Chapter II: Part 2

¶ Comment gallehault assembla au roy artus vng iour durant
que lancelot estoit en prison[A17] | et comment le lendemain
lancelot fut deliure de prison[A18] | et vainquit lassemblee dentre
les deux roys.[A19] Fueillet lxvii.

[Footnote A17: Lines 634-894.]
[Footnote A18: Lines 895-974.]
[Footnote A19: Lines 975-1138.]

[Sidenote: Arthur is reproved by Amytans, and Galiot proposes a truce for a year.]

¶ Comment le roy artus fut reprins de ses vices, et moult
bien conseille par vng cheualier qui suruint en son ost[A20] | Et
comment gallehault donna tresues au roy Artus iusques a vng an.[A21]
Fueillet lxix.

[Footnote A20: Lines 1275-2130.]
[Footnote A21: Lines 1543-1584.]

[Sidenote: Lancelot returns to the lady of Melyhalt.]

¶ Comment lancelot, apres ce quil eut vaincu lassemblee,
retourna en la prison de la dame de mallehault[A22] | et comment
elle le congneut, a son cheual et par les playes quil auoit, que
cestoit celluy q{u}i auoit vaincu lassemblee.[A23]
Fueillet lxxii.

[Footnote A22: Lines 1139-1152.]
[Footnote A23: Lines 1181-1274.]

[Sidenote: Gawain, with 39 comrades, departs to seek the red knight.]

¶ Comment messire gauuain, soy quarantiesme de compaignons,
se mist en queste pour trouuer le cheuallier qui auoit porte lescu
vermeil a lassemblee dentre le roy artus et Gallehault.[A24]
Fueillet lxxii.

[Footnote A24: Lines 2161-2256.]

[Sidenote: The lady of Melyhalt accepts Lancelot’s ransom.]

¶ Comment la dame de mallehault mist a rancon le cheuallier
quelle tenoit en prison, et le laissa aller quant elle veit quelle
ne peult scauoir son nom.[A25] fu. lxxiii.

[Footnote A25: Lines 2347-2442.]

[Sidenote: The truce ended, Galiot again attacks Arthur.]

¶ Co{m}ment messire gauuain et ses compaignons retournerent
de leur queste[A26] | et comme{n}t apres les treues faillies
galehault vint assembler co{n}tre le roy artus, & tous ses gens en
fure{n}t moult troublez.[A27] fu. lxxiiii.

[Footnote A26: Lines 2504-2530.]
[Footnote A27: Lines 2531-3268.]

[Sidenote: Galiot gains over the black knight.]

¶ Comment gallehault suyuit le cheuallier aux noires
armes,[A28] & fist tant par belles parolles quil lemmena en son ost,
dont le roy artus et tous ses gens en furent moult troublez.
Fueillet lxxviii.

[Footnote A28: Lines 3343-3487.]

[Sidenote: Lancelot induces Galiot to submit to Arthur.]

¶ Co{m}ment lancelot par sa prouesse conquist tout, et fist
tant que gallehault crya mercy au roy artus. fu. lxxix.

[Sidenote: The Queen and Lancelot meet.]

¶ Co{m}ment gallehault fist tant que la royne vit lancelot |
& co{m}ment ilz se arraisonnerent ensemble. fu. lxxxi.

[Sidenote: The Queen knows Lancelot from his adventures that he tells her.]

¶ Co{m}ment la royne co{n}gneut lancelot apres ce q{u}il eut
longuement parle a elle, & quil luy eut co{m}pte de ses aduentures.
& co{m}ment la premiere acointance fut faicte entre la royne &
la{n}celot p{ar} le moyen de galehault. fu. lxxxii.

[Sidenote: Galiot becomes acquainted with the lady of Melyhalt.]

¶ Co{m}ment la premiere acointance fut faicte de galehault &
de la dame de malehault par le moyen de la royne de logres, &
co{m}me[nt] lancelot & galehault sen alloyent esbatre & deuiser
auecques leurs dames. fu. lxxxiiii.

II. The Chapter of the French romance from which the translator has taken the beginning of his First Book is here given, in order to shew in what manner he has treated his original. It begins at Fol. lxiii. _a_, col. 1.

[Sidenote: Arthur’s evil dreams.]

Comment le roy artus so{n}gea plusieurs songes, et apres manda tous
les sages clercz de son royaulme pour en scauoir la signifiance.

[Sidenote: King Arthur being at Cardueil, his knights are annoyed at meeting with no adventures.]

++OR dit le compte que le roy artus auoit longueme{n}t seiourne a
cardueil. Et pource ny auenoit mie gra{nde}ment de aduentures, il
ennuya mo{u}lt aux compaignons du Roy de ce q{u}ilz auoient si
longuement seiourne, & ne veoient riens de ce quilz souloyent veoir.
Principallement keu le seneschal en fut trop ennuye Et en parloit
moult souuent, et disoyt deua{n}t le roy que trop estoit ce seio{ur}
ennuyeulx, & trop auoit dure.

[Sidenote: Sir Kay counsels that they should go to Camelot.]

Le roy luy demande “Keu | q{ue} vouldriez vous que no{us} feissons?”
“Certes,” fait keu, “ie conseilleroye que nous allissions a kamalot
| car la cite est plus aduantureuse q{ue} vous ayez | et la nous
verrions souuent et orrions choses de merueilles que nous ne voyons
pas icy. Nous auons seiourne ia icy plus de deux moys, et oncques ne
y veismes gueres de choses aduenir.”

[Sidenote: The king consents to go;]

“Or alons donc,” fait le roy, “a Kamalot, puis que vous le
co{n}seillez.”

[Sidenote: but the same night dreams that all his hair falls off, which delays him.]

Lendemain deust partir le roy | mais la nuyct luy aduint vne
merueilleuse aduenture. Il songa q{ue} tous les cheueulx de sa teste
cheoie{n}t, et to{us} les poilz de sa barbe, dont il fut moult
espouente. Et p{ar} ce demoura encores en la ville.

[Sidenote: The third night after he dreams that all his fingers fall off except his thumbs.]

La tierce nuyt apres il songa q{ue} il luy estoit aduis q{ue} tous
les dois luy cheoie{n}t fors les poulces, & lors fut pl{us} esbahy
que deuant.

[Sidenote: Again, that all his toes fall off except his great toes.]

++A Lautre nuyct songea il q{ue} to{us} les ortelz des piedz luy
cheoient fors les poulces. de ce fut si trouble que plus ne peult.

[Sidenote: The Queen and his chaplain disregard the dreams;]

“Sire,” fait son chappelain a q{u}i il lauoit dit, “ne vous chaille
| car songes ne so{n}t pas a croire;” le roy le dit a la royne, et
elle respo{n}d tout ainsi q{ue} luy auoit fait so{n} chappelain.

[Sidenote: but Arthur sends for his bishops, archbishops, and their wisest clerks;]

“En verite,” dist il, “ie ne laisseray pas la chose ainsi” | il fait
mander ses euesques et archeuesques q{u}ilz soie{n}t a luy au .ix
iour ensuyuant a kamalot, & q{u}ilz amainent auec eulx tous les plus
sages clercz quils po{u}rroient auoir et trouuer.

[Sidenote: whom he imprisons till they shall tell him what the dreams mean.]

