Chapter VI: Part 6

La quinte, ensi come je le pense,
Son no_u_n est Inobedience;
Q’a nully voet estre soubgis
Pour digneté ne pour science,
Ne porte a nully rev_er_ence,
Tant ad le cuer d’orguil espris. 2010
C’est un pecché par quoy ly fitz
Sovent des pieres sont malditz,
Quant par vertu d’obedience
Ne vuillont estre bien apris.
C’est un pecché q’a son avis
N’ad cure de la dieu offence.
C’est un pecché de son mester
Qui taire voet quant dust parler,
Et quant dust p_ar_ler se voet taire.
C’est un pecché q’apostazer 2020
Fait maint et mainte reguler,
Trestout lessant et frocke et haire.
C’est un pecché qui fait desplaire
La fem_m_e qui n’est debon_n_aire
Au mary, qui la volt amer.
C’est un pecché qui le contraire
En toutes choses vorra faire,
Q’a nul bien se voet acorder.
C’est un pecché q’ad trop de peine,
Quant force a servir le constreine; 2030
Sovent grondile a bass suspir,
Trop ad la volenté vileine.
Qui plus d’amour vers luy se peine
Del faire aler ou retenir,
Tant plus se fait desobeïr:
Si plus ne puet contretenir,
Tout maldirra du bass aleine,
Q’au nulle loy voet obeïr,
Pour faire droit ne droit suffrir
N’a son p_ro_chein n’a sa p_ro_cheine. 2040
C’est un pecché que son amant
Aprent qu’il soit desobeissant
Vers dieu et vers son voisinage:
Vers qui des deux soit malfaisant,
Jam_m_ais du gré n’ert repentant,
Dont confesser voet le dam_m_age,
Ne faire peas de son oultrage.
Ne croit q’au dieu doit son hom_m_age,
Et a tout autre rien vivant
Il ad contraire le corage: 2050
Nul le pourra treter si sage,
Q’as autres le face acordant.
Desobeisance en sa pectrine
Ad le cuer dur plus que perrine,
Que n’amollist aucunement
Pour la divine discipline,
Que dieu par droite medicine
Envoit pour son amendement:
Ainz, quanq_ue_ dieus benignement
Luy don_n_e a son relievement, 2060
Il le destorne a sa ruine;
Et pour ce q’en gré ne le prent,
Du double mal la paine attent
En fieu d’enfern, qui ja ne fine.
Quant ceste file se mesprent
Vers dieu, et dieu revengement
Prent en pité, dont l’en chastie,[51]
Ou soit par mort de son parent,
Ou soit du perte ou d’accident,
[Sidenote: =f. 16=]
De blesceure ou de maladie,
Orguil de ce dieu ne mercie; 2071
Ainz en tençant trestout deffie[52]
Encontre le chastiement
De dieu, mais puis de sa folie
Ne pert tantsoulement la vie,
Mais l’alme p_er_durablement.
Car saint Gregoire bien le dist,
Solonc que truis en son escript,
Que dieu chastie son amy,
Tanqu’il a soy l’ad fait soubgit: 2080
Mais s’il avient par autre plit
Qu’il ne s’ament, ainz en oubli
Met le chastiement de luy,
C’est un vray signe q’a celluy
Dieus ad sa grace tout desdit,
Et voet au fin qu’il soit peri;
Dont son orguil soit remeri,
Quant corps et alme ensemble occit.
Grant mal vient par desobeissance;
L’apostre en porte tesmoignance,[53] 2090
Disant que par desobeïr
D’Adam primer vint la vengance,
Dont naiscons serf et en penance;
N’est un qui ce poet eschuïr:
Moises le dist, cil q’obeïr
Ne voet al dieu precept tenir
Solonc la divine observance,
Il doit par juggement morir;
Dont puis sanz fin l’estoet perir,
Et languir en desesp_er_ance. 2100
Del unicorn ce dist Solyn,
N’el poet danter aucun engin,
Mais moert ainz q’om le poet danter,
Tant ad le cuer gross et ferin.
Orguil ensi le fol cristin
Sanz obeïr le fait errer
Du bon_n_e aprise et salvager;
Par quoy ne sciet son dieu amer,
Ne vivre egal ove son voisin,
Tout ordre fait desordener, 2110
N’ad cure du loy seculer,
Ne doubte du precept divin.
Cil q’Inobedience meine
Resemble au corps du char humeine
Q’est mort, dont om ne poet plier
Les membres; car pour nulle peine
Au sov_er_ein n’au sov_er_eine
Orguil se voet humilier.
Mais cil qui voet le mont monter,
Ainçois l’estoet le doss courber 2120
Qu’il truist la voie droite et pleine:
Orguil pour ce ne poet durer
Amont le ciel en halt aler,
Car ne s’abesse a nul enseine.
Urse et Lio_u_n qui sont salvage,
Ostour et la faucon ramage,[54]
Dedeinz un an jusques au mein
L’en poet danter au saulf menage;
Mais deinz sessante al dieu servage
Pour reclamer c’est tout en vein 2130
Un fol pecchant. He, queu vilein!
Quant par precher du chapelein,
Ne pour fieblesce de son age,
Ne reconoist son sov_er_ein;
Ainz plus se fait de dieu loig_n_tein
Que ne fait beste en le boscage.
L’orguil de l’Inobedient
En ceste siecle auci sovent
Fait guerre sourdre et grant distance;
Dont la maldiont mainte gent, 2140
Et dieus la maldist ensement.
Ce duissont savoir cils du France,
Que dieus hiet la desobeissance,
De ce q’encontre leur ligance
Chascun par guerre se defent
De faire hom_m_age et obeissance
A celluy qui de sa nescance
Le droit depar sa mere prent.
Dame Orguil trop s’entente mist,
Quant ceste file ensi norrist, 2150
Baillant a luy deux servitours,
Dont ly primer ad no_u_n Despit,
Qui curtoisie sanz respit
Guerroie et dist maintes folours:
L’autre est Desdaign, q’en toutez courtz
Parole et fait tout a rebours,
N’agarde a ce que Reso_u_n dist.
Dame Orguil, l’aisné des sorours,
Ces deux servantz pour leur erro_ur_s
Avoec sa file les assist. 2160
Despit la sert en son degré,
Que ja ne souffre de bon gré
Que l’en luy don_n_e aucune aprise;
Ne combien qu’il en soit prié[55]
En sa science ou faculté
D’enseigner autre, en nulle guise
Ne voet ce faire, ainz le despise:
Q’a son avis l’autry franchise
Luy est servage abandon_n_é;
Et pour cela de sa mesprise 2170
Le pris de son voisin desprise,
Au fin qu’il mesmes soit prisé.
Asses trovons d’essamplerie
Q’en despiser ad grant folie,
Et molt sovent mal en avient:[56]
Ce parust bien du feel Golie,
Quant despisoit de s’estoutie
David, q’a sa bataille vient;
Mais dieu, qui tout crea du nient,
Pour l’orguil qui son cuer retient 2180
Fist tant qu’il en perdist la vie.[57]
Au despitous despit avient,
Car mort soubite luy survient
Du p_er_manable vilenie.
‘Way,’ ce dist Isaïe, ‘a vous,
Q’as autres estes despitous!
Car quant vous serrez enlassé
A despire autrez, lors de tous
Serretz despit’; dont entre nous
Falt bien que soions avisé. 2190
Ce dist David en son decrée:
‘Ly toutpuissant deinz son pensée
Despise tous les orguillous,’
Et tout le mond les tient en hée:
Drois est pour ce que maluré
Soiont aveoc les malurous.
