Chapter XXV: Part 25

XXXI. 1. Ma belle dame, bone et graciouse,
Si pour bealté l’en doit amour doner,
La bealté, dame, avetz si plentevouse,
Qe vo bealté porra nulls coers passer,
Qe ne l’estoet par fine force amer,
Et obeïr d’amour la discipline
Par soulement vo bealté regarder:
Car bon amour a les vertus encline.

2. Et si bounté, q’est assetz vertuouse
De sa nature, amour porra causer, 10
Vous estes, dame, assetz plus bountevouse
Q’ascun amant le purra deviser:
Et ceo me fait vostre amour desirer
Secondement apres l’amour divine,
Pour chier tenir, servir et honourer;
Car bon amour a les vertus encline.[787]

3. Et si la sort de grace est amourouse,
Lors porrai bien, ma dame, tesmoigner,
Vo grace entre la gent est si famouse,
Q’a quelle part qe jeo me vuil torner, 20
Jeo puiss oïr vo grace proclamer:
Toutz en parlont et diont lour covine,[788]
L’om est benoit qui vous purroit happer;
Car bon amour a les vertus encline.

4. Ma dame, en qui sont trestout bien plener,
Tresfressche flour, honeste et femeline,
Ceste balade a vous fais envoier;
Car bon amour a les vertus encline.

XXXII. 1. Cest aun novell Janus, q’ad double face,
L’yvern passer et l’estée voit venant:
Comparison de moi si j’ensi face,
Contraire a luy mes oills sont regardant,
Je voi l’ivern venir froid et nuisant,[789]
Et l’estée vait, ne sai sa revenue;
Q’amour me poignt et point ne me salue.

2. La cliere Estée, qui le solail embrace,
Devient obscure a moi, siq’ au devant[790]
L’yvern me tolt d’amour toute la grace: 10
Dont par dolour jeo sui mat et pesant,
Ne sai jeuer, ne sai chanter par tant,
Ainz sui covert dessoubtz la triste Nue;
Q’amour me poignt et point ne me salue.

3. Vo bealté croist, q’a null temps se desface;
Pourceo, ma dame, a vous est acordant
Qe vo bounté se monstre en toute place:
Mais jeo, pour quoi qe sui tout vo servant,
Ne puis veoir de grace ascun semblant,
C’est une dure et forte retenue; 20
Q’amour me poignt et point ne me salue.

XXXIII. 1. Au comencer del aun present novell
Mon corps ove tout le coer a bone estreine
Jeo done a vous, ma dame, sanz repell,
Pour le tenir sicom vostre demeine:
Ne sai conter les joies que jeo meine
De vous servir, et pour moi guardoner,
Si plus n’y soit, donetz le regarder.

2. Ne quier de vous avoir autre Juel
Fors soulement vostre ameisté certeine;
Guardetz vo Nouche, guardetz le vostre anel, 10
Vo beal semblant m’est joie sovereine,
Q’a mon avis toute autre chose est veine:
Et s’il vous plest, ma dame, sanz danger,
Si plus n’y soit, donetz le regarder.

3. L’en solt toutditz au feste de Noël
Reprendre joie et hoster toute peine,
Et doner douns; mais jeo ne demande el,
De vo noblesce si noun q’il vous deigne
Doner a moi d’amour ascune enseigne,
Dont jeo porrai ma fortune esperer: 20
Si plus n’y soit, donetz le regarder.

4. A vous, ma doulce dame treshalteine,
Ceste balade vait pour desporter;
Et pour le bounté dont vous estes pleine,
Si plus n’y soit, donetz le regarder.

XXXIIII. 1. Saint Valentin l’amour et la nature
De toutz oiseals ad en governement;
Dont chascun d’eaux semblable a sa mesure
Une compaigne honeste a son talent
Eslist tout d’un acord et d’un assent:
Pour celle soule laist a covenir
Toutes les autres, car nature aprent,
U li coers est, le corps falt obeïr.

2. Ma doulce dame, ensi jeo vous assure
Qe jeo vous ai eslieu semblablement; 10
Sur toutes autres estes a dessure
De mon amour si tresentierement,
Qe riens y falt par quoi joiousement
De coer et corps jeo vous voldrai servir:
Car de reson c’est une experiment,
U li coers est, le corps falt obeïr.

3. Pour remembrer jadis celle aventure
De Alceone et Ceïx ensement,
Com dieus muoit en oisel lour figure,
Ma volenté serroit tout tielement, 20
Qe sanz envie et danger de la gent
Nous porroions ensemble par loisir
Voler tout francs en nostre esbatement:
U li coers est, le corps falt obeïr.

4. Ma belle oisel, vers qui mon pensement
S’en vole ades sanz null contretenir,
Pren cest escript, car jeo sai voirement,
U li coers est, le corps falt obeïr.

XXXV. 1. Saint Valentin plus qe null Emperour
Ad parlement et convocacion
Des toutz oiseals, qui vienont a son jour,
U la compaigne prent son compaignon
En droit amour; mais par comparison
D’ascune part ne puiss avoir la moie:
Qui soul remaint ne poet avoir grant joie.

2. Com la fenix souleine est au sojour
En Arabie celle regioun,
Ensi ma dame en droit de son amour[791] 10
Souleine maint, ou si jeo vuill ou noun,
N’ad cure de ma supplicacion,
Sique d’amour ne sai troever la voie:
Qui soul remaint ne poet avoir grant joie.

3. O com nature est pleine de favour
A ceos oiseals q’ont lour eleccion!
O si jeo fuisse en droit de mon atour
En ceo soul cas de lour condicioun!
Plus poet nature qe ne poet resoun,
En mon estat tresbien le sente et voie: 20
Qui soul remaint ne poet avoir grant joie.

4. Chascun Tarcel gentil ad sa falcoun,
Mais j’ai faili de ceo q’avoir voldroie:
Ma dame, c’est le fin de mon chançoun,
Qui soul remaint ne poet avoir grant joie.

XXXVI. 1. Pour comparer ce jolif temps de Maii,
Jeo le dirrai semblable a Paradis;
Car lors chantont et Merle et Papegai,
Les champs sont vert, les herbes sont floris,
Lors est nature dame du paiis;
Dont Venus poignt l’amant au tiel assai,
Q’encontre amour n’est qui poet dire Nai.

2. Qant tout ceo voi et qe jeo penserai
Coment nature ad tout le mond suspris,
Dont pour le temps se fait minote et gai, 10
Et jeo des autres sui soulein horpris,
Com cil qui sanz amie est vrais amis,
N’est pas mervaile lors si jeo m’esmai,
Q’encontre amour n’est qui poet dire Nai.[792]

3. En lieu de Rose urtie cuillerai,
Dont mes chapeals ferrai par tiel devis,
Qe toute joie et confort jeo lerrai,
Si celle soule, en qui j’ai mon coer mis,
Selonc le point qe j’ai sovent requis,
Ne deigne alegger les griefs mals qe j’ai; 20
Q’encontre amour n’est qui poet dire Nai.

4. Pour pité querre et pourchacer mercis,
Va t’en, balade, u jeo t’envoierai;
Q’ore en certein jeo l’ai tresbien apris,
Q’encontre amour n’est qui poet dire Nai.[793]

XXXVII. 1. El Mois de Maii la plus joiouse chose[794]
C’est fin amour, mais vous, ma dame chiere,
Prenetz a vous plustost la ruge Rose[795]
Pour vo desport, et plus la faites chiere
Qe mon amour ove toute la priere
Qe vous ai fait maint jour y ad passé:
Vous estes franche et jeo sui fort lié.

2. Jeo voi toutplein des flours deinz vo parclose,
Privé de vous mais jeo sui mis derere,
N’y puiss entrer, qe l’entrée m’est forclose. 10
Jeo prens tesmoign de vostre chamberere,
Qe sciet et voit trestoute la matiere,
De si long temps qe jeo vous ai amé:
Vous estes franche et jeo sui fort lié.