A tant se part de cardueil & sen va par les chasteaulx et par les
citez | tant q{ue} au neufniesme iour est venu a kamalot, et aussi
sont venus les clercz du pays. Il leur demande co{n}seil de son
songe, _et_ ilz elise{n}t dix des plus sages: le roy les fist bien
enserrer, et dist que iamais nen sortiroient de priso{n} deuant
quilz luy auroient dit la signifiance de son songe.

[Sidenote: After trying for nine days, they fail.]

Ilz esprouuerent la force de le{u}r scie{n}ce par neuf iours, et
puis vindre{n}t au roy, & dirent quilz nauoient riens trouue.
“Ai{n}si maist dieu,” dit le roy, “ia ainsi neschapperez.”

[Sidenote: They twice obtain a delay of three days.]

Et ils demande{n}t respit iusques au troisiesme iour ensuyuant, et
il leur donne. Les .iii iours passez, ilz reuiennent deuant le roy,
et dient que ilz ne peuent riens trouuer | et dema{n}dent encores
autre delay | et ilz ont. Et de rechief vindrent pour demander
aultres troys iours de dilacion, ainsi que le roy auoit so{n}ge de
tierce nuyt en tierce nuyt. “Or sachez,” fait le roy, “q{ue} iamais
plus nen aurez.”

[Sidenote: The king threatens to slay them.]

Quant vint au tiers iour ilz dirent quilz nauoient rien trouue; “ce
ne vault rien,” fait le roy, “ie vous feray tous destruire se vous
ne me dictes la verite;” et ils dirent. “Sire nous ne vous en
scairions que dire.” Lors se pense le roy quil leur fera paour de
mort.

[Sidenote: Five are to be burnt, and five hung.]

Il fait fair vng grant feu, & commanda en le{u}rs presences que les
.v. y fusse{n}t mis, et que les autres cinq soyent penduz | mais
priueeme{n}t deffent a ses baillifz quilz ne les menassent que
iusques a la paour de mourir.

[Sidenote: The five who are to be hung, having the cords round their necks, offer to speak out.]

Quant les ci{n}q qui furent menez aux fourches euerent les cordes
entour leurs colz, ils eurent paour de mourir, et dirent, que se les
aultres cinq le vouloyent dire, ilz le diroyent. La nouuelle vint au
.v. que len menoit ardre | et ilz dire{n}t que, se les autres le
vouloyent dire, ils le diroyent | ils furent amenez ensemble
deua{n}t le roy, et les plus sages dirent

[Sidenote: They stipulate not to be held as liars if their interpretations fail.]

| “sire, nous vous dirons ce q{ue} no{us} auons trouue | mais nous
ne vouldrions mie que vous nous tenissiez a menteurs se il ne
aduenoit | car nous vouldrions bien quil nen fust rien, et voulons,
comment quil en aduiengne, que vous nous asseurez q{ue} ia mal ne
no{us} en aduiendra;” et il leur promet.

[Sidenote: The dreams mean that he will lose his land and his honour.]

Lors dist lung de eulx qui pour tous parla. “Sire, sachez que ceste
terre et tout honneur vo{us} conuie{n}dra perdre et ceulx en qui
plus vous fiez vous fauldront; telle est la substa{n}ce et
signifiance de voz songes.”

[Sidenote: Arthur asks if anything can avert such fate.]

De ceste chose fut le roy moult effraye, “Or me dictes,” fait il,
“sil est chose qui me{n} peult garantir.” “Certes,” fait le maistre,
“nous auons veu une chose | Mais cest si grande merueille que on ne
le pourroyt penser, et ne la vo{us} oso{n}s dire.” “Dictes,” fait
il, “seurement | car pis ne me pouez vous dire que vous mauez dit.”

[Sidenote: He is told, “nothing, except the savage lion and the leech without medicine, by help of the counsel of the flower.”]

“Sire, riens ne vous peult garder de perdre tout honneur terrien
fors le lyon sauluaige, et le mire sans medecine, par le co{n}seil
de la fleur, & se no{us} semble estre si grande folie que nous ne
losions dire | Car lyon sauluaige ne y peult estre, ne mire sans
medecine | ne fleur qui parlast |” le roy est moult entreprins de
ceste chose: mais plus en fait belle chiere que le cueur ne luy
apporte.

[Sidenote: Arthur goes to the chase.]

Ung iour alla le roy chasser au boys bien matin | et mena auec luy
messire gauuain, keu le seneschal, et ceulx qui lui pleust. Si
laisse icy le compte a parler de luy, et retourne a p{ar}ler du
cheualier dont messire Gauuain aporta le nom en court.

[Sidenote: Lancelot on his wanderings.]

++QVant[A29] le cheuallier qui lasse{m}blee auoyt vaincu se partast
de la ou il se combatist a son hoste, il erra toute io{u}r sa{n}s
autre aduanture trouuer. Il se logea la nuyt chiez une veufue dame a
lyssue dune forest a cinq lieues angleches pres de kamelot.

[Sidenote: He meets an esquire, and asks him, “what news?”]

Le cheualier se leua matin, et erra, luy et ses escuyers et sa
damoyselle, tant q{u}il encontra vng escuyer. “Varlet,” fait il,
“scez tu nulles nouuelles?”

[Sidenote: “The queen,” he says, “is at Camelot.”]

“Ouy,” fait il, “ma dame la royne est icy pres a kamalot.” “quelle
royne” fait il “Le fe{m}me au roy artus,” fait lescuyer.

[Sidenote: Lancelot goes on till he sees a large house, a lady, and her damsel.]

Le cheuallier sen part, et cheuauche tant quil treuue vne maison
forte, et voit vne dame en son surcot, qui regardoit les prez et la
forest | & auoit auec elle vne damoiselle.

[Sidenote: He regards her fixedly.]

Le cheuallier se arreste, et regarde la dame moult longuement tant
quil oublie tout autre chose. Et maintenant passa vng cheuallier
arme de toutes armes, qui luy dist.

[Sidenote: An armed knight, passing, asks him what he is regarding so closely.]

“Sire cheualier, que attendez vous?” et celluy ne respo{n}d mot |
car il ne la pas ouy. Et le cheualier le boutte, et luy demande quil
regarde.

[Sidenote: He replies, that he looks at what pleases him.]

“Je regarde,” fait il, “ce q{ue} me plaist: Et vous nestes mie
courtois, qui de mo{n} penser me auez iecte.”

[Sidenote: The knight asks if he knows who the lady is, and he replies that he knows it is the queen.]

“Par la foy que vous deuez o dieu,” fait le cheuallier estrange,
“scauez vous bien qui la dame est que vous regardez?” “Je le cuyde
bien scauoir,” fait le bon cheualier. “Et q{u}i este elle,” fait
lautre. “Cest ma dame la royne.” “Si maist dieu, estrangement la
congnoissez, deables vous font bien regarder dames.” “Pourquoy,”
faict il. “Pource que vous ne me oseriez suyuir par deuant la Royne
la ou ie yroye.” “Certes,” faict le bon cheuallier, “se vous osiez
aller la ou ie vous oseray suyuir, vous aurez passez de couraige
tous les plus gra{n}s oseurs qui oncques furent.” A tant sen part le
cheualier. Et le bon cheualier va apres.

[Sidenote: The stranger takes Lancelot home to lodge with him, and he is well entertained.]