Par Moÿsen dieus a sa gent
Dist, que s’ils son com_m_andement
Vorront despire, lors en vain
Les champs font semer du frume_n_t,
Ou planter vine aucunement; 2201
Car dieus trestout le fruit et grain
Leur fra tollir au forte main;
Ils gaigneront sanz avoir gain,
Et viveront sanz vivement.
He fol orguil, qui tols le pain,
Trop es au p_ro_pre corps vilain,
Et t’alme nul p_ro_ufit en prent.[58]
Par Ezechiel dieu disoit,
A cause que son poeple erroit 2210
Ses covenances despisant,
Tieux reetz dist qu’il extenderoit,
Dont pris trestous attrapperoit
En tieu priso_u_n, que puis avant
Nuls leur puet estre rechatant,
Ainz y morront sanz nul garant.
Vei la le fin q’avenir doit
Au despitous desobeissant;
Car cil q’au dieu n’est obeissant
Au deable obeiera par droit. 2220
Roy Salomon de son aprise
Dist, cil qui povre gent despise
Reproeche fait au creatour.
Et Malachie en tiele guise
Demande, puisq_ue_ d’une assise
Un dieus de tous estoit fesour,
Pour quoy la dame ou le seigno_ur_
Despiseront la gent menour,
Que de nature et de franchise
Ont alme et corps semblable a lour.
A ce demande, O despisour, 2231
Tu dois respondre a grant Juise.
Despit, qui porte cuer inflat
Du vent d’orguil, dont il abat
Humblesce par desobeissance,
Ne fait honour a nul estat,
N’au duc, n’au conte, n’au prelat,
Ne voet soutz l’autry governance
Servir, mais par contrariance
Du dit, du fait, du contenance 2240
Desobeït du cuer elat.
Gregoire en porte tesmoignance,[59]
Que cuer enflé de tiele estance
Au toute verité debat.
Despit, qui sert Delacio_u_n,
Naist d’une eructuacio_u_n
De l’estom_m_ac au deble issant,
Du quelle par temptacio_u_n
A l’hom_m_e don_n_e inflacio_u_n
D’orguil que dieu vait despisant. 2250
D’un malvois ny s’est evolant,
Et au peiour s’est retornant,
Q’est fait a sa dampnacio_u_n
Deinz la puante goule ardant
De Sathan, u mort est vivant
D’eterne lamentacio_u_n.
Desdaign, qua_n_t passe aval la rue,
Par fier regard les oels il rue
Dessur les povres gens menuz;
Et si nul povre le salue, 2260
Il passe avant com_m_e beste mue,
[Sidenote: =f. 17=]
Que ne respont a leur saluz:
Et s’om ne dist le bien venuz,
Lors son orguil luy monte sus,
Que l’en n’agarde a sa venue;
Sicom_m_e lio_u_n, encore et plus,
Rampant s’en vait col estenduz,
Com_m_e s’il volsist toucher la nue.
Desdeign des autrez se desdeigne,
Come l’escripture nous enseigne; 2270
Sicome Judas se desdeignoit
Du bienfait de la Magdeleine,
Qua_n_t d’oignt versoit la boiste pleine,
Dont de Jh_es_u les piés oignoit:
Un archeprestre auci estoit,
Que de Jh_es_u se desdeignoit,
Quant l’om_m_e languissant en peine
Au jour de Sabat garisoit:
L’un contre dieu desdeign portoit,
Et l’autre contre sa p_ro_cheine. 2280
Ce nous dist Salomon le sage,
Que cil qui plus deinz son corage
Est d’indignacio_u_n prochein,
Cil est plus pres d’estre en servage[60]
As autres vices; car l’outrage,
Que gist el vice de desdeign,
Tant fait le cuer gross et vilein,
Qu’il n’est egal vers son p_ro_chein,
Ne soubgit vers son seignorage;
Tout obeissance tient en vein, 2290
D’umilité se tient forein
D’orguil en le plus halt estage.[61]
De celle generacio_u_n
Portant les oels d’elacio_u_n
Ove la palpebre en halt assisse,
Que ja d’umiliacio_u_n
Ne prent consideracio_u_n,
Les oels du tiele gent despise
Roy Salomon de son aprise;
Et le p_ro_phete ne les prise, 2300
Ainz dist en reprobacio_u_n,
Que dieus les oels de halte enprise
Humilera de sa reprise
En la basse obscuracio_u_n.
Mais d’autre part Danger auci,
Qui du Franchise est anemy,
A ceste route associa
Dame Orguil pour servir ensi,
Que jam_m_ais au voloir d’autri
De son bon gré n’obeiera. 2310
Unques Danger fuist ne serra
Amé, qu’il unques nul ama,
Car Groucer, ly vilain failly,
De son consail toutdis esta:
Qui plus vers luy s’umilera,
Plus trovera contraire en luy.
Orguil, qui tous biens desordeigne
Et trestous mals au point ordeigne,
Trois autres sers fist ordeigner,
Queux Inobedience meine 2320
Chascune jour de la semeigne
Pour luy servir et consailler.
Murmur hom fait l’un appeller,
Et l’autre, q’est trop adverser,
Rebellion, qui dieu desdeigne;
Contumacie oï nom_m_er
Le tierce, qui s’umilier
Ne voet pour nul amour ne peine.
Pour Murmur et Rebellio_u_n
Dieus se venga, car nous lison 2330
Que les Hebreus, qu’il ot mené
Hors du servage a Pharaon,
En la deserte regio_u_n
Trestous occit pour ce pecché;
Q’un soul de tous en salveté,
Fors soul Caleph et Josué,
En terre du p_ro_missio_u_n
Ne pot venir; car sanz pité
Dieu, qui vist leur rebelleté,
Les ot mis a perdicio_u_n. 2340
La terre en soy se desferma,
Et en abisme transgluta
Dithan et Abiron vivant;
Et puis du ciel dieus envoia
La flam_m_e, qui tout vif bruilla
Choré ove tout le remenant,
Q’a luy s’estoiont adherdant:
Que cils furont ly plus puissant[62]
De les Hebreus, mais pourcela
Qu’ils deinz soy furont murm_ur_ant, 2350
Dieus se venga, que plus avant
Les autres par ce chastia.
A Saül dieus disoit ce point,
Que d’aguillo_u_n contre le point
C’est dure chose a regibber:
Mais Orguil ne s’en garde point,
Combien qu’il soit constraint et point
De dieu, pour ce ne veot lesser
Encontre dieu de rebeller:
Car il ad un son consailler, 2360
Que jam_m_ais ert en hu_m_ble point,
Contumacie l’oi nom_m_er,
Q’au tout p_re_cept q’om doit garder
Cil fait encontre tout a point.
Contumacie se refiere
As trois parties: la primere
A mesmes dieu fait sa mesprise,
Et la seconde au piere et miere,
Et l’une et l’autre est trop amiere;
La tierce au gent du sainte eglise, 2370
Q’a leur somonce et leur aprise
Ne s’obeït, ainz les despise,
Et leur sentence met derere.
De ces trois pointz, dont je devise,[63]
Dieus se corouce en mainte guise,
Et prent vengance horrible et fiere.
Seron le Prince de Surrie
Cil vint en sa contumacie
A rebeller encontre dieu,
Com_m_e cil q’au dieu n’obeia mye; 2380
Si volt combatre en s’estultie
Ove bon Judas le Machabieu;
Mais au p_ar_fin fuist tout vencu.