3. Qant l’erbe croist et la flour se desclose,
Maii m’ad hosté de sa blanche banere,
Dont pense assetz plus qe jeo dire n’ose
De vous, ma dame, qui m’estes si fiere;
A vo merci car si jeo me refiere,[796]
Vostre danger tantost m’ad deslaié: 20
Vous estes franche et jeo sui fort lié.

4. En le douls temps ma fortune est amiere,
Le Mois de Maii s’est en yvern mué,
L’urtie truis, si jeo la Rose quiere:
Vous estes franche et jeo sui fort lié.

XXXVIII 1. Sicom la fine piere Daiamand
De sa nature attrait le ferr au soi,
Ma dame, ensi vo douls regard plesant
Par fine force attrait le coer de moi:
N’est pas en mon poair, qant jeo vous voi,
Qe ne vous aime oultre mesure ensi,
Qe j’ai pour vous toute autre chose oubli.

2. Soubtz ciel n’est oill, maisq’il vous soit voiant,
Qu’il n’ait le coer tantost deinz son recoi[797]
Suspris de vostre amour et suspirant: 10
De tout le monde si jeo fuisse Roi,
Trop fuist petit, me semble en bone foi,
Pour vous amer, car jeo sui tant ravi,
Qe j’ai pour vous toute autre chose oubli.

3. Toutes vertus en vous sont apparant,
Qe nature poet doner de sa loi,
Et dieus vous ad doné le remenant
Des bones mours; par quoi tresbien le croi
Qe jeo ne puiss amer meilour de toi:
Vostre bealté m’ad tielement saisi, 20
Qe j’ai pour vous toute autre chose oubli.

4. D’omble esperit, sicom jeo faire doi,
U toute grace son hostell ad basti[798]
Ceo lettre envoie ove si tresfin otroi,
Qe j’ai pour vous toute autre chose oubli.

XXXIX 1. En vous, ma doulce dame sovereine,
Pour remembrer et sercher les vertus,
Si bounté quier, et vous en estes pleine,[799]
Si bealté quier, vous estes au dessus,
Si grace quier, vous avetz le surplus;
Qe riens y falt de ceo dont char humeine
Doit avoir pris, car c’est tresbien conuz,
Molt est benoit q’ove vous sa vie meine.

2. Qui vo persone en son corage asseine,
Trop ad dur coer s’il ne soit retenuz 10
Pour vous servir come a sa capiteine:
Pour moi le di, q’a ceo me sui renduz,
Et si vous ai de rien, dame, offenduz,
Vous me poetz sicom vostre demeine
Bien chastier; q’en vostre amour jeo trieus,
Molt est benoit q’ove vous sa vie meine.

3. N’est un soul jour de toute la semeine,
El quell deinz soi mon coer milfoitz et pluis
De vous ne pense: ascune foitz me pleigne,
Et c’est quant jeo sui loign; mais quant venuz
Sui en presence, uque vous ai veeuz, 21
Lors est sur tout ma joie plus certeine:
Ensi de vous ma reson ai concluz,
Molt est benoit q’ove vous sa vie meine.

4. Ma dame, en qui tout bien sont contenuz,
Ceo lettre envoie a vo noblesce halteine
Ove Mil et Mil et Mil et Mil salutz:
Molt est benoit q’ove vous sa vie meine.

XL. 1. Om dist, promesses ne sont pas estables;
Ceo piert en vous, ma dame, au tiele enseigne,
Qe les paroles avetz amiables,
Mais en vos faitz vous n’estes pas certeine.
Vous m’avetz fait com jadis fist Heleine,
Quant prist Paris et laissa Menelai;
Ne puiss hoster, maisque de vous me pleigne:
Loials amours se provont a l’essai.

2. Si vos promesses fuissent veritables,
Sur vo parole q’estoit primereine 10
Vous ne serretz, ma dame, si changables,
Pour lesser qe vous avetz en demeine
Et prendre ailours la chose q’est foreine.
Vous savetz bien, ma dame, et jeo le sai,
Selonc qe le proverbe nous enseine,
Loials amours se provont a l’essai.

3. Qant verité d’amour se torne en fables,
Et qe vergoigne pas ne le restreigne
Parmi les voies qe sont honourables,
N’est un vertu qe la fortune meine. 20
Vostre ameisté vers un n’est pas souleine,
Ainz est a deux: c’est un chaunçon verrai,
Dont chanterai sovent a basse aleine,
Loials amours se provont a l’essai.

4. A dieu, ma joie, a dieu, ma triste peine,
Ore est yvern, qe soloit estre Maii;
Ne sai pour quoi Cupide me desdeigne:
Loials amours se provont a l’essai.

XLI. 1. Des fals amantz tantz sont au jour present,
Dont les amies porront bien doloir:
Cil qui plus jure et fait son serement
De bien amer, plus pense a decevoir.
Jeo sui de celles une, a dire voir,
Qui me compleigns d’amour et sa feintise;
Par quoi, de fals amantz pour peas avoir,
Bon est qe bone dame bien s’avise.

2. Ascuns y ad qui voet bien amer sent,
Et a chascune il fait bien assavoir 10
Qu’il l’aime sanz nulle autre soulement:
Par tiel engin destorne le savoir
De l’innocent, qe quide recevoir
De ses amours la loialté promise:
Mais pour guarder s’onour et son devoir,
Bon est qe bone dame bien s’avise.

3. Les lievres de la bouche q’ensi ment
Cil tricheour tant beal les sciet movoir,[800]
Q’a peine est nulle qe parfitement
Sache en ceo point le mal aparcevoir: 20
Mais cil q’ensi d’amour son estovoir
Pourchace, ad bien deservi la Juise;
Si dis pource q’a tiel mal removoir
Bon est qe bone dame bien s’avise.

4. Tu q’es au matin un et autre au soir,
Ceste balade envoie a ta reprise,
Pour toi guerpir et mettre a nonchaloir:
Bon est qe bone dame bien s’avise.

XLII. 1. Semblables sont la fortune et les dées
Au fals amant, quant il d’amour s’aqueinte;
Sa loialté pleine est des falsetés,
Plustost deçoit, quant il se fait plus queinte:[801]
A toi le di, q’as trahi femme meinte,
Ceo q’as mespris restorer ne poetz,
Et pourcella, de ta falsine atteinte
Si tu voldras briser l’estrein, brisetz.

2. Trop tard conu m’est ceo qe fait avetz,
Qe m’as hosté de toi par tiele empeinte, 10
Qe jammais jour ne serrai retournetz
Pour obeïr n’a toi n’a ta constreignte.[802]
He, fals amis, com ta parole est feinte!
Les viels promesses toutes sont quassetz,
Trop as en toi la gentilesce exteinte:
Si tu voldras briser l’estrein, brisetz.

3. O tu, mirour des mutabilitées,
Des fals amantz en toi l’image est peinte,
Tes sens se muent en subtilitées,
Sil q’ensi fait n’ad pas la vie seinte. 20
Tu as derrour la conscience enceinte,
Dont fraude et malengin sont engendrez;
Tu as vers moi ta loialté si freinte,
Si tu voldras briser l’estrein, brisetz.

4. En les malvois malice n’est restreignte,
Tu n’en serras de ta part escusez;
As toutz amantz jeo fais ceste compleignte:
Si tu voldras briser l’estrein, brisetz.

XLIII. 1. Plus tricherous qe Jason a Medée,[803]
A Deianire ou q’Ercules estoit,[804]
Plus q’Eneas, q’avoit Dido lessée,[805]
Plus qe Theseüs, q’Adriagne amoit,
Ou Demephon, quant Phillis oublioit,
Je trieus, helas, q’amer jadis soloie:
Dont chanterai desore en mon endroit,
C’est ma dolour, qe fuist ainçois ma joie.

