Chapter XXII: Part 22

He, Siecle, responetz a moy,
De ce q_ue_ je demander doy
La v_er_ité tout plain me dy:
Quelle est la cause et le po_ur_ qoy
Dont l’en p_ar_olt si mal de toy?
Chascuns le dist tu es failly, 26610
Chascuns s’en pleignt endroit de ly:
Bien sai q_ue_ dieus t’ad estably
Des maintez p_ar_tz, mais je ne voy
La cause dont l’en dist ensi,
Et pour cela, je t’en suppli,
Respo_u_ne, et si m’apren un poy.
Voirs est q’au ton com_m_enceme_n_t
Te fist dieus bien et noblement,
Des quatre choses t’ordina
P_ar_ son tressaint com_m_andement: 26620
Du terre y mist ton fondeme_n_t,
Et d’eaue puis t’environ_n_a,
Del air auci t’abandon_n_a,
Et pour toy faire il adjousta
Le feu, q’est le quart element,
Et puis lumere a toy don_n_a,
Et au darrein sur tout cela
Il t’ad covert du firmament.
He, Siecle, ditez m’en le voir,
Des tous ceaux je le vuil savoir 26630
Dont est ce q_ue_ le mal nous vient.
Mais certes a le mien espoir
Pour rien q’en puiss ap_ar_cevoir
Blamer la terre ne covient;
Ainz g_ra_nt p_ro_ufit no_us_ en avient.[653]
Car des grans biens q’en soi contie_n_t
No_us_ veste et paist matin et soir;
Le fruit et flour a luy p_ar_tient,
Oisel et beste en soy maintient
Ove l’erbe qu’il nous fait avoir. 26640
Mais puis de l’eaue quoy dirray?
L’excuserai ou blameray
Des mals qui no_us_ avons resçuz?
Par reso_u_n je l’excuseray;
Car p_ar_my l’eaue piscon ay,
Et p_ar_my l’eaue le surplus
Du marchandie est avenuz,
Et p_ar_my l’eaue de dessus
Nous croist la flo_ur_ et l’erbe en Maii:
Issint q’en l’eaue je ne truis 26650
Du blame, ainçois des g_ra_ns v_er_tus,
Dont au bon droit la priseray.
Et pour plus dire a la matiere
De la fontaine et la rivere,
Dont no_us_ ensemble ove l’autre beste
Bevons, lavons ove lée chere,
Com_m_e celle q’est a no_us_ treschere,
N’est Rois qui porra faire feste,
Si dieus celle eaue ne luy p_re_ste;
L’eaue est de n_ost_re foy la creste, 26660
En ce q’elle est no baptizere:
Dont m’est avis q_ue_ la moleste
Ne vient de l’eaue, ainz elle est ceste
Q’a nous est la seconde mere.
Mais quoy del air, est ce causal,
P_ar_ qui no_us_ vient atant de mal?
Certainement je dy nenil.
L’air est de soy si natural,
Qe toute vie en general
Sanz l’air du mort est en p_er_il; 26670
Et d’autre p_ar_t l’air est soubtil,
Ce scievont tout le volatil,
Volant amont et puis aval;
L’air est as tous bon et gentil,
Dont nuls puet dire q_ue_ c’est il
Q’au siecle est p_re_judicial.
Et plus avant si je vous die
Del fieu, quel est de sa partie
Du siecle le quart element,
Endroit de luy ne croy je mie 26680
Q’il est coupable du folie;
Ainz g_ra_nt confort no_us_ fait sovent,
Car fieu de sa nature esp_re_nt,
Si nous allume clierement,
Et d’autre p_ar_t nous fait aïe,
Noz corps eschalfe bon_n_ement,
Si quist et roste no pulment,
Dont sustienons la n_ost_re vie.
Bon est le fieu de sa nature,
Qui no_us_ mollist la chose dure, 26690
Dont no_us_ la porrons attemprer,
Et puis forger a no mesure,
Siq_ue_ pour conter la droiture
Le fieu devons p_ar_ droit loer:
Et ensi pour determiner,
Le siecle je ne say blamer
Es choses que j’ay dit dessure;
Mais pl_us_ avant m’estuet sercher,
Pour la malice seculier
Sercher en autre creature. 26700
He, Siecle, enquore te demande,
Si me respo_u_n a mon demande,
Dont vient le mal q_ue_ tant t’enpire?
Le solaill qui p_ar_ tout s’espande
Ne croy je point q_ue_ dieus com_m_ande
Q’il face mal deinz ton empire;
Ainz fait g_ra_nt bien, qui bien remire,
Car chascun bien de luy respire,
Le pré, le champ, le bois, la lande,
Encontre froid nous est le mire; 26710
Chascuns vers le solaill se tire
Po_ur_ le confort quel il no_us_ mande.
Mais quoy, la lune est ce grevable?
Certes nenil, ainz p_ro_ufitable,
Q’elle est la mere de moisture,
Si fait la pluvie saison_n_able,
Dont arbre et herbe et terre arrable
P_er_nont racine et puis verdure:
La lune auci de sa nature
Nous esclaircist la nuyt oscure 26720
Po_ur_ faire ce q’est busoignable.
Com_m_ent q’il soit de mesprisure,
La lune endroit de sa mesure
A mon avis est excusable.
Q’est ce q_ue_ plus demanderoie?
Sont ce l’estoilles que je voie,
Dont n_ost_re siecle se destourne?
Nay certes, je responderoie.
Dieus, qui l’estoilles multiploie,
Des grandes vertus les adourne; 26730
La nief de nuyt q’est triste et morne,
De ce q_ue_ la tempeste tourne
Par halte mer et la desvoie,
Par les estoilles s’en retto_ur_ne
Et au sauf port son co_ur_s atto_ur_ne,
Tanq’il ad pris la droite voie.
Quoy de Sat_ur_ne et de Com_m_ete?
Sont il qui font n_ost_re inquiete,
Sicom_m_e les clercs vont disputa_n_t,
Et diont deinz lo_ur_ cercle et mete 26740
Qe l’un et l’autre est trop replete
De la malice? Et nepourqant
[Sidenote: =f. 146=]
Un soul p_ro_dhom_m_e a dieu priant
Porra quasser du meintenant
Trestout le pis de leur diete:
Dont m’est avis a mon semblant,
Depuisq_ue_ l’om_m_e est si puissant,
Nous n’avons garde du planete.
Albumazar dist tielement,
Qant il descrit le firmament, 26750
Qe si ne fuist la clareté
De les estoilles p_ro_prement,
L’air p_ar_dessoubz entre la gent
S’espesseroit p_ar_ tiel degré,
Qe toute creature née
En duist morir d’enfermeté:[654]
Siq’il appiert tout clierement,
De dieu, q’ad tous les biens creé,
Sont les estoilles ordiné
Po_ur_ n_ost_re bien com_m_unement. 26760
Les arbres qui sont halt ramu
Et semblont d’avoir grant vertu,
Font ils le mal dont l’en se pleigne?
Certes nenil, bien le scies tu;
Ainçois les uns valont au fu,
Les autres valont a l’ovreigne,
Si portont fruit de lo_ur_ demeine,
Dont no_us_ mangons p_ar_ la semeine,
Leur umbre auci no_us_ fait refu 26769
Po_ur_ la chalo_ur_ que no_us_ constreigne;
Dont semble a moy p_ar_ reson pleine
De ceaux nul mal nous est venu.
He, quelle part sercher porray,
U la malice trouveray
Par quoy le siecle blamé ont?
Entre les bestes sercheray,
Les queux no_u_nresonables say,
Mais beste et oisel mal ne font,
Ainz com_m_e nature leur somont,
Les lions es montaignes sont, 26780
Es arbres sont ly papegay,
Del malvoisté s’excuseront
Du siecle; qui les blameront,
Par reso_u_n porront dire nay.
=M=al Siecle, enqore je t’oppose,
Si pl_us_ y soit ascune chose
P_ar_ quoy te vient la malvoisté.
Certes oïl, si dire l’ose:
Beste une y ad, com_m_e je suppose,
A qui dieus ad reso_u_n don_n_é, 26790
C’est cil qui tient en son degré
Les bestes soubz sa poesté,
Des tous sa volenté dispose,
Et pour luy soul ad dieus creé
Les elementz q’ay susnomé
Ove tout ce que le siecle enclose.