Antiochus aussi refu,
Q’a dieu d’orguil se contralie,
Dont puis fuist mort et confundu.
Asses des autres l’en ad veu
Perir de celle maladie.
Fils contumas a son parent
El viele loy par juggement, 2390
Atteint quant il en fuist p_ro_vé,[64]
Tantost serroit molt vilement
Amené pardevant la gent
Au porte, u cils de la cité
Le verront estre forsjuggé,
Que cil q’ot cuer de dureté
A dure mort soudeinement
Des pierres serroit lapidé:
De tiel fait soient essamplé
Ly fils d’Orguil qui sont p_re_sent. 2400
Desobeissance en sa maison
Deux autres ad, dont l’un p_ar_ no_u_n
Contrarious est appellé,
Et l’autre Contradiccio_u_n,
Par quelle, ensi com_m_e nous lison,
Dieus ove son poeple estoit iré,
Qu’il ot d’Egipte hors mené;
Et ce fuist quant la dureté
Du roche versoit a fuiso_u_n
Cliere eaue, dont cils abevré 2410
Furont, q’avant sa deité
Contredisoiont au perro_u_n.
De l’autre vice a son deces
Au poeple precha Moÿses,
Qu’ils s’en duissont bien abstenir:
Si les remembra leur viels fetz
Contrarious, dont maintz griefs fees
Dieus leur en ot fait sustenir.[65]
N’est pas legier contretenir
Ne rebeller du fol conspir 2420
Au dieu, qui poet sanz nul reles
Par son dit faire tout perir:
Et q’a ce mal doit mal venir,
Ly sages le tesmoigne ades.
De Nichanor fuist apparant
Que dieus orguil vait despisant;
Car il avoit oultre mesure
Empris orguil, quant ly tirant
Jer_usa_lem vint guerroiant;
Mais quant quidoit estre a dessure, 2430
Dieu le rua par aventure,
Dont il perdist le chief al hure,
Q’estoit porté de maintenant
Deinz la Cité sanz nul demure,
Pour moustrer la disconfiture
De l’orguil qu’il avoit si grant.
A ceste route s’associe
Blaspheme la dieu anemie,
Q’ad d’orguil si tresvilain port,
Q’au mesmes dieu dist vileinie. 2440
‘Way soit,’ pour ce dist Ysaïe,
‘A tous qui font si mal report.’
Ce parust bien, qua_n_t de son tort
Senacherib vint au plus fort[66]
Pour guerroier Roy Ezechie
En blasphemant; dont sanz desport[67]
Vengance de soudaine mort
L’envoia dieus pour s’estultie.
Du viele loy je truis ensi,
Que ly blasphem_us_ sanz mercy 2450
De male mort morir devoit:
Si lis de la novelle auci,
Quant n_ost_re sire en crois pendi,
[Sidenote: =f. 18=]
Un des larrons q’ove luy pendoit
En mesdisant le blasphemoit;
Dont maintenant dieus se vengoit,
Car quant le corps s’estoit fini,
La fole alme en enfern plungoit:
Qui ceste essample bien conçoit,
Estre en purra le mieux garni.[68] 2460
Des tous pecchés q’Orguil estable,
C’est un des tous le plus grevable;[69]
Sicom_m_e le nous fait essampler
L’apocalips, qui n’est pas fable,
D’un monstre horrible espoentable
Dont saint Jehans fait deviser,
Q’issoit de la p_ar_fonde meer;
Si ot escript cil adverser
Enmy le front le no_u_n au deable,
C’estoit blaspheme, a despiser 2470
Le no_u_n de dieu et aviler
Les saintz q’au dieu sont concordable.

=La desc_ri_pc_i_o_u_n d’Orguil en especial.=

N’est pas tresdoulce celle Miere,
Dont tant du p_ro_genie amere
Est descendu, com_m_e vous ay dit;
Ainz tant p_er_est horrible et fiere
Qe n’est si fort, s’au droit le fiere,
Qe maintenant n’ad desconfit
Le corps ovesq_ue_ l’espirit.
Car comme plus haltement s’assit 2480
Orguil du prince en la chaiere,
Et plus se vante et s’esjoÿt,
Tant plus le tient dieus en despit
Et le tresbuche a sa misere.
Orguil p_er_est si veine et fole,
Qe les plus sages elle affole,[70]
Quant a sa part les poet attraire:
Orguil qant moustre sa parole,
Ne voet souffrir q’om reparole
Du chose que luy soit contraire: 2490
Orguil sovent se veste en haire
Devant les gens en saintuaire,
Et par soy meine vie mole:
Orguil soulein tout quide a faire;
Dont ne requiert d’ascun affaire
Son dieu plus q_ue_ le vent q_ue_ vole.
Orguil vantparle en toute assisse,
Et quiert qu’il soit primer assisse,
Com_m_e sur trestous ly plus eslit:
Plus est Orguil de halte enprise 2500
Que n’est Lio_u_n deinz sa pourprise,
Ou que destrer quant il henyt:
Unques ne vi si fait escript,
El quel Orguil au plain descrit
Trovay, tant ad en luy mesprise;
Ne ja par moy poet estre dit,
Car p_ro_prement dieus la maldit,
Dont est bien digne a la Juise.
Sidrac, qant il d’Orguil treta,
Dist et par reso_u_n le prova, 2510
Orguil endroit de sa malice
Fuist le primer apostata:
Pour ce dist Salomon cela,
Que dieus et hom_m_e par justice
Devont haïr si orde vice:
L’alme orguillouse peccatrice
Par Moÿsen dieus com_m_anda
Q’om l’osteroit de son service;
Car Orguil plest en nul office,
Ainz loigns des tous biens p_er_ira. 2520
Orguil est celle enfermetée,
Que le triacle de sauntée,
Q’om fait de vertu et doctrine,
Torne en poison envenimé.
Au frenesie est comparée,
Que tolt la reso_u_n enterine,
Siqu’il n’ad doubte en sa covine
De dieu ne de sa discipline;
Ne d’om_m_e nul s’est ahontée,
Ne de son p_ro_pre estat la line 2530
Conoist, tanqu’il en sa ruine
Trestout au deable soit alé.
Sur tous pecchés pour acompter
Orguil fait plus a redoubter
De sa tresfiere vassellage;
Car c’est des vices le primer,
Q’assalt et fiert le chivaler,
Et le darrein a son passage.
He, halt Orguil du bass estage,
Devant trestous de ton lignage, 2540
Com_m_e file et heir, tu dois porter
Apres ton piere l’eritage
Du regio_u_n u ja n’assuage
Ly fieus, qui doit sanz fin durer.
O com_m_e p_er_v_er_se et maluré
Perest Orguil en tout degré,
Dont dieus se venge en chacun plit.
Ly sages dist que dieus le sée
As ducs destruit par ce pecché,
Et en leur lieu seoir y fist 2550
Ceux qui sont humbles d’esp_er_it.
Ytieu vengance ad dieu confit,
Com_m_e David l’ot p_ro_phetizé,
As riches, mais au gent petit,
Solonc que Salomon escrit,
Plus asprement serra vengé.
La halte poesté divine
L’Orguil des gens ove leur racine
Sanz reverdir ensechera,
Dont filz et file ert en ruine; 2560
Et en leur lieu pour medicine
Les debon_n_aires plantera:
Leur terre auci subvertira
Des tieles gens, q’il ne lerra
A leur p_ro_ufit ne blé ne vine;
Ainz jusq’au fundament le fra
Trestout destruire, et puis dorra
Au gent paisible la saisine.
