Chapter XXIII

Sa didto acó sa longsod sa usá ca adlao, nadaoat co ug usá ca sulát sa imong magtoto-on, nga igamahay ca-ayo nia canimo. Ayao paghilác adto ca caron sa imong cuarto, magto-on ca sa imong lección, ug magma-ayo ca; cun dili, dili ca maniodto caron nga adlaoa. Magama-ayo acó gayúd, amahán co nga hinigugma, nga muangay ca nga to-od canaco. ¿Onsa may atong buhaton cay aron mapaladan quitá? Higugmaon ug bubuhaton niñó ang ma-ayong buhat, ug mapaladan camó dinhi sa yuta ug sa lain nga quinabuhi. Cay bu-ut quitá mapaladan, bubuhatan ta sa ma-ayo ang mga pobres ug caloyan ta ang mga tao nga nalisdan. Sugtón ta ang atong mga magtoto-on, ug dili quitá magpacasaquit canila sa guihapon. ¿Onsa ba ang batasan sa acong anác canimo? Ma-ayo man ang batasan nia canaco, cay ma-ayo ang iyang batasan sa mga taong tanán, Ang iyang amahán nag-ngón cania sa masubsub: ang batasan sa ubán dili man cun dili usa ca aningal sa atong batasan; cun ma-ayo ang atong batasan canila, dili atong pa-abuton ang batasan nila nga maayo canato.