Chapter XIX: Part 19

Apres l’Empire le seconde
Po_ur_ gov_er_ner les gentz du monde
L’estat du Roy fuist ordiné:
Ly Rois, sicome le livre exponde,
S’il a sa Roialté responde,
Doit guarder toute honesteté: 22230
De sa primere dueté,
Doit sainte eglise en son degré
Defendre, q_ue_ nuls la confonde,
Et puis doit de sa Roialté
Selonc justice et equité
Guarder la loy dedeinz sa bonde.
Tiele est la dueté des Roys,
Amer et servir dieu ainçois,
Et sainte eglise maintenir,
Et garder salvement les loys: 22240
Mais ils font ore nul des trois;
Car ils n’ont cure a dieu servir,
Et d’autre p_ar_t vuillont tollir
Du sainte eglise, ainz q’eslargir
Ne les franchises ne les droitz;
Et nulle loy vuillont tenir
Mais ce qui vient a leur plesir,
Sicom_m_e dist la com_m_une vois.
Rois sainte eglise trop enpire,
Qant il nient joustement s’aïre 22250
Encontre ascun q’est son prelat,
Et sur cela luy fait occire:
Combien q’il soit son lige sire,
Il duist doubter si saint estat;
Qui sainte eglise ensi rebat
Encontre mesmes dieu combat,
Mais il ne le puet desconfire;
Ainz tant com_m_e pl_us_ ove luy debat,
Tant plus serra du guerre mat,
Qant il son ease plus desire. 22260
Et d’autre p_ar_t trop desavance
La sainte eglise Rois q’avance
Clerc a la cure d’eveschée,
Qui sciet ne latin ne romance,
Du bible ne de Concordance,
Ne de Civile ne decré,
Pour governer sa digneté,
Mais soul pour ce q’il est privé
Du Roy, pour faire sa plesance
En la mondaine vanité. 22270
Rois qui tiel clerc ad avancé
Ne serra quit de la penance.
O Rois, fai ce que tu porras,
Qe sages soient tes prelatz,
A ce qu’ils facent leur devoir;
Et lors tu les desporteras,
Que malgré leur ne porteras
Du sainte eglise ascun avoir:
Et d’autre part t’estuet savoir,
Qant dois coron_n_e rescevoir, 22280
D’evesq_ue_ la resceiv_er_as;
Dont m’est avis, pour dire voir,
Celluy q’onour te fait avoir
Par reson tu n’avileras.
O Roys, si je le serement
Q’au jour de ta coron_n_ement
As fait a dieu et sainte eglise
Remembre, lors ne say com_m_ent
Le dois falser, car Rois qui ment
N’est digne a tenir sa franchise, 22290
Ainz dieus le hiet et le despise;
Car verité p_ar_ halte enprise
L’appelle et tient en jugement,
Et le met a recreandise:
Pour ce bon est q_ue_ Roy s’avise
Pour la bataille qu’il attent.
O Roys, dieus ne s’agreë mye,
Qant tu franchise ou manantie
Que ton Ancestre a luy don_n_a
Luy voes tollir de ta maistrie; 22300
Car dont l’eglise est enpovrie,
Jam_m_ais ly Roys se richera:
Mais Rois doit bien savoir cela,
Quanq_ue_ l’eglise tient et a
A dieu p_ar_tient, dont courtoisie
Unques n’estoit ne ja serra,
Qant a celluy qui tout bailla
Ne laist avoir sa pourp_ar_tie.
O Roys, laissetz en pes la bonde;
Combien q_ue_ sainte eglise habonde,
Tu ne t’en dois entremeller: 22311
Du Salomon je truis q’il fonde
Le temple dieu, et a large onde
Des biens le fist sup_er_fluer;
Mais je say nulle part trover
Qu’il en tollist un soul denier,[553]
Car la science q’ot p_ar_fonde
Luy fist toutdis considerer,
Qe cil q’au dieu voet guerroier
Ne puet avoir sa pes au monde. 22320
Du Roy d’Egipte truis lisant,
Qu’il ses taillages demandant
Des p_re_stres moeble ne florin
Pour l’amour son dieu Ternaga_n_t
Ne volt tollir ne tant ne quant:
C’estoit le fait du Sarazin;
Avoy pour honte! o Roy cristin,
N’iert dieus amé plus q’Appolin?
Q’est ce q_ue_ tu t’en vais pilant
Des p_re_stres, qui sont tout divin? 22330
Crois tu p_ar_ ce mener au fin
Ta guerre? No_u_n, jam_m_ais p_ar_ tant.
Lysias, qui l’ost de Surrie
Menoit soubz sa con_n_establie,
As tous les a_u_ns avoir quida
El temple dieu de la clergie
Tribut: mais dieus ne le volt mie,
Ainçois son angel envoia,
Q’encontre luy le derresna,
Et de son host occis y a[554] 22340
Bien dousze Mil. O la folie,
Si Rois ne s’en essamplera!
Car si dieus lors son temple ama,
S’eglise est ore plus cherie.
O Rois qui piles sainte eglise
Et tols a tort la dieu franchise,
Scies tu q_ue_ dieus t’en ad p_ro_mis?
Par son p_ro_phete il te devise
La paine q’il t’en ad assisse,
Si dist qu’il tourn_er_a son vis 22350
Encontre toy p_ar_ tiel divis,
Qe tu serras tant esbahis
Du paour et recreandise,
Qe si nes uns t’ait poursuïz
Tu fuieras. O dieu merciz,
Trop serra dure la reprise.
O Rois, je loo, si tu bien fes,
Laissetz la sainte eglise en pes,
Fai ce q’a ta coron_n_e appent;[555]

. . . . . . .

[Sidenote: =f. 125=]
Mais cil q’estoit du sage port,
C’est Daniel, au Roy report
L’exponement, disant ensi:
‘Mane, ton pueple t’ad guerpi;
Techel, tu n’as bonté par qui
Qe dieus t’en voet don_n_er confort;
Phares, ton regne est departi, 22750
Car dieus voet q’autre en soit saisi,[556]
Et tu serras du pecché mort.’
O Rois, pren guarde et te po_ur_voie,
Qe tiele l_ett_re ne t’envoie
Dieus, qui les Rois tient en justice;
En trop de vin ne te festoie,
Dont ta luxure multeploie,
Car c’est en Roy trop orde vice:
Et d’autre p_ar_t pour l’avarice
Ne fai a l’orr ton sacrefice, 22760
Car Rois doit estre toute voie
F_ra_ncs en toutz pointz, mais trop est nice
Cil Rois q’en servitute esclise,
Et de franchise se desvoie.
Dedeinz la bible escript je lis
D’un Roy qui demandoit jadis
Des quatre de ses chambreleins,
Et g_ra_nt loer leur ad p_ro_mis,
Qui meulx dirroit au droit divis 22769
Q’est ce q_ue_ plus du force est pleins:
Si lo_ur_ don_n_a trois jo_ur_s au meinz
D’avisement, dont plus certeinz
Fuissent pour dire leur avis.
L’un dist q_ue_ sur trestous humeinz
Du force Roy fuist souvereinz;
Car Roy tous autrez ad soubgiz.
Mais ly secondes respondy,
Qe fem_m_es sont plus fort de luy;[557]
Car fem_m_es scievont Roy danter:
L’essample veons chascun dy, 22780
Maint Roy en est trop malbailly,
Q’au peine nuls se sciet garder.
Ly tierce dist, q’au droit juger,
Le vin trestout puet surmonter,
P_ar_ force qant les ad saisy;
Car Roy et fem_m_e en son danger
Retient, et tolt leur force et cuer,
Et tout le membre ovesq_ue_ auci.
Le quarte dist que verité
Toute autre chose ad surmonté; 22790
Car verité de son droit fin,
Qant tous serront ovel jugé,
Tout veint la fole vanité
Du Roy, des fem_m_es et du vin.
Cil qui ce dist ot le cuer fin
Du sapience et bon engin,
Dont sa response tint en gré
Ly Rois, ensi com_m_e d’un divin.