Trop est Orguil en soy maldite,
Si est le lieu u q’elle habite, 2570
Si sont auci tous ses amys.
L’Orguil del angre fuist despite
El ciel, et puis refuist desdite
As noz parens en paradis;
Orguil en terre ad les paiis
Ove les inhabitans malmis;
Orguil en l’air est contredite,
Et en enfern serront toutdis
Ly deable ovesq_ue_ l’espiritz
Par dame Orguil q_ue_ les endite. 2580
Serf doit honour au seigno_ur_ie,
Et filz amour sanz estultie
Doit a son piere par doulçour;
Dont dieus demande en sa p_ar_tie
Par son p_ro_phete Malachie,
Et vers Orguil fait sa clamo_ur_:
‘Si je suy sire, u est l’onour,
Si je suy piere, u est l’amour,
Que l’en me doit et don_n_e mie?’
Responde, Orguil, di la verrour; 2590
Tu l’as tollu de ton errour,
Dont reson est q’il t’en chastie.
He, Orguil, fole capiteine
Des vices et la primereine,
De jadis te fay remembrer;
Encore car sur toy l’enseigne
Apiert, quant tu le sée halteine
Encontre dieu vols attempter.
Tu vols tous autres surmonter,
Dont la justice dieu ruer 2600
Te fist en la plus basse peine.
Dy lors pour quoy tu viens clamer
La terre, quant tu as plener
Trestout enfern a ton demeine.
He, Orguil, ce n’est reso_u_n mie,
Que de la terre avras partie;
Car c’est a nous tout p_ro_prement,
Qui naiscons de l’umaine vie,
Et devons porter compaignie
Chascun vers autre bon_n_ement: 2610
Mais a cela tu n’as talent,
Car compaignie a toy n’apent,
Ainz tu quiers avoir la maistrie:
Pour ce retray toy de la gent,
Et tien d’enfern le regiment,
Car ce p_ar_tient a ta baillie.

=Des cynk files dame Envye, dont la p_ri_m_er_e ad a no_u_n
Detracc_i_o_u_n.=

Ore a parler du progenie
Qe vient naiscant du dame Envie,
La primere est Detraccio_u_n:
Celle est d’Acord droit anemie, 2620
Q’ad de sa faulse janglerie
Destruite mainte regio_u_n;
Car jam_m_ais parle si mal no_u_n
Du voisin ne de compaigno_u_n,
Dont peas et fame soit blemie.
Qui pres de luy tient sa meso_u_n,
Sovent orra tiele encheso_u_n,
U trop avra du vilanie.
Haymo, qui molt estoit sachant,
De ceste fille est difinant, 2630
Si dist q_ue_ c’est uns anemys
Qui d’autri mal se vait janglant,
Et d’autri bien se vait tesant:
Car jam_m_ais jour a nul devys
Ne se consente a l’autri pris,
Et nepourquant devant le vis
Losengera, mais au tournant
Du doss lors dirra son avis
Si mal q_ue_ nuls le pourra pis;
Du quoy saint Job s’estoit pleigna_n_t.
Sicom_m_e se musce ly serpent 2641
En l’erbe, et point soudeineme_n_t
[Sidenote: =f. 19=]
Qant hom le touche, tout ensi
Detractour d’enviouse dent
Mordt en secré la bon_n_e gent;
Dont l’en doit abhosmer celuy
Par qui ly bon sont detrahy.
Ly sages le vous dist ensi,
Que cil q’au detrahir mesp_re_nt
S’est obligez al anemy 2650
Qu’il ne s’en poet partir de luy,
Si plus du grace ne luy prent.
Maria la soer Moÿses
Son frere detrahist du pres,
Qu’il ot pris fem_m_e ethiopesse:
Mais sa detraccion apres
La fist porter trop chargant fees;
Car dieus en son corous l’adesce
Du lepre, qui par tout la blesce,
Dont par sept jours gisoit opp_re_sse; 2660
Mais lors l’en fesoit dieu reles.
Du cest essample me confesse,
Qe j’ay matiere overte exp_re_sse
De laisser saint p_ro_dhom_m_e en pes.
Saint Isaïe tielement
Dist a la Babiloine gent:
‘Pource que detrahi avetz
A mesmes dieu primerement
Et as ses saintz com_m_uneme_n_t,
Vous fais savoir q_ue_ vous serrez 2670
Et detrahiz et avilez
Ou lac q’est plain d’orribletés
Du bass enfern p_ar_fondement.’
He, com_m_e poet estre espoentez,
Que ly p_ro_phete ad manacez
Si tresespoentablement!
Iceste fille malurée
Ad un soen chambirlain privée,
Qui Malebouche oï nom_m_er.
Cil est toutdis acustum_m_é 2680
Derere gent au plus celée
De mentir et de malparler:
Trop fait sa langue travailler
Pour ses mensonges avancer,
Dont bon_n_e fame est desfamée;
Car par son conte mesconter
Le bien en mal fait destorner,
Dont sert sa dame tout en gré.
Cil Malebouche mesdisant,
Par ce qu’il voit un soul sembla_n_t, 2690
Voet dire qu’il ad veu le fait;
Et d’une parole ascultant,
Tout une conte maintenant
De sa malice p_ro_pre fait.
Pour ce de son tresmal agait
Sovent avient as bons deshait,
Ainz qu’ils s’en vont ap_ar_cevant;
Car s’il ne voit aucun forsfait,
De sa mençonge contrefait
Ja ne serra le meinz parlant. 2700
Quant Malebouche soul et sole
Voit hom_m_e ove fem_m_e qui parole,
Combien qu’ils n’eiont de mesfaire
Voloir, nientmeinz, ‘Vei ci la fole!’
Dist il, ‘Vei cy com_m_e se rigole!
Trop est comune leur affaire.’
De malparler ne s’en poet taire;
Pour ce sovent, u qu’il repaire,
Sanz nul deserte esclandre vole,
Que rougist dames le viaire; 2710
Par quoy maldiont le contraire
De Malebouche et de s’escole.
Quant ceste fille son amy
Vorra priser vers ascuny,
‘Salve,’ endirra darreinement;
Lors contera trestout p_ar_my,
Si male teche soit en luy;
Siq_ue_ du pris le finement
Ert a blamer: et molt sovent,
Quant om p_ar_olt de bon_n_e gent, 2720
Lors fait compariso_u_n ensi,
Siq_ue_ le pris q’al un y tent
N’est dit pour pris, ainz souleme_n_t
Pour amerrir le pris d’autry.
Ensi si Malebouche morde,
C’est pour le mal quoy q’il recorde,
Dont sont destourbé ly plusour;
Car toutdis trait la false corde,
Du quelle a son poair discorde
L’acord q’est fait de bon amour; 2730
Et s’il par cas soit courteour,
Sovent reconte a son seignour
Tieu chose qu’il sciet la plus orde[71]
Des autres; mais certes honour
Ne poet avoir que losengour
Escoulte et est de sa concorde.
Cil Malebouche ad male aleine,
Et porte langue trop vileine,
Q’a detrahir est tout parfite
Et piere et miere et soer germeine, 2740
Moigne, Frere, Cano_u_n, Noneine,
Prestre, Clerc, Reclus, Hermite,
Les grans seignours, la gent petite;
En malparler neis un respite,
Que tous derere doss n’asseine:
S’il leur mals sciet, leur mals recite,
Et s’il n’en sciet, lors il endite
Du mal qu’il tient en son demeine.