Et quant ilz ont vne piece alle, lautre luy dist, “vous
he[r]bergerez ennuyt auec moy, et le matin ie vous meneray la ou ie
vous diz;” et le bon cheuallier luy demande sil conuient ainsi
faire. “Oy” | fait il. Et il dist que donc lottroyera il.
Il geut la nuyt chez le cheualier sur la riuiere de kamalot, et fut
moult bien herberge, et sa pucelle | et ses escuyers.

[Footnote A29: There is no trace of the rest of this chapter in
the Scottish poem.]

III. Our last extract will shew exactly where the Scottish poem
suddenly ceases, and how the story was probably continued. For the
latter purpose, four chapters of the French Romance are added beyond
the point where the Scotch ends; and it is possible (judging from
lines 306-312 of the Prologue) that the author did not intend to go
very much further. The passage begins, in the French copy, at Fol.
lxxvii. _b_, col. 1; and, in the Scotch poem, at l. 3427.

Lors descent de son cheual, et la baille au cheualier.

[Sidenote: Galiot gives Lancelot his own horse, and gives orders to his own men.]

Et celluy si y monte sans arrest. Et gallehault monta sur vng autre,
et vient a son conroy | Si prent auec soy les dix mille, et dit
quilz voisent assembler deuant; “et vous,” fait il au roy vend,
“viendres apres, si ne assemblerez mie si tost comme ceulx cy seront
assemblez | mais quant les derrains de ceulx de dela seront venus,
vous assemblerez, & moy mesmes vous iray querir.”

[Sidenote: He commands the trumpets to be sounded.]

A tant amaine les dix mille pour assembler,[A30] Et qua{n}t il fut
entre en la bataille il fist sonner ses busines tant q{ue} tout en
retentissoit.[A31] Quant le noir cheuallier les ouyt venir, si luy
sembla que gra{n}t effort de gens eut la, si se retrait vng pou vers
les siens, et les appella entour luy, & leur dist.

[Sidenote: Lancelot harangues his men.]

“Seigne{u}rs, vous estes tous amys du roy. Or y perra co{m}me{n}t
vo{us} le ferez.”[A32]

[Sidenote: Sir Yvain comforts Arthur’s soldiers.]

Et messire yuain, qui les vit venir, dist a ses gens, “Or soyes tous
asseurs q{ue} no{us} ne perdro{n}s au iourdhuy p{ar} force de
gens.”[A33] Et ce disoit il pource quil cuidoit q{ue} les gens
gallehault fussent tous venus.[A34]

[Footnote A30: Line 3432.]
[Footnote A31: Lines 3435-3440.]
[Footnote A32: Lines 3441-3476.]
[Footnote A33: Lines 3477-3480.]
[Footnote A34: Lines 3481-3484.]

++QVant les .x.m. de gallehault sassemblerent, si fut gra{n}de la
noise, et moult en abbatent a le{u}r venir | mais qua{n}t messire
yuain vint, si reco{n}forta mo{u}lt les gens du roy artus | et
to{us} les fuyans retourne{n}t auec luy.

[Sidenote: Galiot orders charge.]

Et gallehault sen va arriere a son conroy, et commande q{ui}lz
cheuauchent fermement | et quilz se frappent es gens du roy
artus[A35] de telle maniere[A36] que nul dentreulz ne demeure a
cheual “Vous estes to{us} frays. Or y perra comment vous le ferez.”
A tant cheuauchent les conroys deuers le{u}rs ge{n}s, Car ilz
auoyent ia du pire.

[Sidenote: Galiot’s reserve arriving, his men awhile prevail.]

Et quant le conroy de Gallehault fut venu, si changa moult laffaire
| Car moult y auoyt grant effort de gens. Et fut a le{ur} venue le
cheualier noir mis a terre.[A37] Et aussi les six compaigno{n}s qui
toute iour auoyent este pres de luy.[A38]

[Sidenote: Galiot again remounts Lancelot.]

Lors vint gallehault, qui le remonta sur le cheual mesmes ou so{n}
corps seoit.[A39] Et si tost comme il fut mo{n}te, il sen reuint a
la meslee aussi frays comme il auoit le io{u}r este. Et qua{n}t il
vint aux coups donner, tous ceulx qui le veoyent sen
esmerueilloyent, Ainsi dura la bataille iusques a la nuyt.

[Sidenote: Night arriving, the hosts retreat.]

Et quant il vint au soir ilz se departirent | et toutesfoys les gens
du roy Artus en eurent du meilleur.

[Sidenote: Lancelot tries to depart unobserved, but is followed by Galiot, who prays him to lodge with him for that night.]

Le bon cheualier se departit de lost le plus coyement quil
peut,[A40] et sen alla par vng chemin entre les prestz et vng
tertre, et cuyda que nul ne le veist | mais Gallehault sen print
tres bien garde, et picqua tant son cheual qui luy fut au deuant par
vne adresse, et le vint rencontrer au pied du tertre. Si le salue,
et dit ‘que dieu le co{n}duit.’ Et celuy le regarde en trauers, et
luy a a moult grant peine re{n}du son salut. “Bel amy,” fait
galehault, “qui estes vous?” “Sire,” fait il, “ie suis vng
cheualier, ce pouez vo{us} veoir.” “Certes,” fait galehault,
“cheualier estes vous meilleur qui soit | & vous estes lhomme du
monde que plus ie vouldroye honnourer,[A41] et si vous suis venu
prier que vous herbergez ceste nuyt auec moy.” Et il luy dist ainsi
co{m}me sil ne lauoit huy veu, “Qui estes vous, sire, q{u}i me auez
prie de me he[r]berger?” “Je suis gallehault, le sire de ces gens
icy, vers qui vous auez au iourdhuy gara{n}ty le royaulme de logres,
leq{ue}l ie eusse ia conquis se ne fust vostre corps.” “Comme{n}t”
(fait il) “vous estes ennemy de monseigneur le roy artus, et me
priez de herberger? |

[Sidenote: Lancelot at first refuses, till Galiot agrees to do whatever Lancelot may require of him, and promises to entertain him sumptuously;]

Auec vo{us} ne herbergeray ie mie en ce point.” “Haa sire,” faict
gallehault, “plus feray ie pour vous, et si nay mye a commencer. Et
ie vous prie que vous y herbergiez par tel conuena{n}t que ie feray
tout ce que me scaurez requerre.” A tant se arresta le cheuallier,
et dist a gallehault; “Sire, vo{us} promettez assez | mais ie ne
scay co{m}ment il est du re{n}dre” | et gallehault luy dist.
“Sire, se vous he[r]bergez ennuyt auec moy, ie vous donneray tout ce
que vous oserez diuiser de bouche, et bien vo{us} en feray seur,”

[Sidenote: whereupon they return together to Galiot’s camp.]

Et lors luy fiance, & apres luy promet bailler bons plaiges; Ado{n}c
sen vo{n}t tous deux en lost.

[Footnote A35: Lines 3485, 6.]
[Footnote A36: Line 3487 _and last_.]
[Footnote A37: Compare lines 3365-3368.]
[Footnote A38: Lines 3369, 70.]
[Footnote A39: Compare lines 3391-3426.]
[Footnote A40: Compare line 1140.]
[Footnote A41: Compare lines 2845-8.]