He, certes p_ar_ le mien avis
Molt est la beste du grant pris,
Qui dieus ad fait si belle grace,
Primer du reso_u_n q’il ad mis, 26800
Et puis q’il ad a luy soubmis
Trestout ce que le siecle enbrace;
Dont drois est q’il son dieu reg_ra_ce,
Et son voloir toutdis p_ar_face
De la reso_u_n qu’il ad apris:
Mais autrement je demandasse,
Quoy si ce beste a dieu forsface,
Com_m_ent serront ses mals puniz?
A ton demande je responde
Solonc q_ue_ l’escripture exponde: 26810
Qant il son dieu fait coroucer,
Par son pecché devient inmonde
La p_ro_prete du tout le monde,
C’est fieu et air et terre et mer,
Trestous le devont comparer;
Siqu’ils com_m_encent adverser
Au beste q’ensi les confonde;
Dont m’est avis sanz plus parler
Q’a soul ce beste puiss noter
Les mals dont n_ost_re siecle habonde.
Ore falt savoir le no_u_n du beste 26821
Par qui le siecle ensi tempeste:
Si vous dirray que truis escrit,
C’est cil q’en paradis terreste
De dieu le pere Roy celeste
Estoit fourmez a grant delit,
Et puis de son saint espirit
A sa semblance l’alme y mist,
Si l’appella com_m_e son domeste
Hom_m_e; et puis de l’om_m_e prist 26830
Un de ses costes, dont il fist
Fem_m_e a l’encress de celle geste.
He, dieus, ore voi je clierement
Qe c’est de l’om_m_e soulement,
Et no_u_npas d’autre creature,
Par quoy le siecle au jo_ur_ p_re_sent
Se contient si malvoisement:
Mais certes c’est au bon droiture,
Depuisq_ue_ dieus cel hom_m_e hon_ur_e
Sur toute beste en sa nature 26840
Du sen, viande et vestement,
Et l’om_m_e n’en voet avoir cure,[655]
Si dieus sa peine luy procure,
N’est pas malvois le jugeme_n_t.
N’est pas ensi com_m_e no_us_ quidasmes,
Ainçois a molt g_ra_nt tort errasmes
Pour n_ost_re siecle desfamer,
Mais cil q’en porte les desfames[656]
Il tolt de soi les bon_n_es fames,
Qant l’autri no_u_n quiert entam_er_, 26850
Dont q’il est mesmes a blamer:
Mais cils qui soy voldront am_er_
Au p_ro_ufit de leur corps et almes,
Amendent soy po_ur_ l’amender
Du siecle, qui fait engendrer
L’errour des seignours et des dames.
Seint Job nous dist exp_re_sseme_n_t
Qe riens sur terre est accident
Sanz cause; et d’autre p_ar_t je lis
Escript en p_ro_phetizement, 26860
Qe po_ur_ le pecché de la gent,
Qui n’ont la dieu scie_n_ce adquis,
Serra le siecle en plours et cris
Ove tout ce q’est dedeinz compris;
La beste et l’oisell ensement
Et le piscon en valdra pis,[657]
Trestous en serront malbaillis[658]
Pour le mal hom_m_e soulement.
Gregoire en sa sainte Omelie,
De tant q’om ad reso_u_n garnie, 26870
L’om_m_e a les angles resembla;
Car qui bien vit en ceste vie
Ap_re_s la mort, qant il desvie,
Ove les bons angles vivera,
Et d’autre p_ar_t s’il pecchera
Ove Lucifer tresbuchera,
U l’angre sont du felon_n_ie:
Selonc l’effect q_ue_ l’om_m_e fra,
Eslire franchement porra
Ou l’une ou l’autre co_m_paignie. 26880
Gregoire, qui ne volt mentir,
Dist q_ue_ l’om_m_e est en son sentir
Semblable as autres animals,
En goust et tast, veue et oïr,
Et en aler, car sanz faillir
Ce sont les cink sens p_ri_ncipals,
Qui sont as bestes com_m_unals:
Mais ne porront les bestials
Leur sens en mal us conv_er_tir,
Puisq_ue_ nature est doctrinals, 26890
Mais l’om_m_e, qui sciet biens et mals,
Leur bon us porra p_er_vertir.
Gregoire auci p_ar_ resemblance
Nous dist q_ue_ l’om_m_e en sa crescance
Est a les arbres resemblable:
Du verge croist halte soubstance,
Et auci du petite enfance
Croist l’om_m_e; mais alors sanz fable,
S’il n’est ensi fructefiable
En sa nature ou plus vaillable,[659] 26900
Com_m_e l’arbre en sa fructefiance
Portant bon fruit et covenable,
Pour ce q_ue_ l’om_m_e est reson_n_able,
N’en puet avoir nulle excusance.
Gregoire, q’en savoit tout l’estre,[660]
Dist q_ue_ les hom_m_es en leur estre
Sont a les pieres comparé:
Car l’un et l’autre dieus ly mestre
Tout d’une essance les fist nestre,
Mais no_u_npas d’une equalité; 26910
Car pieres n’ont du p_ro_preté
Fors soul leur estre en nul degré,
Ne poont pas sentir ne crestre,
Mais l’om_m_e est autrement doé,
Dont il p_ar_ droite dueté
Doit autre hono_ur_ au Roy celestre.
Tout sicom_m_e vous avetz oÿ,
L’om_m_e ove les angles ad en luy
Entendement du reso_u_n cliere,
L’om_m_e ove la beste ad autrecy 26920
Le sentement, et puis auci
Il ad crescance en sa maniere
Ove l’arbre, et l’estre avec la piere;
Et puisq’il est ove dieu le piere
Sur tous les autrez pl_us_ cheri,
S’il lors pl_us_ vertuous n’appiere
Des autres, maisq’il le compiere
Drois est, qant il l’ad deservi.
Mestre Aristotle ly bons clercs,
Qui des sciences fuist expers, 26930
En un des livres qu’il faisoit,
Dont molt notable sont les vers,
L’om_m_e ensi q’est en soy divers
Le meindre monde il appelloit;
[Sidenote: =f. 147=]
Car tout le monde en son endroit
L’om_m_e en nature de son droit
Contient; de ce no_us_ sumes certz,
Qant dieus l’umaine char creoit,
Des elementz p_ar_t y mettoit,
N’est qui puet dire le revers. 26940
Des noz p_ar_ens, Adam, Evein,
Dieus fist la char nonpas en vein
Du terre, q’est en soy pesant,
Et d’eaue, q’est a ce p_ro_chein;
Ap_re_s faisoit le sanc humein,
Quel par les veines vait cora_n_t;
Et po_ur_ ce q’il serroit vivant,
Del air fuist fait son aspira_n_t;
Et puis du fieu, q’est le darrein,
L’om_m_e ad chalour reconfortant: 26950
Molt estoit dieus no bienvuilla_n_t,
Q’ensi no_us_ fo_ur_ma de sa mein.
Pour ce si l’om_m_e a dieu forsfait,
Par son pecché trestout desfait
Et terre et eaue et mer et fieu;[661]
Car dieus se venge du mesfait,
Et leur nature ensi retrait
Q’ils po_ur_ le temps sont com_m_e perdu:
Dont p_ar_ reso_u_n bien le vois tu,
Le siecle endroit de sa vertu 26960
Du plus et meinz p_ar_ l’om_m_e vait,
Et si nul mal soit avenu,
Ja d’autre chose n’est venu
Fors soul du mal q_ue_ l’om_m_e fait.
=M=ais ore au point voldrai savoir,
Si l’om_m_e fait bien son devoir
En gardant le p_re_cept divin,
Lors quel guerdo_u_n doit il avoir
Plus q’autre beste: di m’en voir.
Il avra guerdo_u_n si tresfin 26970
Dont nuls porroit conter le fin;
Car toutes bestes d’autre lyn
En leur nature remanoir
Estuet sanz passer le chemin,
Mais l’om_m_e, q’ad sen et engin,
Fait bien ou mal a son voloir.
L’om_m_e ad sa franche volenté,
Solonc q_ue_ dieus l’ad ordiné,
Dont puet le bien et mal eslire;
Car l’un et l’autre abandon_n_é 26980
Luy est, p_ar_ quoy s’il malvoisté
De sa reso_u_n voldra despire,
Et l’alme q’est deinz son empire
Guarder, siq’il son droit n’enpire,
Certein puet estre en son degré
Q’il avra tout ce q’il desire:
C’est la p_ro_messe n_ost_re sire
Par son p_ro_phete en verité.