2. Unqes Ector, q’ama Pantasilée,
En tiele haste a Troie ne s’armoit, 10
Qe tu tout nud n’es deinz le lit couché,
Amis as toutes, quelqe venir doit,
Ne poet chaloir, mais q’une femne y soit;
Si es comun plus qe la halte voie.
Helas, qe la fortune me deçoit,
C’est ma dolour, qe fuist ainçois ma joie,

3. De Lancelot si fuissetz remembré,
Et de Tristrans, com il se contenoit,
Generides, Florent, Partonopé,[806]
Chascun de ceaux sa loialté guardoit. 20
Mais tu, helas, q’est ceo qe te forsvoit
De moi, q’a toi jammais null jour falsoie?
Tu es a large et jeo sui en destroit,
C’est ma dolour, qe fuist ainçois ma joie.

4. Des toutz les mals tu q’es le plus maloit,
Ceste compleignte a ton oraille envoie;
Santé me laist et langour me reçoit,
C’est ma dolour, qe fuist ainçois ma joie.

XLIIII. 1. Vailant, courtois, gentil et renomée,
Loial, verrai, certain de vo promesse,
Vous m’avetz vostre corps et coer donné,
Qe jeo resçoive et prens a grant leesce.
Si jeo de Rome fuisse l’emperesse,
Vostre ameisté refuserai jeo mie,
Q’au tiel ami jeo vuill bien estre amie.

2. La halte fame qe l’en m’ad recontée
De vo valour et de vo grant prouesse
De joie m’ad l’oreille trespercée, 10
Et conforté le coer, siq’en destresce
Ne puiss languir, ainz de vo gentilesce
Pour remembrer sui des toutz mals guarie;
Q’au tiel ami jeo vuil bien estre amie.

3. Et puisq’il est ensi de verité,
Qe l’ameisté de vous vers moi se dresce,
Le coer de moi vers vous s’est adrescée
De bien amer par droite naturesce.
Tresdouls amis, tenetz ma foi expresse,
Ceo point d’acord tendrai toute ma vie, 20
Q’au tiel ami jeo vuill bien estre amie.

4. Par loialté, confort, chierté, tendresce,
Ceste ma lettre, quoique nulls en die,[807]
Ove tout le coer envoie a vo noblesce;
Q’au tiel ami jeo vuill bien estre amie.

XLV. 1. Ma dame, jeo vous doi bien comparer
Au cristall, qe les autres eslumine;
Car celle piere qui la poet toucher
De sa vertu reçoit sa medicine,
Si en devient plus preciouse et fine:[808]
Ensi pour vo bounté considerer
Toutz les amantz se porront amender.

2. Vostre figure auci pour deviser,
La chiere avetz et belle et femeline,
Du quelle, qant jeo me puiss aviser, 10
Jeo sui constreint, ensi com de famine,
Pour vous amer de tiele discipline,
Dont m’est avis qe pour vous essampler
Toutz les amantz se porront amender.

3. El Cristall dame om porra bien noter
Deux propretés semblable a vo covine:
Le Cristall est de soi et blanc et clier;
Dieus et nature ensi par double line
Vous ont de l’un et l’autre fait saisine:
Par quoi des biens qe vous avetz pleiner 20
Toutz les amantz se porront amender.

4. Ceste balade, dame, a vous encline
Envoie pour vos graces commender:
De vostre essample et de vostre doctrine
Toutz les amantz se porront amender.

XLVI. 1. En resemblance d’aigle, qui surmonte
Toute autre oisel pour voler au dessure,
Tresdouls amis, vostre amour tant amonte
Sur toutz amantz, par quoi jeo vous assure
De bien amer, sauf toutdis la mesure
De mon honour, le quell jeo guarderai:
Si parler n’ose, ades jeo penserai.

2. Par les paiis la fame vole et conte
Coment prouesce est toute en vostre cure,
Et quant jeo puiss oïr si noble conte 10
De vo valour, jeo met toute ma cure,
A mon poair dont vostre honour procure:
Mais pour les gentz tresbien m’aviserai;
Si parler n’ose, ades jeo penserai.

3. Entre nous dames, quant mettons a la compte
Vo noble port et vo fiere estature,
Lors en deviens un poi rugge pour honte,[809]
Mais jeo le torne ensi par envoisure,
Q’aparcevoir null poet la coverture:
Par tiel colour en joie jeo m’esmai; 20
Si parler n’ose, ades jeo penserai.

4. A vous, q’avetz d’onour celle aventure,
Qe vos valours toutz passont a l’essai,
Droitz est q’amour vous rende sa droiture:
Si parler n’ose, ades jeo penserai.

XLVII. 1. Li corps se tient par manger et par boire,
Et fin amour le coer fait sustenir,
Mais plus d’assetz est digne la memoire
De vrai amour, qui le sciet maintenir:
Pourceo, ma dame, a vous me vuill tenir,
De tiel amour qe ja ne falsera:
N’est pas oiceus sil qui bien amera.

2. Des tiels y ad qui sont d’amour en gloire,
Par quoi li coers se poet bien rejoïr;
Des tiels y ad qui sont en purgatoire, 10
Qe mieulx lour fuist assetz de mort morir;
Ascuns d’espoir ont pris le vein desir,
Dont sanz esploit l’amant souhaidera:
N’est pas oiceus sil qui bien amera.

3. De fin amour qui voet savoir l’istoire,
Il falt q’il sache et bien et mal suffrir;
Plus est divers qe l’en ne porra croire:
Et nepourquant ne m’en puiss abstenir,
Ainz me covient amer, servir, cherir
La belle en qui moun coer sojournera: 20
N’est pas oiceus sil qui bien amera.

4. Demi parti de joie et de suspir
Ceste balade a vous, ma dame, irra;
Q’en la santé d’amour m’estoet languir:
N’est pas oiceus sil qui bien amera.

XLVIII. 1. Amour est une chose merveilouse,
Dont nulls porra savoir le droit certein;
Amour de soi est la foi tricherouse,
Qe plus promette et meinz apporte au mein;[810]
Le riche est povere et le courtois vilein,
L’espine est molle et la rose est urtie:
En toutz errours amour se justefie.

2. L’amier est douls et la doulçour merdouse,[811]
Labour est ease et le repos grievein,
Le doel plesant, la seurté perilouse, 10
Le halt est bass, si est le bass haltein,[812]
Qant l’en mieulx quide avoir, tout est en vein,
Le ris en plour, le sens torne en folie
En toutz errours amour se justefie.

3. Amour est une voie dangereuse,
Le pres est loign, et loign remaint proschein;
Amour est chose odible et graciouse,
Orguil est humble et service est desdeign,
L’aignelle est fiere et le leon humein,
L’oue est en cage, la merle est forsbanie:[813] 20
En toutz errours amour se justifie.

4. Ore est amour salvage, ore est soulein,
N’est qui d’amour poet dire la sotie;
Amour est serf, amour est soverein;
En toutz errours amour se justifie.[814]

XLIX. 1. As bons est bon et a les mals malvois[815]
Amour, qui des natures est regent;
Mais l’omme qui de reson ad le pois,
Cil par reson doit amer bonement:
Car qui deinz soi sanz mal penser comprent
De bon amour la verité pleinere,
Lors est amour d’onour la droite miere.

2. Bon amour doit son dieu amer ainçois,
Qui son dieu aime il aime verraiment,
Si ad de trois amours le primer chois; 10
Et apres dieu il doit secondement
Amer son proesme a soi semblablement;
Car cil q’ensi voet guarder la maniere,
Lors est amour d’onour la droite miere.

