Chapter XLVII: Appendix: XXVIII

[P. 426, n. 3]

STATE PAPERS, FOREIGN

ELIZABETH, VOL. CXVIII, NO. 1,174

[_Marshal Montmorency to Cecil_]

Mons^[r] jay este tresaise davoir entendu tant par la lettre que mauez escripte du xxij^[e] du passe, que par le s^[r] du Pui present porteur le desir qui vous avez de veoir bien tost affectuer ce qui a este miz en avant pour estraindre une bonne & ferme alliance, entre ces deux royaumes, ayant par votre prudence & longue experience de lestat & cours des affaires, passez & presens tresbien cogneu combien cella seroyt en ce temps, non seullement convenable Mais aussi necessaire, pour le bien seurette & grandeur de lun & de lautre, a quoy de ma part je ne fauldray de tenir la main de tout mon pouvoir et de my employer syncerement, de cueur & daffection Vous priant a ceste cause Mons^[r], que desormays avec une bonne Intelligence & correspondance, que pour cest effect nous aurons ensemble Nous mections peine de vaincre les difficultez & rompre les obstacles. Que aucuns y mectent tous les jours, artificieusement, de sorte que au plustost, avecques votre bon ayde, nous y puissyons veoir lheureux suites, que nous desirons. Qui tourne avec occasion, de raisonable tantement dune part & dautre, au repoz unyon & grandeur de ces deux couronnes, et a la confuzion de ceux qui sefforcent d empescher ung si bon euvre ce que masseurant, que vous vouldrez faire et cheminer en ce faict avec votre Integritte acoustumee, je ne mestandray plus avant en ce propoz. Si ce nest pour vous prier de creoire ced. porteur, de ce quil vous dira de ma part, come moy mesmes Qui surce me recomanderan tresaffectueus^[t] a votre bonne s^[r] Priant Dieu vous donner Mons^[r] en parfaicte sante bonne & longue vye. De Gaillon le xxv^[e] jour de May 1571.

[_Signed_] Votre obeissant et parfaict amy
MONTMORENCY

[_Addressed_] A Mons^[r]
Mons^[r] de Burghley.

[_Endorsed_] 20 May 1571
Montmorency to my L.