Chapter XVI: Part 16

Encontre Stupre le pecché
Est la seconde file née
Du Chasteté par droit descente,
La quelle ad no_u_n Virginité;
Si est de pure netteté,
Sur toutes autres la plus gente[453] 16830
De son fait et de son entente.
C’est celle qui de sa jovente
Toutdis ovesq_ue_ Chasteté
Converse et toute se p_re_sente
A dieu, qui jam_m_ais ne s’assente
Au char du fait ne du pensée.
Iceste file ensi confite
A la tresfine margarite
Est en trois choses resemblable:
La piere est blanche et bien petite,
Si ad vertu dont molt p_ro_fite; 16841
Au quoy la vierge est concordable,
Q’ad blanche vie et amiable,
Du cuer petit et reson_n_able
D’umilité, dont est p_ar_fite;
[Sidenote: =f. 94=]
De sa vertu molt est vaillable,
Qant mesmes dieu est entendable
De l’onourer pour sa merite.
Et d’autre p_ar_t, ce m’est avis,
Virginité par droit devis 16850
L’en porra raison_n_ablement
Resembler a la flour de lys,
Quelle ad cink fuilles bien assis
Ove trois grains dorrez finement:
Le fuil primer au corps appent,
Dont n’est corrupt ascunement,
Ne don_n_e au char ses foldelitz;
Le fuil seconde au cuer s’extent,
Qe le penser tout purement
Sustient sanz foldesir toutdis. 16860
Ly cuers q’a ceste vertu pense
Deinz soy jam_m_ais ne contrepense
Q’eschanger vuille son estage;
Car saint Jerom ce no_us_ ensense,
Si dist, ‘Poy valt la conscience,
Qant vierge pense au mariage’:
Par tiel penser, p_ar_ tiel corage
Virginité se desparage; 16868
Car bon ov_er_eigne qui com_m_ence,
S’il n’en p_ar_fait trestout l’ov_er_age,
N’est droitz q’il ait plain avantage,
Qant il n’en met la plaine expe_n_se.
Le tierce fuil c’est humbleté,
Qui bien s’acorde a chasteté;
Car saint Bernard ce vait disa_n_t,
Qe molt est belle l’unité
D’umblesce et de virginité;
Car ne puet estre a dieu plesant
Virginité q’est orguillant,
Nient pl_us_ q_ue_ s’om te meist devant 16880
Viande bon_n_e et savourée
En un vessel ord et puiant:
Ja n’en fuissietz si fameillant,[454]
Qe tout n’en serretz abhosmé.
Mais n_ost_re dame en sa man_er_e
De l’un et l’autre fuist plen_er_e,
Humblesce avoit et fuist virgine:
Po_ur_ ce fuist faite la dieu mere,
Et p_ar_ vertu de dieu le pere
Virginité fuist enterine. 16890
C’estoit la flour de lis divine[455]
De fuil, de fruit et de racine,
Dont dieux faisoit sa chamberere,
Et en la gloire celestine,
Pour faire y n_ost_re medicine,
La fist planter et belle et chere.
De les trois fuilles cy devant
Conté vous ai, mais ore avant
Au quarte fuil frai mon retour,
Q’est du vergoigne apparisant; 16900
Et puis du quinte fuil suiant,
Q’ad la verdure de paour.
Vergoigne hiet tout fol amour,
Les ditz n’ascoulte du lechour,
Ainz tout foldit et folsemblant,
Ou soit secret ou soit clamour,
Sa face enrougist du colour,
Et s’en retrait de meintenant.
Les vierges serront vergoignouses,
Auci serront et paourouses; 16910
Car el vessel q’est frel et vein
Portont les fleurs tant p_re_ciouses,
Dont au fin serront gloriouses,
Si la fleur gardent saulf et sein;
Mais si la fleur flestre au darrein,
Lors tout p_er_dront et flour et grein,
Dont ont esté laboriouses:
Ly fiebles q’aler doit longtein,
S’il n’ait dont supponer ou mein,
Les voies sont plus p_er_illouses. 16920
Pour ce ly vierges q’est flori
Doit vergoigne et paour auci
En sa main destre toutdis p_re_ndre
Pour suppoer le corps de luy;
Et s’il par cas soit assailly,
Du tiel basto_u_n se doit defendre.
Ce no_us_ fait saint Ambroise entendre,
Qe vierges doit avoir cuer tendre,
Dont du legier soit esbahi:
Vierge en ses chambres doit attendre,
Q’aillours ne laist sa flour susp_re_ndre,
Dont son chapeal soit deflory. 16932
Qui pert son virginal honour,
De son chapeal deschiet la flour,
Q’est sur trestoutes blanche et mole;
Meulx valsist estre enclos de tour,
Q’es champs pour faire tiel atour
Du violette ou prim_er_ole,
Par quoy sa flour de lys viole.
Riens valt dancer a la carole, 16940
Dont puis covient ruer en plour:
Qant piere hurte a la viole,
Ou l’ostour luite au russinole,
Savoir poetz q’ad le peiour.
La fem_m_e fieble a l’om_m_e fort,
Ou soit a droit ou soit a tort,
Sa force ne puet resister,
Ainz son delit et son desport
Souffrir l’estuet sanz nul desport,
Si soule la porra trover. 16950
Pour ce ne doit pas soule aler
La vierge, car ly p_ro_verber
Dist, ‘Way soulein q’est sanz resort
Du compaignie, car aider
N’est autre, qant vient encombrer,
Luy puet po_ur_ faire ascun confort.’
Jacob de s’espouse Lya
Ot une file a no_u_n Dyna,
La quelle pure vierge estoit:
Avint q_ue_ la pucelle ala 16960
Pour regarder les gens de la
En terre estrange, u demorroit;
Mais po_ur_ ce q_ue_ souleine estoit,
Sichen, qui sa beauté veoit,
De son amour enamoura,
Dont la ravist et desflouroit:
Mais si ses chambres bien gardoit,
Ja Sichen ne l’eust fait cela.
Virginité n’est bien florie,
Si ly deux fuil ne soient mie, 16970
Vergoigne et paour ensement.
Vergoigne et paour ot Marie,
Qant l’angre de la dieu partie
La dist, ‘Ave!’ soulainement:
C’estoit la dame voirement
Q’ot les cink fuilles plainement
El fleur de virginale vie,
Ove les trois grains certaineme_n_t;
Dont vous dirray, oietz com_m_ent,
Des ces trois grains quoi signefie. 16980
Trois fo_ur_mes sont de dieu amer,
Ce sont les grains dont vuil p_ar_ler,
Au fin q_ue_ vierge soit parfit:
Car vierge doit tout au primer
D’entendement sanz folerrer
Amer son dieu, q’est son eslit,
Et si se dolt ou s’esjoÿt,
D’entier voloir sanz contredit
Tendra l’amour sanz reto_ur_ner:
N’est pas amy qui tost oublit, 16990
Ainçois du tout son espirit
Luy doit cherir et mercier.
Tieux sont les grains dont est p_ar_fait
La flour; si vierge ensi les ait,
Lors rent a dieu son droit paiage;
Et autrement, s’ensi ne vait,
Tout est en vein que vierge fait,
Car pl_us_ ne valt le pucellage
Qe lampe exteignte sanz oillage;
Dont ly cink fole au mariage 17000
Au port entrer furont desfait,
Mais l’autre cink, qui furont sage,
Et d’oille avoiont l’avantage,
Entreront y sanz contreplait.
Mais po_ur_ compter tout au final,
Trois causes sont en general
Pour exciter l’umanité
D’amer l’estat q’est virginal:
Prim_er_ement c’est un causal
Pour la tresfine bealté, 17010
La seconde est pour la bonté,
Et la tierce est pour digneté:
Ce sont ly cause principal
Q’om doit amer virginité;
De chascun point en son degré
Vous dirray par especial.
Ly sages dist en sa doctrine:
‘O com_m_e p_er_est et belle et fine
La flour du virginal endroit!’
Auci Jerom de ce diffine, 17020
Si dist q_ue_ belle est la virgine
Com_m_e robe blanche, en quelle om voit
Legierement si tache y soit.
C’est la beauté que dieus amoit
Et la retint de sa covine,
Qant prendre n_ost_re char venoit:
Dont m’est avis amer l’en doit
L’estat q_ue_ si bell eslumine.
