woot wigwamek nit kʾchi Sagem Kanawak. Nitte lakaloshigʾn naga hibis hidmowiw wababi tebaskuswagʾnl. Tan woot pelsetek chewi mawe sagyawal etli nʾsettwojik nit mʾsigekw kisittpiyak.

* * * * *

Nitte apch omach elok-hʾdinya hʾnʾwʾtlitunia apsegiguil wʾtebaskuswagʾnowal. Mʾsioo yotʾl tebaskuswagʾnʾl chewi-littaswul wababik. Wechich kiskittasik tan teppo elikimwittpiyak elnogak mʾsittech yo naga elimilichpegek wapap. Yot wapap elyot sagmak naga mʾitapeguinwuk naga nipwultimkil. Elok-hʾdimek tan etuchi metchmete sagem naga elipuskenoot eli-mʾtakittmowatil mʾsitte wʾskichinwuk. Wulasikowdowi wapap; wigwamkewi wapap.