Chapter XX: Part 20

Une autre gent y ad, du quoy
L’en poet oïr murm_ur_ en coy,
P_ar_ les paiis com_m_unement
Chascu_n_s se plaint endroit de soi;
C’est une gent nomé du loy,
Mais le no_u_n portont vuidement;
Car loy justice en soy comp_re_nt,
Mais n’est celly qui garde en p_re_nt,[589]
Ainz ont colour sanz bon_n_e foy:
Je prens tesmoign a celle gent, 24190
Si tort puet don_n_er largement,
Le droit ne gaign_er_a que poy.
Iceste gent, ce m’est avis,
Po_ur_ ce qu’ils ont la loy apris,
Par reso_u_n duissont loy tenir
Et sustenir en leur paiis
Les drois; mais tant sont esbauldiz
Du lucre, com_m_e l’en puet oïr,
Q’ainçois la loy font p_er_vertir,
Dont font le povre droit perir: 24200
Car du pov_er_te sont eschis,
Mais ove le riche ont leur conspir,
Et pour sa cause maintenir
Justice et loy mettant au pris.
Si la querelle false soit,
Et ly plaidour ce sciet et voit,
Qant doit pleder po_ur_ son client,
Lors met engin com_m_ent porroit
Son tort aider et l’autry droit
Abatre, dont soubtilement 24210
P_ro_cure le deslayement;
Et entre ce, ne say com_m_ent,
De la cautele se pourvoit
Q’il ad au fin le juggement
Pour soy. O dieus omnipotent,
Vei la pledour de male endroit!
Qant la gent pov_er_e au pledo_ur_ vient
Po_ur_ avoir ce q’au loy p_ar_tient,
Et priont plaider en leur cas,
Du charité ne luy sovient; 24220
Car pov_er_e droit, qui don_n_e nient,
Po_ur_ null clamour escoulte pas,
Mais riche tort, qui parle bass,
Vers luy se tret isnele pass,
Escoulte, et de sa part devient:
Car jam_m_ais pour tes ambesaas
La juste cause que tu as
Encontre sisnes ne maintient.
L’en dist en ces p_ro_verbials,
‘L’un covoitous et l’autre fals 24230
Ils s’entracordont de leger.’
Maldit soient tieux p_ar_igals,
Car ja nuls ert si desloyals,
S’il porra largement don_n_er,
Q’il meintenant po_ur_ son denier
Ne truist celluy qui voet pleder
A sustenir trestous ses mals,
Dont font les povres exiler:
Loy q’ensi se fait desloyer
Esclandre don_n_e as courtz roials. 24240
En leur pledant, ce m’est avis,
Ils ont au point deux motz assis
Q’a leur estat sont acordant;
C’est ‘tort’ et ‘fort,’ dont sont malmis
Les povres gens de leur paiis
Du tort et fort qu’ils sont faisant:
Car au tort faire ils sont sachant,
Et au fort faire ils sont puissant,
Et si le font p_ar_ tiel divis
Qe ja n’ert droit si apparant 24250
Qui contre tort ara guarant,
Qant ils ont la querelle pris.
Ore aguardetz la charité
Dont ils se sont confederé;
Car s’acun d’eaux soit en debat
Envers autry de la contrée,
Qui n’est pas de leur faculté,
Cil ara d’eux null advocat,
Qui voet pleder pour son estat,
Car ne pledont, ce diont plat, 24260
L’un contre l’autre en leur degré,
Ensi se sont confederat:
Maldit soient tiel potestat,
Vers queux la loy n’ad poesté.
‘Nul trop nous valt,’ sicom_m_e l’en dist;
Mais certes trop y sont maldit
Des tieux, qui scievont loy offendre,
Et nepourqant ils ont l’abit
Du loy: mais c’est un g_ra_nt despit
Qant sabatiers envoit ap_re_ndre 24270
[Sidenote: =f. 133=]
Son fils ce q’il ne puet comp_re_ndre;
Car sa nature ne son gendre
De la justice n’est confit,
Vilain le droit ne voet entendre:
Maisq’il son lucre porra p_re_ndre,
De la justice tient petit.
Auci l’en puet trop m_er_vailler,
Car qui se puet ensi tailler
Qu’il le mantell tantsoulement
D’ascun pledour porra porter 24280
Tanq’a la Court de Westmoustier,
Il ert certain d’avancement:
Car ja puis n’ert debatement
En son paiis du povre gent,
Dont il ne serra p_ar_çonier
Et d’une part la cause p_re_nt,
Si gaigne pain et vestement:
Maldit soient tiel soldoier.