Bien doit pour ce le Roy cristin
Amer justice et loyalté. 22800
Rois doit la verité cherir
Sur toute chose et obeïr,
Ce dist Sidrac; et nepourqant
Ore voit om Roy tous ceaux haïr
Qui voir diont, mais qui blandir
Luy vuillont, cils serront mana_n_t.
Voir dist qui dist fem_m_e est puissant,
Et ce voit om du meintenant:
Dieus pense de les mals guarir,
Q’as toutes loys est descordant, 22810
Qe fem_m_e en terre soit regnant
Et Rois soubgit pour luy servir.
Rois est des fem_m_es trop deçu,
Qant plus les ayme q_ue_ son dieu,
Dont laist honour pour foldelit:
Cil Rois ne serra pas cremu,
Q’ensi voet laisser son escu
Et querre le bataille ou lit.
Du Roy David je truis escrit
Que pour son charnel appetit 22820
Du Bersabée, qu’il ot conu,
Vilainement fuist desconfit;
Car Rois ne serra ja parfit
Q’est de sa frele char vencu.
Dedeinz la bible qui lira
Des Rois, sovent y trov_er_a
Qe pour les mals q_ue_ Rois faisoit
Non soulement dieus se venga
Sur le Roy mesme, ainz pour cela
Trestout le pueple chastioit; 22830
Mais p_ar_ contraire en nul endroit
Ne lis qu’il sur le Roy vengoit
Les mals du pueple cy ne la:
Rois est le chief solonc son droit,
Dont si le chief malade soit,
N’est membre qui dolour n’ara.
Ensi le mal du Roy ceux fiert
As queux le pecché point n’affiert;
Car ce dont Rois son dieu offent
Sovent le pueple le compiert, 22840
Par quoy du Roy, com_m_e bien apiert,
Les pecchés sont trop violent.
Dieu ne se venga p_ro_prement
De David q’ot fait folement,
Ainz pour le Roy le poeple quiert:
Bien doit ly Rois estre dolent
Qant il au pueple tielement
Po_ur_ ses pecchés vengance adquiert.
Le lis, qant David s’ap_ar_çoit
Qe sur son pueple tourneroit 22850
Ce q’il ot mesmes deservy,
Po_ur_ le dolour q’il lors avoit
Dieus la vengance repaisoit,
Qant vist coment se repenti;
Car tost com_m_e il s’en conv_er_ti
Vers dieu, il en trova mercy,[558]
Dont il son dieu remercioit,
Et puis se contienoit ensi,
Qu’il soy et tout le pueple auci
Al dieu plesance governoit. 22860
O Rois, retien en remembrance
Du Roy David la repentance:
Hostetz de toy le fol desir,
Qui fait amerrir ta puissance,
Hostetz de toy fole ignorance,
Que ta justice fait blemir;
Et si tu voes au bien venir,
D’orguil ne te dois sovenir:
Pren consail sage en t’alliance,
Et sur tout te dois abstenir 22870
Du covoitise, et lors tenir
Porras la bon_n_e governance.
Ly Rois David, com_m_e dist l’aucto_ur_,
Estoit des six pointz essamplour,[559]
Dont chascun Roy puet essampler:
Ly Rois David estoit pastour,
Ly Rois David estoit harpour,
Ly Rois David fuist chivaler,
Ly Rois David en son psalter
Estoit p_ro_phete a dieu loer, 22880
Ly Rois David en doel et plour
Estoit penant, et pour regner
David fuist Rois, si q’au parler
As autrez Rois il fuist mirour.
Au pastour falt prim_er_ement
Q’il ses berbitz discretement
Les ruignous houste de les seins:
Bons Rois covient qu’il tielement
Deinz son hostell la bon_n_e gent
Retiene et hoste les vileins. 22890
Berbis q’est de la ruigne atteins
Les autres qui luy sont p_ro_cheins
Entusche: et l’om_m_e q’est present
Entour le Roy fait plus ne meinz;
Des males mours dont il est pleins
Corrumpt les autres malement.
Au bon harpour falt de nature
Mettre en accord et attemprure
Les cordes de sa harpe, ensi
Qe celle corde p_ar_dessure 22900
Ne se descorde a la tenure,
Et puis q’a l’un et l’autre auci
Face acorder la corde enmy;
Mais au darrein covient a luy
Qu’il de Musique la droiture
Bien garde; et lors ad tout compli,
Dont cils q’aront la note oÿ
S’esjoyeront de la mesure.
Ensi falt q_ue_ ly Rois en terre
Sache attemprer et l’acord fere 22910
Du pueple dont la gov_er_nance
Il ad resçu, siq’au bienfere
Chascuns endroit de son affere
Soit temprez en droite ordina_n_ce,
Le seigno_ur_ soit en sa puissance
Et la com_m_une en obeissance,
L’un envers l’autre sanz mesfere:
Rois q’ensi fait la concordance
Bien porra du fine attempra_n_ce
La harpe au bon_n_e note trere. 22920
David bon chivaler estoit
Du cuer et corps, dont surmontoit
La force de ses anemys;
Qant po_ur_ la foy se combatoit,
Dieus son miracle demoustroit,
Dont il avoit loenge et pris.
Car la fortune a les hardis
S’encline, mais Rois q’est eschis
A batailler qant il ad droit,
Il n’est pas de David apris; 22930
Mais s’il defende son paiis,
Lors fait cela que faire doit.
Prophete estoit le bon Davy,
Loyal, certain, car tant vous dy,
Ce qu’il disoit ne fuist pas fable.
[Sidenote: =f. 126=]
Rois qui s’essamplera de luy
Covient tricher envers nully,
Car Roys doit estre veritable
De sa parole, et non changable;
Et autrement, s’il soit muable, 22940
Il ad sa Roialté failly:
Mais Rois q’en verité s’estable,
Par ce son regne fait estable,
Si ert a dieu p_ro_chein amy.
David estoit auci penant,
Du cuer contrit et repentant,
De ce qu’il dieu ot offendu,
Dont fist penance sufficant
Par quoy soy mesmes tout ava_n_t
Et puis le pueple en sa vertu 22950
Guarist de la vengance dieu:
O Rois, ensi covient que tu
Par repentance eietz garant
De tes pecchés, dont absolu
Estre porretz, ainz q_ue_ vencu
Soietz del ire au toutpuissant.
Mais au final David fuist Rois,
Qui bien guardoit les bon_n_es lois.
Mais pour retourner a cela
Des pointz dont vous ay dit ainçois,
Le temps est ore plus malvois, 22961
N’est qui David essamplera:
Pres du pastour ore om verra
Berbis ruignous, dont trop y a;[560]
Et del harpour diont François,
La harpe est en discord pieça.
U est qui bien nous harpera?
Je ne say dire a ceste fois.
Pour parler de chivalerie
De David et sa p_ro_phecie, 22970
Du prouesce et du verité,
N’est pas a moy q_ue_ je le die,
Mais om dist que l’essamplerie
Du n_ost_re terre en est alé,[561]
Et q_ue_ David s’estoit pené
Po_ur_ ses pecchés, ore est tourné
Po_ur_ l’ease avoir de ceste vie,
Et la justice en Roialté
Que David tint, desloyalté
De mal consail l’ad forsbannie. 22980
O Rois, enten, si fretz q_ue_ sage,
Danz Tullius t’en fait message,
Disant q_ue_ c’est au Roy g_ra_nt honte,
Qui p_ar_ bataille et fier corage
Tous veint, et soy laist en servage
Du covoitise, et tant amonte
Q’il n’est pas Rois a droit acompte:
Del une part car si l’en conte
Qu’il ad prouesce et vassallage,
Del autre p_ar_t son pris ne monte; 22990
Qant covoitise luy surmonte,
L’onour du Roy se desparage.
O Rois, d’orguil ton cuer retien,
De l’escripture et te sovien.
Dieus dist, ‘A la coron_n_e way
Q’est orguillouse!’ car n’est rien
Que dieus tant hiet, ce savons bien;
Plusours en ont trové l’essay:[562]
Mais d’autre p_ar_t tresbien le say,
O Rois, si voes servir au pay 23000
Ton dieu, humblesce en toy maintien,
Com_m_e fist David, ensi le fay:
L’essample vous en conteray,[563]
Ascoulte, Rois, et le retien.