Fagolidros, com_m_e fait escire
Jerom, en grieu valt tant a dire[72] 2750
Com_m_e cil qui chose q’est maldite
Mangut, dont le vomit desire:
Et ensi cil q’en voet mesdire,
De l’autri mals trop se delite
A manger les; mais au vomite
Les fait venir, et les recite,
Quant il les autres voet despire:
Mais la viande ensi confite
A soy et autre desprofite,
Car corps et alme en sont ly pire.[73] 2760
J’en tray David a mon auctour,
Qe soutz la lange au detractour
Gisont cink pointz q_ue_ dieus maldie;
Des queux mesdit est ly primour,
Cil amerrist d’autri l’onour;
Et amertume en sa partie,
Que serche l’autry vilenie;
Ly tierce point c’est tricherie,
Que par deceipte vait entour
Et cause les descors d’envie, 2770
Dont sovent la paisible vie
Despaise et met en grief destour:
Labour, dolour sont au darrain
Dessoutz la langue du vilain;
Car detractour ne s’est tenu,
Qu’il ne labourt du cuer et main,
Dont la dolour de son p_ro_chain
De sa malice soit accru.
Pour ce ly saint p_ro_phete dieu
Dist qu’ils leur lange ont fait agu 2780
Com_m_e du serpent, et plus grevain
Dedeinz leur liev_er_es ont reçu
Venym, q_ue_ quant s’est espandu,
Fait a doubter pres et longtain.
A male langue est resemblant
L’espeie d’ambe partz trenchant,
Ce nous dist sage Salomon;
Car d’ambe partz ly mesdisant
Des bons et mais vait detrahant:
Dont ly p_ro_phete en sa leçon 2790
Se plaignt et dist, par encheso_u_n
Qu’il volt suïr bien et reso_u_n,
Luy detrahiront ly alqant.
He, dieus, du langue si felo_u_n
Qui passera? Je certes no_u_n,
Quant si p_ro_dhom_m_e n’ert passant.
Mais qui du lange espeie font,
Dont bon_n_e fame se confont,
Dieus les maldist par Jeremie;
Et dist q’au male mort morront, 2800
Siq_ue_ leur fem_m_es demourront
Soleinement en triste vie
Sanz nul confort du p_ro_genie;
Car dieus voet bien q_ue_ l’en occie
Leur jofne gent, u qu’il s’en vont,
Si q’en leur maison soit oïe
La vois du doel, qui brait et crie:
C’est le loer qu’ils porteront.
Ly saint p_ro_phete en son escript
Les lievres tricherous maldit, 2810
Q’au detrahir par tout se ploiont
De leur mensonge et leur mesdit;
Dont il ensi dieu prie et dist:
‘O dieus, fai q_ue_ fals lievres soiont
Tout mutz, et q_ue_ les oels ne voiont,
Qe l’autry mal au cuer convoiont,
Dont male langue s’esjoÿt;
Car l’un et l’autre tant envoiont
Des mals, q’ilz molt sovent desvoiont
Les bon_n_es gens de leur delit.’ 2820
Malveise langue ja ne fine,
Ainçois compasse et ymagine
Com_m_e poet la bon_n_e gent trahir.
Ja n’iert si bon_n_e la veisine
Ne le voisin, q_ue_ par falsine
Ne fra ses dentz au doss sentir;
Car en mensonge et fals conspir
C’est sa plesance et son desir,
Dont met les autres a ruine:
Semblable l’en la poet tenir 2830
Au deble, qui du fals mentir
Est p_ro_prement piere et racine.
Com_m_e la saiette du leger,
Quelle ist du main au fort archer,
[Sidenote: =f. 20=]
Entre en la char q’est tendre et mole,
Mais du grant peine et g_ra_nt danger
La tret om hors au resacher,
Tout ensi vait de la parole
Que de malvoise langue vole:
Legierement le no_u_n affole 2840
D’un hom_m_e, qui puis amender
N’en poet; et ensi nous escole
Alphonses, qui de bon_n_e escole
Fist l’un a l’autre comparer.
Solins d’un serpent fait conter,
Le quel Sirene om fait nom_m_er,
Corant par terre com_m_e chival,
Si vole en l’air come l’esp_er_ver,
Mais qanq’il touche par souffler,
Ainz que l’en poet sentir le mal, 2850
Occit de son venim mortal.
Ensi la bouche au desloyal
Par souffle de son malparler
La renomée du bon vassal
Soudaignement en un journal
A tous jours mais ferra tourner.
Le souffle au bouche detrahant
C’est le mal vent du Babilant,
Dont dieus se pleint du violence
Par Jeremie, ensi disant: 2860
‘Ils vont encontre moi levant
Leur cuer, leur vois, et leur sentence,
Si com_m_e le vent du pestilence.’
He, vice odible el dieu presence,
Solonc l’apostre tesmoignant
Tu fais a mesmes dieu l’offense,
Dont as perdu la conscience,
Que mais n’en scies estre tesant.
Langue enviouse du felo_u_n
Trois en occit de sa leçon,[74] 2870
Com_m_e saint Jerom le fait escrire,
Soy mesme et puis son co_m_paigno_u_n
Q’escoulte sa detraccio_u_n;
Car saint Bernars ne sciet descrire
Qui soit de deux plus a despire:
Si fait auci le tierce occire,
Vers qui la desfamacio_u_n
De sa malice a tort conspire:
Cil ad du siecle son martire,
Et l’autre ont leur dampnacio_u_n. 2880
Malvoise bouche a nul desporte,
Ainz tout le pis q’il sciet reporte
Par mesdisance et fals report:
Semblance a la hyene porte,
Que char mangut de la gent morte;
Car Malebouche rou_n_ge et mort
Ensi le vif sicom_m_e le mort;
Car quiq_ue_ veille ou quiq_ue_ dort,
Ou face chose droite ou torte,
Tout fait venir a son resort. 2890
He, quelle bouche horrible et fort,
Que tout mangut et riens desporte!
La hupe toutdis fait son ny,
Et l’escarbud converse auci,
Entour l’ordure et le merdaille;
Mais de ces champs qui sont flori
N’ont garde: et par semblance ensi
Malvoise langue d’enviaille
De l’autri vice et ribaudaille
A ce se tient et se paraille, 2900
Pour detrahir de chacuny;
Mais des vertus dont l’autre vaille,
Pour les oïr n’ad point d’oraille,
Ne bouche a parler bien de luy.
Par tout u Malebouche irra,
Disfame ades luy suiera:
C’est un pecché trop violent;
Car l’escripture dist cela,
Que cil q’autry disfamera
Et tolt le bon no_u_n de la gent, 2910
Cil pecche plus grevousement[75]
Que cil qui d’autri tolt et prent
Ses biens; car ce par cas pourra
Redrescer par amendement,
Mais l’autre jam_m_ais plainement
Au paine se redrescera.
‘Way,’ ce dist dieus, ‘a l’om_m_e soit,
Par qui l’esclandre venir doit,
Dont il ou autre ert disfamez;
Car au tiel hom_m_e mieulx serroit 2920
Que mole du molyn pendoit
Au coll, et fuist en mer noiez.’
Dieus dist auci, ‘Crevez, coupiez,
Tes oels, tes mains, dont esclandrez
Estes, car mieulx,’ ce dist, ‘valroit
Entrer tout voegle et desmembrez
El ciel, q’en enfern tout membrez
Ardoir sanz fin en grief destroit.’