De la bonté ce nous devise
Jerom, qui dist en ceste guise, 17030
Q’estat du vierge est purement
Offrende a dieu et sacrefise,
Qant om le gart du bon_n_e enprise;
Dont grant loer au fin reprent.
De saint Jehan l’experiment
Avoir porrons q_ue_ d’autre gent
Virgine est de plus halte assisse;[456]
[Sidenote: =f. 95=]
Car il porta resemblement
Al Aigle, qui plus haltement[457]
Vola de la divine aprise. 17040
De tous les saintz q’om doit nom_m_er
Estoit Jehans plus familier[458]
Et plus privé de son seignour:
Apocalips doit tesmoigner
Qe vierges doit plus halt monter[459]
Et d’autres plus avoir l’onour;
Q’en halt le ciel sup_er_iour
Devant le throne dieu maiour
Ly vierge devont assister,
Et pour la grant bonté de lour 17050
L’aignel de dieu p_ar_ tout entour
S’en vont suiant pour luy loer.
L’aignel de dieu sanz departie
En blanches stoles sanz partie
Ly vierge vont suiant toutdis,
Ly quel de sa bonté complie
A faire leur honeur se plie
Ove trois coron_n_es de grant pris,
Q’il portont sur le chief assis:
Virginité dont m’est avis 17060
Sur tous estatz se glorifie;
De sa beauté dieus fuist suspris,
De sa bou_n_té le paradis
Est n_ost_re, quoy q_ue_ nuls endie.
Virginité, qui bien la meine,
Fait l’alme digne en son demeine;
Car saint Gregoire vait disant,
Qe cil qui vit en char humeine
Et contre char sa char restreine,
Si q’a sa char n’est obeissant, 17070
Est as bons angres comparant:
Et plus le loe encore avant
Du digneté q’est plus halteine.[460]
Le Genesis vait tesmoignant
Qe l’alme vierge est resemblant
Au magesté q’est sov_er_eine.
Ambroise ce vait demandant:
‘Qui porroit estre meulx vailla_n_t
De luy q’est de son Roy amé,
Et de son jugge ferm, constant, 17080
En juggement, le poeple oiant,
Sanz nul errour est apprové,
Et est sur ce saintefié
De dieu, q’en ad la poesté
Sur toute rien q_ue_ soit vivant?’
C’est plus ne meinz en verité
Qe l’ordre de virginité,
Qui toutz les autres vait passa_n_t.
Un Emp_er_our jadis estoit
Q’om Valentinian nomoit; 17090
Cil avoit oitante au_n_s compliz:
Sovent fortune luy don_n_oit
Victoire, et qant om en parloit[461]
Pour luy loer, il n’en tint pris,
Ainz dist q’assetz plus ot enpris
De ce q’il un soul anemys
Vencu de sa bataille avoit,
Qe du tout autre a son avis;
C’estoit sa char q’il ot soubmis,
Dont sa loenge demenoit. 17100
Virginité molt valt en soy;
Essample avons du viele loy:
Ce parust qant le poeple hebreu
Les Madians ove leur desroy
Trestout venquiront au tournoy;
Car Moÿses, qui s’est pourveu,
Com_m_anda lors q_ue_ tost veeu
Soit toute fem_m_e qui parcru
Fuist de la Madiane foy,
Et les corruptes en tout lieu 17110
Fuissont occis en l’onour dieu,
Mais les virgines laissa coy.
Ce dist Gilbert en son sermo_u_n:
‘Virginité sanz mal felo_u_n
Est de sa char la pes entiere
Et des pecchés redempcio_u_n,
Princesse et dame de reso_u_n,
Sur toutes vertus la prim_er_e.’
Ce dist Jerom en la matiere:
‘Jadis ly Prince et l’Emp_er_ere 17120
Par les Cités tout enviro_u_n
Donneront voie ove liée chiere
A la virgine belle et chere,
Pour l’onour de si noble no_u_n.’
Seint Ciprian en son escript
Virginité ensi descrit,
Q’elle est la flour de sainte eglise
Et l’ornement bon et p_ar_fit
Del grace du saint espirit,
Ov_er_aigne bon_n_e sanz reprise; 17130
Si est en dieu l’ymage assisse,
Que n’est corrupte ne malmise,
Sov_er_ein amour, sov_er_ein delit,
Dont l’alme q’est de tiele aprise
Les angres passe en mainte guise,
Et a dieu mesmes s’associt.

=Ore dirra de la tierce file de Chasteté, la quelle ad no_u_n
Matrimoine, co_n_tre le vice de Avolterie.=

Encontre Avolterie vile
Ad Chasteté sa tierce file,
Que Matrimoine est appellée:
La loy Cano_u_n, la loy Civile 17140
Diont q’elle est bon_n_e et gentile
En quatre pointz dont est doé,
D’auctorité, de digneté,
Du sainteté, d’onesteté,
Ces quatre pointz deinz soi co_m_pile;
Dont sa vertu est honouré
Du bon_n_e gent et molt amé
Solonc l’agard de l’evangile.
D’auctorité notablement
Dieus ordina prim_er_ement 17150
En paradis le mariage
D’Adam et d’Eeve no parent,
Qui lors estoiont innocent,
Tant com_m_e furont en cel estage,
Mais puis, qant firont cel oltrage,
Dont nous avint mortiel damage,
Encore en terre nequedent
Du viele loy du viel usage
Les patriarcs, q’estoiont sage,
L’estat gardoiont voirement. 17160
Auctorité solempne avoit,
Qant mesmes dieu le confermoit;
Grant digneté y ot auci,
Qant ly fils dieu nestre voloit
En mariage tant benoit:
Soubz cel habit trestout cov_er_y
Le ranço_u_n et le bien, par qui
Nous rechata del anemy,
Qe ly malvois ne s’aparçoit.
Dont m’est avis pensant ensi 17170
Qe Matrimoine est establi
De molt treshono_ur_able endroit.
Du sainteté sanz contredit
Le Matrimoine est auci dit
Un sacrement du g_ra_nt vertu,
Par sainte eglise q’est confit;
Dont signefie a son droit plit
Le marier q’est avenu
De sainte eglise et de Jh_es_u,
C’est entre la bon_n_e alme et dieu, 17180
L’amour pourporte q’est p_ar_fit.
Si Matrimoine est bien tenu,
Saint est l’estat, car en tout lieu
Est sacré du saint espirit.
Qui Matrimoine voet cherir,
D’onesteté ne poet faillir,
Car mariage fin, loyal,
Nous enfranchist sanz no_us_ blemir
Solonc nature a no plesir
De faire le fait natural, 17190
Q’est autrement pecché mortal;
Et plus encore especial
Nous fait merite deservir,
L’estat qant matrimonial
Solonc la loy judicial
Volons par loyalté tenir.
Trois autrez pointz om poet noter,
Par quoy fait bon a marier.
Le primer est pour compaignie;
En Genesi l’en puet trover, 17200
Qant dieus vist Adam soul estier,
Lors dist q_ue_ bon ne serroit mie
L’om_m_e estre soul en ceste vie,
Et pour ce dieus de faire aïe
Fist fem_m_e a l’om_m_e associer.
Ce que dieus fist no_us_ signefie,
Qui la puet avoir bien norrie
Bon est de fem_m_e acompaigner.
La cause q’est seconde apres,
Dont l’en tient mariage pres, 17210
C’est pour estraire en no nature
Des fils et files tiel encress,
Dont dieus leur creatour ades
Soit loez de sa creature:
Ensi tesmoigne l’escripture,
Qant hom_m_e et fem_m_e en lo_ur_ figure
De dieu primer estoiont fetz,
Dieus dist, ‘Crescetz en vo mesure,
Empletz la terre d’engendrure,
Dont fem_m_e doit porter le fes.’ 17220
La tierce cause en son aprise
L’apostre dist, dont fem_m_e ert p_ri_se:
C’est q’om doit bien espouse p_re_ndre,
Qant il ne puet p_ar_ autre guise
Garder son corps en sa franchise
Sanz leccherie de mesprendre.
[Sidenote: =f. 96=]
Ce sont les pointz, tu dois ent_en_dre,
Qe Matrimoine font comp_re_ndre;
Et qui le p_re_nt de tiele enprise,
Et multeplie de son gendre 17230
Des fils ou files q’il engendre,
Molt est l’estat de belle assise.