3. Le tierce point dont amour ad la vois,
Amour en son endroit ceo nous aprent
Soubtz matrimoine de les seintes lois,
Par vie honeste et nonpas autrement.
En ces trois pointz gist tout l’experiment[816]
De boun amour, et si j’ensi le quiere, 20
Lors est amour d’onour la droite miere.

4. De bon amour, pour prendre avisement,
Jeo vous ai dit la forme et la matiere;
Car quique voet amer honestement,
Lors est amour d’onour la droite miere.

L. 1. De vrai honour est amour tout le chief,
Qui le corage et le memorial
Des bones mours fait guarder sanz meschief:
De l’averous il fait franc et loial,
Et de vilein courtois et liberal,
Et de couard plus fiers qe n’est leoun;[817]
De l’envious il hoste tout le mal:
Amour s’acorde a nature et resoun.

2. Ceo q’ainz fuist aspre, amour le tempre suef,
Si fait du guerre pes, et est causal 10
Dont toute vie honeste ad soun relief.
Sibien les choses qe sont natural,
Com celles qe sont d’omme resonal,
Amour par tout sa jurediccioun
Claime a tenir, et par especial
Amour s’acorde a nature et resoun.

3. Au droit amant riens est pesant ne grief,
Dont conscience en soun judicial
Forsvoit, mais li malvois plus qe la Nief
Est en tempeste, et ad son governal 20
D’onour perdu; sique du pois egual
La fortune est et la condicioun
De l’omme, et sur tout le plus cordial
Amour s’acorde a nature et resoun.
4. N’est qui d’amour poet dire le final;
Mais en droit moi c’est la conclusioun,
Qui voet d’onour sercher l’original,
Amour s’acorde a nature et reson.

<LI.> 1. Amour de soi est bon en toute guise,
Si resoun le governe et justifie;
Mais autrement, s’il naist de fole emprise,
N’est pas amour, ainz serra dit sotie.
Avise soi chascuns de sa partie,
Car ma resoun de novell acqueintance
M’ad fait amer d’amour la plus cherie[818]
Virgine et miere, en qui gist ma creance.

2. As toutes dames jeo doi moun servise
Abandoner par droite courtasie, 10
Mais a ma dame pleine de franchise
Pour comparer n’est une en ceste vie.
Qui voet amer ne poet faillir d’amie,
Car perdurable amour sanz variance
Remaint en luy, com celle q’est florie[819]
De bien, d’onour, de joie et de plesance.

3. De tout mon coer jeo l’aime et serve et prise,
Et amerai sanz nulle departie;
Par quoi j’espoir d’avoir ma rewardise,
Pour quelle jeo ma dame ades supplie: 20
C’est, qant mon corps lerra la compaignie
De m’alme, lors lui deigne en remembrance
D’amour doner a moi le pourpartie,
Dont puiss avoir le ciel en heritance.

* * * * *

O gentile Engleterre, a toi j’escrits,
Pour remembrer ta joie q’est novelle,
Qe te survient du noble Roi Henris,
Par qui dieus ad redrescé ta querele:
A dieu purceo prient et cil et celle,
Q’il de sa grace au fort Roi coroné
Doignt peas, honour, joie et prosperité.

=Expliciunt carmina Iohannis Gower, que Gallice composita
Balades dicuntur.=

TRAITIÉ[820]

=Puisqu’il[822] ad dit ci devant en Englois par voie d’essample la sotie de cellui[823] qui par amours aime par especial, dirra ore apres en François[824] a tout le monde en general un[825] traitié selonc les auctours pour essampler les amantz marietz, au fin q’ils la foi[826] de lour seintes espousailes pourront[827] par fine loialté guarder, et al honour de dieu salvement tenir.=

[Sidenote: Qualiter creator omnium rerum deus hominem duplicis
nature, ex anima racionali et humana carne, in principio
nobilem creauit; et qualiter anima ex sue creacionis priuilegio
super corpus dominium possidebit.[821]]

I. 1. Le creatour de toute creature,
Qui l’alme d’omme ad fait a son ymage,
Par quoi le corps de reson et nature
Soit attempré per jouste governage,
Il done al alme assetz plus d’avantage;
Car il l’ad fait discrete et resonable,
Dont sur le corps raison ert conestable.[828]

2. En dieu amer celle alme ad sa droiture,
Tant soulement pour fermer le corage
En tiel amour u nulle mesprisure 10
De foldelit la poet mettre en servage
De frele char, q’est toutdis en passage:[829]
Mais la bone alme est seinte et permanable;
Dont sur le corps raison ert conestable.[830]

3. En l’alme gist et raison et mesure,[831]
Dont elle avera le ciel en heritage;
Li corps selonc la char pour engendrure
Avera la bone espouse en mariage;
Qui sont tout une chose et un estage,
Qe l’un a l’autre soient entendable: 20
Dont sur le corps raison ert conestable.

[Sidenote: Qualiter spiritus, vt celum impleatur, castitatem
affectat, et corpus, vt genus humanum in terra multiplicetur,
coniugii copulam carnaliter concupiscit.]

II. 1. De l’espirit l’amour quiert continence,
Et vivre chaste en soul dieu contemplant;
Li corps par naturele experience
Quiert femme avoir, dont soit multipliant;
Des bones almes l’un fait le ciel preignant,
Et l’autre emplist la terre de labour:
Si l’un est bon, l’autre est assetz meilour.

2. A l’espirit qui fait la providence
Ne poet failir de reguerdon suiant.[832]
Plus est en l’alme celle intelligence, 10
Dont sanz null fin l’omme en serra vivant,[833]
Qe n’est le corps en ses fils engendrant;
Et nepourqant tout fist le creatour:[834]
Si l’un est bon, l’autre est assetz meilour.

3. A l’espirit dieus dona conscience,
Par quelle om ert du bien et mal sachant.
Le corps doit pas avoir la reverence,
Ainz ert a l’alme et humble et obeissant;
Mais dieus, qui les natures vait creant,
Et l’un et l’autre ad mis en son atour: 20
Si l’un est bon, l’autre est assetz meilour.

[Sidenote: Qualiter virginalis castitas in gradu suo matrimonio
prefertur: ambo tamen sub sacre conversacionis disciplina deo
creatori placabilia constitunt.]

III. 1. Au plus parfit dieus ne nous obligea,[835]
Mais il voet bien qe nous soions parfitz.
Cist homme a dieu sa chasteté dona,
Et cist en dieu voet estre bons maritz:[836]
S’il quiert avoir espouse a son avis,[837]
Il plest a dieu de faire honeste issue
Selonc la loi de seinte eglise due.[838]

2. Primerement qant mesmes dieus crea[839]
Adam et Eve en son saint paradis,
L’omme ove la femme ensemble maria, 10
Dont ait la terre en lour semense emplis:
Lors fuist au point celle espousaile empris
Du viele loi, et puis, qant fuist venue,
Selonc la loi de seinte eglise due.[840]

3. Et puisque dieus qui la loi ordina
En une char ad deux persones mis,
Droitz est qe l’omme et femme pourcela
Tout un soul coer eiont par tiel devis,
Loiale amie avoec loials amis:
C’est en amour trop belle retenue 20
Selonc la loi de seinte eglise due.[841]

[Sidenote: Qualiter honestas coniugii non ex libidinis[842] aut
auaricie causa, set tantummodo quod sub lege generacio ad
cultum dei fiat, primordia sua suscepit.]

IV. 1. Ovesque amour qant loialté s’aqueinte,[843]
Lors sont les noeces bones et joiouses;
Mais li guilers, qant il se fait plus queinte,[844]
Par falssemblant les fait sovent doubtouses,
A l’oill qant plus resemblont amorouses:
C’est ensi come de stouppes une corde,[845]
Qant le penser a son semblant descorde.