¶ Comment gallehault suyuit le cheuallier aux noires armes,
et fist tant par belles parolles q{u}il le{m}mena en son ost, do{n}c
le roy artus & tous ses gens en furent moult troublez.

[Sidenote: Gawain, seeing Lancelot with Galiot, tells the Queen that now they are all lost;]

++MEssire gauuain auoyt veu aller le cheuallier au noir escu, & le
eust voulentiers suiuy sil eust peu mo{n}ter a cheual. Lors regarde
contre val la riuiere, et voit gallehault et le cheuallier noir qui
retournoyent pour venir a lost, et dist a la royne, “Haa dame, or
pouons nous bien dire que nous sommes gens perdus | regardez que
gallehault a conquis par scauoir,” Et elle regarde, & voyt q{ue}
cest le cheuallier noir q{ue} gallehault emmaine; si en est tant
iree quelle ne peut dire mot.

[Sidenote: and swoons away more than three times.]

Et messire gauuai{n} se pasme en pou dheure pl{us} de trois fois. Le
roi artus vint leans | et ouyt le cry q{ue} chascun disoit, “il est
mort, il est mort.” Si vint a luy, et lembrassa, et commenca a
plorer mo{u}lt tendrement. Et reuient monseigneur Gauuain de
pasmoison;

[Sidenote: He tells Arthur that his time of misfortune is come;]

Et quant il veit le roy artus, il commence a le blasmer, et dit.
“Ores est venu le terme que les clercz vous disrent.

[Sidenote: for their protector is lost.]

Regardez le tresor que vous auez huy perdu. celluy vous toldra terre
qui toute iour la vous a garantie par son corps, et se vo{us}
fussiez preudhomme vous leussiez retenu, ainsi comme a fait le plus
preudhomme qui viue, qui par cy deuant lemmaine.”

[Sidenote: Arthur also sees Galiot, and is deeply grieved, but tries to comfort his nephew.]

Lors voit le roy gallehault, qui emmenoit le cheuallier, dont il a
tel dueil que a pou quil ne est cheut | mais de plorer ne se peut
tenir, et toutesfois faict il la plus belle chere q{u}il peut pour
son nepueu reconforter. Et si tost q{ue} il vit en la salle, il fist
gra{n}t dueil | aussi fist chascun preudhomme.

[Sidenote: Galiot and Lancelot arrive at Galiot’s camp, and Lancelot asks to speak with the two men whom Galiot most trusts.]

++TAnt sont allez gallehault et le cheualier quilz sont venus empres
lost, Adonc luy dist le cheualier, “Sire, ains que ie entre dedans
vostre ost, faictes moi p{ar}ler aux deux pl{us} preudhommes que
vous ayez et esquelz vous fiez le plus.” Et gallehault lottroye.
Lors sen va en son tref, et prent deux des hommes du mo{n}de ou plus
il se fie, et leur dist, “Venez auec moy et vous verrez le plus
riche homme du monde.” “Comme{n}t,” font ilz, “nestes vous mie le
plus riche qui soit au monde?”

[Sidenote: Galiot takes him to the “first-conquest” king and the king of a hundred knights, and Lancelot repeats to them his compact with Galiot, and takes their pledge that they will forsake Galiot if he breaks his agreement, and will go with himself (Lancelot).]

“Nenny,” dist il | “mais ie le seray ains que ie dorme.” Ces deux
estoyent le roy premier conquis | et le roi des cent cheualliers.
Qua{n}t ilz virent le cheuallier, si lui firent moult grant ioye |
Car ilz le congneurent bien par ses armes. Et le cheuallier leur
demanda qui ilz estoient | et ilz se nommerent sicomme vous auez ouy
| et il leur dist. “Seigneurs, vostre sire vous faict moult grant
honneur | Car il dit que vous estes les deux hommes du monde que
plus il ayme, et entre luy et moy a vne conuenance que ie vueil que
vous oyez | Car il ma fiance que pour en nuyt herberger auec luy me
donnera ce que ie luy vouldray demander.” Et gallehault dist | “vous
dictes verite.” “Sire,” faict le cheuallier, “ie vueil encores auoir
la seurte de ses hommes.” Et gallehault dist, “Dictes moy
co{m}me{n}t.” “Ilz me fianceront,” fait le cheuallier, “q{ue} se
vous me faillez de co{n}uenant, ilz vous guerpiront et sen viendront
auec moy la ou ie diray,” Et gallehault dit que ainsi le veult | et
il le fait fia{n}cer. Lors appella gallehault le roy premier
co{n}quis a vne part, et luy dist. “Allez auant & dictes a mes
barons quilz assemblent maintenant a monstre si honnorablement comme
ilz pourront, et gardez que en mon tref soient to{us} les deduys que
le{n} pourra trouuer en tout lost.”

[Sidenote: Galiot orders all kinds of entertainments to be brought to his tent.]

Lors sen va celluy au ferir des esperons, & fist le commandement de
son seigneur. Et gallehault tient le cheualier aux parolles, luy &
son seneschal, tant que le commandeme{n}t fust fait.

[Sidenote: Twenty-eight kings, beside dukes and counts, come to the feast, and honour Lancelot as the flower of the knighthood of the world.]

Si ne demoura gueres que encontre eulx vindrent deux cens barons qui
tous estoient ho{m}mes de gallehault, .xxviii. roys, et les autres
estoient ducz et contes; la fut le cheuallier telleme{n}t honnoure
que oncques si grant feste ne fut pour vng homme mescongneu comme
le{n} fit pour luy a celle fois | et disoie{n}t grans & petis, “Bien
viengnez, la fleur de la cheualerie du monde” | et il en auoit grant
honte. Ainsi vindrent iusques au tref de gallehault, si ne
po{u}rroient estre comtez les deduys et les instrumens qui leans
estoient.

[Sidenote: Lancelot is richly attired, and nobly served.]

A telle ioye fut receu, et qua{n}t il fut desarme, gallehault luy
fit apporter vne robe mo{u}lt riche, et il la vestit. quant le
ma{n}ger fut prest, ilz se assirent a table, et furent noblement
seruis, et le cheualier fut mo{u}lt honnoure.

[Sidenote: After supper four beds are prepared, one larger than the rest, for Lancelot.]

++APres manger co{m}manda gallehault a faire quatre litz desquelz
lung estoit plus grant que les aultres. Quant les litz furent si
richeme{n}t atournez, gallehault maine le cheuallier coucher. Et
dist. “Sire, vous gerrez icy;” “Et qui gerra de la?” fait le
cheualier. “Quattre sergens,” faict gallehault, “qui vous seruiront
| Et ie iray en vne chambre par dela, affin que vous soyez icy plus
en paix.” “Haa, Sire, pour dieu,” faict il, “ne me faictes gesir
plus ayse que ces aultres cheualiers | car tant ne me deuez a
vilennir.” “Nayez garde,” faict galehault, “Car ia pour chose que
vous faciez pour moi vo{us} ne serez tenu a villain.”

[Sidenote: Galiot awhile departs, and Lancelot falls asleep.]

A ta{n}t sen part gallehault. Et le cheuallier commence a penser au
grant honneur que gallehault luy faisoit. Si lenprise moult | puis
se coucha, et tantost il sendormit | car moult estoit las;

[Sidenote: Galiot then returns, and lies near Lancelot, and hears how his guest murmurs in his sleep.]