Cil qui bien vit en la man_er_e,
Il doit relinquir piere et mere,
Et adherder sanz variance
A sa muler, et tenir chiere;
Ne la lerra de sa costiere,
Car dieus en fist celle ordinance.[462]
Lors qant om soul du bienvuilla_n_ce
P_re_nt une espouse a sa plesance 17240
Et covoitise est a derere,[463]
Dieu p_re_nt en gré la concorda_n_ce;
Mais qant argent fait l’allia_n_ce,
Ne sai quoy dire en la matiere.
Par Matrimoine, q’est divin,
De la voisine et le voisin
L’en solait p_re_ndre mariage
Par bon amour loyal et fin,
Sanz covoitise ou mal engin
Ou de richesce ou de brocage: 17250
Mais ore est to_ur_né cel usage,
Car bon et bel et prous et sage,
S’il ait ne terre ne florin,
Combien q’il soit de halt p_ar_age,
Trop porra faire long estage,
Ainçois q’amour luy soit enclin.
Om dist, ‘Tant as tant vals, et ta_n_t
Vous aime’; et c’est du meintena_n_t
Entre les gens coustume et us,
Si tu n’es riche et bien manant, 17260
Combien que soietz avenant
Du corps et riche des vertus,
Pour ce ne serras retenus;
Ainz uns vilains q’est mal estrus,
Q’est des richesces habondant,
Qant tu as meinz et il ad plus,
Il ert amez et tu refuz;
J’en trai le siecle en mon garant.
Mais tiel contract q’est fait po_ur_ gain
N’est mariage, ainz est bargain, 17270
Non pour le corps mais po_ur_ l’avoir:
Pres s’entrasseuront main au main,
Mais trop en est le cuer longtain[464]
Pour bien amer du f_ra_nc voloir;
Ainz po_ur_ l’amo_ur_ de beal Manoir,
Ou po_ur_ g_ra_nt som_m_e a rescevoir,
L’en p_re_nt plus tost pute ou vilain,
Qant om les voit richesce avoir,
Qe celly qui l’en sciet du voir
Estre des bon_n_es mours tout plain.
Com_m_e fol qui sa folie enprent 17281
Et fol l’achieve, ensi qui prent
Le mariage sanz amour:
Richesce om voit faillir sovent,
Mais bon amour certainement
De sa vertu ne falt nul jour;
Om puet bien estre conquerro_ur_
Par ses vertus de tout honour,
Mais tout l’avoir q’au siecle appe_n_t
Ne puet conquerre la menour 17290
Des vertus, mais de sa vigour
L’orr ad les cuers au temps p_re_sent.
Q’ensi p_re_nt fem_m_e, plus q_ue_ cire,
Qant est de la richesce sire,
L’amour se guaste en petite hure;
Car qant il ad ce qu’il desire,
Et sanz vertu le corps remire,
De la p_er_son_n_e ne tient cure:
Ensi toutdis apres endure
La paine et la desaise dure 17300
Du mal, dont il ne trove mire;
Car vuille ou no_u_n, la noet oscure
La fem_m_e claime sa droiture
De ce dont il ne puet souffire.
Meulx luy valdroit nul vou de faire
Qe de vouer et nient p_ar_faire,
Ly sages ce nous vait disant:
Trop p_er_est hardy de mesfaire,
Qant il sa foy en saintuaire
Don_n_e a sa fem_m_e, et jure avant 17310
Pour bien amer tout son vivant;
Mais certes c’est un fals amant
Du corps don_n_er et cuer retraire.
Mais tiel y ad, qui nepourqant
Vait plus richesce covoitant
Qe la beauté de son viaire.
Droit Matrimoine ne s’asseine
Pour espouser le sac du leine,
Ne pour richesce plus ou meins:
Mais nepo_ur_qant, qui bien se meine,
Et est bien riche en son demeine, 17321
S’il soit auci des vertus pleins,
Tant valt il meulx, j’en suy c_er_teins;[465]
Mais l’om_m_e q’est du vice atteins,
Combien q’il ait sa coffre pleine
Et ses chastealx et ses gardeins,
Depuisq’il est en soy vileins,
Q’au tiel se don_n_e est trop vileine.
Et nepourqant j’ay bien oï
Sovent les dames dire ensi, 17330
Q’avoir vuillont p_ar_ lo_ur_ haltesce
Un gentil hom_m_e a leur mari:
Mais certes endroit moy le di,
Ne say q’est celle gentilesce;
Mais d’une rien je me confesse,
Qant Eve estoit la prioresse
Du no lignage en terre yci,
N’y fuist alors q’ot de noblesce
Un plus q_ue_ l’autre ou de richesce;
Ne sai com_m_ent gentil nasqui. 17340
Tous nous faisoit nature nestre,
Ensi le servant com_m_e le mestre,
Dont p_ar_ nature ce n’avient;
Ne du p_ar_age ce puet estre,
Car tous avoions un ancestre,
Par celle voie pas ne vient;
Et d’autre p_ar_t bien me sovient
Qe p_ar_ reso_u_n ce n’app_ar_tient
A la richesce q’est terrestre,
Q’est une chose vile et nient: 17350
A sercher plus avant covient[466]
La gentilesce q’est celestre.
Nature en soy n’ad quoy dont fere
Un gentil hom_m_e ne desfere,
Ainz dieus qui les vertus envoit
Cil puet bien de sa grace attrere
Un hom_m_e de si bon affere,
Si vertuous, tanq’il en soit[467]
Verrai gentil et a bon droit:
Mais qant a ce, sovent l’en voit, 17360
Des bon_n_es mours qui voet enquere,
Q’un hom_m_e povre les reçoit
Plus largement en son endroit[468]
Qe cil q’est seignour de la terre.
Mais sache dieus ja pour cela
Les dames ne se tienont la,
Le povre ont ainçois en desdeign:
Combien q’il vertuous esta,
Poverte le departira,
Q’il n’ose mettre avant la mein, 17370
Pour ce qu’il est du povre grein;
Mais cil q’est riche capitein
Tant vicious ja ne serra,
Qu’il n’ert amez ainçois demein:
Mais certes trop p_er_est vilein
L’amour q’ensi s’espousera.
Nature, qui de sa mamelle
Paist toute chose laide et belle,
Nous don_n_e essample bon et bell;
Car soulement deinz la praielle 17380
N’ad fait morell pour la morelle,
Ainz la griselle pour morell,
Et la morelle pour grisell,
Et la liarde pour favell,
Et le liard pour la favelle;
Ensi sanz vice et sanz repell
Voelt bien q_ue_ quelq_ue_ jovencell
S’espouse a quelq_ue_ jovencelle.
Puisq_ue_ des membres resemblable
Et du corage reson_n_able 17390
Tous susmes fait, di lors po_ur_ quoy
Ne susmes de reso_u_n menable,
Ainz no_us_ no_us_ faisons dessemblable.
Car de nature et de sa loy
Chascune fem_m_e endroit de soy,
Q’est bon_n_e, est able et digne au Roy;
Et chascun hom_m_e veritable,
Combien q’il ait ou nient ou poy,
Au quelq_ue_ dame en droite foy
Par ses vertus est mariable. 17400
Mais halt orguil, qui point ne cure
De la simplesce de nature,
Desdeigne a garder l’observance
De sa justice et sa mesure;
Ainz quiert avoir p_ar_ demesure
Du vain honour ou la bobance,
Ou du richesce l’abondance,
Ou de son corps quiert la plesance
Par foldelit; mais la droiture
Du mariage est en balance, 17410
Car les vertus n’ont de vaillance
Plus q_ue_ du ciffre la figure.
Ne fait pas bien qui se marit
Pour beauté soule ou po_ur_ delit,
Car ce n’est pas la dieu plesance,
Ainz il en tient molt g_ra_nt despit:[469]
Car pour cela, je truis escrit,
Les sept baro_u_ns de sa vengance
[Sidenote: =f. 97=]
Faisoit tuer, q_ue_ par souffrance
De luy le deable en sa distance 17420
L’un apres l’autre tous occit:
Chascun par fole delitance
Espousa Sarre en esp_er_ance
D’acoler et baiser ou lit.