Phisicien d’enfermeté,
Ly mires de la gent blescé, 24290
Sont leez, q’ensi gaigner porront:
La gent du loy est auci lée,
Qant voit les autres descordé,
Car quiq_ue_ se descorderont,
Les gens du loy en gaigneront,[590]
Et pour cela la joye font.
O la senestre charité!
Qui la justice guarderont,
Et d’autry mal s’esjoyeront,
N’ont pas la loy bien ordiné. 24300
Et molt sovent, sicom_m_e le mire
La santé que l’enferm desire
Met en soubtil deslayement,
Dont il avient q’ainçois enpire
La maladie et la fait pire
Q’il n’estoit au com_m_encement,
Pour plus gaigner du pacient,
Ensi font leur pourloignement
Les gens du loy, qui bien remire;
Mettont en doubte leur client 24310
Po_ur_ plus gaigner de son argent:
Si ce soit loy je ne say dire.
Quiq_ue_ du perte se complaigne,
Trestous les jo_ur_s de la semaigne
Ces gens du loy ont lo_ur_ encress,
Car qui p_re_s d’eaux vent ou bargaine,
Maisq_ue_ l’un p_er_de et l’autre gaigne,
De l’un et l’autre encore ades
Ils gaigneront, siq_ue_ jam_m_es
N’est uns qui verra leur descress. 24320
Des toutes p_ar_tz vient leur estraine,
Quiconq_ue_ ait guerre, ils en ont pes[591]
En ceste siecle, mais apres
Ne say quel p_ro_ufit leur remaine.
Qui pour gabelle ou po_ur_ taillage
Estuet appaier le tollage,
Ces gens du loy exempcio_u_n
Quieront avoir, si q’avantage
Nuls puet avoir de leur gaignage;
Ainz sont du franc condicio_u_n 24330
Plus q_ue_ n’est Conte ne Baro_u_n.
Car tous a la posicio_u_n
Paions, mais cils du loy sont sage
Et ont si faite la reso_u_n,
Ne say ce q’est leur encheso_u_n,
La loy ne gardont ne l’usage.
Ma reson le me fait sentir,
Maisq_ue_ ly Rois volt assentir,
Puisq_ue_ plaidours et advocatz
Par leur maltolt se font richir 24340
Del bien com_m_un, q’ensi tollir
Ly Rois doit p_ar_ semblable cas
Et leur maltolt et leur pourchas:
Ce q’ont gaigné de leur fallas
Au bien com_m_un doit revertir.
O Rois, tu qui les guerres as,
En tiels le tresor sercheras,
Si sagement te voels tenir.
C’est la coustum_m_e a Westmoustier,
Qui voet ap_re_ndre le mestier 24350
Du loy, lors falt en un estage
De les peccunes halt monter,
C’est un estage pour conter:
Bien acordant a celle usage
Sur les peccunes devient sage,
Qu’il du peccune l’avantage
En temps suiant sache amasser
Pour son prou et l’autry damage:
Sur les peccunes son corage
Attorne a la peccune amer. 24360
Les app_re_ntis en leur degré
Au com_m_encer sont encharné
A les assisses pour pleder;
Et lors y p_er_nont la quirée
De l’argent que leur est don_n_é,
Q’ils tous jo_ur_s puis po_ur_ le denier
Scievont bien courre sanz changer;
Mais ne dy point sanz foloier,
Car tort qui don_n_e riche fée
Leur tolt l’odour du droit sentier, 24370
Dont sovent les fait forsvoier
Et courre loigns du charité.
Et puis ap_re_s qant l’app_re_ntis
Un certain temps ara complis,
Dont au pleder soit sufficant,
Lors quiert q’il ait la coife assis
Dessur le chief, et pour son pris
Le no_u_n voet porter de sergant.
Mais s’il ad esté pardevant
En une chose covoitant, 24380
Des Mill lors serra plus espris;
Car lors devient si fameillant,
Ne luy souffist un remenant,
Ainz tout devoure le paiis.
Mais ils ont une acoustum_m_ance,
Qant l’ap_re_ntis ensi s’avance
A cell estat du sergantie,
Luy falt don_n_er une pitance
Del orr, q’ad g_ra_nt signefiance:
Car l’orr qu’il don_n_e signefie 24390
Q’il doit apres toute sa vie
Rep_re_ndre l’orr a sa partie;
Mais ce serra g_ra_nde habondance,
Qant pour don_n_er la soule mie
P_re_nt tout le pain, dont ne tient mie
Le pois ovel en la balance.