Molt ot David humble espirit,
Ce parust bien qant il oït
Semeÿ, qui luy vint maldire
En son meschief p_ar_ g_ra_nt despit,
Et il le fist du mort respit,
D’umilité restreigna l’ire: 23010
Auci l’en puet de Saül lire
Qu’il querroit David po_ur_ l’occire,
Po_ur_ ce David point ne l’occit,
Qant ot poer, dont n_ost_re sire
Puis saisist David de l’empire
Et Roy Saül fuist desconfit.
Sicom_m_e la force eschiet du Roy
Par son orguil et par desroy,
Ensi s’avance humilité.
Ce parust en la viele loy, 23020
Senacherib ove son buffoy
Qant Ezechie ot manacé
Et cil s’estoit humilié,
Dieus son miracle ad demoustré:
Oytante Mil et cynk, ce croy,
Del host paiene il ad tué,
Et puis luy mesme en sa contré
Ses fils tueront en recoy.
O Roys, tu es a dieu conjoynt,
Qant p_ar_ les meins d’evesq_ue_ enoint
Es du sainte oile, et pour cela 23031
Remembre a ce q_ue_ t’est enjoint,
De vertu ne soietz desjoynt,
Car Rois p_ar_ droit le vice harra:
De sa nature l’oile esta
Mol et p_er_çant, dont Rois serra
Pitous et joust, siq’en nul point
Al un n’al autre falsera;
Pité joustice attemprera,
Qu’il crualté ne ferra point. 23040
O Rois, si bien fais ton devoir,
Deux choses te covient avoir,
Ce sont pités et jugement,
Ne l’un sanz l’autre poet valoir:
Tu ne te dois tant esmovoir
Du pité, dont la male gent
Soit inpunie, et autrement
Tu dois sanz pité nullement
Juger de ton roial pooir
Pour nul corous q_ue_ toi susp_re_nt, 23050
Ainz du pité benignement
Fai la malice removoir.
Senec le dist q’a Roialté
Plus q’a nul autre affiert pité,
Et le bon Emp_er_our Constant
Nous dist q_ue_ cil s’est bien p_ro_vé
Seigneur en droite verité,
Qui du pité se fait servant:
Cassodre auci ce vait disant,
Qe tout le regne en ad garant,[564] 23060
U q_ue_ pités s’est herbergé;
Et qui la bible en vait lisant[565]
Verra justice molt vaillant,
Qant du mercy serra mellée.
Ly Rois q’est joust et debon_n_ere
N’estuet doubter le fait du guerre
Pour multitude de la gent
Q’au tort vienont po_ur_ luy surquere;
Car mesmes dieu leur est contrere
Et les maldist molt fierement, 23070
Com_m_e Ysaïe nous aprent:
Ly Machabieus tout ensement,
Q’assetz savoit de tiel affere,
Dist que victoire ne se prent
En multitude, ainçois attent
En dieu, si Roys luy voet requere.
O Rois, si estre voes p_ar_fit,
Fai ce pour quoy tu es eslit,
Justice au pueple fai don_n_er;
Ly Rois qui par justice vit 23080
Ja n’ert du guerre desconfit.
Ce dist David en son psalter,
‘Justice et pes s’en vont aler
Com_m_e mere et file entrebaiser’:
Car de justice pes nasquist;
Pour ce justice est a guarder[566]
Au Roy qui voldra pes amer,
Car c’est le chief de son habit.
O Rois, si tu del un oil voies
Les grans honours, les g_ra_ndes joyes
De ta coron_n_e et ta noblesce, 23091
De l’autre part repenseroies
Com_m_e es chargez diversez voies
De ce dont dieus t’ad fait largesce.
Si tu bien gardes la p_ro_messe,
Com_m_e ta coron_n_e le p_ro_fesse,
Et ton devoir n’en passeroies,
Lors sanz faillir, je me confesse,
Les charges passont la richesce,
Si l’un ove l’autre compensoiez. 23100
L’estat du Roy est honourable,
Mais cel honour est descheable
Au siecle qui ne puet durer;
Car mort que ja n’ert m_er_ciable
Ne truist le Roy plus defensable
Q’un povre vilein labourer,
Et tout ensi naist au primer
Le Roy com_m_e fait le povre bier,
Nature leur fait resemblable,
Mais soul l’estatz font diverser; 23110
Dont si ly Rois ad plus poer,
Tant plus vers dieu est acomptable.
Qui plus en halte estage monte,
S’il en cherra, mal se desmonte,[567]
Dont trop se blesce; et tout ensi
Par cas semblable tant amonte
Ly Rois, qui tous estatz surmonte;
S’il soit des vices assailly
Et soit vencu, tant plus failly
Serra coupable et malbailly, 23120
Qant a son dieu rendra l’acompte,
Qui la p_er_son_n_e de nully
Respite. O Rois, pour ce te dy,
Pren garde a ce que je te conte.
C’est bien reso_u_n, si Rois mal fait,
Qe s’alme plus du paine en ait[568]
Q’uns autres de menour degré:
[Sidenote: =f. 127=]
Car si la povre gent mesfait,
Sur eaux reverte le mesfait,
Dont sont du siecle chastiée; 23130
Mais si ly Rois fait malvoisté,
N’est qui pourra sa Royalté
Punir, ainz quit de son forsfait
Irra tout a sa volenté,
Tanq_ue_ la haulte deité
Luy fait ruer de son aguait.
O Rois qui meines vie fole,
Ainçois q_ue_ l’ire dieu t’affole,
Fai amender ta fole vie;
Car qant tu vendras a l’escole 23140
U t’alme doit respondre sole,
Ne te valdra chivalerie,
Ne Roialté ne seigneurie,
Ainz la reso_u_n q’as deservie
Du ciel ou d’infernal gaiole
L’un dois avoir sanz departie:
Ore elisetz a ta partie
Le quel te plaist, ou dure ou mole.
Ainz q’autre chose a dieu prioit
Rois Salomon, q’il luy voldroit 23150
Don_n_er ytielle sapience
Par quelle du justice et droit
Son pueple en sauf gov_er_neroit:
Dont sa priere en audience
Vint p_ar_devant la dieu p_re_sence,
Et pour ce q_ue_ sa conscience
Au p_ro_ufit de son poeple estoit,
Dieus luy don_n_a l’exp_er_ience
Du bien, d’onour et de science,
Plus q’unq_ue_s Rois deva_n_t n’avoit. 23160
L’essample au Salomon le sage
Loign du memoire ad pris passage,
N’est Rois qui le voet repasser
Pour le tenir deinz son corage,
Ainz prent du poeple son pilage
Et laist justice oultrepasser.
Si dieus consail du losenger
D’entour le Roy ne voet hoster,
Trop avons p_er_du l’avantage;
Car chascun jour renoveller 23170
Veons les mals et adverser,
Dont chascuns sente le dam_m_age.
Essample y ad du meinte guise,[569]
Qe Rois consail du covoitise
Doit eschuïr, car ce defent
Ly philosophre en son aprise;
Car tiel consail honour ne prise
Ne le com_m_un p_ro_fitement,
Ainz quiert son lucre p_ro_prement.
De fals Judas l’essamplement 23180
Bon est q_ue_ chascun Roy s’avise;
Car il pour lucre de l’argent
Son Roy trahist au male gent,
Qui puis en suffrit la juise.[570]
Mais cil qui mal consail dorra,
Ly mals sur soy revertira,
Qant il meinz quide q_ue_ ce vient:
Ce dist Sidrac, et de cela
Achitofel nous essampla,
Qant Absolon ove soit retient 23190
Cusy, a qui consail se tient
Et le pourpos volt guarder nient
Q’Achitofel luy consailla;
Dont il tant anguissous devient,
Q’as ses deux mains le hart enprie_n_t
Au p_ro_pre coll et s’estrangla.
O dieus, qant ly plus seigneural
Pier de la terre et principal
Apres le Roy n’osent restreindre
Les mals, ainz sustienont le mal, 23200
Com_m_ent dirront ly com_m_unal?