Je truis escrit en le decré:
‘Vil est a l’om_m_e marié,
Et trop encontre loy divine,
Qu’il du sotie et nyceté
Soit de sa fem_m_e enamouré,
Ensi com_m_e de sa concubine’: 17430
Mais om doit bien p_ar_ juste line,
Sicom_m_e la l_ett_re nous diffine,
Avoir sa fem_m_e abandon_n_é
Pour faire toute sa covine
D’oneste voie et femeline,
No_u_npas com_m_e pute acoustum_m_é.
Om doit sa fem_m_e bien cherir
Pour leccheries eschuïr,
No_u_npas pour leccherie faire:
Car qui la p_re_nt p_ar_ fol desir, 17440
Grans mals en porront avenir,[470]
Assetz avons de l’essamplaire.
Mais cil q’ad bon_n_e et debon_n_aire,
Molt la doit bien cherir et plaire;
Car ce n’est pas le desplaisir
De dieu, ainz sur tout autre affaire
Molt est a l’om_m_e necessaire
La bon_n_e, qui la puet tenir.
Diverse sort diverse gent,
Solonc q’ils bien ou mal regent 17450
Se sont env_er_s leur creatour.
Il leur envoit diversement
Ou de bien estre ou malement;
La bon_n_e femme au bienfesour
Don_n_e en merit de son labour,
Du male fem_m_e et la dolour
Par sort verraie et jugement
Eschiet sur l’om_m_e peccheour;
Dont est en peine nuyt et jour,
Mais l’autre vit joyeusement. 17460
Grant bien du bon_n_e fem_m_e vient;
Essample avons, bien me sovient,
Dedeinz la bible des plusours:
Par bien q_ue_ de Judith avient
Jer_usa_l_e_m au pees revient;
Hester auci fist beals socours,
Qant Assuerus tint ses courtz,
A Mardochieu des grans dolours
Queux Naman l’ot basti po_ur_ nient;
Molt enporta Susanne honours, 17470
Qant dieus de ses accusatours
Par son miracle la retient.
Abigaïl la bon_n_e auci,
Au quelle Nabal fuist mari,
Au Roy David appesa l’ire,
Q’estoit vers son baro_u_n marri,
Et tiele grace deservi
Dont puis fuist dame de l’empire;
Et qui du Jahel voldra lire,
La femme Abner, porra bien dire 17480
Q’il ot molt belle grace en luy,
Qant Cisaré faisoit occire,
Qui d’Israel p_ar_ son martire
Les gentz volt avoir malbailly.
Dedeinz la bible escript y a
Auci du bon_n_e Delbora,
De sa bo_u_nté, de sa vertu;
Jabins le Roy de Canana,
Cil q’Israel lors guerroia
Et la volt avoir confondu, 17490
Fuist mesmes en la fin vencu.
C’estoit la volenté de dieu,
Q’as fem_m_es la vertu don_n_a;
Par tout le monde en chascun lieu,
U leur histoire serra lieu,
Des fem_m_es om se loera.
La bon_n_e fait bien a loer,
Et bon est du bon_n_e espouser
A l’om_m_e qui voet fem_m_e avoir:
Ly sages t’en fait doctriner, 17500
‘Si bon_n_e fem_m_e puiss trouver,
Ne la laissetz pour nul avoir;
Ainçois la dois sanz decevoir
Amer, cherir sanz removoir,
Car tout le bien q’est seculier
Vers sa bonté ne puet valoir’:
Qui tiele laist a no_u_nchaloir
Je ne l’en sai pas excuser.
Molt doit joÿr en conscience
Qui par divine p_ro_vidence 17510
Au tiele espouse est destiné;
Et molt la doit en rev_er_ence
Traiter, sanz point du violence,
D’orguil ou d’autre malvoisté:
Com_m_e sa compaigne et bien amée
Cherir la doit en amisté;
Car un corps sont, com_m_e no_us_ ensense
Du sainte eglise le decré,
Dont bien devont en unité
Avoir un cuer sanz difference. 17520
Sicom_m_e le livre nous devise,
De la costée d’Adam fuist prise
La fem_m_e, qant dieus la fourmoit;
Non de la teste en halt assisse,
Car dieus ne volt p_ar_ tiele guise
Qe fem_m_e p_ar_dessus serroit;
Auci du pié fourmé n’estoit,
Car dieus ne volt p_ar_ tiel endroit
Qe l’en sa fem_m_e trop despise:
Mais la costée my lieu tenoit, 17530
En signe q_ue_ dieus les voloit
Estre compains du sainte eglise.
Et nepourqant l’origenal
Pecché dame Eve estoit causal,
Dont dieus voet fem_m_e estre soubgite
A l’om_m_e en loy judicial,
Issint q’il serra principal
Et compaigno_u_n; dont g_ra_nt merite,
Puisq_ue_ la fem_m_e est meinz p_ar_fite,
Om puet avoir, s’il se delite 17540
En governance bien loyal:
Mais jam_m_ais celle loy fuist dite,
Qe l’om_m_e ait fem_m_e trop despite
En l’ordre matrimonial.
Qui sagement se voet tenir
Legierement ne doit haïr
Sa fem_m_e, car qui la guerroie
Ne s’esjoÿt au departir,
Car a soy mesmes sanz partir
Prent guerre sanz repos ne joye. 17550
Si m’est avis q’il trop foloie
Qant ce q’il p_ar_ si bon_n_e voie
Achata tant a son plesir,
Le quiert ap_re_s hoster envoie:
Qant hom_m_e ad paié sa monoie,
Quoy valt ce lors a repentir?
Haïr ne doit om sa compaigne,
La quelle falt qu’il acompaine,
Ne trop amer la doit om mye;
Car trop amer est chose vaine, 17560
Si fait venir la nyce paine,
Dont cuers deschiet en jalousie.
C’est une ardante maladie,
Tout plain du sote fantasie
Sur cause que n’est pas certaine:
Cil q’est espris de la folie
Resemble au fol q’en ceste vie
S’occit de son coutell demaine.
Fols est qui jalousie pense,
Car ove son p_ro_pre cuer se tence,[471] 17570
Dont mesmes souffre le peiour;
Et molt sovent par sa defense
Fait q_ue_ sa fem_m_e contrepense
Ce que devant pensa nul jour,
Du rigolage et fol amour:
Ensi le fol de sa folour
Don_n_e a sa fem_m_e l’evidence
Dont elle essaie cell errour,
Le quel apres pour nul clamo_ur_
Ne sciet laisser qant le com_m_ence. 17580
Et nepourqant sanz jalouser
Om porra bien amonester
Sa fem_m_e en cause reson_n_able,
Siq’elle a son honour garder
Le siecle vuille regarder,
Et laisser que voit descordable
A son estat; et lors si able
La trove, preste et entendable,
Charir la doit et molt amer;
Et autrement s’elle est coupable, 17590
Com_m_e cil q’est sire et con_n_estable
La doit punir et chastier.
Roy Salomon, q’estoit bien sage,
Dist q_ue_ la fem_m_e en mariage
Ne doit avoir la seignourie
De son mari ne le menage;
Car s’ensi soit, de son oultrage
Avient mainte malencolie.
Qui fem_m_e ad pour ce la chastie,
Tanq’en tous pointz la souple et plie,
Pour peas avoir en avantage; 17601
Car dieus ne fist les fem_m_es mie
Pour guier, ainz voet q’om les guie
Par sobre et juste governage.
Fem_m_e a son mari doit honour,
Sicom_m_e soubgite a son seignour,
Sanz luy despire ou laidenger:
Je trai la bible a mon auctour
Du Roy David, qui pour l’amo_ur_
De l’arche dieu se fist da_u_ncer, 17610
[Sidenote: =f. 98=]
Trecher, baler et caroler
Entre les autres com_m_uner;
Mais pour ce q_ue_ de tiel atour
Michol sa fem_m_e reprover
L’en fist, dieus pour soy revenger
La fist baraigne puis tout jour.
Mestre Aristotle et danz Cato_u_n
Et ly Romeins, Senec p_ar_ no_u_n,
Chascuns endroit de sa clergie
Escript des fem_m_es sa leço_u_n: 17620
Ne sai si le dirray ou no_u_n;
Et nepourqant l’umaine vie
Falt enfo_ur_mer d’essamplerie,
Et pour cela vuil en partie
Moustrer la declaracio_u_n,
Siq_ue_ la gent en soit guarnie,[472]
Nonpas pour autre vilainie,
J’en fai ma p_ro_testacio_u_n.
