Chapter I

Hic ille est Scotorum Knoxus Apostolus olim,
Cui prior hos ingens Beza dedit titulos:
Interpres cæli, vero qui Numine plenus,
Plurima venturi præscia signa dedit.
Facundum pectus. Libertas maxima fandi.
Totus inexhausto flagrat amore Dei.
Quam pia cura Poli, tam humani meta furoris:
Tanto plus victor, quo furit iste magis.
Post varios hostes aggressa Calumnia tandem
Hoc didicit, nulli nec sibi habere fidem.
Herovm Pietas odio est mortalibus. Unum hoc
Arguat Heroem hunc cœlitus esse datum.