Chapter II

Decree of Pope John XXII. forbidding alchemies, by which he prohibited the pretended making of gold and silver, but is claimed to have hampered the progress of chemistry.

De Crimine Falsi Titulus VI. I Joannis XXII. [circa annum 1317 Avenioni]

Alkimiae hic prohibentur, et puniuntur facientes et fieri
procurantes: quoniam tantum de vero auro et argento debent inferre
in publicum, ut pauperibus erogetur quantum de falso et adulterino
posuerunt. Et si eorum facultates non sufficiunt, poena per judicis
discretionem in aliam commutabitur, et infames fiunt. Et si sint
clerici beneficiis habitis privantur et ad habenda inhabiles
efficiuntur. (Vide Extravagantem ejusdem Joannis quae incipit
"Providens" et est sub eodem titulo collocata.)

Spondent quas non exhibent divitias, pauperes Alchimistae; pariter
qui se sapientes existimamt in foveam incidunt quam fecerunt. Nam
haud dubie hujus artis Alchimiae alterutrum se professores
ludificant; cum suae ignorantiae conscii, eos, qui supra ipsos
aliquid hujusmodi dixerint, admirentur: quibus cum veritas quaesita
non suppetat, diem cernunt, facultates exhauriunt; idemque verbis
dissimulant falsitatem, ut tandem quod non est in rerum natura, esse
verum aurum vel argentum sophistica transmutatione confingant; eoque
interdum eorum temeritas damnata et damnanda progreditur, ut fictis
metallis cudant publicae monetae characteres fidis oculis, et non
alias Alchimicum fornacis ignem vulgum ignorantem eludant. Haec
itaque perpetuis volentes exulare temporibus, hac edictali
constitutione sancimus, ut quicumque hujusmodi aurum vel argentum
fecerint, vel fieri secuto facto mandaverint, vel ad hoc scienter
(dum id fieret) facientibus ministraverint, aut scienter vel auro
vel argento usi fuerint vendendo vel dando in solutum: [illegible
letter or or mark] verum tanti ponderis aurum vel argentum poenae
nomine inferre cogantur in publicum pauperibus erogandum, quanti
Alchimicum existat; circa quod eos aliquo praedictorum modorum
legitime constiterit deliquisse: facientibus nihilominus aurum vel
argentum Alchimicum aut ipso, praemittitur, scienter utentibus
perpetuae, infamiae nota respersis. Quod si ad praefatam poenam
pecuniarum exsolvendam deliquentium ipsorum facultates non
sufficiant, poterit discreti moderatio judicis poenam hanc in aliam
(puta carceris, vel alteram juxta qualitatem negotii personarum
differentiam aliasque attendendo circumstantias) commutare. Illos
vero qui in tantae ignorantiam infelicitatis proruperint, ut nedum
nummos vedunt, sed naturalis juris praacepta contemnant, artis
excedant metas, legumque violant interdieta scienter videlicet
adulterinam ex auro et argento Alchimico cudendo seu fundendo, cudi
seu fundi faciendo monetam; hac animadversione percelli jubemus, ut
ipsorum bona deserantur carceri, ipsique perpetuo sint infames. Et
si clerici fuerint delinquentes, ipsi ultra praedictas poenas
priventur beneficiis habitis et prorsus reddantur inhabiles ad
habenda.