Et qua{n}t gallehault sceut quil fut endormy, le plus coyement quil
peut se coucha en vng autre lit empres luy | et es deux aultres litz
se coucherent deux cheualiers, et nestoyent en la chambre que eulx
quatre, sans plus. La nuyt se plaint moult le cheualier en son
dormant, et gallehault loit bien, car il ne dormoit gueres. Ains
pensa toute la nuyt a le retenir.

[Sidenote: Next day they go to hear mass, and Lancelot then demands his arms, wishing to depart.]

Lendemain le cheualier se leua et alla ouyr messe; et ia estoit
gallehault leue | car il ne voulut mie que le cheualier laperceust.
Quant ilz vindrent du monstier, le cheualier demanda ses armes, &
gallehault dema{n}de pourquoy. Et il dist quil sen vouloit aller. Et
gallehault luy dist. “Beau doulx amy, demourez | et ne cuydez mye
que ie vous vueille deceuoir. Car vous noserez ia riens dema{n}der
que vous nayez. Et sachez q{ue} vous pourriez bien auoir compagnie
de plus riche homme que ie suis | mais vous ne laurez iamais a homme
qui plus vous ayme.” “Sire,” faict le cheuallier, “ie demoureray
donc puis quil vous plaist.

[Sidenote: Galiot induces him to stay, but again promises to do for him whatever he asks.]

Car meilleure compaignie que la vostre ne pourroye ie mye auoir |
Mais ie vous diray presenteme{n}t le don pourquoy ie demoureray auec
vous | et se ie ne lay, ie ny demoureray ia.” “Sire,” fait
gallehault, “dictes seurement et vous laurez, se cest chose que ie
puisse acomplir;”

[Sidenote: Lancelot then demands that Galiot shall submit himself to Arthur.]

Et le cheuallier appella ses deux plaiges et dist deuant eulx, “Je
vous demande,” fait il, “q{ue} si tost que vous serez au dessus du
roy artus, que vous luy alliez crier mercy si tost comme ie vous en
semondray.” Quant gallehault lentent, si en est tout esbahy, et
co{m}mence a penser. Et les deux roys luy dirent. “A quoy pensez
vous icy endroit, de penser nauez mestier | car vous auez tant couru
que vous ne pouez retourner.”

[Sidenote: Galiot is confounded, and ponders, but then grants Lancelot’s request.]

“Comment,” faict Gallehault, “cuydez vous que ie me vueille repentir
| se tout le mo{n}de estoit mien si luy oseroye ie bien do{n}ner.
mais ie pensoye a vng seul mot quil a dit | mais ia dieu ne maist,”
dist il, “se vous nauez le don | car ie ne pourroye riens faire
po{u}r vous ou ie peusse auoir honte. Mais ie vous prye que ne me
tollez vostre compagnie pour la donner a aultruy;” et le cheualier
luy creanca. Ainsi demoura | et ilz se asseirent au manger qui
estoit appreste. Si font moult grant ioye par tout lost du cheualier
qui est demoure.

[Sidenote: Lancelot remains with him another night.]

Ainsi passerent celle nuyt. Lendemain gallehault et son compaignon
allerent ouyr messe, et gallehault luy deist | “Sire, il est huy
iour dassembler; voullez vous armes porter?” “Ouy,” dist il. “donc
porterez vous les miennes,” fait gallehault, “pour le commencement.”
Et il dist quil les porteroit voulentiers | “mais vous ne porterez
armes,” feist il a gallehault, “si non comme mon sergent?” “Non,”
dist il. Lors firent apporter les armes, & armerent le cheuallier du
fort haulbert, & des chausses qui trop estoyent longues & lees;

[Sidenote: Next day, the hosts are again armed for battle.]

Lors se armerent les gens de gallehault. et pareillement les gens du
roy Artus, & passerent les lices de telz y eut. Touteffoys le roy
auoyt deffendu que nul ne les passast. Si y eut de bonnes ioustes en
pou dheure | si se assemblerent tous les ostz deuant la lice, &
commencerent a faire armes. Le roy artus estoit a son estandart, et
auoit commande que ilz menassent la royne a sauluete se la
descomfiture tournoit sur eulx | quant tous les ostz furent
assemblez et le bon cheualier fust arme, si cuida chascu{n} que ce
fust gallehault, & disoyent tous.

[Sidenote: Lancelot is at first mistaken for Galiot; but is recognized by Gawain.]

“Voicy gallehault, voicy gallehault” | messire gauuain le
co{n}gneust bien & dist. “Ce nest mye gallehault | ains est le
cheualier aux armes noires, le meilleur cheualier du mo{n}de” |

[Sidenote: Arthur’s men cannot stand against Lancelot.]

& si tost comme ilz furent assemblez, oncques ne se tint le roy
Artus ne ses ge{n}s depuis que le cheualier y fut arriue | et trop
se desco{n}fortoyent du bon cheualier q{u}i contre eulx estoit, si
fure{n}t menez iusques a la lice. car trop estoient grans gens auec
gallehault. au partir des lices ce tindrent vne piece et souffrirent
lo{n}gueme{n}t | mais le souffrit ny peut riens valoir. Grant fut le
meschief des gens au roy artus. et dit le compte q{ue} le cheualier
neust mie moins de peine de tenir les gens de gallehault que ilz ne
passassent oultre la lice quil auoit de chasser les gens au roy
Artus. Et nompourtant moult les auoit supportez | & il les eut mis
oultre a force sil eust voulu | mais il demoura emmy le pas pour les
aultres detenir.

[Sidenote: Lancelot calls upon Galiot to keep his compact.]

Lors regarda tout entour de luy, et commenca a hucher | “gallehault,
gallehault.” et gallehault vient gra{n}t alleure, et dist. “bel amy,
que voulez vous?” “quoy,” faict il, “ie vueil que mon conuenant me
tenez;” “Par ma foy,” fait gallehault, “ie suis tout prest de
lacomplir puis quil vous plaist.”

[Sidenote: Galiot rides forward, and finds Arthur ready to kill himself for grief, the Queen being escorted away by a guard of forty knights, and Gawain wishing to die.]

Lors picque le cheual des esperons & vient iusques a lestandart ou
le roy artus estoit, q{u}i faisoit si tresgrant dueil que a peu quil
ne se occioit pource quil estoit desconfit. Si estoit ia la royne
mo{n}tee, et lemmenoyent quarante cheualliers. Et monseigneur
gauuain, que on vouloit emporter en lictiere | mais il dit q{u}il
aymeroit mieulx mourir en ce point que veoir toute cheualerie morte
et honnye: si se pasma tellement que len cuydoit bien que il mourust
incontinent.

[Sidenote: How Lancelot makes Galiot cry mercy to Arthur.]

¶ Comment lancelot par la prouesse conquis tout, et fist
tant que galehault cria mercy au roy artus.

++QVant le cheualier veit gallehault prest dacomplir son
co{n}uenant, il iura bien que oncques si loyal compaignon ne fut
trouue. Il en a telle pytie quil en souspire moult fort, & dit entre
ses dens.

[Sidenote: Galiot demands to see King Arthur, and, at sight of him, dismounts, kneels to him, and submits himself to him humbly.]