Ou a qui lors se porront pleindre,
Qant cils q’ap_re_s le Roy sont greindre
N’osent voirdire, ainz vuillont feindre,
Pour doubte ou pour l’amour roial?
N’est verité qui puet remeindre,
Dont ont oppress le pueple meindre
Du maint errour sup_er_flual.

=Ore qu’il ad dit l’estat des Roys, dirra l’estat des autres
seignours.=

Apres les Rois pour Regime_n_t
Seignours om voit div_er_seme_n_t 23210
Par les cités, par les paiis,
Qui sont ensi com_m_e Roy regent,
Et si ne portont nequedent
Le no_u_n du Roy, ainçois sont ditz
Ducs, Princes, Contes et Marchis.
Chascuns, solonc qu’il ad enpris
L’onour, doit porter ensement
Les charges, dont il m’est avis,
Seignour doit garder ses soubgitz
En loy du bon gov_er_nement. 23220
N’est pas pour ce q_ue_ dieus n’avoit
Assetz du quoy dont il porroit
Avoir fait riche chascuny,
Q’il les gens povres ordinoit;
Ainz fuist pour ce q_ue_ dieus voloit
Essaier les seignours ensi,
S’ils ussent leur corage en luy:
Car qui q’est riche et joust auci,
Laissant le tort pour faire droit,
Il ad grant grace deservi, 23230
Qant pour les biens q’il fait yci
Les biens sanz fin puis avoir doit.
Ascuns diont q’en Lombardie
Sont les seignours de tirandie,
Qui vivont tout au volenté
Sanz loy tenir d’oneste vie,
Ainçois orguil et leccherie
Et covoitise ont plus loé.
D’orguil ont sainte eglise en hée,
Qu’ils la sentence et le decré 23240
Po_ur_ dieu n’en vuillont garder mie,[571]
Et de luxure acoustumé
Com_m_une font la mariée
Et la virgine desflourie.
Et d’avarice, dont sont plein,
Ils font piler et mont et plein,
N’est uns qui leur puet eschaper
Qui soit a leur poer p_ro_chein:
Trestous les vices ont au mein,
Mais ore, helas! trop com_m_uner 23250
S’en vait p_ar_ tout leur essampler;[572]
Deça et p_ar_dela la mer
Chascuns s’en plaint, p_re_s et longtein,
Qe la malice en seigneurer
Confont le povre labourer,
Et le burgois et le forein.
De ces Lombardz om solait dire
Q’ils sont sur tous les autrez pire
En gov_er_nant leur seignourage;[573]
Mais certes ore, qui remire 23260
L’estat du siecle pour descrire,
Om voit plusours de tiel estage,
Seigno_ur_s du jofne et du viel age;
Chascuns en sente le dam_m_age,[574]
Mais nuls en puet trov_er_ le mire:[575]
Si dieus ne pense au tiel oult_ra_ge
Rescourre, endroit de mon corage
Ne sai ce q_ue_ j’en doie escrire.[576]
Avoy, seigneur, q’es en bon plit
Sibien d’onour com_m_e de p_ro_ufit, 23270
Tu es du deble trop com_m_uz,
Qant tout cela ne te souffit,
Ainçois de ton fol appetit
Pour covoitise d’avoir plus
Fais guerre, dont serront confus
Les povrez gens et abatus
Les droitz: mais seigno_ur_ q’ensi vit
Du charité trop est exclus;
Meulx luy valdroit estre reclus, 23279
Qant po_ur_ son gaign le poeple occit.
Des tieus seignours le mal avient
Par quoy no siecle mal devient;
Car seignour ont le poesté
Du poeple, siq’au gent covient
La reule que du mestre vient
Suïr com_m_e par necessité.
Dont semble q_ue_ la malvoisté
Du quoy no siecle est tribolé
A leur p_ar_tie plus se tient,
Des queux la gent est gov_er_né; 23290
Ce sont seignours p_ar_ leur degré:
Ne sai si je le dirray nient.
Sicom_m_e les g_ra_ns seigno_ur_s amont
De leur errour malice font,
Autres y ad, ce semble a moy,
Ly quel ne Duc ne Prince sont
Ne Conte, et nepourqant il ont
Div_er_sement poer en soy,
Chascuns en son paiis, du quoy,
Ou en ap_er_t ou en recoy, 23300
Le pueple de sa part confont:
Siq_ue_ p_ar_ tout, u que je voy,
Du justice et de bon_n_e foy
Entorcio_u_n ad freint le pont.
Mais certes par le mien avis
De toy me pleigns q’es seignouris,
Quant oultre ce q_ue_ dieus te don_n_e
T’enforces nepourqant toutdiz
D’extorcio_u_n en ton paiis
Piler du povre la p_er_son_n_e: 23310
Qant tu as ce qui te fuison_n_e,
Du pov_er_e gent qui t’environ_n_e
Ne serroit ton pilage pris;
Combien q_ue_ l’autre mot ne son_n_e,
Cil dieux vers qui le mal reson_n_e
Ne lerra tiels mals inpunitz.
Et d’autre p_ar_t trop mal se guie
[Sidenote: =f. 128=]
Seignour puissant du seigno_ur_ie,
Qant il les com_m_uns baratours
Pour la petite gaignerie 23320
Supporte de sa tirannie;
Dont nous vienont les g_ra_ns erro_ur_s:
Car qant seigno_ur_ sont mainteno_ur_s,
La loy com_m_une pert son cours,
Par quoy le tort se justefie,
Dont la justice est a rebours:[577]
Tiel seignour et tiels soldeiours
Mettont en doubte n_ost_re vie.
O seigneur, qant orguil te prent,
Enten que Salomon t’aprent, 23330
Qui dist: ‘Le jofne enfant q’est sage,
Discret, hon_n_este et diligent,
Combien q’il soit du povre gent
Et n’ad de rente n’eritage,
Plus valt endroit de son corage
Qe ly vielardz q’ad seigneurage,
Qant il est fol et necligent.’
Pov_er_te en soy n’est pas hontage,
Si des vertus ait l’avantage,
Mais la richesce est accident. 23340
Sanz terre valt p_ro_dhom_m_e asses,
Mais sanz p_ro_dhom_m_e sont quassez
La terre et la richesce en vein.
Ja n’ait malvois tant amassez,
Qant les vertus luy sont passez,
De soy n’est autre que vilein;
Mais l’autre, si richesce au mein
Luy falt, il puet p_ar_ cas demein
Avoir g_ra_ns terres et cités
Par les vertus dont il est plein: 23350
Car les vertus sont plus certein
Qe les richesces maleurez.
Par les vertus om puet acquerre
Toutes richesces de la terre,
Mais les richesces nepourqant
Ne sont en soy digne a conquerre
Le meindre q_ue_ l’en porroit querre
De les vertus, ne tant ne qant.
O seigneur, qui fais ton avant,
Pour ce n’es pas a ton devant, 23360
Qe tu fais ta richesce attrere,
Si des vertus soies faillant;
Mais cil est riche et sufficant
Q’est vertuous en son affere.
Achilles fuist le plus proisé
En l’ost des Grieus, qant la cité
De Troie furont assiegant;
Un autre y fuist q’estoit nomé
Tersites, le plus maluré;
Dont dist Orace a son enfant, 23370
‘Meulx vuil q_ue_ toy soit engendrant
Tersites, maisq_ue_ tu vaillant
Soies d’Achilles essamplé,
Qe si fuissetz filz Achillant
Et a Tersites resemblant
De la malvoise renomée.’
O seignour, tu porras savoir
Par ce q’ai dit que c’est tout voir,
Quiq’a l’enfant soit piere ou mere
De ce ne puet au fin chaloir, 23380
Maisqu’il de soy porra valoir
Du sen, du port et de maniere;
Et ja n’ait om si noble piere,
Voir s’il fuist fils a l’Emp_er_ere,
S’il ne se sache au droit avoir,
Meulx valt le fils de la berchere:
Car solonc q_ue_ l’en voit matiere,
Chascuns son pris doit rescevoir.
Tous suismes d’un Adam issuz,
Combien q_ue_ l’un soit au dessus 23390
En halt estat, et l’autre en bass;
Et tous au mond nasquismes nudz,
Car ja nasquist si riches nuls
Qui de nature ot un pigas.