2. Celle espousaile est assetz forte et seinte,
D’amour u sont les causes vertuouses:
Si l’espousaile est d’avarice enceinte, 10
Et qe les causes soient tricherouses,
Ja ne serront les noeces graciouses;
Car conscience toutdis se remorde,
Qant le penser a son semblant descorde.

3. Honest amour, q’ove loialté s’aqueinte,[846]
Fait qe les noeces serront gloriouses;
Et qui son coer ad mis par tiele empeinte,
N’estoet doubter les changes perilouses.
Om dist qe noeces sont aventurouses;
Car la fortune en tiel lieu ne s’accorde,[847] 20
Qant le penser a son semblant descorde.

[Sidenote: Qualiter matrimonii sacramentum, quod ex duorum
mutuo consensu sub fidei iuramento firmius astringitur, propter
diuine vindicte offensam euitandam nullatenus dissolui debet.]

V. 1. Grant mervaile est et trop contre reson,[848]
Q’om doit du propre chois sa femme eslire,
Et puis confermer celle eleccion[849]
Par espousaile, et puis apres desdire
Sa foi, qant il de jour en jour desire
Novell amour assetz plus qe la beste:
Sa foi mentir n’est pas a l’omme honeste.

2. De l’espousailes la profession
Valt plus d’assetz qe jeo ne puiss descrire:
Soubtz cell habit prist incarnacion 10
De la virgine cil q’est nostre Sire:
Par quoi, des toutes partz qui bien remire,
En l’ordre de si tresseintisme geste[850]
Sa foi mentir n’est pas a l’omme honeste.

3. De l’espousailes celle beneiçoun[851]
Le sacrement de seinte eglise enspire:[852]
C’est un liens, sanz dissolucioun[853]
Q’om doit guarder; car quique voldra lisre
Le temps passé, il avera cause a dire,
Pour doubte de vengeance et de moleste,[854] 20
Sa foi mentir n’est pas a l’omme honeste.

[Sidenote: Nota hic contra illos qui nuper sponsalia sua
violantes in penam grauis vindicte dilapsi sunt. Et primo
narrat qualiter Nectanabus rex Egipti ex Olimpiade vxore
Philippi regis Macedonie magnum Alexandrum in adulterio genuit,
qui postea patrem suum fortuito casu interfecit.]

VI. 1. Nectanabus, qui vint en Macedoine
D’Egipte, u qu’il devant ot rois esté,
Olimpeas encontre matrimoine,
L’espouse au roi Philipp, ad violé,
Dont Alisandre estoit lors engendré:
Mais quoique soit du primere envoisure,
Le fin demoustre toute l’aventure.[855]

2. Cil q’est de pecché pres sa grace esloigne:[856]
Ceo parust bien, car tiele destinée[857]
Avint depuis, qe sanz nulle autre essoine[858] 10
Le fils occist le pere tout de grée.[859]
Ore esgardetz coment fuist revengé
D’avolterie celle forsfaiture:
Le fin demoustre toute l’aventure.[855]

[Sidenote: Qualiter Vluxes
Penolope sponsus in
insula Cilli Circen
ibidem reginam adulterando
Thelogonum
genuit, qui postea
propriis manibus patrem
suum mortaliter
iaculo transfodit.]

3. Rois Uluxes pour plaire a sa caroigne
Falsoit sa foi devers Penolopé;
Avoec Circes fist mesme la busoigne,
Du quoi son fils Thelogonus fuist née,[860]
Q’ad puis son propre piere auci tué.
Q’il n’est plesant a dieu tiele engendrure, 20
Le fin demoustre toute l’aventure.[855]

[Sidenote: Qualiter Hercules, qui Deianiram regis Calidonie
filiam desponsauit, ipsam postea propter amorem Eolen Euricie
Imperatoris filiam a se penitus amouit.[861] Vnde ipse cautelis
Achelontis ex incendio postea periit.]

VII. 1. El grant desert d’Ynde superiour
Cil qui d’arein les deux pilers fichoit,[862]
Danz Hercules, prist femme a son honour
Qe file au roi de Calidoine estoit;[863]
Contre Achelons en armes conquestoit
La belle Deianire par bataille.[864]
C’est grant peril de freindre l’espousaile.

2. Bien tost apres tout changea cell amour[865]
Pour Eolen, dont il s’espouse haoit:
Celle Eolen fuist file a l’emperour[866] 10
D’Eurice, et Herculem tant assotoit,
Q’elle ot de lui tout ceo q’avoir voloit.
N’ert pas le fin semblable au comensaile;
C’est grant peril de freindre l’espousaile.

3. Unqes ne fuist ne ja serra null jour,
Qe tiel pecché de dieu vengé ne soit:[867]
Car Hercules, ensi com dist l’auctour,
D’une chemise, dont il se vestoit,
Fuist tant deceu, qu’il soi mesmes ardoit.[868]
De son mesfait porta le contretaille;[869] 20
C’est grant peril de freindre l’espousaile.

[Sidenote: Qualiter Iason vxorem suam Medeam relinquens Creusam
Creontis regis filiam sibi carnaliter copulauit; vnde ipse cum
duobus filiis suis postea infortunatus decessit.]

VIII. 1. Li prus Jason, q’en l’isle de Colchos
Le toison d’or par l’aide de Medée
Conquist, dont il d’onour portoit grant los,[870]
Par tout le monde en court la renomée,[871]
La joefne dame ove soi ad amenée
De son paiis en Grece, et l’espousa.
Freinte espousaile dieus le vengera.

2. Qant Medea meulx quide estre en repos
Ove son mari, et q’elle avoit porté
Deux fils de lui, lors changea le purpos,[872] 10
El quel Jason primer fuist obligé:[873]
Il ad del tout Medeam refusé,
Si prist la file au roi Creon Creusa.
Freinte espousaile dieux le vengera.

3. Medea, q’ot le coer de dolour clos,[874]
En son corous, et ceo fuist grant pité,
Ses joefnes fils, quex ot jadis enclos[875]
Deinz ses costées, ensi come forsenée[876]
Devant les oels Jason ele ad tué.
Ceo q’en fuist fait pecché le fortuna; 20
Freinte espousaile dieus le vengera.

[Sidenote: Qualiter Egistus, Climestram[877] regis Agamenontis
vxorem adulterando, ipsum regem in lecto noctanter dormientem
proditorie interfecit, cuius mortem Orestes filius eius
crudelissime vindicauit.]

IX. 1. Cil avoltiers qui fait continuance
En ses pecchés et toutdis se delite,
Poi crient de dieu et l’ire et la vengeance:
Du quoi jeo trieus une Cronique escrite[878]
Pour essampler; et si jeo le recite,
L’en poet noter par ceo qu’il signifie,[879]
Horribles sont les mals d’avolterie.

2. Agamenon, q’ot soubtz sa governance
De les Gregois toute la flour eslite,
A Troie qant plus fuist en sa puissance, 10
S’espouse, quelle estoit Climestre dite,
Egistus l’ot de fol amour soubgite,
Dont puis avint meinte grant felonie:
Horribles sont les mals d’avolterie.

3. Agamenon de mort suffrist penance
Par treson qe sa femme avoit confite;
Dont elle apres morust sanz repentance:[880]
Son propre fils Horestes l’ad despite,[881]
Dont de sa main receust la mort subite;
Egiste as fourches puis rendist sa vie: 20
Horribles sont les mals d’avolterie.

[Sidenote: Qualiter ex adulterio Helene vxoris Menelai
regis Troia magna in cineres conuersa pro perpetuo desolata
permansit.]