“Haa dieu, q{u}i pourra ce desseruir?” & gallehault cheuauche
iusq{ue}s a lestandart et demande le roy artus. Il vient auant
mo{u}lt dolent & esmaye comme celluy q{u}i tout honneur et toute
ioye terrienne cuyde auoir perdue; Et quant gallehault le voit, si
luy dit. “sire, roy artus, venez auant, & nayez paour | car ie vueil
a vous parler.” et qua{n}t le roy louyt, il sesmerueille moult que
ce peult estre; Et de si loing comme galehault le voit venir, il
descend de son cheual et se agenouille, et dit. “Sire, ie vous viens
faire droit de ce que ie vous ay meffait; si men repens, et me metz
en vostre mercy.”

[Sidenote: Arthur, overjoyed, praises God.]

++QVant le roy lentend, il a merueilleusement gra{n}t ioye, et lieue
les mains vers le ciel, louant Dieu de ceste aduanture | et se le
roy fait bonne chere, encores la faict meilleure Gallehault. et il
se lieue de genoulx, & sentrebaisent, en font moult grande chere
lung a lautre. lors dist Gallehault | “sire, faictes vostre plaisir
de moy | car ie metz en vostre saisine mon corps pour en faire ce
que il vous plaira.

[Sidenote: Galiot, first asking Arthur’s leave, dismisses his troops to their tents.]

Et sil vo{us} plaist, ie yray retraire mes gens arriere, & puis
reuiendray a vous incontinent.” “Allez doncq{ue}s,” fait le roy |
“car ie vueil parler a vous.” A tant sen part gallehault & reuient a
ses gens | & les en faict aller. Et le roy enuoya apres la royne,
qui sen alloit faisant grand dueil. et les messages cheuauchent tant
que ilz lattaingnent | et sont venus a elle, & luy comptent la ioye
que aduenue leur est. Et elle ne le peult croire tant q{ue}lle voy
les enseignes que le roy luy enuoye. ta{n}t coururent les nouuelles
que monseign{eu}r gauuain le sceut, lequel en eut grant ioye sur
tous les aultres, et dist au roy.

[Sidenote: The Queen and Sir Gawain rejoice greatly.]

“Sire, comment a ce este?” “Certes, ie ne scay,” fait il: “mais ie
croy que telle a este le plaisir de nostre seigneur.” moult est
grande la ioye, & moult se esmerueille chascun co{m}ment ce peult
estre aduenu. Gallehault dist a son compaignon. “que voulez vous que
ie face? iay fait vostre commandement; & le roy ma dit que ie
retourne | mais ie vous conuoyeray aua{n}t iusques a voz tentes.”
“Haa sire,” fait le cheualier, “aincoys vous irez au roy & luy
porterez le plus grant honneur que vous pourrez.

[Sidenote: Lancelot prays Galiot not to reveal where he is, and they return to their tents.]

Et tant auez fait pour moy que ie ne le pourroye desseruir | mais
tant vous prye, pour dieu | et pour lamour que vous auez a moy, que
nul ne sache ou ie suis” | ainsi sen vont parlant iusq{ue}s a leurs
tentes. chascun scait que la paix est faicte | mais plusie{ur}s en
sont dolens | car mieulx aymassent la guerre que la paix. lors sont
descenduz les deux compaignons, et si tost quilz furent desarmez,
Gallehault print vne de ses meilleures robbes pour aller a la court.
et feist cryer par tout son ost q{ue} chascun sen allast, fors tant
seullement ceulx de son hostel.

[Sidenote: Galiot commits his guest to the care of the two kings, and departs to speak with Arthur.]

Apres appella les deux roys, et leur baille son compaignon, & leur
commande quilz facent autant de luy comme de son corps mesmes.
A tant monte Gallehault, et sen va a la court du roy artus. Et le
roy luy vint alencontre, et la royne qui ia estoit retournee, & la
dame de malehault auec plusieurs dames & damoyselles.

[Sidenote: Arthur and Galiot go together to the tower where Gawain lies ill.]

A tant vont en la bretesche ou monseigneur gauuain gisoit malade. et
quant il sceut que gallehault venoit, il sefforce de belle chere
faire, comme celluy qui oncques mes ne lauoit veu de si pres.

[Sidenote: Gawain welcomes Galiot.]

lors luy dist | “bien soyez vous venu comme de celluy dont ie
desiroye moult lacointance | car vous estes lhomme du monde qui plus
doibt estre prise & ayme a droit de toutes gens. Et ie cuyde que nul
ne scait si bien congnoistre preudho{m}me co{m}me vous & bien y a
paru.” Ainsi parle messire gauuain a gallehault, & il luy demande
comment il luy est | et Gauuain dist. “Jay este pres de mort. mais
la grant amour qui est entre vous & le roy ma guery.”

[Sidenote: The Queen, the King, and Gawain rejoice at Galiot’s coming, but he, soon after, departs to see Lancelot for a short time, promising to return.]

Moult font grant ioye le roy artus & la royne & monseigneur gauuain
de la venue de gallehault | et tout le iour ont parle de amour et
daccointance. Mais du noir cheualier ne tiennent ilz nulles parolles
| ains passent le iour a resiouyr lung lautre ta{n}t quil vint au
vespre. Lors demande gallehault congie de ses gens aller veoir.
Et le roy le luy do{n}ne | “mais vous reuiendrez,” fait il,
“inco{n}tinent;” et gallehault le luy octroye | si senreuient a son
compaignon & luy demande comment il a depuis fait | et il luy
respondit que bien; “Sire,” fait gallehault, “comment feray ie |: le
roy ma moult prie que ie retourne a luy, & il me feroit mal de vous
laisser en ce point.”

[Sidenote: Lancelot tells Galiot to do whatever Arthur wishes.]

“Haa, sire cheualier, po{u}r dieu mercy, vous ferez ce q{ue}
monseigneur le roy vouldra. car iamais a plus preudhomme que il est
ne eustes accointance. Mais ie vueil que vous me donnez vng don.” Et
gallehault luy dist.

[Sidenote: He charges Galiot again not to ask his name, but to tell him about Arthur.]

“Demandez ce quil vous plaira | car ie ne vous escondiroye iamais;”
“Sire,” fait il, “ie vous remercye. Vous me auez donne que vous ne
me demanderez mon nom deuant q{ue} ie le vous diray.” “Et ie men
tiendray a tant puis q{ue} vous le voulez,” dit gallehault. “Et ne
doubtez pas que ce eust este la premiere chose que ie vous eusse
demande, si men tairay a tant.” Lors luy demanda de laccointance du
roy artus | mais il ne no{m}me mie la royne | et gallehault dit que
“le roy est moult preudhomme, & moult me poyse que ie ne lay congneu
pieca | Car moult en feusse amende |

[Sidenote: Galiot praises the Queen, and Lancelot sheds tears.]

mais ma dame la royne est sy vaillante que oncques plus honneste
dame ne vey.” et quant le cheualier ouyt parler de la royne, si se
embronche et commence a souspirer durement. et gallehault le regarde
et se esmerueille moult pource q{ue} les larmes luy cheoyent des
yeulx, si commence a parler daultre chose.

[Sidenote: Lancelot asks Galiot to return to Arthur, and to report to him all the conversation.]