O tu q’en servitute m’as,
Si je meinz ay et tu plus as
Richesce, et soietz sanz vertus,
Si tu malfais et je bien fas,
Dieus changera tes sis en as,
Tu meinz aras et j’aray plus. 23400
Seigneur de halt parage plain,
Ne t’en dois faire plus haltain,[578]
Ne l’autre gent tenir au vil;
Tous suismes fils de dame Evain.
Seigneur, tu qui me dis vilain,
Com_m_ent voes dire q’es gentil?
Si tu le dis, je dy nenil:
Car certes tout le flom de Nil
Ne puet hoster le sanc p_ro_chain
De toy, qui te fais tant nobil, 23410
Et du vilein q’en son cortil
Labourt pour sa vesture et pain.
Trop est l’oisel de mesprisure
Q’au son ny p_ro_pre fait lesure,
Qu’il duist honestement garder.
Seigneur auci se desnature,
Les povres gens de sa nature
Qu’il fait despire et laidenger;
Car tous tieux me_m_bres pier au pier
En l’om_m_e povre puet mirer 23420
Com_m_e mesmes ad ove l’estature
Tout auci beal, auci plener
Du sen, du reso_u_n, de parler,
Et de semblant et de figure.
He, quel orguil te monteroit,
Seigneur, si dieus fo_ur_mé t’avoit
D’argent ou d’orr ou de perrie,
Siq_ue_ ton corps ne purriroit:
Mais certes n’est de tiel endroit,
Ainz est du vile tay purrie, 23430
Sicome la gent q’est enpovrie,
Si viens tu povre en ceste vie,
Et ton lass fin povre estre doit:
Si ta richesce n’as partie
As povres, t’alme au departie
Pov_er_te as tous les jours resçoit.
Seigno_ur_, ton orguil dieus rep_re_nt
En s’evangile, et si t’aprent
Qe tant com_m_e tu soies maiour,
Te dois tenir plus humblement 23440
Envers dieu et env_er_s la gent;
Car ensi fesoit le seignour
Q’estoit fils au sup_er_iour,
Il laissa part de son honour
Pour toy remonter haltement:
Fai donq_ue_ ensi po_ur_ son amour,
Laissetz l’orguil, laissetz l’errour,
Dont es coupable tant sovent.
Oultre mesure il s’est penez
D’orguil qant se voit enpennez 23450
Paons, et quide en sa noblesce
Qu’il est si beals esluminez
Qe nul oisel de ses bealtés
Soit semblable a sa gentilesce;
Et lors d’orguil sa coue dresce
Du penne en penne et la redresce,
Et se remire des tous lées,
Trop ad orguil, trop ad leesce;
Mais au darrein sa joye cesse,
Qant voit l’ordure de ses piés. 23460
Al oill primer orguil luy monte
Molt plus q_ue_ sa noblesce amonte,
Qant voit sa penne ensi luisant;
Mais ainçois q’orguil luy surmo_n_te,
De sa nature la desmonte;
Qant vers la terre s’est gardant
Et voit ses piés laid et pesant,
Ses joyes pert de meintenant;
Car lors luy semble au droit acompte
Qu’il est plus vil de son semblant[579] 23470
Qe nul oisel qui soit vivant,
Dont son orguil rebat de honte.
O la nature bestial,
Q’ad ensi le judicial
De soy pour orguil desconfire,
En ce qu’il voit d’especial
L’ordure de ses piés aval,
Qant vers la terre se remire!
C’est un essample po_ur_ descrire,
Qui p_ar_ reso_u_n doit bien suffire 23480
A tenir en memorial,
Par quoy q_ue_ l’om_m_e doit despire
Orguil, q’or’ est en tout empire
Ove les seignours trop com_m_unal.
O seignour, d’orguil je t’appell,
Qui d’ermyne as furré le pell
Ove les manteals d’orr et de soie:
Qant plus te quides riche et bell,
Remembre toy de cest oisell;
Env_er_s tes piés reguarde et voie 23490
La terre en quelle tu ta voie
Par mort irras, si te pourvoie:
Car la furrure ne drapell
Ne porteras, ainz tout envoie
S’en passera ta veine joye;
Chascuns falt trere a ce merell.
Q’est ce q_ue_ tu le povre piles,
Qui tantes robes soul enpiles?
De ce ne te fais regarder,
Que dieus te dist en s’esvangiles, 23500
‘A qui est ce q_ue_ tu compiles
Ce q_ue_ ne puiss au fin guarder?’
Si tu t’en voes au droit penser,
Qant nud verras le pov_er_e aler
Par les cités et par les villes,
Tu luy dois vestement don_n_er;
Car ce p_ar_tient a ton mestier
De les vertus que sont gentiles.
Seigno_ur_, tu n’es au droit garni
[Sidenote: =f. 129=]
Qui tant es richement garni
De bell hostel, de beal manoir, 23511
Et veis la povre gent banny,
Qui sont sanz hostel et sanz ny,
Desherbergez contre le soir,
Ne tu leur fais socour avoir
De ton hostell ne ton avoir:
Reguarde aval si verretz y
L’ostell d’enfern puant et noir,
U qu’il te covient remanoir,
Qe l’osteller est sanz mercy. 23520
O seigneur glous, q’au ventre sers
Des bons mangiers des vins div_er_s,
Dont fais emplir ta vile pa_u_nce,
Et si n’avetz les oils overtz
Pour regarder le povre envers,
Qui quiert de toy sa sustienance,
Pren du pao_u_n la sovenance,
Regarde aval la pourvoiance
Qe tu serras viande as vers:
Car s’ensi fais ta remembrance, 23530
Je croy q’as povrez la pitance
Dorras, si tu n’es trop advers.
O seigneur, te sovien et pense
Q’ovesques toy la loy despense
Sanz chastier ton g_ra_nt mesfait,
Et tu verras pour poy d’offense
Les povrez gens sanz nul defense
En la prison_n_e estre desfait;
Mais ja po_ur_ ce ton pié n’y vait
Pour visiter, ainz s’en retrait, 23540
Siq_ue_ tes biens ne ta p_re_sence
N’y voes don_n_er d’ascun bienfait:
Ly deables, cil qui nul bien fait,
Chastiera ta necligence.
O seignour, q’as l’onour terrin,
Voiant la vieve et l’orphanin
Qui sont p_ar_ fraude et p_ar_ destour
Du malice et de mal engin
Oppress, et tu q’es leur voisin
Ne fais rescousse a tiel errour, 23550
Fai du pao_u_n ton mireour,
Regarde aval le darrein jour,
U serront juggé tout cristin;
N’est qui te ferra lors socour,
Solonc l’effect de ton labour
T’estuet aler le halt chemin.
Seigneur, si ta puissance voies,
Fols es si tu ne t’en pourvoies,
Dont tu le ciel puiss conquester;
Car trop irras p_ar_ males voies, 23560
Si tout au siecle te convoies,
Et n’as vertu dont resister:
Pour ce tu dois considerer
Que tu le ciel puiss achater
Du bien p_re_sent, si bien l’emploies;
Mais certes trop es a blamer,
Qant voes le siecle a toy gaigner
Et p_er_dre si halteines joyes.
Mais preche qui precher voldra,
De ces seignours ore ensi va 23570
Sicome l’en vait p_ar_ tout disant;
Aviene ce q’apres vendra,
Le seigneur se delitera
De ceste siecle tout avant.
Seigneur resemble au fol enfant,
Qui les folies vait querant,
Qant n’est qui l’en chastiera;
Mais cil q’ensi vait seigneurant,
S’il ainçois ne s’est amendant,
Dieus en la fin se vengera. 23580
Mais courtement si j’en termine[580]
Mon conte, a ce q’en ce termine
La chose appiert, ce poise my,
Qe les seignours ove leur covine
Par leur maltolt, p_ar_ leur ravine,
Et d’autres mals q’ils font p_ar_my,
Le mond semp_re_s ont malbailly,
Dont se compleignont chascun dy
Et l’orphanin et l’orphanine:
Je loo que cil qui fait ensi 23590
Repente soy et serve a luy
Qui les seignours monte et decline.