Dieus de sa noble curtoisie
Cela nous dist en p_ro_phecie, 26990
Si l’om_m_e a luy soit obeissant,
Tout que le siecle ad en baillie
A g_ra_nt p_ro_ufit luy multeplie
Sanz nul damage survenant:
Car de l’espeie le trenchant,
Ne pestilence en occiant
Lors n’entrera deinz sa p_ar_tie,
Ainz tant com_m_e soit a dieu plesa_n_t,
En peas des tous biens habonda_n_t
Doit maintenir joyeuse vie. 27000
=J=e lis q_ue_ toute creature
Chascune endroit de sa nat_ur_e
Est au p_ro_dhom_m_e obedient;
Car le bon angel p_ar_dessure
Du compaignie l’om_m_e assure
Sicom_m_e son frere p_ro_prement,
Et le mal angel ensement
Sicom_m_e soubgit et pacient,
Malgré q’il doit a sa mesure,
Falt faire le com_m_andement 27010
Del hom_m_e, et ce poons sovent
Trouver d’essample en l’esc_ri_pture.
Des elementz auci je lis
Q’al hom_m_e se sont obeïz:
Car le solail p_ar_ son degré
En Gabaon, ce m’est avis,
Sanz soy movoir estoit soubgis
A la requeste Josué;
L’estoille auci s’estoit moustré
Et as trois Rois abandon_n_é, 27020
Pour ce q’au dieu furont amys,
Et l’air plain de mortalité
Fuist par Gregoire resané
En Rome la Cité jadis.
Cel element auci de fieu
Fist son service au poeple dieu
P_ar_ nuyt oscure en la semblance
D’un halt piler, dont ont tenu
Al grant desert, q’estoit boscu,
Leur droit chemin sanz varia_n_ce: 27030
La terre auci de sa soubstance
A saint Hillaire, qui du France
Devant le pape estoit venu,
Portoit honour et entendance,
Q’encontre luy p_ar_ obeissance
Se lieve et l’ad en halt resçu.
La mer auci ventouse et fiere
Devint paisible as piés saint Piere,
Q’il sur les undes sauf aloit;
Je lis auci q’en la rivere 27040
Saint Heliseu p_ar_ sa priere
Fist q_ue_ le ferr amont flotoit.
Siqu’il apiert en tout endroit
Qe saint p_ro_dhom_m_e ad de son droit
Les elementz a sa banere;
Et d’autre p_ar_t, u q_ue_ ce soit,
Beste et piscon auci l’en voit
Soubgit en mesme la maniere.
Qant Daniel el lac aval 27049
Fuist mis, po_ur_ ce n’ot point du mal
Des fiers lio_u_ns, ainz fuist tout seins:
Silvestre auci, q’estoit papal,
La bouche du drago_u_n mortal
Au Rome lia de ses meins:
La Cete auci fuist fait gardeins
Trois jo_ur_s son ventre p_ar_dedeins
Du saint Jonas le dieu vassal,
Sanz mal avoir ou pl_us_ ou meinz;
Du Ninivé les Citezeins
Qant a ce fait sont tesmoignal. 27060
Au bon Paul l’eremite auci
L’oisell y vint et le servi
Du pain, sicome le dieu message,
Chascune jour q’il n’en failly.
Des toutez p_ar_tz pour ce vous dy,
Les creatures font servage
A l’om_m_e saint et avantage,
Mais s’il remue son corage
Et s’est des pecchés endormi,
L’ono_ur_ luy to_ur_ne a son hontage 27070
Et au p_er_il et au damage,
Sicom_m_e d’essample avons oÿ.
Le bon saint angel debouta
Du paradis, qant il peccha,
Adam, et puisq’il fuist ruez,
Cil malvois angel le pena;
Dathan auci qui murmura
Fuist de la terre transgloutez;
La mer ot auci devourez
Roy Pharao ove ses armez; 27080
Le fieu Sodome devoura;
Auci David p_ar_ ses pecchés
L’air fist corrumpre: ensi voietz
Q’au malvois hom_m_e mal esta.
Molt est p_ro_dhom_m_e en soi puissant,
Car tout est mis a son devant,
Dont puet le bien et mal eslire
En ceste siecle soy vivant:
Maisq’il soit sage gov_er_nant,
Les choses que fist n_ost_re sire 27090
Soubz le povoir de son Empire
Luy sont soubgit; siq’au voir dire,
L’om_m_e est tout le plus sufficant[662]
Apres dieu, et s’il voet despire
Pecché, tous mals puet desconfire
En ceste vie et plus avant.[663]
=E=ncore a demander je pense,
S’ap_re_s la mort ait difference
P_ar_entre l’om_m_e et son lignage
Et l’autre beste ove leur semence, 27100
Qui n’ont ne reso_u_n ne science
De juggement ne de language.
He, autrement serroit hontage,
Si ce q’est fait al dieu ymage
Et est doé du sapience,
Ne deust avoir plus d’avantage
Qe l’autre beste a son passage;
Trop fuist celle inconvenience.
Dieus, qui sur tous est gov_er_nals,
Voet q_ue_ le corps des animals 27110
Ove l’alme moerge ensembleme_n_t;
Mais l’om_m_e a ceux n’est p_ar_igals,
Si no_u_n q’il est auci mortals,
Mais c’est en corps tantsouleme_n_t;
Car l’alme vit et puis rep_re_nt
Son corps au jour de juggeme_n_t,
Et s’il avra laissé les mals,
Lors l’un et l’autre joyntement
En joye sanz nul finement
Vivront en les celestials. 27120
He, hom_m_e, molt es benuré,
Sur toutes bestes honeuré,
Qe dieus t’ad fait lo_ur_ capitain,
Et si bien fais ta dueté,
Apres la mort t’ad ottrié
Du ciel la joye plus haltain:[664]
[Sidenote: =f. 148=]
Du double bien tu es certain,
Si bien gov_er_nes le mondain,
Le ciel avras enherité;[665]
Tu scies mal faire ton bargain, 27130
Si tu n’en prens a toi le gain,
Trop as reso_u_n desfiguré.
=M=ais oultre ce di quoy serra,
Si l’om_m_e ne se guardera
Po_ur_ faire a dieu droite obeissance.
Je dis q_ue_ malement l’esta,
Car sicom_m_e vous ay dit pieça,
Le siecle ove toute s’alliance
Luy serront en desobeissance,
La terre ert sanz fructefiance, 27140
Et l’air de soy corrump_er_a,
Et l’eaue en tolt sa sustienance:[666]
Molt serra plain de mescheance
Qui contre luy tout ce verra.
Mais tout cela n’acompteroie,
Qe je po_ur_ ce pecché lerroie,
Si l’en porroit ap_re_s monter[667]
De ceste siecle en l’autre joye:
Mais c’est po_ur_ nient, car qui forsvoie,
La terre ove tout le ciel plener 27150
Ses pecchés devont accuser;
La terre q’il fist mesuser
Luy jettera du siecle envoie,
Et dieus son ciel ne voet don_n_er
Au tiel malvois; dont falt aler
Jusq’en enfern la halte voie.
He, beste q’es no_u_nreson_n_able,
Com_m_e ta nature est delitable
Au regard du fol peccheour!
Tu n’es ap_re_s la mort coupable, 27160
Mais l’autre en peine p_er_durable
En corps et alme sanz retour
Estuet languir pour sa folour;
Il vit du mort en tenebrour,
Et moert du vie q’est da_m_pnable,
Sa vie et mort sont d’un colour:
Qe plain morir ne puet nul jour,
C’est une paine descordable.
He, hom_m_e q’au pecché te don_n_es,
A ta reso_u_n trop desreson_n_es, 27170
Qant lais le bien et p_re_ns le mal;
Si voes, tu puiss avoir coron_n_es,
Et si tu voes, tu t’engarçon_n_es,
Car po_ur_ eslire es liberal:
Mais certes trop es desloyal
Et envers dieu desnatural,
Qant ta reson si mal compon_n_es,
Dont pers la vie espirital,
Et en ta vie temporal
Trestout le siecle dessaison_n_es. 27180
He, hom_m_e, en soul ton corps encloses
P_ar_t des natures que sont closes
En toute l’autre creature;
Et si ta reso_u_n bien disposes,
Tu as en toy plus noblez choses,[668]
Q’as angles de science pure
Resembles. He, com_m_e dieus t’onure,
Qant il ensi t’ad mys dessure,
Plus q_ue_ ne sont les rouges roses
Sur les cardo_u_ns en leur nat_ur_e! 27190
Car l’alme as a la dieu figure
Solonc les tistres et les gloses.
He, hom_m_e, beste de peresce,
Reson de toy n’est pas mestresse,
Qant soubz ta franche poesté
Tu as du siecle la noblesce,
Et souffres q_ue_ le mond te blesce,
Et voes enquore tout du gré
Blamer le siecle en son degré.