X. 1. La tresplus belle q’unqes fuist humeine,
L’espouse a roi de Grece Menelai,
C’estoit la fole peccheresse Heleine,[882]
Pour qui Paris primer se faisoit gai;[883]
Mais puis tornoit toute sa joie en wai,[884]
Qant Troie fuist destruite et mis en cendre:[885]
Si haut pecché covient en bass descendre.[886]

[Sidenote: Qualiter ob hoc quod Lucrecia Rome Collatini sponsa
vi oppressa pre dolore interiit, Tarquinus ibidem rex vna[887]
cum Arronte filio suo, qui sceleris auctores extiterant,
pro perpetuo exheredati exilium subierunt.]

2. Tarquins auci, q’ot la pensé vileine,[888]
Q’avoit pourgeu Lucrece a son essai,
Sanz null retour d’exil receust la peine;[889] 10
Et la dolente estoit en tiel esmai,
Qe d’un cotell s’occist sanz null deslai:[890]
Ceo fuist pité, mais l’en doit bien entendre,
Si haut pecché covient en bass descendre.[891]

[Sidenote: Qualiter Mundus Romane milicie princeps nobilem
Paulinam[892] in templo Ysis decepit; vnde ipse cum duobus
presbiteris sibi confederatis iudicialiter perierunt.]

3. Mundus fuist prince de la Court Romeine,
Qui deinz le temple Ysis el mois de Maii
Pourgeust Pauline, espouse et citezeine:
Deux prestres enbastiront tout le plai.[893]
Bani fuist Munde en jugement verai,[894]
Ysis destruit, li prestres vont au pendre:[895] 20
Si haut pecché covient en bass descendre.[896]

[Sidenote: Qualiter Helmeges miles Rosemundam regis
Gurmondi filiam Albinique[897] primi regis Longobardorum vxorem
adulterauit: vnde ipso rege mortaliter intoxicato dictam vxorem
cum suo adultero dux Rauenne conuictos pene mortis adiudicauit.]

XI. 1. Albins, q’estoit un prince bataillous,
Et fuist le primer roi de Lombardie,
Occist, com cil qui fuist victorious,
Le roi Gurmond par sa chivalerie;
Si espousa sa file et tint cherie,[898]
La quelle ot noun la belle Rosemonde.
Cil qui mal fait, falt qu’il au mal responde.

2. Tiel espousaile ja n’ert gracious,[899]
U dieus les noeces point ne seintifie:[900]
La dame, q’estoit pleine de corous 10
A cause de son piere, n’ama mie
Son droit mari, ainz est ailours amie;[901]
Elmeges la pourgeust et fist inmonde.
Cil qui mal fait, falt qu’il au mal responde.

3. Du pecché naist le fin malicious,
Par grief poison Albins perdist la vie:
Elmeges ove sa dame lecherous
Estoient arsz pour lour grant felonie;[902]
Le duc q’ot lors Ravenne en sa baillie[903]
En son paleis lour jugement exponde:[904] 20
Cil qui mal fait, falt qu’il au mal responde.

[Sidenote: Qualiter Tereus rex Tracie Prognem filiam Pandeon
regis Athenarum in vxorem duxit, et postea Philomenam dicte
vxoris sue sororem virginem vi oppressit. Vnde dicte sorores in
peccati vindictam filium suum infantem ex Progne genitum variis
decoccionibus in cibos transformatum[905] comedere fecerunt.]

XII. 1. Le noble roi d’Athenes Pandeon
Deux files ot de son corps engendré,
Qe Progne et Philomene avoiont noun:[906]
A Tereüs fuist Progne mariée,
Cil fuist de Trace roi; mais la bealté
De l’autre soer lui fist sa foi falser.[907]
Malvois amant reprent malvois loer.

2. De foldelit contraire a sa reson[908]
Cil Tereüs par treson pourpensée
De Philomene en sa proteccion[909] 10
Ravist la flour de sa virginité,
Contre sa foi, qu’il avoit espousée
Progne sa soer, qui puis se fist venger:
Malvois amant reprent malvois loer.

3. Trop fuist cruele celle vengeisoun:
Un joefne fils qu’il ot de Progne né[910]
La miere occist, et en decoccion[911]
Tant fist qe Tereüs l’ad devorée;[912]
Dont dieus lui ad en hupe transformée,[913]
En signe qu’il fuist fals et avoltier:[914] 20
Malvois amant reprent malvois loer.

[Sidenote: Qualiter pro eo quod Pharao rex Egipti Sarrai
vxorem Abrahe ob carnis concupiscenciam impudice tractauit,
pestilencia per vniuersum Egiptum peccatum vindicauit.]

XIII. 1. Seint Abraham, chief de la viele loi,
De Chanaan pour fuïr la famine
Mena Sarrai sa femme ovesque soi
Tanq’en Egipte, u doubta la covine
De Pharao, qui prist a concubine
Sarrai s’espouse, et en fist son voloir.[915]
En halt estat falt temprer le pooir.[916]

2. Cist Abraham, qui molt doubta le roi,[917]
N’osa desdire, ainz suffrist la ravine,
Pour pes avoir et se tenoit tout coi:[918] 10
Dont il fuist bien; du roi mais la falsine[919]
De son pecché par tiele discipline
Dieus chastioit, dont il poait veoir,
En halt estat falt temprer le pooir.

3. Soubdeinement, ainz qe l’en scieust pour quoi,
Par toute Egipte espandist la morine;
Dont Pharao, q’estoit en grant effroi,[920]
Rendist l’espouse, et ceo fuist medicine.
A tiel pecché celle alme q’est encline,[921]
Pour son delit covient au fin doloir: 20
En halt estat falt temprer le pooir.

[Sidenote: Qualiter ob peccatum regis Dauid, de eo quod ipse
Bersabee sponsam Vrie ex adulterio impregnauit, summus
Iudex infantem natum patre penitente sepulcro[922] defunctum
tradidit.]

XIV. 1. Trop est humaine char frele et vileine;[923]
Sanz grace nulls se poet contretenir:
Ceo parust bien, sicom le bible enseine,[924]
Qant roi David Urie fist moertrir
Pour Bersabée, dont il ot son plesir:
Espouse estoit, mais il n’en avoit guarde;
N’ert pas segeur de soi qui dieus ne guarde.

2. La bealté q’il veoit ensi lui meine,[925]
Qu’il n’ot poair de son corps abstenir,[926]
Maisqu’il chaoit d’amour en celle peine,[927] 10
Dont chastes ne se poait contenir:
L’un mal causoit un autre mal venir,[928]
L’avolterie a l’omicide esguarde:
N’ert pas segeur de soi qui dieus ne guarde.

3. Mais cil, qui dieus de sa pité remeine,
David, se prist si fort a repentir,
Q’unqes null homme en ceste vie humeine
Ne receust tant de pleindre et de ghemir:
Merci prioit, merci fuist son desir,
Merci troevoit, merci son point ne tarde. 20
N’ert pas segeur de soi qui dieus ne guarde.

[Sidenote: Qualiter ob hoc quod Lanceolotus Miles probatissimus
Gunnoram regis Arthuri vxorem fatue peramauit, eciam et quia
Tristram simili modo Isoldam regis Marci auunculi sui vxorem
violare non timuit, Amantes ambo predicti magno infortunii
dolore dies suos extremos[929] clauserunt.]

XV.[930] 1. Comunes sont la cronique et l’istoire[931]
De Lancelot et Tristrans ensement;
Enqore maint lour sotie en memoire,
Pour essampler les autres du present:[932]
Cil q’est guarni et nulle garde prent,
Droitz est qu’il porte mesmes sa folie;[933]
Car beal oisel par autre se chastie.

2. Tout temps del an om truist d’amour la foire,[934]
U que les coers Cupide done et vent:
Deux tonealx ad, dont il les gentz fait boire, 10
L’un est assetz plus douls qe n’est pyment,[935]
L’autre est amier plus que null arrement:[936]
Parentre deux falt q’om se modefie,
Car beal oisel par autre se chastie.[937]

3. As uns est blanche, as uns fortune est noire;
Amour se torne trop diversement,
Ore est en joie, ore est en purgatoire,
Sanz point, sanz reule et sanz governement:
Mais sur toutz autres il fait sagement,
Q’en fol amour ne se delite mie; 20
Car beal oisel par autre se chastie.