=Ore q’il ad dit de les g_ra_ns seigno_ur_s, dirra l’estat
des autres, c’est assavoir[581] des ch_iva_l_e_rs et des gens
d’armes.=

Si vous vuilletz q_ue_ je vo_us_ die
L’estat de la chivalerie,
Ce n’est pas un estat de nient,
Ainz cil q’en tient la droite vie
Selonc q_ue_ l’ordre est establie
Molt g_ra_nt honour a luy p_ar_tient:
Car chivaler, u qu’il devient,
De son devoir le droit sustient 23600
Dont sainte eglise est enfranchie;
Ou si tirant le droit detient
Du vierge ou vieve, lors covient
Que chivaler leur face aïe.
Tout ainsi com_m_e la sainte eglise
Vers dieu doit faire sacrefise
Qe nous ne devons dieu offendre
En l’alme, ensi de tiele aprise
Les chivalers de leur enprise
Le com_m_un droit devont defendre,
Et pour le droit bataille p_re_ndre, 23611
Mais ne devont la main extendre
Par orguil ne par covoitise;
Car q’ensi fait est a rep_re_ndre,
Dont il n’est dignes a comp_re_ndre
Ne son honour ne sa franchise.
Chascun estat, le quel qu’il soit,
Est ordiné par son endroit
De faire au siecle ascun labour;
Dont po_ur_ garder le com_m_un droit
Ly chivalers combatre doit, 23621
Car ce p_ar_tient a son honour:
Et de ce furont ordinour
Remus de Rome Emp_er_eour
Et Romulus, qui frere estoit,
Au Rome la cité maiour;
Des chivalers Mil combatour
Chascun la cité defendoit.
Apres la mort de Romulus
Chivalerie ert meintenuz, 23630
Dont l’ordre estoit multepliant;
Et lors qui plus ot des vertus
Du greindre hono_ur_ estoit tenuz,
Mais a celle houre nepo_ur_qant
Sollempneté ne tant ne qant
Estoit en l’ordre resceivant.
Mais ore est autrement en us
Au novell chivaler faisant,
Car on luy vait sollempnizant,
Po_ur_ ce q’il doit valoir le plus. 23640
Com_m_ent q’il fuist antiquement,
Ore est ensi, q’au jour p_re_sent
Pour faire un novel chivaler
Sollempneté div_er_se appent
Solonc ce q_ue_ le temps comp_re_nt
Du guerre ou peas; mais diviser
Com_m_ent l’en doit sollempnizer
Ne vuil je point tout au plener,
Q’a ma matiere ce ne pent;
Mais soul d’un mot je vuil p_ar_ler, 23650
Du quel il covient adouber
Tout chivaler qui l’ordre p_re_nt.
Ou soit du peas, ou soit du guerre,
Cil qui le chivaler doit fere
Au fin luy don_n_e la colée,
Et si luy dist, ‘Sanz toy retrere
Soietz p_ro_dhom_m_e en ton affere.’
Par ce mot il est adoubé,
Siq’au p_ro_dhom_m_e est obligé,
Dont puis ap_re_s en nul degré, 23660
S’au son estat ne voet forsfere,
Se mellera du malvoisté;
Ainçois p_ar_ fine honesteté
Doit la prouesce d’armes quere.
Mais solonc ce q’om vait p_ar_lant,
Des tieux y ad qui meintenant
Malvoisement font l’observa_n_ce
De ce qu’ils ont en covenant:
Q’au p_ro_dhom_m_e est app_ar_tienant
Sovent mettont en oubliance, 23670
Ne quieront point l’ono_ur_ de France,
Ainz font a l’ostell demourance
Et leur voisins vont guerroiant;
Ne leur amonte escu ne lance,
Maisq’ils eiont la maintenance
De leur paiis p_ar_ tout avant.
Tiels est qui se fait adouber
Nonpas pour prouesce avancer,
Ainçois le fait q’en son paiis
Les gens luy duissont honourer, 23680
Siqu’il les porra rançoner,
Qant il vers soy les ad soubmis:
Mais qant les jours d’amo_ur_ sont pris
De la querelle, et il compris
N’y soit, dont porra terminer
La cause tout a son divis,
Lors quide avoir p_er_du son pris.
Vei cy, com_m_e vaillant bacheler!
Apres nul autre guerre ascoute,
Mais qant cils de la povre route, 23690
Q’en son paiis luy sont voisin,
Et l’un fiert l’autre ou le deboute,
De sa prouesce lors se boute
Et la querelle enp_re_nt au fin;
Dont il voet gaigner le florin
Et les p_re_sentz du pain et vin,
Q’il leur lerra ne grein ne goute,
Il vit du proie come corbin:
[Sidenote: =f. 130=]
Tiel soldeour n’est pas divin,
Q’ensi la povre gent degloute. 23700
Armure ascune ne querra,
Maisqu’il du langue conquerra,
Car d’autre espeie ja ne fiert.
Quiconques bien luy soldera,
Com_m_e vaillant s’ap_er_ticera
As les assisses u qu’il ert;
De sa prouesce lors appiert,
Et tant fait q_ue_ le droit y piert
Par tort, le quell avancera,
Dont il les larges do_u_ns conquiert: 23710
Mais si povre hom_m_e le requiert,
Il se desdeigne de cela.
De la la mer quiconq_ue_ gaigne
En Lombardie ou en Espaigne
L’onour, que chalt? Il se tient coy,
Ne quiert sercher terre foraine;
Ainz a l’ostell son prou bargaigne,
Si s’entremet de tiel armoy
U point n’y ad du bon_n_e foy,
Dont met les povres en effroy 23720
Qu’il tolt le berbis et la laine:
Si les heraldz luy criont poy
‘Largesce,’ il fait nient meinz po_ur_ quoy
Dont pov_er_ez gens chascun se plaigne.
Tiel chivaler q’ensi s’essaie
L’en nom_m_e un chivaler de haie,
Car chastell ja n’assiegera:[582]
En lieu q’il son penon desplaie
Sauf est, n’y falt a doubter plaie
Ne peril dont le corps morra, 23730
Mais l’alme en g_ra_nt peril serra.
Qant il l’assisse ordinera
Et qu’il l’enqueste desarraie,
Du maintenue qu’il ferra
Les pov_er_es gens manacera,
Qe de sa part chascuns s’esmaie.
Tiel chivaler mal s’esvertue
Q’ensi par torte maintenue
Fait rançon_n_er les povres gens;
Dont il pourchace champ et rue 23740
Et largement boit et mangue,
Mais autre en paie le despens:[583]
Des marches dont il est regentz
Cils qui sont povres indigentz
Ne sont pas de sa retenue;
Ainçois les riches innocentz,
Qui font a luy les paiementz,
Itieux pour son p_ro_ufit salue.
Du loy civile il est escrit,
Nul chivaler, s’il est parfit, 23750
Serra marchant ne pourchaçour;
Car chivaler q’ad son delit
En lucre, pert son appetit
A souffrir d’armes le labour.
Pour ce du loy emp_er_eour
Ly chivalers q’est sanz valour,
Qui laist les armes pour p_ro_ufit,
Perdra, puisq’il est au sojour,
Son privilege et son honour,
Qant point com_m_e chivaler ne vit. 23760
Mais l’autre, qui fait son devoir,
Grant privilege doit avoir,
Qu’il ert exempt de l’autre gent,
Siq_ue_ la loy n’ara pooir
De son corps ne de son avoir;
Dont il doit venir duement
A nul com_m_un enquerrement,
N’en autre office ascunement
Lors serra mis, c’est assavoir[584]
Maisqu’il poursuie franchement 23770
Les armes bien et noblement,
Dont il porra le meulx valoir.
Du loy Civile est establis,
Qe qant ly com_m_un serra mis
Au Gabelle ou posicio_u_n,
Les biens au chivaler de pris
Des tieux taillages sont horspris
Et sont du franc condicio_u_n,
Qu’il doit avoir remissio_u_n
Sanz paine ne punicio_u_n, 23780
Ensi qu’il serra franc toutdis
As armes pour tuicio_u_n,
De garder sanz p_er_dicio_u_n
Le com_m_un droit de son paiis.