Tout ce te vient du nyceté, 27200
Du couardie et de fieblesce:
Mais si tu fuisses redrescé
De ta malice et ton pecché,
Tantost le siecle se redrescé.
Po_ur_ ce chascuns qui le mal fait
S’amende, et ce serra bien fait,
Car deux biens en puet rescevoir:[669]
L’un est q’il puet de son bienfait
Le siecle, q’est sicom_m_e desfait,
Refourmer tout a son voloir; 27210
L’autre est q_ue_ nous savons du voir,
Cil qui bien fait du ciel est hoir:
Dont m’est avis, puisq’ensi vait,
Qe l’om_m_e ad p_ro_pre le povoir
De l’un et l’autre siecle avoir;
Fols est s’il l’un ne l’autre en ait.[670]
Ore est q’om de com_m_un usage
Despute, argue et se fait sage,
Chascuns son argume_n_t sustient;
Tu dis q_ue_ c’est le seignourage, 27220
Je di q_ue_ c’est le presterage,
Du qui no siecle mal devient;
Et l’autre dist, mal se contient
La gent com_m_une et point ne tie_n_t
La dueté de son estage:
Mais qui du reson soy sovient
Puet bien savoir q_ue_ c’est tout nie_n_t
D’ensi jangler sanz avantage.
Qant pié se lieve contre teste,
Trop est la guise deshon_n_este; 27230
Et ensi qant contre seignour
Les gens sicom_m_e salvage beste
En multitude et en tempeste
Se lievent, c’est un g_ra_nt errour;
Et nepo_ur_qant la gent menour
Diont q_ue_ leur sup_er_iour
Don_n_ent la cause du moleste,
C’est de com_m_une le clamour:
Mais tout cela n’est q_ue_ folour,
Q’au siecle nul remede p_re_ste. 27240
Et pour p_ar_ler des sov_er_eins,
Qui sont des mals les p_ri_m_er_eins
De leur tresfole gov_er_nance,
Ils no_us_ p_re_chont ove vuidez meins;
Car s’ils no_us_ ont d’un point atteintz,
De cink ou six leur variance
Voions, siq_ue_ leur ignorance
No_us_ met le pl_us_ en fole errance:
Par quoy le siecle pl_us_ ne meinz 27249
N’amendont, ainz croist la dista_n_ce;
Chascuns blame autre en sa faisa_n_ce,
Et chascuns est du blame pleinz.
N’est pas hon_n_este, ainçois est vile
Maniere, qant p_re_chour revile
Ce dont est mesmes a viler;[671]
Car dieus no_us_ dist en l’evangile,
‘O ypocrite plain du guile,
Le festu scies considerer
En l’oill ton frere pour blamer,
Mais tu ne vois le g_ra_nt plancher 27260
Qe toy deinz ton oill p_ro_pre avile.’
Po_ur_ ce tu qui no_us_ viens p_re_cher
Pour noz defaltes aculper,
Primer toy mesmes reconcile.
Trestous savons du verité,
Quiconq_ue_ sur l’autri degré
Met blame par accusement,
Ce n’est trestout que vanité
Qant le blamant ne le blamé
N’en ont ascun amendement: 27270
Mais plus serroit convenient
Qe l’en amendast duement
Chascuns sa p_ro_pre malvoisté;
Car qui ne se puet p_ro_prement
Amender, je ne say coment
Q’il ait les autres amendé.
Chascuns souhaide en son endroit
Que no_us_ eussons le siecle au droit,
Car tous desirons l’amender;
Mais je di q_ue_ tout bien serroit, 27280
Si chascun de sa p_ar_t voldroit
Mais q’un soul hom_m_e corriger:
Car ja n’estuet plus loins aler[672]
Forsq’a soy mesmes com_m_encer;
Et si chascuns ensi ferroit,
Je suy certains sanz nul doubter,
Plus q’om ne sache diviser,
Le siecle amender l’en verroit.
Chascuns porra penser de soy
Com_m_ent le siecle est en effroy 27290
Du pecché q’avons maintenu;
Mais des tous autres q_ue_ je voi
Je suy certain q_ue_ plus q_ue_ moy
Nuls ad mesfait envers son dieu:
Mais esp_er_ance est mon escu
Par l’aide et mercy de Jh_es_u,
Qui je supplie en mon recoy
Qu’il m’en avra bien absolu,
Combien q_ue_ soie tard venu
Au repentir com_m_e faire doy. 27300
Car combien q_ue_ je riens ne vaille,
Dieus ad tout p_re_stement s’oraille
Pour ascoulter le peccheour;
Et autrement ne fuist m_er_vaille,
Si tout en vein je m’en t_ra_vaille
Pour grace quere ne socour:
Car pour recorder tout entour
Le g_ra_nt pecché, le g_ra_nt errour,
Dont j’ay mesfait du com_m_e_n_çaille,
Si la mercy ne soit maiour, 27310
Bien say q’au paine sanz reto_ur_
Ay deservi que je m’en aille.
Car deinz mon cuer tresbien je sens
Qe ma reso_u_n et mes cink sens
Ay despendu si folement,
Q’encontre dieu et son defens
Le siecle ove tous les elemens
Ay corrumpu vileinement:
[Sidenote: =f. 149=]
Mais dieus dist, cil qui se repe_n_t
Ne puet faillir d’acordement; 27320
Et pour cela je me repens
Par volenté d’amendement,
Et me confesse plainement
Qe j’ay esté trop necligens.
Et quoiq_ue_ soit du remenant,
Mon poair fray desore avant
Un soul chaitif pour amender,
Par quoy le siecle en son esta_n_t
Porra le meulx valoir de tant,
De ce que l’ay fait enpirer. 27330
Mais sur tout je doy consirer,
Et mettre y tout mon desirer
A servir dieu q’est toutpuissa_n_t;
Car si j’ensi puiss exploiter,
Le siecle me doit p_ro_sperer,
Et puis serray sanz fin joyant.
Jadis trestout m’abandonoie
Au foldelit et veine joye,
Dont ma vesture desguisay
Et les fols ditz d’amours fesoie, 27340
Dont en chantant je carolloie:[673]
Mais ore je m’aviseray
Et tout cela je changeray,
Envers dieu je supplieray
Q’il de sa grace me convoie;
Ma conscience accuseray,
Un autre chançon chanteray,
Que jadys chanter ne soloie.
Mais tu q’escoulter me voldras,
Escoulte que je chante bass, 27350
Car c’est un chançon cordial;
Si tu la note bien orras,
Au com_m_encer dolour avras
Et au fin joye espirital:
Car Conscience especial,
Qui porte le judicial,
Est de mon consail en ce cas,
Dont si tu voes en com_m_unal
Chanter ove moy ce chançonal,
Ensi chantant dirrez, Helas! 27360

=Puisq’il ad dit com_m_ent tout le mal dont l’en blame
com_m_unement le siecle vient soulement de l’om_m_e
peccheo_ur_, dirra ore com_m_ent l’omme se refo_ur_mera et
priera a dieu.=

Helas, chaitif qoy penserai,
Qant ove moi mesmes te_n_cerai
De ma chaitive fole vie?
Com_m_e pl_us_ en pense, pl_us_ m’esmai,[674]
Car bien recorde que je m’ai
Corrupt d’Orguil et false Envie,
De Ire, Accidie et Gloutenie,
De Covoitise et Leccherie;
Ce sont les sept, tresbien le sai,
Qui sont les chiefs de ma folie, 27370
Siq_ue_ pecché p_ar_ tout me lie
Sanz nul bonté q_ue_ je refai.
Deinz mon penser si je me voie,
Vei la qui vienont en ma voie
Tous les sept vices capiteines!
Chascune clayme q_ue_ je soie
Le soen, pour ce q_ue_ je laissoie
Les loys de dieu po_ur_ les mondeines.
Maldit soient tieles gardeines,
Q’au fin desaises tant soudeines 27380
Rendont pour les terrienes joyes,
Que p_er_illouses sont et veines;
Dont ay remors toutes les veines
Parmy ma conscience coye.
Je voi mes mals en tant diffus,
Siq’en pensant je su confus
Par griefté de ma conscience;
Dont je serroie au fin destruis,
Mais repentance, que je truis
Deinz ma reso_u_n et ma science, 27390
M’ad don_n_é meillour evidence:
C’est q_ue_ par juste p_ro_vidence
Je prieray celluy la sus
Qu’il me p_ar_don_n_e toute offense
Q’ai fait encontre sa defense,
Dont soie a sa mercy resçuz.