[Sidenote: Qualiter Princeps qui sue carnis concupiscenciam
exuperat pre ceteris laudabilior existit. Narrat enim quod cum
probus Valentinianus Imperator octogenarius in armis floruit,
et suorum preliorum gesta coram eo publice decantabantur,
asseruit se de victoria sue carnis, cuius ipse motus illecebros
extinxerat, magis letari, quam si ipse vniuersas mundi partes
in gladio belliger subiugasset.]

XVI. 1. Om truist plusours es vieles escriptures[938]
Prus et vailantz, q’ont d’armes le renoun,
Mais poi furont q’entre les envoisures
Guarderont chaste lour condicion.[939]
Cil rois qui Valentinians ot noun
As les Romeins ceo dist en son avis,[940]
Qui sa char veint, sur toutz doit porter pris.

2. Qui d’armes veint les fieres aventures,
Du siecle en doit avoir le reguerdoun;[941]
Mais qui du char poet veintre les pointures,[942] 10
Le ciel avera trestout a sa bandoun.[943]
Agardetz ore la comparisoun,[944]
Le quell valt plus, le monde ou Paradis:
Qui sa char veint, sur toutz doit porter pris.

3. Amour les armes tient en ses droitures,
Et est plus fort, car la profession[945]
De vrai amour surmonte les natures
Et fait om vivre au loi de sa reson:[946]
En mariage est la perfeccioun;[947]
Guardent lour foi cils q’ont celle ordre pris:[948] 20
Qui sa char veint, sur toutz doit porter pris.

[Sidenote: Nota hic quod secundum iura ecclesie, vt sint
duo[949] in carne vna tantum ad sacri coniugii perfeccionem et
non aliter expediens est.]

XVII. 1. Amour est dit sanz partir d’un et une;
Ceo voet la foi plevie au destre main:
Mais qant li tierce d’amour se comune,[950]
Non est amour, ainz serra dit barguain.
Trop se descroist q’ensi quiert avoir guain,
Qui sa foi pert poi troeve d’avantage,[951]
A un est une assetz en mariage.

2. N’est pas compaigns q’est comun a chascune;
Au soule amie ert un ami soulain:
Mais cil qui toutdis change sa fortune, 10
Et ne voet estre en un soul lieu certain,
Om le poet bien resembler a Gawain,
Courtois d’amour, mais il fuist trop volage:
A un est une assetz en mariage.

3. Semblables est au descroisçante lune
Cil q’au primer se moustre entier et plain,[952]
Qant prent espouse, ou soit ceo blanche ou brune,[953]
Et quiert eschange avoir a l’endemain:
Mais qui q’ensi son temps deguaste en vain
Doit bien sentir au fin de son passage, 20
A un est une assetz en mariage.

[Sidenote: Nota hic secundum auctores quod sponsi fideles
ex sui regiminis discreta bonitate vxores sibi fidissimas
conseruant. Vnde ipsi ad inuicem[954] congaudentes felicius in
domino conualescunt.]

XVIII. 1. En propreté cil qui del or habonde
Molt fait grant tort s’il emble autri monoie:[955]
Cil q’ad s’espouse propre deinz sa bonde
Grant pecché fait s’il quiert ailours sa proie.[956]
Tiels chante, ‘c’est ma sovereine joie,’
Qui puis en ad dolour sanz departie:[957]
N’est pas amant qui son amour mesguie.

2. Des trois estatz benoitz c’est le seconde,
Q’au mariage en droit amour se ploie;[958]
Et qui cell ordre en foldelit confonde 10
Trop poet doubter, s’il ne se reconvoie.
Pource bon est qe chascun se pourvoie[959]
D’amer ensi, q’il n’ait sa foi blemie:[960]
N’est pas amant qui soun amour mesguie.[961]

3. Deinz son recoi la conscience exponde
A fol amant l’amour dont il foloie;
Si lui covient au fin qu’il en responde
Devant celui qui les consals desploie.
O come li bons maritz son bien emploie,[962]
Qant l’autre fol lerra sa fole amie! 20
N’est pas amant qui son amour mesguie.

[Sidenote: Hic in fine Gower, qui Anglicus est, sua verba
Gallica, si que incongrua fuerint, excusat.]

4. Al université de tout le monde
Johan Gower ceste Balade envoie;[963]
Et si jeo n’ai de François la faconde,
Pardonetz moi qe jeo de ceo forsvoie:[964]
Jeo sui Englois, si quier par tiele voie
Estre excusé; mais quoique nulls en die,[965]
L’amour parfit en dieu se justifie.

* * * * *

Quis sit vel qualis sacer ordo connubialis
Scripsi, mentalis sit amor quod in ordine talis.
Exemplo veteri poterunt ventura timeri;
Cras caro sicut heri leuiter valet illa moueri.
Non ita gaudebit sibi qui de carne placebit,
Quin corpus flebit aut spiritus inde dolebit:
Carne refrenatus qui se regit inmaculatus,
Omnes quosque status precellit in orbe beatus,
Ille deo gratus splendet ad omne latus.

=Carmen de variis in amore passionibus breuiter compilatum.=[966]

Est amor in glosa pax bellica, lis pietosa,
Accio famosa, vaga sors, vis imperiosa,
Pugna quietosa, victoria perniciosa,
Regula viscosa, scola deuia, lex capitosa,
Cura molestosa, grauis ars, virtus viciosa,
Gloria dampnosa, flens risus et ira iocosa,
Musa dolorosa, mors leta, febris preciosa,
Esca venenosa, fel dulce, fames animosa,
Vitis acetosa, sitis ebria, mens furiosa,
Flamma pruinosa, nox clara, dies tenebrosa,[967] 10
Res dedignosa, socialis et ambiciosa,
Garrula, verbosa, secreta, silens, studiosa,
Fabula formosa, sapiencia prestigiosa,
Causa ruinosa, rota versa, quies operosa,
Vrticata rosa, spes stulta fidesque dolosa.

Magnus in exiguis, variatus vt est tibi clamor,
Fixus in ambiguis motibus errat amor:
Instruat audita tibi leccio sic repetita;
Mors, amor et vita participantur ita.

* * * * *

Lex docet auctorum quod iter carnale bonorum
Tucius est, quorum sunt federa coniugiorum:
Fragrat vt ortorum rosa plus quam germen agrorum,
Ordo maritorum caput est et finis amorum:
Hec est nuptorum carnis quasi regula morum, 5
Que saluandorum sacratur in orbe virorum.
Hinc vetus annorum Gower sub spe meritorum[968]
Ordine sponsorum tutus adhibo thorum.

NOTES

MIROUR DE L’OMME

=Table of Contents.=--This table is written in a hand which differs somewhat from that of the text, and it has some peculiar forms of spelling, as ‘diable,’ ‘eyde,’ ‘por,’ ‘noet,’ ‘fraunchement,’ ‘fraunchise,’ ‘governaunce,’ ‘sount,’ ‘lesserount’: some of these forms are also found in the rubrics.

* * * * *

After the Table four leaves have been cut out, and the first leaf that we have of the text is signed _a_ iiii. It is probable that the first of the lost leaves was something like =f. 6= in the Glasgow MS. of the _Vox Clamantis_, which is blank on one side and has a picture and some verses on the other (being, as this is, a half-sheet left over after the Table of Contents), and that the text of the _Mirour_ began with the first quire of eight (_a_ i). If this is so, three leaves of the text are missing, probably containing forty-seven stanzas, i.e. 564 lines, an allowance of twelve lines of space being made for title and rubrics. The real subject of the book begins at l. 37 of the existing text, as will be seen by the rubric there, and what preceded was probably a prologue dealing with the vanity of worldly and sinful pleasures: see ll. 25-30.