Encontre l’envious mesdit
Par le p_ro_phete dieus ce dist: 2930
‘Tu as d’envie esclandre mis
Envers tes freres, dont maldit
Serretz, car pleinement escrit
Sont tes mensonges et folz ditz,
Dont tu les autres as laidis;
Que te serront apres toutdis
A ton reprouche et ton despit
Encontre ton visage assis;
Car quant du siecle es departiz
Lors ton esclandre ert infinit.’ 2940
El viele loy, qui disfamant
Mesdist du vierge, truis lisant,
En trois degrés ot sa penance;
Primer au piere de l’enfant
D’argent cent cicles fuist rendant,
Si fuist batuz pour sa penance,
Et pour p_ar_faire l’acordance
La vierge prist en governance,
Et tient espouse a son vivant:
Dont m’est avis par celle usance 2950
Disfame n’est pas sanz vengance
Du siecle ou de la mort suiant.
Mais sur tous autres cil pis fait,
Q’esclandre de son p_ro_pre fait;
Soy mesmes car deliverer[76]
Lors ne s’en poet de son mesfait:
Quant il est cause du forsfait,
C’est droit qu’il ait la blame entier;
Et ce pour nous endoctriner
Ezechiel fait tesmoigner. 2960
Mais male langue ne tient plait
De sainte escripture essampler,
Ainz quert disfame a son danger,
Et al autry, com_m_ent qu’il vait.
Disfame ad de sa retenue
Deux autres serfs en son aiue,
Des queux l’un Vitup_er_ie ad no_u_n,
N’est plus felo_u_n dessoutz la nue;
Du bouche car trestout desnue
Les mals d’autry condicio_u_n: 2970
Derere doss dist sa leço_u_n,
Et tout fait sa disputeiso_u_n
De l’autry vice, et tant argue
Q’au fin c’est sa conclusio_u_n,
De l’autry tolt le bon reno_u_n
En corps, et soy en alme tue.
Tant com_m_e p_ro_dhom_m_e en son degré
Soit de greignour honesteté,
Plus just, plus douls, plus debon_n_aire,[77]
Tant plus Envie malurée 2980
Du vituperie ymaginée
S’applie a dire le contraire.
David se plaignt de tiel affaire,
Et dist qu’il presde son viaire
Le vituperie ad escoulté
Des gens plusours po_ur_ luy desfaire.
He, vice, trop es de mal aire,
Dont ly bien sont en mal torné.
Reproef est l’autre, qui devant
Les gens lour mal vait rep_ro_vant 2990
De ce qu’il plus les poet grever;
No_u_npas q’ils soiont amendant,
Mais pource que par malvuillant
D’envie les voet reproever,
Pour leurs mals faire ap_er_ticer.
De la festue sciet parler,
Q’el oil d’autri voit arestant,
Mais son oill p_ro_pre laist ester
Tout plain d’ordure sanz drescer
Ses p_ro_pres mals en amendant.[78] 3000
Ly sages dist, cil q’est espris
De ceste vice bien apris
Jam_m_ais serra, car toute aprise
Hiet: car il ad deinz soy compris
Si grande envie, dont le pris
Del autri sen com_m_e fol desprise;
Et sur ce dist de sa mesprise
Parole de si fole enprise,
Que l’autre en ert tout entrepris[79]
De l’escoulter, dont la juise 3010
Au fin sur soy serra remise,
Que tantz des mals sur autre ad mis.
He, Malebouche, tant mal fais,[80]
Dont sont et ont esté desfaitz
Plusours; mais sicom_m_e dist ly sage,
Quiconq_ue_ soit, ou clers ou lais,
Qui vorra dire l’autri lais,
Cil orra de son p_ro_pre oultrage
Soudeinement novelle rage;
Car qui les autres desparage, 3020
C’est droit qu’il sente le relais
De la tempeste et de l’orage,
Dont il les autres vente, et nage
Tant qu’il en soit au fin desfais.[81]

=La seconde file d’Envye, q’ad a no_u_n Dolour d’autry Joye.=

[Sidenote: =f. 21=]
De la seconde file apres
Que naist d’Envie, ad mal encres,
Si ad no_u_n d’autry bien Dolour;
La quelle deinz son cuer jam_m_es
N’ot une fois amour ne pes,
Ainz est tout plain du mal ardour: 3030
Car ly chald feus sans nul retour
D’envie bruyt de nuyt et jour
Son cheitif cuer sanz nul reles;
Tant com_m_e voit autre avoir l’ono_ur_
Devant luy, lors de sa tristour
Ne poet garir ne loign ne pres.
Iceste file plain d’envie,
Quant doit venir au mangerie,
U grant serra l’assemblement,
Si hom_m_e ne l’onoure mie 3040
Dessur toute la compaignie,
De son manger perdra talent;
Car quant regarde l’autre gent
Seoir de luy plus haltement,[82]
Dedeinz son cuer tous les desfie,
Ne ja pour clarré ne pyment
Ne se conforte aucunement,
Tant est du deable malnorrie.
Et d’autre part, quant sciet et voit
Q’une autre q’est de son endroit 3050
Soit reputé de luy plus bele,
Ou plus de luy faitice soit,
Ly cuers d’envie tant enboit,
Que tout entrouble la cervele;
Car lors se tient a chativelle
Et a soy mesme en fait querelle,[83]
Quant l’onour d’autry ap_ar_çoit.
Ensi luy vient toutdis novelle
Paine, et com_m_e l’en plus revelle
Du joye, tant plus est destroit. 3060
Dissencioun ne falt jam_m_es,
Que ceste fille tout ades
Ne suit sicom_m_e sa chamberere,
Et porte trop le cuer engress,
Quant voit un autre du plus p_re_s[84]
Avoir l’onour et la chaere
Devant sa dame; et lors la fiere
L’estat del autre au nient affiere,
Disant que c’est contre la pees
Q’om met ensi sa dame arere; 3070
Ainçois duist estre la primere,
Et l’autre duist suïr apres.
Itiel Dolour au court du Roy
Sovent se plaignt, si com_m_e je croy,
Quant voit des autres plus privez,[85]
Dont n’ose faire aucun desroy.
Lors deinz son cuer tout en recoy
Envie eschalfe ses pensés,
Dont ad dolours ymaginés;
Car s’il fuist a ses volentés, 3080
Nuls serroit plus privé du soy:[86]
Mais lors maldist ses destinés;
Car quant sur tous n’est eshalciez,
De son estat luy semble poy.
Sovent entour religio_u_n
Y fait sa conversacio_u_n
Itiel Dolour, quant vont eslire
Leur primat, mais qua_n_t il le do_u_n
N’en prent, lors pour confusio_u_n
Nuls sa dolour pourra descrire: 3090
Quant voit q’uns autres serra sire,
Envie le deboute et tire,
Et tolt toute devocio_u_n,
Q’au paine poet ces houres dire.
Trop est tiel orguil a despire,
Que duist estre en subgeccio_u_n.
Et nepourquant tout tiele entente
En gen_er_al trop se desmente,
Quant presde luy voit avancer,
Ou soit parent ou soit parente; 3100
Car il perdroit sa p_ro_pre rente
Pour l’autry faire damager.
Car pour prier ne pour don_n_er,
Ne pour les membres decouper,
A l’autry p_ro_ufit ne consente;
Ainz plourt, qua_n_t autri voit rier.