++QVant ilz ont longuement parle ense{m}ble, le cheualier noir luy
dist. “Allez, si ferez a monseigneur le roy compaignie, et si
escoutez sy vouz orrez de moy nulles parolles, & vous me compterez
demain ce que vous aurez ouy.” “Voulentiers, sire,” faict gallehault
| lors le accolle, et dit aux roys. “Je vous baille en garde cest
homme comme le cueur de mon ventre.” Ainsi sen va gallehault & le
cheuallier demeure en la garde de deux preu[d]hommes du pays de
Gallehault | mais il ne fault mye demander sil fust honnore | car
len faisoit assez plus pour luy quil neust voulu.

[Sidenote: Lancelot sleeps with the two kings in Galiot’s tent;]

celle nuyt geurent les deux roys au tref gallehault pour lamour du
cheualier & luy firent entenda{n}t quilz ny coucheroye{n}t mye | &
ilz le firent coucher ainsi que Gallehault auoit fait lautre nuyt.

[Sidenote: but awakes at midnight, and makes a great moaning.]

Au commencement dormit le cheualier mo{u}lt fort, et qua{n}t vint a
mynuit si comme{n}ca a soy tourner, et commenca a faire vng dueil si
gra{n}t que tous ceulz qui entour luy estoyent sen esueillerent. Et
en son refrain disoit souuent. “Haa chetif, que pourray ie faire?”
Et toute nuyt demena tel deuil. Au matin se leuerent les deux roys
le plus coyement quilz peurent | & moult se merueillent quil pouoit
auoir.

[Sidenote: Galiot comes to see after Lancelot, finds him with his eyes red and swoln, and conjures him to tell him what the matter is.]

daultre part fut gallehault leue, & vint a son tref veoir son
compaignon. Il demande aux deux roys que son compaignon fait. Et ilz
luy dient quil auoit toute nuyt mene grant dueil. Lors entre en la
chambre ou il estoit, et si tost comme il le ouyt venir il essuye
ses yeulx; Ado{n}c gallehault, cuidant que il dormist, saillist
dehors de la cha{m}bre incontinent; apres le cheualier se leua.
Et gallehault vit que il auoit les yeulx rouges et enflez. Adonc le
prent par la main, et le tyre a part, et luy dist. “Beau doulx
compaignon, po{ur}quoy vous occiez vous ainsi? dont vous vient ce
dueil que vous auez toute nuyt demene, & le desplaisir que vous
auez? Je vous prye pour dieu que vous me diez la cause, et ie vous
ayderay se nul homme mortel y peult co{n}seil mettre;”

[Sidenote: Lancelot cries bitterly, and says that it is his heart, which has all the dread that it is possible for mortal heart to have.]

& commence a plourer si durement comme sil veist mort la chose du
mo{n}de que mieulx aymast. Lors est gallehault moult a malayse et
luy dit, “Beau doulx compaignon, dictes moy vostre mescheance | car
il nest nul homme au monde, sil vous auoit riens forfait, que ie nen
pourchassasse vostre droit.” Et il dist que nul ne luy a riens
meffait. “beau doulx amy, pourquoy menez vous doncq{ue}s si gra{n}t
dueil? Vous poise il que ie vous ay fait mon maistre & mo{n}
compaignon?” “Haa,” fait il, “vous auez assez plus fait pour moy que
ie ne pourroye desseruir, ne riens du mo{n}de ne me met a malaise
que mon cueur, qui a toute paour que cueur mortel po{u}rrait auoir.
Si doubte moult que vostre grant debonnairete ne me occie.” De ceste
chose est gallehault moult a malayse, si reconforte son compaignon.

[Sidenote: They go to Mass, and Lancelot declares his belief that the Bread is the Body of Christ.]

Apres allerent ouyr masse. Quant vint q{ue} le prestre eut fait
trois parties du corps de nostre seigneur, gallehault se trait
auant, et tient son compaignon par la main, & luy monstre le corps
de nostre seigneur que le prestre tenoit entre ses mains; Puis luy
dist. “doncques ne croyez vous pas bien que cest le corps de nostre
saulueur?” “Voirement le croy ie bien,” fait le cheualier. Et
gallehault luy dist. “beau doulx amy, or ne me mescreez mye que ces
trois parties de chair que ie vois en semblance de pain, ia ne feray
en ma vie chose q{ue} ie cuyde q{u}i vous ennuye: mais toutes les
choses que ie scauray qui vous plairont, pourchasseray a mon
pouoir.” “sire,” fait il, “grant mercys.”

[Sidenote: After Mass, Lancelot bids Galiot go again to Arthur.]

A tant se taisent iusques apres la messe | et lors demanda
gallehault a son compaignon quil fera; “Sire,” fait il, “vous ne
laisserez mie le roy en ce poi{n}t | ains yrez luy faire
compaignie.” “Sire,” faict il, “grant mercys;” A tant sen part de
luy, si le rebaille aux preudhommes de la court du roy artus. si
fo{n}t de luy grant signeurie sicomme ilz peuent.

[Sidenote: After dinner the King and Queen visit Gawain, and he asks Galiot who made peace between him and Arthur.]

++ET quant vint apres disner, sy furent le roy & la royne &
gallehault appuyez au lict de messire gauuain, tant q{ue} messire
gauuain dist a gallehault. “Sire, or ne vous poise dune chose que ie
vous dema{n}deray.” “Certes,” fait galehault, “non fera il.” “sire,
celle paix qui fut entre vous & mon oncle, par qui fut elle, par la
chose au monde q{u}i plus vous aymez?”

[Sidenote: “A knight,” says Galiot. “But what knight?” asks Gawain.]

“Sire,” fait il, “vous me auez tant coniure que ie le vous diray.
Vng cheualier la fist.” “Et qui est le cheualier?” fait messire
gauuain. “Si maist dieu,” fait gallehault, “ie ne scay.” “Qui fut
celluy aux noires armes?” deist messire gauuain. “Ce fut,” fait il,
“vng cheualier;” “Tant,” fait il, “en pouez vo{us} bien dire | mais
acquitter vous conuient.” “Je me suis acquite de ce que me
coniurastes. Ne plus ne vous en diray ores | ne rien ne vous en
eusse ores dit, se vous ne me eussiez coniure.”

[Sidenote: “The Black Knight,” answers the Queen; “show him to us.”]

“Par dieu,” faict la royne, “ce fut le cheuallier noir | mais
faictes le nous monstrer.” “Qui | moy, dame?” faict gallehault, “ie
le vous puys bien monstrer sicomme celluy qui rie{n}s nen scait!”
“Taisez vous,” fait la royne, “il est demoure auec vo{us}, & hier
porta voz armes.”

[Sidenote: “I cannot,” says Galiot; “he is not from my country;”]

“Dame,” fait il | “il est vray | mais ie ne le vys oncques puis que
ie party du roy a la premiere fois.” “comment,” fait le roy, “ne le
cognoissiez vous mye | ie cuydoye que il fust de vostre terre.” “Si
maist dieu, non est,” fait gallehault. “certes,” fait le roy, “ne de
la myenne non est il mye.” |

[Sidenote: and Galiot will not disclose the knight’s name, but asks Arthur if he ever saw a better knight, and what he would give to know him henceforth.]