Mestre Aristole dist primer,
Qe fem_m_e ou mal consail don_n_er 17630
Veint hom_m_e: et au com_m_encement
Dame Eve en don_n_a l’essampler;[473]
Et puis apres, qui voet sercher
Trover porra com_m_e faitement
Achab par le consaillement
Du fem_m_e tricherousement
Faisoit le bon Naboth tuer:
Pour ce le livre nous aprent
Qe l’en ne doit legierement
A leur consail trop encliner. 17640
Cato_u_n m’aprent p_ar_ autre voie
Qe je ma fem_m_e auci ne croie
Des pleintes dont me fait eschis;
Car si du legier la creroie,
Sovent pour nient me medleroie
Ove mes servantz et mes soubgitz.
L’en voit du fem_m_e plus haïz,
Qe son mary plus tient amis;
Ne di pas q’ensi fait la moie,
Et nepo_ur_qant a mon avis, 17650
Si du Cato_u_n ne soie apris
Qant a ce point, fol en serroie.[474]
Ce dist Senec, q_ue_ sanz trespas
Tout ce q_ue_ fem_m_e ne sciet pas,
Ce sciet celer. Et par semblance
Di si tu balsme verseras
El cribre, o si tu quideras
Q’il doit tenir: no_u_n, sanz doubta_n_ce.
Nient plus, je t’en fais asseurance,
Les fem_m_es ont en retenance 17660
Le consail quel tu leur dirras:
Si voels sercher sanz variance
Le papir de leur remembrance,
Escript au vent le troveras.
Par ce q’ai dit om puet aprendre
Et aviser et guarde prendre
De la doctrine au sage gent:
Car lors ne doit om pas mesp_re_ndre,
Dont p_ar_ reso_u_n soit a reprendre,
En reule et en governement 17670
Dev_er_s sa fem_m_e aucunement.
La fem_m_e auci qui tielement
Voet bon_n_e aprise en soy comp_re_ndre
Pour vivre debon_n_airement,
Lors porra bien et seurement
L’estat du mariage enprendre.
Si je les fols maritz desprise,
N’est pas pour ce q_ue_ je ne prise
Les bo_u_ns, et si je blame auci
Des males fem_m_es la mesprise, 17680
Ce n’est chalenge ne reprise
As bon_n_es, ainz chascuns par luy
Enporte ce q’ad deservy.
Mais tous savons q’il est ensy,
La fem_m_e q’est du bon_n_e aprise
Est do_u_n de dieu, dont son mary
Vit en quiete et joye yci
Selonc la loy du sainte eglise.
L’om_m_e ert loyal en gov_er_nance,
Et fem_m_e auci de sa souffrance 17690
Ert vergoignouse et debon_n_aire
En fait, en dit, en contienance,
Sanz faire ascune displaisance
A son mary; ainz pour luy plaire
Doit, qant voit temps, souffrir et taire,
Et qant voit temps, parler et faire,
Sicom_m_e meulx sciet, a la plesance
De son mary sanz nul contraire:
Car fem_m_e q’est de tiel affaire
Tient d’espousailles l’observance. 17700
Je truis dedeinz la bible ensi,
Que Raguel et Anne auci,
Leur file Sarre en mariage
Qant prist Thobie a son mary,
Des cynk pointz la firont garny,
Des queux elle devoit estre sage:
Primer q’elle a son voisinage
Soit amiable sanz oultrage,
Dont l’en parolle bien de luy,
Et d’autre p_ar_t sanz cuer volage 17710
Doit son baron du bon corage
Avoir sur tous le plus cheri:[475]
Auci q_ue_ fem_m_e n’ert oedive,
Ainz tout ensi com_m_e l’om_m_e estrive
Et quiert es champs sa gariso_u_n,
Et labourt, siqu’il ait dont vive;
Ensi la fem_m_e ert ententive
Pour saulf garder deinz sa meso_u_n
Sanz guast et sanz destruccio_u_n;
Car ja n’y puet avoir fuiso_u_n 17720
Le bien, u fem_m_e ert excessive:
P_ar_my le cribre porroit on
Verser sanz nulle aresteiso_u_n
Trestoute l’eaue de la rive.
Soubz main du fem_m_e gasteresce
Ne puet durer, ainçois descresce
Le bien q_ue_ son baro_u_n adquiert;
Mais celle q’est la bon_n_e hostesse
Molt bien fait guarder la richesse,
Et auci, qant le temps requiert, 17730
Despendre ensi com_m_e meulx affiert:
En son hostel molt bien appiert
Et sa mesure et sa largesce;
Ja soubz sa main nul bien depiert,
Car son g_ra_nt sens si pres le quiert,[476]
Qe riens ne laist p_ar_ oedivesce.
Au Sarre auci ly dui parent
Don_n_eront pour enseinement,
Qe sa famile bien survoie,
Et les governe tielement, 17740
Qe chascuns bien et duement
Le fait de son mestier emploie:
Car fem_m_e qui par tiele voie
Guart son estat et ne desvoie
Env_er_s son dieu n’env_er_s la gent,
Et lors, si l’om_m_e ne foloie,
Molt porront demener g_ra_nt joye
Et l’un et l’autre ensemblement.

=Ore dirra de la quarte file de Chastité, quelle ad no_u_n
Continence, contre le vice de Incest.=

Encontre Incest q’est plain d’offense
La belle file Continence, 17750
Naiscant du fine Chasteté,
Guerroie, et fait si bon defense,
Qe corps et cuer et conscience
Maintient en pure netteté,
Que ja ne serront avilé
Par les ordures du pecché,
Dont Leccherie nous ensense:
Seconde apres Virginité
C’est Continence en son degré,
Pour servir en la dieu p_re_sence. 17760
Mais Continence nepourqant
En la virgine est plus vaillant;
De ce ne dirray plus icy,
Car des virgines p_ar_devant
J’ay dit: pour ce le remenant
Dirray de ceste cause ensi,
Qe chascun hom_m_e et fem_m_e auci
Combien q’ils soiont desflouri,
S’ils puis en soient repentant[477]
Sanz estre jam_m_ais resorti, 17770
Dieus mesmes les tient a guari,
Car Continence est lo_ur_ guarant.
Quant pecché l’om_m_e avra laissé,
Ainçois q_ue_ l’om_m_e laist pecché,
Cist hom_m_e n’est pas continent;
Mais ja n’ait hom_m_e tant pecché,
S’il laist, tant com_m_e ad poesté
De plus peccher, et se repent,
Et puis toutdis vit chastement,
Tous ses pecchés du precedent 17780
Luy sont devant dieu p_ar_don_n_é,
Et combien q’il vient tardement,
Du Continence nequedent
Apres sa mort serra loé.
Le saint p_ro_phete Ezechiel,
Qui la doctrine avoit du ciel,
Dist, qant mal hom_m_e en bien s’estable
Et se conv_er_te en droituriel,
Trestout le mal no_u_ndroituriel,
Dont ad esté devant coupable, 17790
Dieus, qui sur tous est merciable,
P_ar_don_n_e, et le prent acceptable
A demorer en son hostiel:
Pour ce je sui tresbien creable
Qe continence est molt vaillable,
Qant om p_ar_ temps voet estre tiel.
Du Continence le bienfait
Ascuns sanz vou du gré le fait,
Ascuns par vou le fait ensi
[Sidenote: =f. 99=]
D’ascun saint ordre q’il attrait.
Cil ad del jeu le meillour trait 17801
Et par reso_u_n plus ert cheri;
Droitz est q’il plus soit remeri
Qe l’arbre ove tout le fruit auci
Ensemble don_n_e sanz retrait,
Qe cil qui don_n_e soul par luy
Le fruit; et nepourqant vous dy
Qe l’un et l’autre est molt bien fait.
L’evesq_ue_ vait amonestant
Au prestre en luy saintefiant, 17810
S’il chastes p_ar_devant ce temps
N’av_er_a esté, de lors avant
Soit continent, et l’autre atant
S’oblige et fait ses serementz.
Sollempnes sont les sacrementz
De tiel avou, dont continens
Serra depuis tout son vivant:
Ne sai s’il puis en ait dolens,
Mais tant sai bien, q_ue_ je ne mens
De ce que vous ay dit devant. 17820
Auci toute Religio_u_n
Du frere, moigne, et de cano_u_n,
Et du non_n_eine, a dieu servir
En faisant leur professio_u_n,[478]
De vou solempne et d’autre no_u_n
Sont obligez a contenir:
La dame auci qui voet tenir
Sa chasteté, dont revestir
Se fait d’anel par beneiço_u_n
D’evesq_ue_, apres pour nul desir 17830
Se porra lors descontenir,
Si trop ne passe sa reso_u_n.