1. _Escoulte cea_ &c. This is addressed to lovers of sin and of the world, not to lovers in the ordinary sense, as we shall see if we read the first stanzas carefully.

2. _perestes_: see ‘perestre’ in Glossary. The 3rd pers. sing. ‘perest’ is fully written out in the MS. several times, e.g. 1760, 2546.

4. _ove tout s’enfant_, ‘together with her children,’ ‘s’enfant’ (for ‘si enfant’) being plural. For ‘ove tout’ cp. 27662,

‘Le piere et miere ove tout l’enfant,’

where ‘l’enfant’ is singular. This shows that ‘ove tout’ should be combined, and not ‘tout s’enfant.’ For other adverbial uses of ‘tout’ see Glossary. ‘Ove’ counts always as a monosyllable in the verse, and so also ‘come’: see l. 28.

6. _chapeal de sauls_, the wreath of willow being a sign of mourning.

23. _Changeast_: pret. subjunctive for conditional, a very common use with our author.

25. _porroit_: conditional used for pret. subjunctive, cp. 170, 322, _Bal._ i. 3, &c.

28. _come_, also written ‘comme’ and ‘com,’ has always, like ‘ove,’ the value of a monosyllable in the metre.

31. _l’amour seculer_, ‘the love of the world.’

37. _ore_, counting as a monosyllable here, cp. 1775, &c., but as a dissyllable 4737, 11377, _Bal._ xxviii. 1.

39. _fait anientir_, ‘annihilates’: see note on 1135.

46. _Que_, ‘For.’

51. The reference is to John i. 3 f., ‘Omnia per ipsum facta sunt: et sine ipso factum est nihil, quod factum est. In ipso vita erat,’ &c. This was usually taken with a full stop after ‘nihil,’ and then ‘Quod factum est in ipso, vita erat.’ It was read so by Augustine, who seems to suggest the idea which is attributed below to Gregory, viz. that the ‘nothing’ which was made without God was _sin_. ‘Peccatum quidem non per ipsum factum est; et manifestum est quia peccatum nihil est,’ &c., _Joann. Evang._ i. 13. Gregory also held that sin was nothing: ‘Res quidem aliquid habet esse, peccatum vero esse nullum habet,’ i. _Reg. Exp._ v. 14, but I do not know whether he founded his opinion specially on this text. Pierre de Peccham expresses the same idea:

‘Pecché n’est chose ne nature
Ne si n’est la deu creature,
Einz est de nature corrupciun
Et defaute et destructiun,’ &c.

M.S. Bodl. 399, f. 21 v^o.

65. _de les celestieux_, ‘from heaven,’ cp. 27120, and such expressions as ‘les infernalx’ just below.

74. _tout plein_, ‘a great number’: often written as one word ‘toutplein,’ so, for example, _Bal._ xxxvii. 2, _Mir._ 25276 &c.; divided as here l. 11021.

83. _au droit divis_, ‘rightly,’ an adverbial expression which is often used by our author to fill up a line: cp. 872 and Glossary under ‘devis.’

84. _du dame Evein_, ‘in the person of Eve’: ‘du’ for ‘de,’ see Glossary.

85. For this kind of repetition cp. 473 and _Conf. Am. Prol._ 60, ‘So as I can, so as I mai.’

89. The sentence is broken off and resumed under another form: cp. 997 ff., 17743, &c., and _Conf. Am._ vi. 1796 ff.

94. _q’estoit perdue_, ‘that which was lost.’ The form _perdue_ is not influenced by gender but by rhyme.

100. For the position of ‘et’ see note on 415.

115. _avoit_, ‘there was,’ for ‘y avoit’: so used frequently.

116. _luy_, a form of _ly_, _le_, see Glossary.

118. _n’en fuist mangant_, ‘should not eat of them.’ This use of pres. participle with auxiliary instead of the simple tense is frequent not only with our author but in old French generally: see Burguy, _Grammaire_ ii. 258.

131. _a qui constance_ &c., because of her nature as a woman.

135. _u que_, ‘where’: sometimes combined into ‘uque,’ ‘uqe,’ e.g. _Bal._ xv. 3, but usually separate.

136. _deable_, also written ‘deble,’ and never more than a dissyllable in the metre.

139. _en ton endroit_, ‘for your part.’ Phrases composed with ‘endroit’ or ‘en droit’ are among the commonest forms of ‘fill up’ employed by our author: cp. note on l. 83, and see Glossary under ‘endroit.’

163. Cp. _Conf. Am._ i. 1610, ‘For what womman is _so above_.’

168. _le fist ... forsjuger_, ‘condemned him,’ see note on 1135.

170. _serroit_: conditional for subjunctive, cp. l. 25.

190. _Ce dont_, ‘the cause whereby.’

194. Note that the capital letters of ‘Pecché,’ ‘Mort,’ ‘Char,’ ‘Alme,’ ‘Siecle,’ indicating that they are spoken of as persons, are due to the editor.

217 ff. _Tant perservoit ... dont il fuist_ &c. This use of ‘dont’ (instead of ‘que’), after such words as ‘tant,’ ‘si,’ &c., to introduce the consequence, is very common with our author, see 544, 657, &c., cp. 682. Compare the similar use of the relative in English, e.g. _Conf. Am._ i. 498. Here there is a second consecutive clause following, which is introduced by ‘Que’: ‘His daughter so kept him in pleasant mood and made him such entertainment that he was enamoured of her so much that,’ &c.

218. _en son degré_, ‘for her part’: cp. note on 139.

230. _vont ... engendrant_, equivalent to ‘engendrent,’ another instance of the use of pres. partic. with auxiliary verbs for the simple tense, which is common in old French: cp. 118, 440, 500, and the conclusion of this stanza, where we have ‘serray devisant’ and ‘est nomant’ for ‘deviserai’ and ‘nomme.’

238 ff. ‘As I will describe to you, (telling) by what names people call them and of the office in which they are instructed.’

253. _celle d’Avarice_, ‘that which is called Avarice.’ For this apposition with ‘de’ cp. 84, 14197.

276. _grantment_: corrected here and in 397 from ‘grantement,’ which would be three syllables. We have ‘grantment’ 8931.

296. _Accidie._ This counts as three syllables only in the metre, and it is in fact written ‘Accide’ in l. 255. A similar thing is to be observed in several other words with this ending, as ‘Vituperie’ 2967, ‘familie’ 3916, ‘contumelie’ 4067, ‘perjurie’ 6409, ‘encordie’ 6958, ‘remedie’ 10912, ‘pluvie’ 26716; and in general, when the accent fell on the antepenultimate, there was a tendency to run the _-ie_ into one syllable. The accent, however, was variable (at least in Anglo-Norman) according to the exigences of metre, and in some cases where we should expect the above rule to apply we find the accent thrown on the penultimate and all the syllables fully sounded, as 2362,

‘Contumacie l’oi nommer.’

301. _ceos mals_: equivalent to ‘les mals,’ so ‘cel homme’ 305, ‘celle Alme’ 667, ‘celle amorouse peigne’ _Bal._ iii. 1. This use of demonstrative for definite article is quite common.

305. _pot_, perhaps meant for subjunctive.

307. Cp. _Bal._ v. 3: ‘Si fuisse en paradis ceo beal Manoir.’

322. _serroit_, ‘he might be,’ conditional for subj.; cp. l. 25.

330. ‘And swore it mutually’: see note on 1135.

355. _a son derere_, ‘to his harm.’

364. _porray_, fut. for subj.

373. _de sa partie_, ‘for his part’: like ‘en son endroit,’ ‘en son degre,’ &c., ll. 139, 218, &c.

397. _grantment_: cp. l. 276.