Mais d’autre p_ar_t c’est un decré,
Le chivaler serra juré,
Qant l’ordre p_re_nt au prim_er_ein,
Q’en champ ne doit fuïr un pié
Pour mort ne pour adv_er_seté,
Ainz doit defendre de sa mein 23790
Et son paiis et son p_ro_chein,
Car son devoir et son certein
A soul ce point est ordiné;
Dont s’il son ordre tient au plein,
Ja d’autre charge n’ert gardein,
Ainz ert exempt et honouré.
Mais cil truant qui point ne vont
As armes ne s’esjoyeront
Du privilege au chivaler,
Qant a l’ostell sojourneront: 23800
Pour ce de com_m_un loy serront
Et assissour et officer,
Ne l’en leur doit pas respiter
De leur catell ne leur denier,
Qu’ils pour Gabelle paieront;
Car qui les armes voet lesser,
Par droit ne serra p_ar_çonier
Al honour q_ue_ les armes font.
Ce sciet chascuns en son endroit
Par tout le monde, quelq’il soit, 23810
Qui tient estat en ceste vie,
S’il a son point ne se pourvoit,
Ainçois s’esloigne et se forsvoit,
Qant il ad fait l’apostazie,
Ja puis n’ad guarde de folie:
Ce dis pour la chivalerie,
Que chivaler guarder se doit
De pourchas et de marchandie,
Car ces deux pointz n’acordont mie,
Qui l’ordre en voet garder au droit.[585] 23820
Mais nepo_ur_qant au jour p_re_sent,
Sicom_m_e l’en dist com_m_unement,
Des chivalers q’ont p_er_du honte
Om voit plusours, dont sui dolent,
Qui tant devienont violent
Du covoitise que leur monte,
Que leur prouesce riens amonte.
Mais qant le lucre hono_ur_ surmonte,
Ne say quoy dire au tiele gent:
Si je p_ar_ reso_u_n le vous conte, 23830
Plus valt berchier au droit acompte
Qe cil q’en l’ordre ensi mesp_re_nt.
Tiel chivaler bien se remire
Qu’il n’ara ja mestier du mire,
Ainçois a l’ostel se repose,
U qu’il son lucre ades conspire
Et fait les povres gens despire,
Q’encontre luy nuls p_ar_ler ose.
Mais certes c’est vilaine chose,
Qant vice ad la vertu forsclose 23840
En chivaler, siqu’il desire
Le lucre, dont il se repose:
Des tiels y ad com_m_e je suppose
Plus de quatorsze en cest empire.
Ne say quoy valt cil chivaler
Qui point ne se voet essampler
Des armes, dont il soit vaillant,
Si com_m_e fuist Gorge, et resembler
Ne voet au bon hospiteller
Saint Julian ne tant ne qant, 23850
Dont soit les povres herbergant:
Car chivaler q’est sufficant
De corps et biens et travailler
Ne voet, et est sur ce tenant
D’escharceté, meinz est vaillant
Que n’est le ciphre a comparer.
Mais si le chivaler couchour
Ne guart la reule ne l’onour
De ce que son estat destine,
Ore aguardons de l’autre tour 23860
Si cil q’as armes son retour
Fait, soit honeste en sa covine.
Il est tout voir q’en ce termine
Dessur la terre et dessoubz myne
Om voit que chivaler plusour
Quieront prouesce oultremarine,
Mais si leur cause fuist divine,
Bien fuissent digne de valour.
Sisz chivalers sont dit des prus,
Roys Charles, Godefrois, Arthus, 23870
Dans Josué, Judas, Davy:
En tous leur faitz prouesce truis
Plain des loenges et vertus
Vers dieu et vers le siecle auci:
Par ceaux n’estoit orguil cheri
Ne covoitise, et tant vous dy,
C’estoit la cause dont veneuz
N’estoiont de leur anemy;
Et pour ce qu’ils firont ensi
Leur no_u_n encore est retenuz. 23880
C’estoiont chivaler au droit
Et de prouesce en son endroit,
Et de simplesce en sa mesure;
Dont au p_re_sent molt bon serroit
Qe p_ar_ ceaux l’en essampleroit
A querre honour sanz mesprisure.
Des chivalers ore a ceste hure
Hom voit hardis a demesure,
Si travaillont a g_ra_nt esploit
Et vont querant leur aventure; 23890
[Sidenote: =f. 131=]
Dont reso_u_n est q’om les honure,
Si ce p_ar_ bon_n_e cause soit.
O chivaler, je t’en dirray,
Tu qui travailles a l’essay
Dev_er_s Espruce et Tartarie.
La cause dont tu vas ne say,
Trois causes t’en diviseray,
Les deux ne valont une alie:
La primere est, si j’ensi die
De ma prouesce enorguillie, 23900
‘Pour loos avoir je passeray’;
Ou autrement, ‘C’est po_ur_ m’amye,
Dont puiss avoir sa druerie,
Et pour ce je travailleray.’
O chivaler, savoir porras,
Si tu pour tiele cause irras,
Que je t’en vois cy divisant,
L’essample point ne suieras,
Ne d’armes ceaux resembleras,
Des queux tu m’as oÿ contant: 23910
Car nul puet estre bien vaillant,
S’il dieu ne mette a son devant;
Mais tu, qui po_ur_ le siecle vas,
Si ton po_ur_pos n’es achievant
Solonc ce q_ue_ tu vais querant,
Lors je ne say quoy tu ferras.
Si tu d’orguil voes travailler
Pour vaine gloire seculer,
Dont soietz le sup_er_iour
Des autres, lors t’estuet don_n_er 23920
Ton garnement et ton denier
As les heraldz, qu’il ta valour
Et ta largesce a g_ra_nt clamour
Facent crier; car si l’onour
Ne te voet celle part aider,
Lors je ne say quoy ton labour
Te puet valoir, ainz a sojour
Assetz te valt meulx reposer.
Et d’autre part si ta covine
Soit pour la cause femeline, 23930
Dont as le cuer enamouré,
Et sur ce passes la marine,
A revenir si la meschine
Ou dame solonc son degré,
Pour quelle tu t’es travaillé,
Ne deigne avoir de toy pité,
Tout as failly du medicine:
Car ce sachetz du verité,
Qe tu n’en aras le bon gré
De la prouesce q’est divine. 23940
Et nepourqant a mon avis,
Si plainement a ton divis
De l’un et l’autre q’ai nomé
Ussetz le point en toy compris,
Primer q_ue_ du loenge et pris
Sur tous les autrez renomé
Fuissetz et le plus honouré,
Et q’ussetz a ta volenté
Le cuer de tes amours conquis,
Trestout ce n’est que vanité; 23950
Car huy es en p_ro_sperité
Et l’endemain tout est failliz.
Mais d’autre p_ar_t a tant vous di,
La tierce cause n’est ensi,
Pour quelle ly p_ro_dhons t_ra_vaille;
Ainz est p_ar_ cause de celluy
P_ar_ qui tous bons sont remery
Solonc l’estat q_ue_ chascun vaille.
Ton dieu, q’a toy prouesce baille,
Drois est q’au prim_er_ com_m_ençaille
Devant tous autres soit servi; 23961
Car chivaler q’ensi se taille
Pour son loer dieus app_ar_aille
L’onour terrin, le ciel auci.
O chivaler, bien te pourpense,
Avise toy de l’evidence,
Le quel valt meulx, ou dieu servir,
En qui tout bien fine et com_m_ence,
Ou pour la veine rev_er_ence
L’onour du siecle poursuïr. 23970
Pour fol l’en puet celluy tenir
Qui laist le bon et p_re_nt le pir,
Qant il en voit la difference:[586]
Al un des deux te falt tenir,
Mais quel te vient pl_us_ au plesir
Je laiss dessur ta conscience.
Mais dont la chose est avenue
Ne say, ne dont le mal se mue;
Car ce voit bien cil q’ore vit,
Chivalerie est trop p_er_due, 23980
Verrai prouesce est abatue,
Po_ur_ dieu servir trop sont petit:
Mais d’autre p_ar_t sanz contredit
Po_ur_ luy servir en chascun plit
Le siecle ad large retenue;
Car d’orguil ou du foldelit
Au jour p_re_sent, sicom_m_e l’en dist,
Chivalerie est maintenue.