Des fem_m_es tiele y ad esté,
Q’ad fait le vou du chasteté
No_u_npas pour dieu, mais p_ar_ensi
Q’elle ert du siecle plus loé,
Ou pour sotie et nyceté
D’amour q’elle ot a son amy:
Mais l’un ne l’autre, je vous dy,
Dieus endroit soy ne tient cheri, 17840
Et nientmeinz elle est obligé
Tenir le vou q’elle ad basti;
Dont le guerdo_u_n pent a celluy
Pour qui son fait ad plus voué.
Mais tieles dames vait blamant
L’apostre, qant s’en vont vagant[479]
Par les hosteals de la Cité;
Car chambre au dame est avena_n_t
En dieu priant ou en faisant
Labour qui soit d’onesteté: 17850
Au chapellain q’est consecré
Le moustier est app_ro_prié,
U q’il a dieu ert entendant:
A moigne et non_n_e en leur degré
Leur cloistre serra fermeté
En continence a leur vivant.
Ascuns y sont qui d’autre enp_ri_se
Ont vou du continence prise
Secret p_ar_entre dieu et soy:
C’est une chose que dieus prise, 17860
Qant om le fait du tiele aprise
Sanz veine gloire et sanz buffoy;
Essample avons du viele loy,
Le vou Marie fuist en coy,
U toute grace fuist comprise:
Mais quiq_ue_ don_n_e a dieu sa foy,
Combien que ce soit en recoy,
Il est tenuz a la reprise.
Mais quant du bon_n_e cause avient
Et q_ue_ la fem_m_e bien maintient 17870
Le vou du sainte Continence,
Lors en bon gré dieus le retient.
Ce dist David, bien me sovient,
‘Vouetz et rendetz sanz offense
Le do_u_n du v_ost_re conscience’:
Car poy decert la p_ro_vidence,
Qui molt p_ro_met et don_n_e nient.
Chascuns endroit de soy le pense;
Quoy valt a semer la semence
Du quelle ascun p_ro_fit ne vient? 17880
Qe Continence est belle chose
La turtre sanz en faire glose[480]
Nous monstre bien de sa nature;
Car tantost q_ue_ la mort depose
Son madle, soule se dispose,
Qe jam_m_ais jour apres celle hure
S’assiet sur flour ne sur verdure;
Ne jam_m_ais puis par envoisure
Autre compain rep_re_ndre n’ose;
Ainz puis tant com_m_e sa vie dure, 17890
Sanz mariage et sanz luxure
En Continence se repose.
Mais cestes vieves jolyettes,
Vestant le vert ove les flourettes
Des perles et d’enbreuderie,
Pour les novelles amourettes
Attraire vers leur camerettes,
A turtre ne resemblont mye:
Mais sur trestoutes je desfie
La viele trote q’est jolie, 17900
Qant secches ad les mamellettes;
Il m’est avis, quoy q’autre en die,[481]
Q’ad tiele espouse en compaignie,
Fols est s’il paie a luy ses dettes.
Mais quel valt plus, ou mariage
Ou continence en son estage,
Saint Augustin fait demander;
Si dist q_ue_ l’une le corsage
Engrosse et l’autre le corage:
Mais meulx, ce dist, valt engrosser
Le cuer de l’om_m_e en dieu amer, 17911
Qe soul le ventre faire enfler;
Car l’une enporte l’avantage
Que ja ne doit enbaraigner,
Mais l’autre n’en porra durer,
Qe tout ne soit baraigne en age.
Tout pleine l’une du tristesce
Lez fils enporte en sa destresce,
Et sanz pecché ne les conçoit;
Mais l’autre plaine de leesce, 17920
Sanz estre aucunement oppresse,
Les fils du joye porter doit:
L’une est p_ar_ servage en destroit,
Et l’autre est f_ra_nche en son endroit;
Labour du siecle l’une blesce,
Et l’autre, quelle part q_ue_ soit,
En grant quiete de son droit
Serra, q_ue_ nul dolour l’adesce.
L’une est la soule espouse humeine,
L’autre est l’amie dieu souleine; 17930
L’une est en plour, l’autre est en ris;
L’une est corrupte et l’autre seine;
L’une est de l’om_m_e grosse et pleine,
L’autre est de dieu enceinte au pitz;
L’une fait empler de ses fitz
P_ar_my le monde les paiis
Du multitude q’est mondeine,
Et l’autre ovesq_ue_ dieu toutdis
Fait empler le saint paradis
Des bon_n_es almes q’elle meine. 17940
Sicom_m_e la rose fresche et fine
Valt plus q_ue_ la poignante espine
Dont elle naist, ensi serra
Qe continence la divine,
Selonc que Jerom le diffine,
Sur mariage plus valdra.
L’apostre as tous ce com_m_anda,
‘Qui contenir ne se pourra,
Lors p_re_igne espouse a sa covine.’
Par celle aprise bien moustra 17950
Qu’il continence en soy prisa
De la plus halte discipline.[482]
Saint Jerom dist la difference
Du mariage et continence;
Qe l’une valt de l’autre plus,
Sicom_m_e plus valt qui sanz offense
En netteté du conscience
P_ar_fait les oev_er_es des vertus,
De luy qui s’est soul abstenus
Du pecché sanz fait de surplus. 17960
Savoir poetz par l’evidence
Au quelle part il ad conclus;
Fait ove vertu vait au dessus,
N’est reso_u_n que le contretence.

=Ore dirra de la quinte file de Chasteté, quelle ad no_u_n
Aspre vie, contre le vice de Foldelit.=

La quinte file est Aspre vie,
Q’au fine force Leccherie
Abat, et Chasteté supporte:
La char si reddement chastie,
Qe ja nul jour de sa partie
Ne laist entrer dedeinz sa porte 17970
Le Foldelit q’au corps resorte;
Ains, qanq_ue_ Leccherie enhorte,
Par sa vertu trestout desfie:
Car du penance q’elle porte
Le fieu que Leccherie apporte
Extaignt, q’ardoir ne porra mie.
C’est la vertu qui se decline
Loign du celer et du cuisine
U Gloutenie est vitailler,
Et si retient de sa covine 17980
Pour luy servir Soif et Famine.
Cil duy luy serront officer
Et au disner et au souper,
P_ar_ queux la char fait enmaigrer
Et les costés et la peitrine,
Siq_ue_ Luxure en son mestier
N’y truist surfait pour alumer,
Dont chasteté soit en ruine.
[Sidenote: =f. 100=]
Qant Daniel enfant fuist pris
Ove tout deux autrez ses amys 17990
En Babiloigne, nepourqant
De les delices du paiis
Ne volt gouster p_ar_ nul devis,
Ne boire vin pour rien vivant:
Avint q_ue_ puis le dit enfant
Ove ses compaigns trestout arda_n_t
Furont en la fornaise mis,
Mais dieus lo_ur_ fist si bell garant,
Q’en my la flam_m_e vont chantant,
Q’ils ne sentoiont mal ne pis. 18000
Qe chasteté n’est accordant
As grans delices, ainz par tant
S’en falt deinz brieve acustum_m_a_n_ce,
Saint Bernard le vait tesmoigna_n_t,
Qe ja ne serront accordant
L’une avec l’autre en observance:
Car l’une acroist la vile pance
Du Foldelit p_ar_ l’abondance
De sa delice, et l’autre avant
Entolt du corps la sustenance 18010
Po_ur_ faire a l’alme po_ur_voiance;
Poy cure tout le remenant.
L’en dist ensi com_m_unement,
‘Retrai le fieu bien sagement
Et la fumée exteinderas’:
Ensi je di que tielement
Retrai ce dont la char esprent
De les delices, et chalt pas
Exteindre foldelit porras;
Car courser megre ne salt pas, 18020
Ne si tost male tecche enp_re_nt
Com_m_e fait cil q’est bien gross et crass:
Pour ce, si tu chastes serras,
Retien bien cest essamplement.