Enqore helas! q_ue_ le pecché
M’ad deinz le cuer tant enpesché,
Dont se moustront toutdis ava_n_t
Honte et paour en ma pensé, 27400
Qe tant com_m_e pl_us_ m’ai p_ur_pensé,
Tant meinz sai faire mon ava_n_t.
Com_m_ent vendray mon dieu deva_n_t?
Car tant ay esté decevant,
Qe, s’il ne m’avra respité,
Je n’ose prier tant ne qant;
Mais je supplie nepo_ur_qant
Ma dame plaine du pité.
Je mesme, helas! ne puiss souffire
De bien penser ne de bien dire 27410
Pour honte que me renovelle.
Helas! come je me doi despire,
Qui suy des tous chaitifs le pire,
Plus ord, plus vil, plus fals, plus frele;[675]
Mais esp_er_ance me repelle
A toy, ma dame, q’es pucelle
Et mere auci du n_ost_re sire,
Tu le leitas de ta mamelle,
Enp_er_netz, dame, ma querelle
Pour la mercy que je desire. 27420
O mire des tous mals, Marie,
A m’alme q’est ensi marrie
Don_n_etz, ma dame, medicine
Pour la santé que je supplie;
Car mon pecché si fort me plie
Qe j’en suy tout a la ruine,[676]
Si tu, ma dame, ove ta covine
De la vertu quelle as divine
Ne guarissetz la maladie,
Dont je languis a la poitrine, 27430
Q’est assetz pis q_ue_ la farcine,
La quelle fait la char purrie.
Car c’est de l’alme entierement,
Dont suy naufré si fierement,
Que si je n’eie bon_n_e cure
De vous, ma dame, brievement,
Ne say dont mon relievement
M’en puet venir par creature:
Mais tu, ma dame, q’es dessure,
Si tu me guardes, je m’assure 27440
Des plaies que me font dolent
Je guariray sanz aventure;
Dont m’alme serra blanche et pure,
Q’ore est oscure vilement.
Ma dame, j’ay sovent oÿ
De toy ce qui m’ad rejoÿ;
Et c’est, cil qui te voet sanz vice
Servir, de toy serra cheri,
Voir et mill fois plus remeri
Que n’est le port de son service: 27450
Po_ur_ ce com_m_ent que me chevice,
Je ne vuill estre mais si nice,
Que je ne viene ove plour et cry
Pour toy servir d’ascun office,
Dont je porray le benefice,
Ma dame, avoir de ta mercy.
Bien faire ou dire est a louer,
Dont l’en desert grace et loer,
Mais au bienfaire endroit de moy
Je suy forein et est_ra_ngier, 27460
Qe je n’en ose chalenger
Ascun merit ou grant ou poy:
Mais, dame, pour p_ar_ler de toy
Et dire j’ay asses du quoy;
Car tu, ma dame, au comencer
Es de la cristiene loy
La mere, dont no droite foy
Remaint, q_ue_ no_us_ devons guarder.
Pour ce, ma dame, a ta plesance
Solonc ma povre sufficance 27470
Vuill conter ta concepcio_u_n,
Et puis, ma dame, ta naiscance;
Siq_ue_ l’en sache ta puissance,
Qui sont du n_ost_re nacio_u_n:
Les clercs en scievont la leço_u_n[677]
De leur latin, mais autres no_u_n,
Par quoy en langue de romance
J’en fray la declaracio_u_n,
As lays pour enformacio_u_n,
Et a les clercs pour rememb_ra_nce. 27480

=Ore dirra de la Concepcio_u_n et de la Nativité de n_ost_re
Dame.=

Un noble bier estoit jadis,
Riche et puissant en son paiis,
Et Joachim a no_u_n avoit,
Qui une dame de grant pris,
Ensi com_m_e dieus luy ot apris,
A fem_m_e prist et l’espousoit,
La quelle espouse hom_m_e appelloit
Dame Anne, q’ert en son endroit
Et belle et bon_n_e au tout devis,
Q’ascune p_ar_t om ne savoit 27490
Qui env_er_s dieu meulx se gardoit
Selonc la loy des Circumcis.
Molt fuist honeste assembleme_n_t
De l’un et l’autre ensemblement,
Car chascun d’eaux en sa mesure
Gardoit sa loy no_u_n feintement,
Ainz env_er_s dieu molt seinteme_n_t
Se contienoit sanz mesprisure:
Et chascun a_u_n d’almoisne pure
Trestout le gaign de leur tenure 27500
En trois p_ar_tz charitousement
Firont p_ar_tir, dont la figure
[Sidenote: =f. 150=]
Nous don_n_e essample au p_re_sent hure
D’almoisne faire, oietz com_m_ent.
La p_ar_t prim_er_e ils dep_ar_toiont
Au temple et a les clercs q’estoiont
Dedeinz le temple a dieu servir;
La p_ar_t seconde, u mestier voiont,
Al oeps des povrez gens donoio_n_t
Pour la viande et le vestir; 27510
Et pour lo_ur_ mesmes maintenir
Et leur famile sustenir,
La tierce p_ar_t vers soy gardoiont:
Sanz covoitise et fol desir,
Tansoulement au dieu plesir,
Lo_ur_ corps et biens abandon_n_oiont.
Vingt a_u_ns ensemble nepo_ur_qant
Estoiont sanz avoir enfant,
Et Joachim pour ce voua
Qe chascun an son dieu devant 27520
Loigns en Jer_usa_lem avant
Au temple irroit po_ur_ offrir la,
Au fin q_ue_ si dieus luy dorra
Ou file ou fils, quelq_ue_ serra,
Pour dieu servir vait p_ro_mett_a_nt
Q’il deinz le temple l’offrera:
Dame Anne auci le conferma
Et de sa p_ar_t p_ro_mette atant.
Danz Joachim p_ar_ cel endroit
Trois fois en l’a_u_n au te_m_ple aloit, 27530
Dont il avint un a_u_n ensi:
L’evesq_ue_, qui la loy gardoit,
Qant vint offrir, le refusoit
Et oultre ce luy dist auci:
‘Avant, beal sire, aletz de cy,
Q’es loign du g_ra_ce et du mercy:
Fem_m_e as, mais c’est encontre droit,
Qe nul encress as fait en luy
Du pueple dieu; pour ce te dy,
Ton offre n’est a dieu benoit.’ 27540
Ensi l’evesq_ue_ sa sentence
Dist devant tous en audience,
Dont l’autre estoit trop esbahiz;
Car lors furont en la p_re_sence
Des ses voisins, dont il com_m_ence
Penser q’arere en son paiis
Ne volt aler p_ar_ nul devis;
Ainz en secret s’est dep_ar_tiz
Loigns en desert, u q’il s’apense
Ove les pasto_ur_s de ses berbis 27550
Mener sa vie com_m_e chaitis
Po_ur_ la vergoigne que luy tence.
Cil q’ot esté de g_ra_nt honour
Po_ur_ honte ensi devint pastour;
Mais dieus, q’au fin luy volt aider,
Enprist pité de sa dolour,
Et de son ciel sup_er_iour
Par l’angle qui fuist messagier
Luy mande, q’il duist retourner
A son hostell et sa mulier, 27560
Et si luy dist: ‘N’eietz paour,
Je viens novelles apporter,
Et pour ton cuer reconforter
Enten que dist le creatour.
‘Dieus dist q’il voit bien la matiere
Et le clamour de ta priere
Ove les almoisnes q’as don_n_é;
Si voet q_ue_ tu t’en vais arere
Envers ta fem_m_e, et la tien chere;
Car la divine magesté 27570
T’ad tiele grace destiné,
Que de ton corps ert engendré
La file q’ert de sa maniere
Sur toutes la plus beneuré,[678]
Dont tout le siecle serra lée;
Et pour ce faitez bon_n_e chere.
‘Dame Anne en soi concevera
Et une file enfantera,
Le no_u_n de luy serra Marie,
La quelle offrir te coviendra 27580
Au temple, u q’elle habitera,
Com_m_e celle q’est la dieu amie;
Car vierge pure nient blemie
Dieu servira toute sa vie,
Siq’en son corps compli serra
Toute la viele p_ro_phecie;
Le fils de dieu, q’om dist Messie,
Parmy sa char s’encharnera.
‘Que ceste chose serra voir
Par signe tu le dois savoir: 27590
En la Cité matin irrez,
Au porte d’orr te fai movoir,
Et la dois tu ta fem_m_e avoir,
Dont plus segur estre porrez
Par ce q’illeoques la verrez:
Elle ad esté dolente assetz,
Mais lors doit joye rescevoir.’