Moult tindrent longuement gallehault a parolle le roy et la royne
pour auoir le nom du cheualier | mais plus nen peurent traire. et
messire gauuain craint quil ne ennuye a gallehault, si dist au roy.
“Or en laissez a tant le parler. certes le cheualier est preudhomme,
& pleust a dieu que ie luy ressemblasse.” Moult loe messire gauuain
le cheualier. Si en ont la parolle laissee | et gallehault la
recommence et dit. “Sire, veistes vous oncques meilleur cheuallier
que celluy au noir escu?” “certes,” fait le roy, “ie ne vy oncques
cheualier de qui ie aymasse mieulx laccointance po{u}r cheualerie;”
“Non,” | fait gallehault. “Or me dictes,” faict gallehault, “par la
foy que vous deuez a ma dame q{u}i cy est, combien vous vouldriez
auoir donne pour auoir son accointance a tousioursmais?”

[Sidenote: “Half of all I have, except my wife,” Says Arthur.]

“Si maist dieu,” faict il, “ie luy partiroye la moytie de tout ce
que ie po{u}rroye auoir, fors seullement de ceste dame.” “Certes,”
fait gallehault, “assez y mettriez.

[Sidenote: “And what would you give, Gawain?”]

Et vous, messire gauuain, se dieu vous doint sante que tant desirez,
quel meschief en feriez vous pour auoir compaignie a si preudhomme?”
Et qua{n}t messire gauuain lot, si pense vng petit comme celluy qui
ne cuyde iamais auoir sante.

[Sidenote: “I should like to turn woman if he would love me all his life.”]

“Se dieu me donnoit la sante que ie desire | ie vouldroye
ore{n}droit estre vne des plus belles dames du monde, par conuenant
quil me aymast to{us} les iours de sa vie.” “par ma foy,” fait
gallehault, “assez y auez mis.” “Et vous, madame, quel meschef
feriez vous par conuena{n}t que vng tel cheualier fust tousiours en
vostre seruice?”

[Sidenote: “I can offer no more than Gawain,” says the Queen.]

“par dieu,” fait elle, “messire gauuain y a mis toutes les offres
que dame y peult mettre.” Et mo{n}seigneur gauuain & tous aultres se
commencerent a rire. “Gallehault,” fait messire gauuain, “qui tous
nous auez adiurez par le serment que ie vous co{n}iuray, ores qui
vouldriez vous y auoir mys?”

[Sidenote: “Well,” says Galiot, “I would turn all my honour into shame, for his sake.”]

“Si maist dieu,” faict gallehault, “ie y vouldroye auoir tourne mon
honneur a honte, par tel si q{ue} ieusse a tousioursmais vng si bon
cheualier en ma compaignie.” “Sy maist dieu,” faict messire gauuain,
“plus y auez mys que nous.”

[Sidenote: So Gawain concludes that it was the Black Knight who brought about the peace.]

et lors se pensa messire gauuain que cestoit le noir cheualier qui
le paix auoit faicte | car pour luy auoit tourne son honneur a
honte, quant il veit quil estoyt au dessus. Et le dist gauuain a la
royne, & se fut la cause do{n}t gallehault fut plus prise; Moult
tindrent longuement parolles du cheualier.

[Sidenote: The Queen walks away with Galiot, tells him she loves him much, and prays him to let her see the Black Knight.]

et la royne sadressa, et dist quelle sen voulloit aller vers la
bretesche pour veoir les prez, et gallehault la conuoye: si le print
la royne par la main & luy dist. “Gallehault, ie vous ayme moult, &
il est vray que vous auez le cheualier en vostre baillie, & par
aduenture il est tel que ie le congnois bien; si vous prie si cher
que vous auez mamour, que vous faciez tant que ie le voye.” “Dame,”
fait gallehault, “ie nen ay encores nulle saisine | & ne le vy puis
que la paix fut faicte de moy & du roy.

[Sidenote: He promises to do all he can for her;]

Et se il estoit or en mon tref, si y conuiendroit il aultre voulente
q{ue} le vostre & que la mienne. Et bien saichez que tant me auez
coniure q{ue} ie mettray tout le pouoir que ie pourray. co{m}ment
vous pourrez parler a luy?”

[Sidenote: and the Queen says, “I shall be sure to see him if you try, for he is in your custody. Send and get him.”]

“se vous en faictes vostre pouoir,” fait elle, “ie le verray bien, &
ie men attens a vous, et faictes tant que ie soye vostre a
tousiours: car cest vng des hommes du monde que ie verroye plus
voulentiers.” “Dame,” fait il, “ie en feray mon pouoir.” “Grant
mercys,” fait elle. “Or gardez que ie le voye au plus tost que vous
pourrez | car il est en vostre baillie, ie le scay bien | et se il
est en vostre terre, enuoyez le querre.” Atant sen part gallehault &
sen vient au roy.

[Sidenote: Arthur wishes Galiot’s people and his own to be brought nearer to one another.]

Et mo{n}seigneur gauuain & le roy lui dient. “gallehault, ie suis
deliure de mes gens, ores faictes approcher voz ge{n}s des nostres,
ou ie feray approcher les nostres des vostres | Car nous sommes a
priuee mesgnie.” “Sire,” faict gallehault, “ie feray approcher les
miens daultre part de cest riuiere si que mon tref sera endroit le
vostre, et sera vne nef appareillee en quoy nous passerons dicy la
et de la icy.” “Certes,” fait le roy, “moult auez bien dit.”

[Sidenote: Galiot returns to Lancelot, tells him what the King, Gawain, and the Queen have said of him, and asks him what answer he shall give the Queen.]

++LOrs sen va Gaillehault en sa tente, et trouue son compaignon
mo{u}lt pensif. Il luy demande co{m}ment il a puis fait; Et il dist,
“bien, se paour ne me mestriast.” et gallehault dist, “de quoy auez
vous telle paour?” “que ie ne soye co{n}gneu,” dist il. “or nen ayez
mie paour, car vous ny serez ia congneu, se vostre voulente ne y
est;” Lors luy compte les offres que le roy et messire gauuain ont
faict pour luy, et ce que la royne dit | et comment la royne la tenu
a grant parlement de le veoir | et comme il luy respondit. “et
saichez que elle na de nully si tres grant desir de veoir comme de
vous. Et mo{n}seigneur la Roy ma prye que ie face mes gens approcher
| car nous sommes trop loing lung de lautre. Or me dictes que vous
voulez que je face | car il est en vostre plaisir.” “Je loue que
vous facez ce que monseign{eu}r le roy vous prye;” “Et a ma dame que
respondray ie, beau doulx amy?” “Certes,” fait il, “ie ne scay.”
Lors commence a souspirer.

[Sidenote: Lancelot sighs, and says, “Whatever you advise.”]

Et gallehault luy deist. “Beau doulx amy, ne vous esmayez point |
mais dictes moy comment vous voulez quil soit | car bien saichez
quil sera ainsi comme vous vouldrez | et ie aymeroye mieulx estre
courrouce a la moytie du monde que a vous tout seul. ores me dictes
quil vous en plaist.” “Sire,” faict ledit cheualier, “ce que vous me
louerez | car ie suis en vostre garde desormais.”

[Sidenote: “There will be no harm in seeing her,” answers Galiot.]

“Certes,” fait gallehault, “il me semble que pour veoir ma dame la
royne il ne vous peult empyrer.”