Chapter XVI: Appendix: I

_REVERENDO PATRI DOMINO CHRISTOPHORO WREN, S.T.D. ET D. W.
CHRISTOPHORUS FILIUS HOC SUUM PANORGANUM ASTRONOMICUM D. D. XIII.
CALEND. NOVEM. ANNO 1645_, p. 73.

Si licet, et cessent rerum (Pater alme) tuarum
Pondera, devotae respice prolis opus.
Hic ego sidereos tentavi pingere motus,
Coelicaque in modulos conciliare breves.
Quo (prolapsa diù) renoventur tempora gyro,
Seculaque, et menses, et imparilesque dies.
Quomodo Sol abeat, redeatque, et temperet annum,
Et (raptum contra) grande perennet iter;
Cur nascens gracili, pleno orbe refulget adulta,
Cur gerat extinctas menstrua luna faces.
His ego numinibus dum cito, atque ardua mundi,
Scrutor, et arcanas conor inire vias,
Adsis, O! faveasque, pater, succurre volanti
Suspensum implumis dirige prolis iter,
Ne male, praecipiti, nimium prae viribus audax
(Sorte sub Icarea) lapsus ab axe ruam:
Te duce, fert animus, studiis sublimibus hisce
Pasci, dum superas detur adire domos.