Qant l’angel ot ses ditz contez,[679]
Au ciel dont vint s’est remontez
Et l’autre maint en bon espoir. 27600
Ore a dame Anne vuil to_ur_ner:
Qant son mary vist desto_ur_ner,
Siq’a sa maison ne revint,
Tiel doel com_m_ence a demener
Qe nuls au joye remener
La pot; mais celle nuyt avint
Que l’angle po_ur_ conter luy vint,
Dont elle a tout son cuer devint
Joyeuse, et prist a mercier
Son dieu, et lors en peas se tint 27610
Et la matiere bien retint
De ce q’elle ad oÿ conter.
Ensi dieus de sa p_ro_vidence
Du confort don_n_a l’evidence
As ceaux qui ont esté dolent:
Mais lors leur joye recom_m_ence,
Par quoy chascun l’autri p_re_sence
Covoite asses devoutement,
Et trop leur semble longeme_n_t
Ainz q’il vienont ensembleme_n_t, 27620
Dont l’un desire et l’autre pense;
Siq’au matin, qant l’aube esp_re_nt,
La voie au porte chascun p_re_nt
Sanz faire ascune resistence.
Et l’un et l’autre a cuer reporte
Les ditz que l’angle lo_ur_ apporte,
Par quoy se lievont au matin
Et s’entrecontront a la porte.
Si l’un ove l’autre se desporte,
Drois est, mais puis font lo_ur_ chemin
Vers lo_ur_ hostel, u leur voisin 27631
Grant joye font au pelerin,
Q’au sa maison en sauf resorte:
Ensi menont le jour au fin,
Mais le secret q’estoit divin
Ensur trestout les reconforte.
Qant leur voisin s’en vont p_ar_tir,
Lors croist l’amour sanz dep_ar_tir
De la divine pourvoiance;
Qant ils en ont asses leisir,[680] 27640
Chascun dist autre son pleisir
Et font sovent la reme_m_brance
De l’angel dieu et sa p_ar_lance,
Dont ils ont fermé la creance
Qe tout cela doit avenir.
Dieus de nature en sa puissa_n_ce
Leur moustra tant de bienvuilla_n_ce
Qe l’un et l’autre ot son desir.
Dame Anne, ensi com_m_e dieus voloit,
De son mary lors concevoit, 27650
Et puis a terme de nature
Au dieu plesance elle enfantoit
Sa belle file, et la nomoit
Marie, q’est du grace pure
Sur toute humeine creature:
Savoir poetz tiele engendrure
As les p_ar_ens joyeuse estoit.
Trois a_u_ns la tint a norreture
Dame Anne, et puis de sa droit_ur_e
L’offri, com_m_e elle ainçois vouoit. 27660
Au temple dieu s’en vont ava_n_t
Le piere et miere ove tout l’enfa_n_t
Pour faire a dieu le sacrefise,
Sicom_m_e p_ro_mis estoit devant.
L’evesq_ue_ en fuist asses joyant,[681]
Qant tiele offrende y estoit mise;
Il la receust deinz sa po_ur_prise,
Et par doulçour et bon_n_e aprise
Au dieu plaisir la vait garda_n_t:
Mais ore oietz la halte enprise 27670
Que la virgine avoit enprise,
Q’estoit miracle app_ar_isant.
Quinsze degrés y ot du piere
Devant le temple en la man_er_e
Q’om pot p_ar_ les degrés monter;
Dont il avint siq_ue_ la mere
Sa file a la degré primere
Laissa trestoute soule estier:
Mais dieus, qui la voloit amer,
Ce que l’enfant n’ot du poer 27680
Don_n_a de grace la matiere,
Siqu’il la fist la sus aler
Jusques au temple et aourer:
Savoir poetz q_ue_ dieus l’ot chere.
Qant les parens tout fait avoio_n_t
Qe faire en celle p_ar_t devoiont,
A leur hostell sont retourné:
El temple dieu l’enfant lessoio_n_t
Entre les autres qui servoio_n_t
A dieu p_ar_ droite honesteté; 27690
Mais celle estoit la plus amé
De dieu, et tout la plus loé
Du pueple, car trestous l’amoio_n_t;
Mais qant elle ot sept a_u_ns passé.
[Sidenote: =f. 151=]
Tant plains estoit d’umilité
Qe toutez gens bien en p_ar_loio_n_t.[682]
Solonc q_ue_ l’auctour me descrit,
D’une coustume truis escrit
Que la virgine acustuma,
Q’au point du jo_ur_ laissa son lit 27700
Et lors tantost p_ar_ grant delit
Au dieu prier s’abandon_n_a;
Et en priant continua
Jusques au tierce, et lors cessa
Et d’autre labour s’entremist,
Les vestementz lors enfila,
Le temple dieu dont aourna,
Et jusq’au au Nonne ensi le fist.
Apres la Non_n_e chascun jour
Au temple u q’elle ert au sojour 27710
Se mist en contemplacio_u_n:
Au dieu, vers qui tout son amo_ur_
Ot atto_ur_né, fist sa clamour
Par droite humiliacio_u_n,
Ore ert en meditacio_u_n,
Et ore en supplicacio_u_n
Requist la grace au creatour;
C’estoit sa conv_er_sacio_u_n,
C’estoit sa recreacio_u_n,
C’estoit sa joye et sa doulçour. 27720
Viande nulle volt gouster
Tiels jours y ot, pour pl_us_ penser
En dieu, u tout le cuer ot mys:
Dont p_ar_ decerte et p_ar_ loer
La volt dieus amer et louer,
Si luy envoit assetz toutdis
Les signes de son paradis,
Des roses et des fleurs de lys,
Dont ses chapeals puet atiffer;
Com_m_e cil q’est ses loyalx amys, 27730
Sovent son angel ad tramys
Pour sa virgine visiter.
Plain quatorsze a_u_ns se tint ensi,
Mais qant cel age ot acompli,
Secretement sa chasteté
Vouoit, et p_ro_mist q’a nully
Son corps dourroit fors q’a celly
P_ar_ qui son corps luy fuist don_n_é:
Ensi p_ar_ droite humilité
Affermoit sa virginité, 27740
Dont l’amour dieu ot establi
Dedeinz le cuer et affermé,
Et dieus l’amour tient confermé
Et de sa part le grante auci.
Mais ore oietz le g_ra_nt confort,
Que dieus voloit refaire fort
Adam, qui chaoit par fieblesse,
Dont ils estoiont en descort;
Mais il volt faire bon_n_e acort
Parmy la vierge et sa noblesse, 27750
Et sicome d’Eve peccheresse,
Q’ert du pecché la fonderesse,
Nasquist Orguil, dont vint la mort,
Ensi volt dieus q_ue_ p_ar_ l’umblesse
De la virgine se redresse
La vie q’est tout no desport.
Dieus, de sa halte p_ro_vidence
Qui voit le fin ainz q’il com_m_ence,
Pensa de sa virgine p_re_ndre
La n_ost_re char; mais ce q’il pense 27760
Volt celer de sa sapience,
Qe deable ne le pot entendre:
Et po_ur_ cela la vierge tendre
Volt dieus au mariage rendre,
Et d’autre p_ar_t pour l’evidence,
Q’il volt en soy la loy comp_re_ndre;
Car sanz la loy qant hom_m_e enge_n_dre,
N’est pas hon_n_este la semence.

=Ore dirra la maniere com_m_ent n_ost_re Dame fuist espousée a
Joseph.=

Du viele loy c’estoit usage
Q’a quatorsze a_u_ns le mariage 27770
L’en pot de les pucelles fere:
Pour ce l’evesq_ue_ en son estage,
Q’ot la pucelle en gov_er_nage,
Pourpensa soy de cest affere,
Et l’aide dieu prist a requere,
Siq’il ne puisse en ce mesfere,
Ainz q’il porra sanz nul dam_m_age
Son dieu et sa virgine plere;
Et lors le pueple fist attrere
Pour mieulx en faire l’avantage.[683] 27780
Et qant le temps ert avenu
Qe tout le pueple estoit venu
Au temple, u q_ue_ l’evesq_ue_ estoit,
La cause dont les ad esmu
Leur dist, et charga depar dieu
Qe chascun solonc son endroit
Devoutement dieu prieroit,
Q’il demoustrance leur ferroit
De sa grace et de sa vertu,
Qui la virgine espouseroit: 27790
Ensi le pueple tout prioit,
Envers le ciel coll estendu.