Les chivalers et l’escuiers,
Qui sont as armes costum_m_ers, 23990
S’ils bien facent leur dueté,
Sur tous les autres seculers
Sont a louer, car leur mestiers
Du siecle est le plus honouré
De prouesce et de renomée:
Mais autrement en leur degré,
En cas q’ils soiont baratiers,
Lors serront ils ly plus blamé
Par tout le siecle et diffamé
Et des privés et d’estrangiers. 24000
Les armes sont com_m_un as tous,
Mais tous ne sont chivalerous
Queux no_us_ voions les armes p_re_ndre;
Car cil q’est vein et orguillous
Et du pilage covoitous
N’est digne a tiel hono_ur_ comp_re_ndre.
Mais ore, helas! qui voet attendre
Et le com_m_un clamour entendre
Orra m_er_veilles entre nous;
L’onour dont l’en souloit ascendre
En cest estat veons descendre, 24011
Q’est a tous autres p_er_illous.
Mais cil q’au droit se voet armer
Et sur les guerres travailler,
Estuet a guarder tout avant
Pour la querelle examiner,
Qu’il ne se face a tort lever,
Dont ert la cause defendant:
Et puis falt q’il se soit armant
Non pour le lucre tant ne qant, 24020
Mais pour droiture supporter;
Car qui les paiis exilant
Vait et la povre gent pilant,
Sur tous se doit bien aviser.
Combien q_ue_ la querelle soit
Bien juste, encore il se deçoit
Qui pour le vein honour avoir,
Ainz q_ue_ pour sustenir le droit,
Se fait armer; ou d’autre endroit,
S’il arme et tue pour l’avoir 24030
De les richesces rescevoir,
De son estat ne son devoir
Ne fait ensi com_m_e faire doit.
Pour ce chascuns se doit veoir
Qu’il sache d’armes tout le voir,
Car sages est qui se pourvoit.
Selonc l’entente que tu as,
Du bien et mal resceiveras,
Car dieus reguarde ton corage:
En juste cause tu porras 24040
Tort faire, car si tu t’en vas
Plus po_ur_ le gaign de ton pilage
Qe pour le droit, lors vassellage
Par ton maltolt se desparage,
Qe nul honour deserviras:
Mais si pour droit fais ton voiage,
Lors pris, honour et avantage
Trestout ensemble avoir porras.
Mais certes ore je ne say
De ces gens d’armes quoy dirray,
Q’ensi disant les ay oïz: 24051
‘Es guerres je travailleray,
Je serray riche ou je morray,
Ainz q_ue_ revoie mon paiis
Ne mes parens ne mes amys.’
Mais riens p_ar_lont, ce m’est avis,
‘Je pour le droit combateray,’
Ainz sont du covoitise espris;
Mais cil n’est digne d’avoir pris
Qui d’armes fait ensi l’essay. 24060
O chivaler qui vas longtein
En terre est_ra_nge et quiers soulein
Loenge d’armes, ce sachietz,
Si ton paiis et ton p_ro_chein
Ait guerre en soy, tout est en vein
L’onour, qant tu t’es eslongez
De ton paiis et estrangez:
Car cil qui laist ses duetés,
Et ne voet faire son certein,
Ainz fait ses p_ro_pres volentés, 24070
N’est reso_u_n qu’il soit honourés,
Combien qu’il soit du forte mein.
Mais qui la guerre au tort conspire,
Om doit celluy sur tout despire;
Et nepo_ur_qant au p_re_sent jour
Veoir porra, qui bien remire,
Pour le p_ro_ufit q_ue_ l’en desire
Ou pour l’orguil du vein honour
Chascuns voet estre guerreiour,
Ou a ce faire consaillour; 24080
Dont la justice trop enpire
En noz paiis p_ar_ tout entour,
[Sidenote: =f. 132=]
Trestous en faisons no clamour,[587]
Mais n’est qui puet trov_er_ le mire.
Qant cils en qui toute prouesce,
Honour, valour, bonté, largesce
Et loyalté duissent remeindre,
Se p_er_vertont de leur noblesce
Par covoitise ou par haltesce,
De l’onour seculer atteindre, 24090
Ne say a qui me doy compleindre;
Car cils qui sont du poeple meindre
Tous jours en sentent la destresce:[588]
Si dieus les mals ne vuille exteindre,
N’est qui de soy les puet enpeindre
Au fin q_ue_ la malice cesse.
Ce veons bien, q’au temps p_re_sent
La guerre si com_m_une esprent,
Q’au paine y ad nul labourer
Ly quel a son mestier se p_re_nt: 24100
Le prestre laist le sacrement
Et ly vilains le charner,
Tous vont as armes travailler.
Si dieus ne pense a l’amender,
L’en puet doubter p_ro_cheinement
Qe tout le mond doit rev_er_ser;
Car qant com_m_un se font lever,
Lors suit maint inconvenient.
Par orguil et par covoitise
L’en voit p_ar_ tout la guerre esprise.
Helas! mais c’est des cristiens 24111
Dont est destruite sainte eglise,
Et la justice en sa f_ra_nchise
Ne p_re_nt mais garde de les gens.
Ore est le jour, ore est le temps
Qe no_us_ faillont les bons regens,
Et si nous falt la bone aprise,
Siq_ue_ sanz bo_u_ns governemens
Nous vienont les molestemens,
Dont chascuns sente la reprise. 24120
Mais certes ne puet durer guere
Cil qui sustient la false guerre
Et fait la bon_n_e pees perir,
Ou soit seigno_ur_ qui ce fait fere,
Ou consaillour de tiel affere,
De malvois fin devont finir;
Car ils tollont le sustenir
Des povres et les font morir,
Qui voldroiont lo_ur_ peas requere:
Ne say q’apres doit avenir, 24130
Mais qui tieux mals no_us_ fait venir
Est trop maldit en n_ost_re terre.
O cristiene crualté,
Q’es pleine de desloyalté,
Qe si com_m_une occisio_u_n
Sicom_m_e des bestes au marché
Fais de les hom_m_es sanz pité!
O cuer plein de confusio_u_n!
O infernale illusio_u_n,
Qui tiele horrible abusio_u_n, 24140
Q’est auci com_m_e desnaturé,
Fais de ton sanc l’effusio_u_n!
Ne say a quell conclusio_u_n
Voes dire q_ue_ tu crois en dée.
O Covoitise ove ton pilage,
Di dont te vient ce vassellage
Du pueple occire: car droiture
Nulle as, ainz vient de ton oult_ra_ge
Qe tu demeines tiele rage.
Car dieus q’est sire de nature 24150
La terre ove tout le bien dessure
Fist a l’umeine creature
Com_m_un; mais tu com_m_e loup salvage,
Po_ur_ p_ro_pre avoir plus q_ue_ mesure,
Occire fais a demesure
Ce q_ue_ fist dieus a son ymage.
Sovent je muse et museray
Com_m_ent a dieu m’excuseray
Qu’il de sa loy m’ad defendu,
Disant q_ue_ l’om_m_e n’occiray; 24160
Ainçois me dist q_ue_ j’ameray
Ceaux qui se sont a luy rendu,
Et ont baptesme et foy resçu:
Ensi pensant je suy vencu
Que l’excusacio_u_n ne say.
Mais ce que dieus de sa vertu
Crea, je fils de Belzabu
De mon orguil destruieray?
Sur tout se pleignt la gent meno_ur_
En disant q_ue_ du jour en jour 24170
Le siecle s’en vait enpirant;
Mais qui voet dire la verrour,
Ly chivaler de son errour
Et l’escuier de meintenant,
Ascuns qui s’en vont guerroiant,
Ascuns a l’ostell sojournant,
Le covoitous et l’orguillour,
Sont en partie malfesant,
Par quoy trestout le remenant
Du siecle est mellé de folour. 24180

=Ore q’il ad dit l’estat des chivalers et des gens d’armes,
dirra de ceaux qui se nomont gens du loy.=