Pour ce dolour sanz terminer
Ert tout soen p_ro_pre par descente.
De tiel pecché furont com_m_eu
Ly maistre Scribe et Phariseu, 3110
Q’estoiont de la Juerie,
Qant ont Jehan et Pierre veu
Precher com_m_ent ly fils de dieu
S’estoit levé du mort en vie;
Du poeple dont une partie,
Q’avoit leur p_re_dicacioun oïe,
Sont au baptesme et foy venu:
Dont leur grant joye multiplie,
Mais l’autre de leur false envie
De leur joye ont dolour reçu. 3120
De les grans biens q_ue_ dieu auci
Fist, tancom_m_e fuist en terre yci,
Quant de son tresbenigne ottroy
Les languisantes gens gary,
Qui du santé sont esjoÿ,
Les maistres de la viele loy
Du dolour furont en effroy,
De l’autry joye ert leur annoy.
He, cuer d’envye mal norry,
Qui ne voet faire bien du soy, 3130
Et sa dolour maine a rebroy
De ce qu’il voit bienfaire autry.
De tiel dolour David prioit,
Que sur le chief revertiroit
Le doel de luy q’en fuist dolent;
Car qui tiel doel deinz soi conçoit,
Com_m_e ly p_ro_phete nous disoit,
Iniquité tout p_ro_prement
De luy naist a l’enfantement,
La quelle nepourquant descent 3140
El haterel du luy toutdroit,
Du qui nasquist primerement:
Si chiet el fosse au finement
Qu’il mesmes de sa main fesoit.
Baruch se plaignt, q’estoit p_ro_phete,
Si dist: ‘Way moy del inquiete,
Que dieus dolour sur ma dolour
M’ad adjusté, siq_ue_ quiete
N’en puiss trover en nulle mete.’
Ensi diront cil peccheour; 3150
Car sur dolour dolour peiour
Leur doit venir u n’est sojour,
Ainz toute paine y ert complete;
C’est en enfern, u la tristour
Est p_er_durable sanz retour,
La prent Envye sa dyete.

=La tierce file d’Envye, q’ad no_u_n Joye d’autry mal.=

La tierce soer est molt div_er_se,
A la seconde soer reverse,
Mais sont d’envie parigal;
Si l’une est mal, l’autre est p_er_v_er_se,[87] 3160
Que l’un sanz l’autre ne conv_er_se,
Les tient lo_ur_ Miere einz son hostal.
Ceste ad no_u_n Joye d’autri mal:
De ce dont plouront com_m_unal
Sa joye double, et lors reherce
Chançon d’envie especial,
Q’elle ad apris du doctrinal
Sa miere, celle horrible adv_er_se.
Quant voit gent aller en declin,
Ou soit estrange ou de son lin, 3170
Tournant de richesce en poverte,
Tantost dirra, ‘Vecy le fin!
Quanqu’il conquist du mal engin,
Ore ad perdu par sa deserte.’
Ensi le no_u_n d’autry p_er_verte,
Et s’esjoÿt, quant elle est certe
Du grief qui dolt a son veisin:
Sicom_m_e goupil d’oreile overte
Les chiens escoulte, ensi la p_er_te
De l’autri fait soir et matin. 3180
Quant ceste fille est courteour,
Et voit ceaux de la court maiour
Leur lieu de halt en bass changer,
Et p_er_dre au fin bien et honour,
Siq_ue_ l’en fait com_m_un clamour
Pour leur estat plus aviler,
Lors ne falt pas a demander
Si ceste fille en son mestier
Se rejoÿt de leur dolour,
En esp_er_ance d’aprocher 3190
Plus pres du prince a demourer,[88]
Et com_m_ander en lieu de lour.
Par tout yceste est enviouse,
Mais quant elle est religiouse,
Tant plus d’ardante envie boit,
Et plus se fait lée et joyouse,
Quant voit la fame ruinouse
De son confrere, quelqu’il soit;
Voir si ce fuist de saint Benoit,
Et il en pure vie estoit, 3200
Encore la maliciouse,
Si mal de luy parler orroit,
Dedeinz son cuer s’esjoyeroit.
Vei la la fille perillouse!
Ensur les autrez soers d’Envie
A ceste soer plus est amye
Detraccio_u_n sa soer primere;
Que molt sovent par compaignie
De Malebouche sa norrie
Fait envers luy sa messagiere: 3210
Le mal d’autry l’une a derere[89]
Reconte, et l’autre la matiere
Ascoulte du joyouse oïe;
Car d’autry p_er_te elle est gaignere,
[Sidenote: =f. 22=]
Si quide avoir celle adversiere
Honour del autry vilanie.
Tout va le mond a son desir,
Quant Malebouche poet oïr,
De ses voisins q’est desfamant:
De son mesdit, de son mentir 3220
Du rire ne se poet tenir,
Tant s’en delite en ascultant.
Pour ce q’est mesmes forsvoiant,
Vorroit que tous de son semblant
Fuissent malvois; pour ce cherir
Fait Malebouche en son contant,
Que l’autri vices met avant,
Et les vertus fait resortir.
C’il q’est de ceste fille apris,
Trop est du fole envie apris; 3230
Car il se souffre de son gré
Du p_ro_pre estat estre arreris,
Par si q’un autre en ait le pis:[90]
Sicome d’un hom_m_e estoit conté,
Qui de sa p_ro_pre volenté
Eslust d’avoir l’un oill hosté,
Issint q’uns autres ses amys
Ust ambedeux les oils crevé.
Trop fuist ce loign du charité,
Quant ensi fuist le jeu p_ar_tis. 3240
Au tiele gent, ce dist ly sages,
Qu’ils ont leur joye des damages
Dont voient leur veisin grever;
Et d’autre part deinz leur corages,
Quant ils font mesmes les oult_ra_ges
De mesfaire ou de mesparler,
En ce se faisont deliter.
Par quoy David en son psalter
Se plaignt des tieles rigolages,
Et dist, ‘Si je de mon sentier 3250
Me moeve, lors de m’encombrer
S’esjoyeront com_m_e d’avantages.’
Ezechiel prophetiza
As filz Amon disant cela,
Que pour ce qu’ils joyous estoiont
Sur le meschief as fils Juda,
Dieus d’orient envoiera
Les gens qui leur destruieroiont
Si nettement, q_ue_ n’y lerroiont
Leur no_u_n sur terre, ainz l’osteroiont,
Que puis memoire n’en serra: 3261
Pour ce fols sont qui se rejoyont
Sur l’autry mal, et point ne voiont
Le mal qui puis leur avendra.
As ses disciples par un jour
Dieus dist, q’en leur tristesce et plour
Ly mondes s’esleëscera.
C’estoit parole dur a lour,
Mais il dist puis, q_ue_ leur tristour
En joye au fin revertira; 3270
Et cil qui de leur doel pieça
Se fist joyous, dolent serra,
Quant la tenebre exteriour
Soudainement luy surprendra,
U joye aucune ne verra,
Ainz infinit sont ly dolour.
Ce dist ly sage en general:
Quiconq_ue_ s’esjoÿt du mal,
Serra du mal au fin noté
Et puny par especial 3280
Du vengement judicial:
Car qui du mal font leur risée,
Leur lieu et paine est ordeiné
En l’infernale oscureté,
Com_m_e l’evangeile est tesmoignal,
U que ly dent sont grundillé
Et plour est indeterminé,
Sanz nul espoir memorial.

