Chapter III: Front Matter (3)

1. Signum cum patena faciendum a sacerdote a fronte ad pectus, dum dicit orationem "Libera nos quaesumus Domine", debet esse _integrum signum crucis_; et post dictum signum crucis _est deosculanda patena_. 13. Mart. 1627 in u. Panorm.--Cum Celebrans dicit: "Da pacem Domine in diebus nostris", _patenam in extremitate, seu oram patenae, congruentius osculatur_. 24. Jun. 1683 in u. Albingan. ad 5.

2. _Pax, dummodo adsit consuetudo_, in Missa pro sponso et sponsa dari potest; attamen _danda est semper cum instrumento, numquam vero cum patena_. 10 Jan., 1852 in u. Cenoman. ad. 8.

3. Pars _inferior_ hostiae _praecidi debet_, non superior, quando dicitur: "Pax Domini sit semper vobiscum". 4 Aug. 1663 in u. Dalmat. ad 6.

4. _Tolerari potest_ consuetudo pulsandi campanulam a ministro in Missa non solum ad verba "Sanctus", etc. et in elevatione Sanctissimi, sed etiam ad verba "Domine non sum dignus" ante sumptionem, et quoties administratur Communio fidelibus, ad praedicta verba. 14 Mai. 1846 in u. Ord. Min. ad 9.

5. Sacerdos scipsum signans cum hostia et calice consecratis ante sumptionem Ss. Sacramenti, ad verba "Jesu Christi" debet caput inclinare _juxta rubricas_. 24 Sept. 1842 in u. Neap. ad 1.

6. In quaestione: an Sacerdos post sumptionem pretiosissimi sanguinis debeat parumper immorari in adoratione, prout fit post sumptionem sacrae hostiae? _serventur rubricae_. 24 Sept. 1842 in u. Neap. ad. 2.

7. In quaestione: an pro abluendis vino et aqua pollicibus et indicibus in secunda purificatione post Communionem debeat Sacerdos e medio altaris versus cornu epistolae recedere? _serventur rubricae pro diversitate Missae._[25] 22 Jul. 1848 in u. Tornac.

8. _Ante versiculum quod dicitur "Communio", cooperiendus est velo calix in anteriori parte, prout ante confessionem._ 1 Mart. 1698 in u. Prag. ad 1.--_Tam in principio Missae quam post Communionem calix velatus esse debet totus in parte anteriori._ 12 Jan. 1669 in u. Urbinat.--In quaestione: an deceat corporale retinere extensum super altare toto tempore, quo celebrantur Missae, et donec ab ultimo in eo celebrante reportetur ad sacrarium (sacristiam); et an conveniat corporale extra bursam deferre? _episcopus incumbat observantiae et executioni rubricarum._ 13 Sept. 1704 in u. Ravenat.

9. De Communione fidelium intra Missam:

_Consuetudo_ dicendi: "Ecce Agnus Die", et: "Domino non sum dignus", idiomate vulgari, _est eliminanda_, utpote contraria Rituali et Missali Romano. 23. Mai. 1835 in u. Ord. Min. Capuc. Helv. ad 5.

Sacerdos _debet_ semper, etiam communicando moniales habentes fenestrellam in parte evangelii, pro Communione distribuenda _descendere et reverti per gradus ante riores, et non laterales altaris_. 15 Sept., 1736, in u. Tolet. ad 8.

Dum Celebrans administrat sacram Communionem in Missa privata, minister _non_ debet eum comitari cum cereo accenso; sed quum purificationem, utpote quae pro populo non est in usu,[26] non praebeat, nec mappam Communionis, utpote cancellis affixam, ante communicantes sustineat, tunc debet manere genuflexus in latere epistolae. 12 Aug. 1854 ad 72. (Anal. II p. 2188 sqq.)

_Servetur consuetudo dividendi consecratas particulas, si adsit necessitas._ 16 Mart. 1833 in u. Veron. ad 1.

In Communione quae inter Missae sacrificium peragitur, _minister sacrificii, non ratione praeeminentiae, sed ministerii, praeferendus est ceteris quamvis dignioribus_. 13 Jul. 1658 in u. Galliar.

_Patenae suppositio per sacerdotem cotta indutum in Communione generali, quae per Dignitates agitur, retinenda est._ 3 Sept. 1661 in u. Andrien.--_Non_ potest sacerdos sanctam Communionem sive intra sive extra Missam administrans tenere patenam inter digitos manus sinistrae, quae sacram pixidem gestat, ut eam sic mento communicantium supponat, sed _cura et solertia sacerdotis supplere debet_, ut praecaveatur sacrorum fragmentorum disperditio. 12 Aug. 1854 ad 21 et 22 loc. cit.

Ad Sec.. XII. _De benedictione in fine Missae, et Evangelio Sancti Joannis._

1. _In fine Missae ad quodcumque altare celebratae, fit reverentia Cruci infra gradus, capite discooperto._ 13 Febr. 1666 in decret. ad Missal. ad 9.

2. _Arbitrio et prudentiae Ordinarii_ relinquitur inducere praxim lavandi manus in fine Missae, postquam Celebrans exuerit vestes sacerdotales, in dioecesim, in qua non est in usu; _sed non_ inducatur _per modum praecepti_. 12 Aug. 1854 ad 28 (Anal. II. p 2193).

FOOTNOTES:

[25] _Missae diversitatem_, de qua decretum loquitur, ita intellexerunt ac suo tempore exposuerunt ipsius decreti auctores h. e. doctores Romani a. 1848, ut in _Missis solemnibus numquam_ sit e medio altaris recedendum ad abluendos digitos; in _Missis non solemnibus_ e contra _semper_ e medio sit ad cornu Epistolae progrediendum (licet rubrica de hoc progressu sileat). Haec sententia ipsorum auctorum decreti atque interpretatio praeclare confirmatur ex universali ac constanti omnium totius Urbis ecclesiarum praxi. Cf. Attestat. Romani s. Theologiae Professoris apud Falise p. 77: "Dum revertitur e cornu Epistolae in medium altaris, digitos purificatorio abstergit".

[26] Juxta Merati (Comment. ad hanc rubr. n. 34) haec purificatio retinetur solummodo "in aliquibus ecclesiis", Ubi illa non est in usu, ejusmodi consuetudo servanda est. 12. Aug. 1854 ad 23. loc. supra cit.

DOCUMENTS.