Mais qant a ce je truis escrit,
En l’evangile dieus nous dist,
Qe cil qui don_n_e pour l’amour
De luy, ja ne soit si petit, 24400
Plus a centfois bien infinit
Rep_re_ndre doit; mais ly pledour,
Ce m’est avis, au p_re_sent jour,
Qui pour le seculier honour
Don_n_ent, ne serront a ce plit:
Mais ils nientmeinz ont le colo_ur_,
Car pl_us_ q’ils n’ont don_n_é de lour,
Centfois resceivont de p_ro_ufit.
Mais le p_ro_ufit dont sont empli,
Ne vuil je dire ne ne dy 24410
Qe dep_ar_ dieu ce leur avient,
Ainz c’est dep_ar_ le siecle, a qui
Se p_ro_fessont qant l’orr ensi
Luy don_n_ent, dont lo_ur_ coife vient:
Qui sert au siecle, avoir covient
Loer du siecle, u qu’il devient,
Mais qant il ert au pl_us_ saisy
De son p_ro_ufit, lors est tout nient;
Car a sa part riens luy p_ar_tient
Que dieus p_ro_mette a son amy. 24420
Sergantz du loy sont sourd et mu
Avant q_ue_ l’orr eiont resçu,
Que l’en leur baille p_re_st au main:
C’est un metall de g_ra_nt vertu,
Q’ensi les sens q’ils ont p_er_du
Guarist et les fait estre sain
Au plée, ne chalt du quel bargain,
Soit du gentil ou du vilain.
La main ont toutdis estendu,
Maisq’ils del orr soient certain, 24430
Ou soit de pres ou de longtain,
Chascun serra le bienvenu.
O com_m_e le siecle ad poesté,
Qant tiel miracle ad demoustré
Sur son sergant q’ensi l’orr don_n_e:
Car meintenant q’il l’ad don_n_ée,
Sa langue en ce devient dorré,
Qe jam_m_ais puis sanz orr ne son_n_e.
La langue q’ensi s’abandon_n_e
Bien porra porter la coron_n_e, 24440
Car un soul mot au bon marchée
Valt d’un escut q_ue_ l’en guerdon_n_e.
Ensi ly sergant nous rançon_n_e:
Vei la du loy la charité!
Sergant, mal tiens en ton po_ur_pens
Qe dieus t’ad don_n_é tes cink sens,
Et langue et reson de parler,
Qant tes paroles si chier vens,
Dont se compleignont toutez gens.
Tu es plus vil q_ue_ l’usurer, 24450
Car si tu vailles au pleder
A la montance d’un denier,
Molt largement del orr en p_re_ns:[592]
Si l’autre p_er_de et tu gaigner
Porras, bien te scies excuser,
Qant tu en as les paiementz.[593]
Rois Salomon ce tesmoigna,
Qe cil qui peccune amera
N’est riens plus vil des to_us_ mestiers:[594]
Car com_m_e ly boefs q’om vendera 24460
Cil est a vendre, et pour cela
Savoir voldroie volentiers
[Sidenote: =f. 134=]
P_ar_entre vous, o peccuniers,
Qant vous vous estes po_ur_ deniers
Venduz, qui vous rechatera.
Cil q’une fois vous ot si chiers,
Qu’il p_ar_ sa mort fuist rechatiers,
N’est loy q’il autrefois morra.
En une histoire des Romeins
Senec reconte et fuist certeins 24470
D’une aventure q’avint la:
Un pledo_ur_, qant fuist tout souleins,
Enfern veoit p_ar_ tout dedeins,
U vist Nero, qui se baigna;
Si dist au pledour, ‘Venetz ça,
Car gent vendable yci serra;
Vous vo_us_ vendetz a voz p_ro_cheins
Oultre mesure, et pour cela
Chascun de vous se baignera
En cest estang ne plus ne meinz.’ 24480
‘Way vous,’ ce dist saint Ysaïe,
‘Q’ensi science avetz cuillie!
En v_ost_re Court le riche tort
Chascun de vous le justefie
Pour l’orr avoir; mais la p_ar_tie
Q’est pov_er_e, la justice dort.’
He, com_m_e les do_u_ns q’om vo_us_ apport
Voz corps t_ra_vaillont sanz desport!