=La quarte file d’Envie, q’est dite Supplantacio_u_n.=

La quarte fille par droit no_u_n
Est dite Supplantacio_u_n, 3290
Q’aprent d’Envie son mestier,
De controver occasio_u_n
Par faulse mediacio_u_n
Coment les gens doit supplanter,
Ou par priere ou par don_n_er:
Car pour soy mesmes avancer,
Du quel qu’il soit condicio_u_n
N’en voet aucun esp_ar_nier,
Que ne luy fait desavancer,
Ou soit ce lai ou soit clergo_u_n. 3300
Car quiq_ue_ voet bargain avoir
Du terre ou du quiconq_ue_ avoir,
Et en bargaign mesure tent,
Quant Supplant le porra savoir,
Tantost ferra tout son povoir
A destourber que l’autre enprent,
Et sur ce moult plus largement
Ferra son offre au paiement,
Pour l’autri faire removoir
De son bargaign; car voirement 3310
Il se damage p_ro_prement,
Dont son voisin doit meinz valoir.
Mais quant Supplant en co_ur_t royal
Voit autre plus especial
De luy en bon_n_e office estant,
Curtois devient et liberal,
Si don_n_e a ceaux qui sont menal,
Et vait au seignour blandisant,
Et entre ce vait compassant
Le mal d’autry, jusques atant 3320
Qu’il pourra tenir au final
Ce que ly autres tint devant:
Ensi son p_ro_pre estat montant
Fait son voisin ruer aval.
Mais s’en la seculere guise
Supplant se queinte et se desguise
D’envie entre la laie gent,
Asses plus met de sa queintise
En ceaux qui sont de sainte eglise.
Qui garde au court de Rome en prent,[91]
La poet om au com_m_encement 3331
L’effect du fals supplantement
Veoir ove toute la mesprise;
Et puis avant com_m_unement
Tous ensuient l’essamplement
De si tresauctentique aprise.
Mais au meschant qui pov_er_e esta
Envie ne se mellera,
Quant il n’ad quoy dont supplant_er_
Le poet, ainz est curtoise la, 3340
Et d’autre part se tournera;
C’est envers ceaux qui pier a pier
Vivont, es queux pourra trover
Richesce, honour, sens et poer;
Car de nature regnera
U plus des biens voit habonder:
Com_m_e plus voit autre en pris mont_er_,
Tant plus Supplant l’enviera.
Supplant d’envie trop se ploie
As p_ro_curours et se suploie, 3350
Si qu’ils soiont de sa partie;
Sovent leur don_n_e riche proie
Et plus promet, et beal lo_ur_ proie
Q’a son pourpos facent aïe:
Ensi par sa procuracie,
Par son deceipte et par veisdye,
Et par despense du monoye
Aquiert office, honour, baillie,
Dont s’esjoÿt du faulse envie,
Qant voit son prou q_ue_ l’autre annoye.
Ce dist Tulles en l’escripture, 3361
Que mort, dolour, n’autre lesure
D’ascune chose q’est foraine,
N’est tant contraire a no nature
Com_m_e est qua_n_t l’en p_ar_ conjecture
Fait q’autri perde et mesmes gaine.
Mais ce q_ue_ chalt, quiq_ue_ s’en plaigne,
Supplant sur l’autry mal bargaine;
Mais tant le fait par coverture,
Qu’il ad ne compain ne compaine 3370
Qui poet savoir son ov_er_aigne,
Ainçois qu’il ait p_ar_fait sa cure.
Supplant no_u_npas les biens d’autri
Tantsoulement attrait a luy,
Ainz les honours et dignetés,
Dont voit les autres esbaudy.[92]
N’ad cure q’en soit arrery,[93]
Mais qu’il soit mesmes avancés;
Pour ce se ploie de tous lées,
Dont en honour soit eshalciez 3380
De ce q’un autre ert escharny:
Mais Aristole en ses decrés
Dist certes, q’entre les pecchés
C’est un des tous le plus failly.
Supplant endroit de sa vertu
Bien fait du Jacob Esaü,
Son p_ro_pre frere n’esparnie.
David dist q_ue_ le filz de dieu,
Q’estoit par fals Judas deçu,
S’en complaignoit en p_ro_phecie, 3390
Disant qu’il supplant magnefie
Sur moy de sa tresfalse envie.
Mais au p_ar_fin Judas deçu
Estoit, car plain du deablerie
Par male mort perdi la vie,
Si ot la boële espandu.
Supplant ad de sa nacio_u_n
Trois servantz: c’est Ambicio_u_n,
Qui vait entour pour espier
Les gens et leur condicio_u_n; 3400
Mais l’autre est Circumvencio_u_n,
Cil sciet les causes p_ro_curer;
Q’au paine nul se sciet garder
Que cils ne facent enginer
[Sidenote: =f. 23=]
Du false ymaginacio_u_n:
Ly tierce dont vous vuil parler
Confusio_u_n l’oï nom_m_er,
Qui plus des autres est felo_u_n.
Ambicio_u_n c’est ly currour
D’Envie, qui s’en vait entour 3410
Par tout, u q’om l’envoiera:
Si est auci ly p_ro_curour
Des nobles courtz, qui tolt l’ono_ur_
D’autry, q’a soy compilera.
D’Ambicio_u_n p_ro_phetiza
Baruch, qui molt le manaça,
Disant, le fin de son labour
En meschief se convertira;
Car c’est droitz q’autry ruera
Qu’il soit ruez au chief de tour. 3420
De Circumvencio_u_n le rage,
Si com_m_e dist Salomon ly sage,
En les fols envious habite;
Qui sont de si tresfel corage,
Que ja p_ro_dhom_m_e en nul estage
Vuillent amer, ainçois despite
Ont sa reso_u_n et contredite;
Car qua_n_t voiont qu’il lo_ur_ endite
Contraire chose a leur usage,
Ils ont malice tost confite 3430
Du fals compass, dont sanz merite
Ils l’en ferront paine et damage.
Confusio_u_n c’est ly darrein
Qui sert Supplanteme_n_t au mein;
Car cil ne laist jusq’en la fin,
Tant com_m_e p_ro_dhom_m_e trove sein,
Il suit come bercelet au sein,
Pour luy ruer a son declin.
Ja nuls serra si bon cristin,
Qui mors ne soit de ce mastin, 3440
Si dieus ne soit de luy gardein.
Mais q’ensi confont son voisin,
Doit bien savoir q_ue_ tiel engin
Serra puny come du vilein.
Confusion, dist Jeremie,
Est de si grande felonie,
Q’il les labours du piere et miere,
Les berbis ove la vacherie,
Trestout du malvois dent d’envie
Runge et mangut, q_ue_ riens y piere; 3450
N’est chose qu’il laist a derere,[94]
Ainçois devoure et filz et frere
Ove tout cele autre p_ro_genie:
Car tant ad sa malice fiere,
N’est tant prodhom_m_e, s’il le fiere,
Qu’il ne tresbusche en ceste vie.
Mais en le livre au sage truis,
Qu’un tiels malvois serra destruis;
Qu’il est escript que peccheour,
Qui tient supplantement en us, 3460
Par double voie ert confondus
Du supplant a son darrein jour:
Car Mort supplantera s’onour
Du siecle, dont fuist supplantour,
Et puis serra du ciel exclus
Pour son pecché du fol errour:
Si l’un est mal, l’autre est peiour,
Car doublement serra confus.

=La quinte file d’Envie, q’est dite Fals semblant.=