Chascuns requiert, chascu_n_s supplie,
Chascuns devoutement se plie
A faire le com_m_andement
Qe leur Evesq_ue_ p_re_che et crie:
Vei la tantost, q_ue_ leur escrie
La vois d’en halt le firmament,[684]
Et si leur dist: ‘O bon_n_e gent,
Vous q’estes ore yci p_re_sent 27800
Estraitz du sainte p_ro_genie
Le Roy David, certainement
A l’un de vous l’affaire appent
D’estre maritz de la Marie.
‘Mais ore plus vous conteray,
Et la maniere enseigneray
P_ar_ quoy conoistre le devetz:
Chascuns, sicom_m_e ainçois dit ay,
P_re_nde une verge, et puis dirray
Com_m_ent la verge porteretz, 27810
Et vers le ciel l’adresceretz:
Mais celle verge que verretz
Flourie ensi com_m_e l’erbe en Maii,
C’est cil qui vous espouseretz
A la virgine. Ore tost aletz;
La chose est venue a l’essay.’
Lors celle vois q’ils ont oÿ
N’en parla pl_us_, ainz s’esvani,
Sur quoy l’evesq_ue_ meintena_n_t
Bailla sa verge a chascuny: 27820
Chascuns la porte endroit de ly
De ceaux dont vo_us_ ai dit deva_n_t,
Entre les queux trestout ava_n_t
Joseph sa verge fuist portant,
Que s’en flourist, et lors le cry
Se lieve, et tous vont escriant,
‘Le viel Joseph au jofne enfant
Serra mari, serra mary.’
Joseph de l’onour fuist hontous
Et d’espouser molt paourous, 27830
La vierge auci hontouse estoit;
Mais dieus, qui leur fuist g_ra_cio_us_,
P_ar_ son saint angel glorious
De sa mercy leur confortoit,
Disant que chastes viveroit
Et l’un et l’autre en son endroit,
Et lors n’estoient pas doubtous
Par ce q_ue_ dieus leur p_ro_mettoit;
Au mariage s’assentoit
La vierge ovesq_ue_ son espous. 27840
Du viele loy a coustum_m_ance[685]
L’evesq_ue_ de sa bienvuillance,
Q’estoit p_ro_dhom_m_e en son corage,
Enprist sur soy la po_ur_voiance
De la virgine et l’ordinance
Des noeces et du mariage.
Pareill furont de leur p_ar_age,
Mais desp_ar_aill estoiont d’age,
L’un ot vielesce et l’autre enfance;
Nientmeinz solonc le viel usage 27850
Fuist fait p_ar_ juste governage
Le matrimoine au dieu plesa_n_ce.
Qant tout fuist fait de l’espousaille,
Joseph, q’avoit la vierge en baille,
Auci sa chasteté voua,
Et tost apres il s’app_ar_aille
Vers son paiis, dont se consaille
Ove la virgine et puis s’en va;
Dont elle plus n’y sojourna,
En Nazareth ainz retourna, 27860
U q’elle a demourer se taille
Ove ses parens; mais po_ur_ cela
Sa viele usance ne laissa,
Car dieus la tint en gov_er_naille.
Bon amo_ur_ deinz bon cuer reclus
Du jour en jour croist pl_us_ et pl_us_,
Car qui bien ayme point n’oublie;
Par ceste reson suy conclus
Qe bon amour ja n’ert exclus
Par nulle chose en ceste vie, 27870
Ainz croist toutdis et multeplie:
Ce vuill je dire de Marie,
Q’ot son cuer mys a dieu la sus,
Et dieus auci de sa partie
De plus en plus la tint cherie;
Ne l’un ne l’autre estoit deçuz.
O com_m_e l’amo_ur_ fuist covenable
De la virgine et honurable,
Que soulement son dieu desire;
Et d’autre p_ar_t fuist delitable 27880
Au tout le mond et p_ro_ufitable,
Qui la matiere bien consire,
Car dieus, sicome no_us_ poons lire,
El corps du vierge volt eslire
[Sidenote: =f. 152=]
Son temple, u qu’il enhabitable
Volt estre, et de son halt empire
Vint naistre pour la mort despire
Et don_n_er vie p_er_durable.
O la mercy du creatour,
Qu’il de son ciel sup_er_iour 27890
Voloit descendre au basse terre
Po_ur_ faire a sa virgine honour,
Et pour moustrer le grant amo_ur_
Q’a les vertus no_us_ volt refere,
Et les pecchés mortieux desfere
Qe deble ainçois no_us_ fesoit fere!
Dilors, q’est cil qui p_ar_ doulçour
Ne duist a celle vierge plere,
En qui dieus mist tout son affere
Dont il devint no salveour? 27900
O dame, sanz ta soule grace,
Au fin q_ue_ je cest ovre enbrace,
Je n’ay savoir pour acompter;
Mais, doulce dame, s’il te place,
Bien sai dieus voet q’en toute place
L’en doit tes oevres reconter,
Pour ta loenge et pris monter
Et pour le deable desmonter,
Q’est desconfit de ta manace:
Po_ur_ ce, ma dame, je t’en quier, 27910
Mettetz le sens dedeinz mon cuer,
Dont ta loenge conter sace.

=Ore dirra de la Concepcio_u_n et de la Nativité n_os_tre
seigno_ur_, et en p_ar_tie de les joyes n_ost_re dame.=

Avint un jo_ur_ de la semeine,
Qant ses pe_n_sers la vierge meine
A la divine druerie,
Et deinz sa chambre fuist soleine
Sanz chambrellain ou chambreleine,
Survint un angel de Messie
Et la salue come s’amie,
Et si luy dist, ‘Ave, Marie, 27920
Del grace dieu trestoute pleine!’
La vierge en fuist molt esbahie,[686]
Q’elle ert tout soule et desgarnie,
Et la novelle estoit soudeine.
Mais l’angel par confortement
Luy dist molt debon_n_airement,
‘Ma dame, ne vous doubtez pas,
Car dieu le piere omnipotent
Voet po_ur_ sauver l’umaine gent
Que tu son fils conciveras 27930
Et de ton corps l’enfanteras,
Virgine nepo_ur_qant serras.’
Et lors tu dis, ‘He, dieus, com_m_ent
Puet ce venir?’ puisq_ue_ tu n’as,
Ne jam_m_ais eustes n’en avras
D’ascun charnel assemblement.
Ma dame, a ce te respondoit
Saint Gabriel, et te disoit
Qe l’espirit de dieu tout coy
Ove la vertu de ciel vendroit, 27940
Qui tout cell oev_er_e p_ar_ferroit,
Com_m_e cil q’est toutpuissant en soy:
‘Et ce qui naistera de toy
Serra nom_m_é le fils du Roy,
C’est Jh_es_u Crist, a qui l’en doit
Trestout hono_ur_ et bon_n_e foy.’
Et puis t’en don_n_a signe au quoy
Lors ta credence ferme soit.
‘Qe dieus sur tout est sov_er_ein
Et ad tout ce q’il voet au mein, 27950
Il te moustra verray signal
De ta cousine et ton p_ro_chein
Elizabeth, q’estoit barein,
Six moys devant d’especial;
Mais dieus, q’est sire et gov_er_nal
Sur tout le siecle en general,
Luy ad don_n_é son ventre plein
D’un fils qui molt serra loyal:
Ensi deinz ton memorial
Retien q_ue_ tout serra certein.’ 27960
Qant tu, ma dame, as tout oÿ
Qe l’angel dist, la dieu mercy
Lors en louas, dont simple et coie[687]
Tu luy don_na_s response ensi:
‘La dieu ancelle vei me cy,
Soit ta parole toute moye.’
Qant as ce dit, vers toy se ploie
Saint Gabriel et se desploie
Volant a ciel, si q’apres luy
De nulle p_ar_t ton cuer s’effroie; 27970
Et c’estoit la primere Joye,
Dont tu, ma dame, es rejoÿ.
Solonc la p_ar_ole angeline
Jh_esu_m conceustez, et virgine
Apres mansistez nette et pure.
Mais qant avint q_ue_ ta cousine,
Qui d’un enfant ot pris saisine,
Dont elle ert grosse a mesme l’ure,
Vous encontra par aventure,
Dedeinz le ventre a sa mesure 27980
L’enfant de luy vers toy s’acline
Pour faire hono_ur_ a ta porture
Com_m_e sa demeine creature:
C’estoit miracle assetz divine.