Du saint Ambroise c’est le dit,
Qe d’om_m_e jun l’escoupe occit
Le vif serpent de sa nature:
A molt plus fort le jun p_ar_fit[483]
Le viel serpent, cel espirit
Qui nous fist faire forsfaiture, 18030
Mettra tout a desconfiture
De sa vertu, q’est chaste et pure;
Siq_ue_ la char par foldelit
Corrupte n’ert de celle ardure
Que vient de gule et de luxure,
Ainz en serra du pecché quit.[484]
C’est la vertu qui petit prise
Suef oreiller, mole chemise,
Cote ou mantell du fine leine,
Ainz ad vestu la haire grise, 18040
Poignante et aspre, en tiele guise
Que son charnel delit restreigne,
Et de bien vivre se constreigne:
Mais si sa robe q’est foreine
Au corps soit belle et bien assisse,
Pour eschuïr la gloire veine
La haire que luy est procheine
Doit guarder l’alme en sa franchise.
C’est la vertu qui n’ad plesir
Sur mole couche de gisir, 18050
Ne quiert avoir si tendre lit,
Dont porra longement dormir
Et sa tresfrele char norir,
Pour l’aqueinter du foldelit;
Ainz se contient d’un autre plit,
Sur l’aire ou sur la paile gist,
Dont tout esquasse le desir
A penser contre l’espirit;
Si tient le corps en g_ra_nt despit,
Pour l’alme faire a dieu cherir. 18060
Vigile, q’est la dieu treschiere,
Est d’Aspre vie chamberere,
Dont Sompnolence est forsbanie,
Q’au Foldelit est coustum_m_ere;
Vigile la deboute arere,
Qant volt entrer de sa partie:
Vigile auci q’est d’aspre vie
Oedive ne doit estre mie,
Qe Foldelit ne la surquiere;
Ainz Contemplacio_u_n la guie, 18070
Qui la flaielle et la chastie
Ove triste lerme et ove priere.
Les cink sens naturel humein
Sont resemblables au polein,
Q’en my le bois s’en court salvage
Tout au plesir sanz selle ou frein:
Mais s’Aspre vie en soit gardein,[485]
Il les refreine a son menage,
Et jusq’a tant q’en son servage
Les puet danter du bon corage, 18080
Retrait leur la p_ro_vende et fein;
Siq’il leur hoste tout le rage,
Si sobrement, q_ue_ sanz oultrage
Ils les puet mener de sa mein.
Iceste file a sa mesure
Est bien armé, dont molt s’assure,
Des deux armures, salvement
Qui valont contre la pointure
Du Foldelit et de Luxure:
Dont le primer adoubbement 18090
C’est d’umble cuer oïr sovent
De dieu sermon le p_re_chement,
Q’om dist de la seinte escripture;
Et ce q_ue_ p_ar_ l’oreille entent
P_ar_face bien et duement;
Lors est armé de l’une armure.
Dieus son sermon fist resembler
A l’om_m_e qui voloit semer
Ses champs, dont p_ar_t de la seme_n_ce
Dessur la roche fist ruer, 18100
U q’il ne pot enraciner:
Et p_ar_t auci par necligence
Chaoit enmy la voie extense;
L’oisel del air sanz nul defense
Cela venoiont devorer:
Et p_ar_t chaoit entre l’offense
Des ronces, dont la violence
Fist qu’il n’en pot fructefier.
Del dieu sermon atant vous di,
Sicom_m_e du grein qui s’espandi 18110
Sur roche; car p_ar_ tiel degré
Plusours le sermon ont oï
Et par l’oraille recuilli,
Mais deinz le cuer n’est pas entré;
U tant en ad de dureté[486]
Q’il ne poet estre enraciné,
Et sanz racine n’est flouri,
Et sanz flour n’est le fruit porté,
Ainz, com_m_e sur perre estoit semé,
Sanz bon humour est ensecchi. 18120
Mais l’autre grein, q’enmy la voie
De les oiseals, come vous contoie,
Fuist mis a dissipacio_u_n,
C’est qant le deble agaite et p_ro_ie
Un cristien qui se supploie
D’oïr la predicacio_u_n;
Car lors p_ar_ sa temptacio_u_n
L’en tolt la meditacio_u_n
Q’ascun p_ro_fit n’en porte envoie;
Ainz tourne a sa dampnacio_u_n 18130
Q’est dit pour sa salvacio_u_n,
Q’il bien oït et mal l’emploie.
Du tierce grain q’ert espandu
Et fuist des ronces confondu,
Le sermon dieu ce signefie:
Qant cristiens l’ad entendu,
Mais ainz q’en oev_er_e soit p_ar_cru,
Les ronces, dont le siecle allie,
C’est Covoitise ovesq_ue_ Envie
Ove Foldelit et Leccherie, 18140
Le cuer si fort ont detenu
Qu’il plus avant ne fructefie:
Ces trois semences dieus desfie,
Mais a la quarte il s’est tenu.
Du quarte grain il avenoit
Q’en bon_n_e terre le semoit:
Dont prist racine ove la cresca_n_ce
Q’a cent foitz plus multiplioit.
Ce no_us_ pourporte en son endroit
Del sermon dieu signefiance: 18150
C’est qant p_ro_dhom_m_e en sa penance
Conçoit du sermon l’entendance
En cuer devolt, com_m_e faire doit,
Et puis en fait la circumstance;[487]
Lors p_ar_ droite fructefiance
Plus a cent foitz loer resçoit.
Grant bien du bon sermon avient
A l’om_m_e qui bien le retient;
La dieu parole ad grant vigour,
Et grant vertu deinz soy contient:
Car p_ar_ p_ar_ole soul du nient 18161
Dieus ciel et terre ove leur atour
Tout les crea com_m_e creatour;
Auci nous veons chascun jour
La dieu p_ar_ole, q’en nous tient,
A no creance sanz errour
Le corps du n_ost_re salveour
Fait q_ue_ du pain en char devient.
As ses disciples qant precha,
Dieus sa parole com_m_enda 18170
De grant vertu, ce m’est avis;
Car il leur dist q_ue_ par cela
Q’ils son sermon oïront la,
Trestout les avoit esclarciz
Et nettoié leur espiritz.
Cil qui remembre de ces ditz,
Et bien les causes notera,
Molt doit avoir sermon en pris;
Car tant com_m_e l’om_m_e est meulx ap_ri_s,
De tant p_ar_ reso_u_n meulx valdra. 18180
[Sidenote: =f. 101=]
Sovent par bon consail d’amy
Hom_m_e ad vencu son anemy;
Pour ce bon est consail avoir
Du saint sermon, com_m_e je vous di;
Car champio_u_n qui s’arme ensi
Meulx en doit faire son devoir.[488]
Une autre armure y a du voir,
Du quoy l’en puet auci valoir
Qe Foldelit soit anienty;
C’est p_ar_ sovent en bon espoir 18190
La passion rementevoir
Que Jh_es_u Crist pour nous souffri.
Qui porte tiele conuscance,
Le deble ove toute s’alliance
Legierement puet desconfire,
Et garder l’alme en esp_er_ance
Du joye avoir sanz fole errance,
Ou de mesfaire ou de mesdire:
Dont cil qui voet estre bon mire
Del alme, fait q’il se remire, 18200
Au fin q’il ait en remembrance
La passio_u_n du n_ost_re sire,
Sicom_m_e l’en puet el bible lire
De la figure en resemblance.
Qant Moïses mesna la gent
El grant desert del orient,
D’arrein fist un serpent forger
Et l’alleva bien haltement,
Si q’om le vist ap_er_tement,
Et devant tous le fist porter: 18210
Car soulement pour luy mirer
Fist les pointures resaner,
Qant du venym ly vif serpent
Firont les gentz mordre et plaier:
C’estoit figure et essampler
Portant grant signefiement.
Com_m_e Moÿses out eshaulcé
Le serpent q’estoit figuré
Devant le poeple qu’il menoit,
De qui regard furont sané, 18220
Tout autrecy fuist allevé
Jh_esu_s, qant il en croix pendoit:
Dont cil qui point ou mors serroit
Du viel serpent, et penseroit
De luy q’estoit crucifié,
Sa guarison avoir porroit,
Et tous les mals assuageroit,
Des queux avoit le cuer enflé.
Trestoute l’eaue fuist amere
D’estanc, de pus et de rivere 18230
Q’el grant desert d’Egipte estoit;
Mais Moÿses par sa vergiere
Fist tant q_ue_ l’eaue ert doulce et cliere,
Dont hom_m_e et beste assetz bevoit.