Elizabeth fuist celle mere,
Que le baptistre a sa costere
Dedeinz son ventre lors porta,
Qui reconoist la dieu matiere,
Et fist l’onour a sa maniere,
Ainz q_ue_ sa miere l’enfanta. 27990
La miere qant sentist cela,
A toy, ma dame, s’escria
Par halte vois et lée chiere,
Si t’ad benoit, que tu pieça
Par l’angel qui toy noncia
Don_n_as credence a dieu le piere.
Elizabeth qant s’ap_ar_çoit,
Par grant devocio_u_n disoit:
‘Benoite, dame, soies tu
Dep_ar_ dieus, en bon_n_e houre soit, 28000
Car tout que l’angel noncioit
Est en ton corps ore avenu:
L’enfant deinz moy l’ad bien sentu,
Et par ce je l’ay bien conu.’
C’est un miracle asses benoit
Pour demoustrer la dieu vertu,
Siq_ue_, ma dame, en chascun lieu
Tes Joyes vienont p_ar_ esploit.
O quelle aperte demoust_ra_nce!
Jehans, ainz q’il avoit naiscance, 28010
Son dieu, auci qui n’estoit né,
Honourt et fait reconoiscance,
Ainz q_ue_ sa langue de p_ar_lance
Ascunement estoit doé,
Ainçois qu’il pot aler au pée,
Il s’est el ventre travaillé
Pour faire a dieu sa po_ur_voiance;
Ainçois q’il vist la clareté,
Il p_er_ceust la divinité,
Qe la virgine ot en balance. 28020
Itiele chose q’ert novelle
Tes Joyes, dame, renovelle;
Mais puis ap_re_s g_ra_nt Joye avetz,
Qant tu sentis soubz ta cotelle
Le vif enfant en ta boëlle,
Qui s’esbanoie a tes costées:
Mais qant ce vient en tes pe_n_sées,
Qe c’est il p_ar_ qui com_m_encez
Tous sont, le madle et la femelle,
Lors si tu, dame, soies leez 28030
Nuls se doit estre esm_er_veillez,
Q’es mere dieu et sa pucelle.
Mais a g_ra_nt peine om conteroit
Coment Joseph s’esm_er_veilloit,
Qant vist sa fem_m_e grosse et pleine,
Q’il de ce fait privé n’estoit;
Dont p_ar_ dolour il s’aprestoit
Fuïr, mais l’angel luy restreigne,
Si luy conta trestout l’ov_er_eigne.
Mais lors Joseph ses joyes meine 28040
Plus q_ue_ l’en dire ne porroit,
Et toy servir ades se peyne,
Ma dame, en esp_er_ance seine
Q’il le fils dieu nestre verroit.
Ne puet faillir q_ue_ dieus destine,
Dont il avint q’a ce t_er_mine
Joseph de Nazareth passa
Jusq’au Bethlem, u q’il chemine,
Et ad Marie en sa covine,
Q’ensemble ovesq_ue_ luy ala. 28050
C’estoit au temps q’elle ap_ro_cha
Son terme, issint q’elle enfanta
L’umaine essance ove la divine:
Entre les bestes le posa
En une crecche u reposa,
N’ert pas sa chambre lors marbrine.
O cil q’ert Rois sur tout Empire,
Com_m_e il voloit orguil despire,
Qant il si povrement nasqui!
N’est pas orguil ce q’il desire, 28060
Vers l’asne d’une p_ar_t se vire
Et vers le boef de l’autre auci,
N’estoit courtine presde luy.
O Rois du gloire, ta mercy,
Qui viens poverte tiele eslire!
La miere que te porte ensi
Scieust nepourqant tresbien de fy
Qe tu sur toute chose es sire.
Cil q’estoit de nature mestre
Solonc nature voloit nestre 28070
Au due temps; mais autreme_n_t,
Contre l’usance q’est terrestre,
Le grief dolour q’ont n_ost_re ancestre
[Sidenote: =f. 153=]
Al houre de l’enfantement,
Ma doulce dame, ne te prent,
Ainz com_m_e solaill son ray estent
Parmy la verre en la fenestre
Sanz fendure ou molestement,
Ensi, ma dame, salvement
Nasquist de toy le Roy celestre. 28080
Mais certes, dame, de ta Joye
Que lors avetz, je ne porroie
La disme p_ar_t conter al hure;
Car doublement ce te rejoye,
Qant vif en char p_re_s toy costoie
Qui ciel et terre est au dessure,
Et d’aultre p_ar_t q’il sanz lesure
Nasquit de toy a sa mesure,
Com_m_e dieu puissant p_ar_ toute voie,
Dont ta virginité fuist pure: 28090
Lors fuist complie l’escripture,
Que Rois David de toi psalmoie.
O dame, bien dois estre lée,
Qant dieus t’estoit abandon_n_é;
Qui fuist ton piere ore est ton fils,
Qui toy fo_ur_ma tu as fo_ur_mé,
Qui t’engendra as engendré,
Il toy crea, tu luy norris,
Qui tout comp_re_nt tu as compris,
Qui tout gov_er_ne est ton soubgis, 28100
De qui l’ancelle avetz esté,
Ore es la dame: a mon avis
Nuls puet conter le droit devis,
Dont tu, ma dame, es honouré.
O dieus, ta file te conçoit,
Et puis t’espouse t’enfantoit,
Et ta norrice estoit t’amie,
Ta soer en berces te gardoit,
Et une vierge t’allaitoit,
Maisq_ue_ ta miere estoit Marie, 28110
La tue ancelle ot en baillie
Ton corps, qui molt sove_n_t te lie,
Ta creature te portoit:
Ja puis n’ert tiele chose oïe,
Car en toute la compaignie
Forsq’une soule fem_m_e estoit.
O dieus, qui feis trestoute beste,
Et la salvage et la domeste,
Et fo_ur_mas l’om_m_e a ta semblance,
Et d’autre p_ar_t a toy s’apreste 28120
Trestoute chose q’est celeste,
Drois est po_ur_ ce q’a ta naiscance
Soit fait ascune demoustra_n_ce,
Dont soit oïe la parlance
En tous paiis de la terreste,
Pour meulx avoir la conoisca_n_ce:
Mais tout cela de ta puissance
Fuist fait, sicom_m_e no_us_ dist la geste.

=Ore dirra de les mervailles qui aviendront, qant
n_ost_res_eignour_ fuist née.=

As pasto_ur_s qui la nuyt veilloio_n_t
Et leur berbis en sauf gardoio_n_t 28130
Un angel dieu vint noncier,
Et si leur dist q’ils lées en soiont,[688]
Car en Bethlem née trov_er_oiont
Jh_esu_m, qui doit le mond salver;
Et puis oïront un Miller
Des angles doulcement chanter,
‘Soit gloire a dieu en halt,’ disoio_n_t,
‘Et peas en terre soit plener
As gens qui vuillont peas amer.’
C’estoit le chançon q’ils chantoio_n_t.
Au matin l’endemain suiant 28141
Tout d’un acord passont ava_n_t
Jusq’en Bethlem, u qu’ils trov_er_ont
Marie, Joseph et l’enfant,
Q’estoit en ses drapeals gisant
En un rastell, u bestes eront;
Dont ils g_ra_nt joye desmeneront
Et leur avision conteront
As tous qui leur furont deva_n_t,
Et puis a l’ostell reto_ur_neront. 28150
Les ascoultantz s’esm_er_veilleront,
Et tu, ma dame, as Joye g_ra_nt.
Enqore dieus d’autre manere
La nuyt qant il nasquit prim_er_e
Sa deité nous demoustroit;
Car d’une estoille belle et clere
Au tout le mond don_n_a lumere,
Et fermement l’establissoit
Sur la maiso_u_n u q’il estoit.
De l’orient lors y venoit 28160
Trois Rois, q’estoiont divinere,
Chascuns offrende ove soi portoit,
Q’il a ton fils sacrifioit
Pardevant toy, sa doulce mere.
En genullant luy font offrens,
C’est orr et mirre et f_ra_nc encens,
En demoustrance p_ar_ figure
Qu’il estoit Rois sur toutes gens,
Et verray dieus omnipotens,
Et mortiel hom_m_e en sa nature: 28170
L’estoille q’apparust dessure
Nous signefie en sa droiture
Q’il sire estoit des elementz.
O tu sa mere et vierge pure,
Molt t’esjoïstes a celle hure
Des tiels hono_ur_s, des tieus p_re_sentz.

=Ore dirra de la Circumcisio_u_n n_ost_re s_eignour_ et la
Purificacio_u_n de n_ost_re dame.=