La verge en quelle ce faisoit
La croix verraie figuroit,
Qe l’amertume et la misere
No_us_ tolt, et venque de son droit
Le deble, et u q_ue_ l’om_m_e soit,
Saulf le maintient soubz sa ban_er_e.
Qui ceste armure voet comp_re_ndre
Et d’Aspre vie bien aprendre 18242
De vivre solonc la vertu,
Du Foldelit se puet defendre;
Car par reso_u_n doit bien entendre,
Meulx valt penance aspre et agu,
Dont l’alme soit bien defendu,
Et estre en ease ovesq_ue_ dieu,
Qe de son corps tiele ease p_re_ndre
Dont soit p_ar_ Foldelit vencu, 18250
Et com_m_e fals recreant rendu
Au deable, qui le quiert surp_re_ndre.
Qui list les vies des saintz pieres,
Oïr y puet maintes manieres
De la nature d’Aspre vie:
Les uns souleins en les rocheres,
Les uns en cloistre ove lo_ur_ confreres,
Chascun fist bien de sa partie;
Cil plourt, cist p_re_che, cil dieu prie,
Cist june et veille, et cil chastie 18260
Son corps du froid et des miseres,
Cist laist sa terre et manantie,
Cil laist sa fem_m_e et progenie,
Eiant sur tout leur almes cheres.
Par Aspre vie tout ce firont,
Du Foldelit dont desconfiront
Les griefs assaltz et les pointures,
Q’au frele char ne consentiront:
Ainz qanq’al alme bon sentiront
Enpristront, et les aventures 18270
Qant la fortune envoia dures
Des corporieles impressures,
Sanz murm_ur_ du bon gré suffriro_n_t,
Pour plus avoir les almes pures:
Houstant trestoutes autres cures
En corps tant aspreme_n_t vesquiro_n_t.
C’est la vertu q’est tout divine,
Et est semblable en sa covine
Au forte haie du gardin,
Q’om fait de la poignante espine, 18280
Par quoy n’y puet entrer vermine
Ou male beste en nul engin;
Ainz est tout saulf et enterin,
Fuil, herbe, fruit, grein et pepin,
De la morsure serpentine;
Siq_ue_ ly sires, en la fin
Qant vient, y trove sain et fin
Le bien, dont ad sa joye fine.
La sainte vertu d’Aspre vie
Est celle quelle en p_ro_phecie 18290
David en son psalter loa,
Disant, par sainte gaignerie
En doel et triste lermerie
C’est celle qui ses champs sema,
Dont qant August ap_re_s vendra,
En grant leesce siera
Les biens dont s’alme glorifie.
Si m’est avis sages serra
Q’ensi se cultefiera,
Dont si g_ra_nt bien luy multeplie. 18300
En les viels gestes de romeins
Valeire dist, des citezeins
Ot un jofne hom_m_e a no_u_n Phirin,
Q’estoit de si grant bealté pleins
Q’en luy amer furont constreins
Pres toutes fem_m_es du voisin:
Mais pour destruire leur engin,
Siq’au pecché ne soit enclin,
Coupa ses membres de ses meins,
Dont Foldelit mist en declin. 18310
Vei la le fait du Sarasin
Pour n_ost_re essample plus ne meinz.
Cil fuist paien q’ensi fesoit,
Qui Leccherie despisoit
Tout p_ro_prement de sa vertu
Pour les ordures qu’il veoit
El vil pecché, dont abhosmoit.
He, cristien, di, que fais tu?
Qant sainte eglise t’ad estru,
Bien duissetz pour l’amour de dieu 18320
Ta vile char mettre en destroit,
Dont Foldelit soit abatu:
Car molt valt peine dont salu
Celle alme sanz fin p_re_ndre doit.

=Ore dirra la descripcio_u_n et la com_m_endacion de la vertu
de Chasteté par especial.=

Des toutes vertus plus privé
Al alme est dame Chasteté,
Come celle q’est sa chambreleine;
Q’ensi la tiffe et fait parée,
Dont plus mynote et ascemé
Appiert de fine bealté pleine, 18330
Sur toutes autres sov_er_eine:
Par quoy, sicom_m_e le livre enseine,
Dieus est de luy enamouré,
Si prist de luy sa char humeine,
La quelle au ciel com_m_e son demeine
A dieu le piere ad presenté.
O Chasteté, si je bien voie,
Toutes vertus te don_n_ent voie
Com_m_e a leur dame, et plus avant[489]
Trestous les vices loigns envoie 18340
Toy fuiont, car dieus te convoie
Et p_ar_derere et p_ar_devant:
Plus q_ue_ la pere daiamant
Attrait le ferr, es attraiant
La grace dont vient toute joye.
Toutes vertus p_ar_ resemblant
Ne sont q_ue_ lune, et tu luisant
Es com_m_e solail, qant s’esbanoie.
O Chasteté, ne m’en doi tere,
Compaigne as angres es sur terre, 18350
Mais en le ciel plus noble auci;
Dont nulle p_ar_t te falt a querre
Meilleur de toy, qui tu requerre
Av_er_as mestier, si no_u_n celly
Q’est sur tous autres ton amy;
C’est dieus ly toutpuissant, p_ar_ qui
Ta volenté p_ar_ tout puiss faire:
Nous autres tous crions mercy,
Mais tu puiss dire g_ra_nt mercy
A dieu, qui te ne laist mesfaire. 18360
O Chasteté, p_ar_ tiele assisse
Bonté verraie t’est assisse,
Qe creatour et creature
Chascuns endroit de soy te prise,
Fors soul le deable, a qui tu prise
As guerre, et p_ar_ ta confiture
Tout l’as mis a desconfiture:
C’estoit qant dieus ove ta nature
Se volt meller, dont fuist comp_ri_se
[Sidenote: =f. 102=]
La deité soubz ta porture.
Quoy dirray plus mais dieus t’onure?
Car autre a ce n’est qui suffise. 18372

=Ore dirra compendiousement la Recapitulacio_u_n de toute la
matiere precedent.=

Ore est a trere en reme_m_bra_n_ce
Com_m_e je p_ar_ ordre en la roma_n_ce
Vo_us_ ai du point en point conté
Des vices toute la faisance;
Prim_er_ement de la nescance
Du Pecché, dont en p_ro_preté
Mort vint, et puis p_ar_ leur degré
Com_m_ent les sept sont engendré,
Les quelles p_ar_ droite alliance 18381
Au Siecle furont marié,
Com_m_e puis se sont multeplié,
Tout vous ai dit sanz variance.
Et puis apres vous dis auci
De l’om_m_e q’en fuist malbailli,[490]
Dont l’Alme a dieu se compleigna
Et com_m_e puis dieus de sa mercy
Pour la pité q’il ot de luy
Les sept vertus lors maria 18390
A Reso_u_n, qui les espousa,
Et puis de ce qu’il engendra,
De l’un et l’autre avetz oÿ.
Mais ore apres me semblera
Bon est que l’en aguardera
L’estat de nous qui susmes cy.
Ore au final sont engendrez
Les vices, qui sont malurez,
Trop se font fort de leur p_ar_tie;
Et d’autre p_ar_t sont auci neez 18400
Les vertus, qui sont benurez,
A resister leur felon_n_ie:
Sur quoy chascuns autre desfie,
L’un claime avoir la seignourie
De l’om_m_e ove tous ses p_ro_pretés,
Et l’autre dist qu’il n’av_er_a mie;
Ensi la guerre est arrainié,
U q’il y ad peril assetz.
La Char se tret trestout as vices,
Et l’Alme voet q_ue_ les services 18410
Soient au Reso_u_n soulement;
Mais ore agardons les offices
Des tous estatz, si les justices
Ou les malices au present
Sont plus fort en governement.[491]
Je dis, ensi com_m_e l’autre gent,
Qe plus sont fortes les malices,
Siq_ue_ Pecché com_m_unement
Par tout governe a son talent
L’escoles et les artefices. 18420

=Puisq’il ad dit les p_ro_pretés des vices et des vertus,
sicome vous avetz oï, ore dirra en p_ar_tie l’estat de ceux
q’ont n_ost_re siecle en gov_er_nance; et com_m_encera
p_ri_m_er_ement a la Court de Rome.=