Dont peine avetz en ceste vie
Sanz joye avoir ap_re_s la mort. 24490
Quoi valt l’avoir, qant a sauf port
Ne puet venir ove la navie?
Ne puet savoir qui n’ad apris
Du loy les termes ne les ditz,
Tout porrons no_us_ le droit savoir;
Po_ur_ ce sont ils plus esbauldiz
Pour remonter le tort en pris,
Ainz q’om les puet ap_ar_cevoir.
Tiels quide au point sa cause avoir,
Mais qant le meulx de son avoir 24500
Ad despendu sur tieux amys,
Lors sentira le decevoir:
Ensi le droit pert son devoir,
Dont ils confondont les paiis.
Sicom_m_e les reetz et les engins
Soubz les buissons en ces gardins
Hom tent as petitz oisealx p_re_ndre,
Ensi fait il de ses voisins
Qui sciet pleder; car ly mastins
Soubtilement ses reetz fait tendre 24510
Po_ur_ attrapper et pour surp_re_ndre,
Mandant ses briefs po_ur_ faire entendre
Qe s’il n’ait p_ar_t de leur florins,
Il les ferra destruire ou pendre;
Ensi se pourchace a despendre
Des larges mess et des bons vins.
O come saint Job de ceste gent
Jadis parla notablement,
Disant q_ue_ leur possessio_u_n
Tienont en peas quietement, 24520
Des tous p_er_nont, mais nuls rep_re_nt
De leur avoir, q’ont au fuiso_u_n;
N’est chose que les grieve no_u_n,
Ainz ont le siecle a lour bando_u_n,
Ne dieus leur met chastiement.
Dont en la fin, sicome liso_u_n,
Lors irront au p_er_dicio_u_n,
Q’ils ont lour ciel ore au p_re_sent.
L’en porra dire as gens du loy,
Com_m_e dist Jacob, ce semble a moy,
Q’en son baston Jordan passoit, 24531
Mais deinz brief temps a g_ra_nt desroy,
Tout plein des biens ove beau conroy,[595]
Riche et manant y revenoit:
Ensi ly pledour orendroit
Combien q’il povre au prim_er_ soit,
Bien tost ap_re_s av_er_a du quoy
Si largement, q_ue_ tout q’il voit
Luy semble a estre trop estroit
De pourchacer soulein a soy. 24540
O vous q’ensi tout devouretz,
Ce q_ue_ dist Isaïe orretz:
‘Way vous,’ ce dist, ‘o fole gent,
Meso_u_n as meso_u_ns adjoustetz,
Et champ as champs y assembletz;
Vo covoitise au tout s’extent,
Com_m_e cil qui volt souleinement
Avoir la terre p_ro_prement:
Mais je vous dy q_ue_ no_u_n aretz;
Car dieus de son droit jugeme_n_t 24550
Vous en p_ro_met le vengement,[596]
Et ce q’il dist ore ascoultetz.
‘O vous, dist dieus, je vous di way,
Les terres vous deserteray,
Que vous tenetz du fals po_ur_chas;
Et les maiso_u_ns q’avetz si gay,
Neis un des vous dedeins lerray
Pour habiter, ainçois chalt pas
Trestous les fray ruer en bass.’
O tu pledour, qant a ce cas 24560
Scies tu le plee? Je croy q_ue_ nay.
A celle assisse tout p_er_dras,
Et les damages restorras,
Dont t’alme estuet paier le pay.
Cil q’ad g_ra_nt faim et soif auci,
Et en ce point s’est endormy,
Et songe qu’il mangut et boit,
Dont se quide estre repleny,
Trop est desceu; et tout ensi
Soy mesmes ly pledour deçoit, 24570
Car qant plus quide en son endroit
Avoir tout fait, plus ert destroit
Du covoitise q’est en luy,
Et en la fin, com_m_ent qu’il soit,
Les biens q’au tort et fort resçoit
Serront com_m_e songes esvany.
Qant a ce point no_us_ dist ly p_re_stre
Qe du malgaign ne poet encrestre
Le fils apres le pourchaçour:
De ces pledours ce puet bien estre, 24580
Qu’ils font po_ur_chas a la senestre
Le fin demoustre la verrour;
Om voit le fils a ce pledour,
Ce q’en trente a_u_ns p_ar_ g_ra_nt labo_ur_
Jadis pourchaça son ancestre,
Il vent en un moment du jour,
Q’il n’en retient a son sojour
Ne la Cité ne le champestre.
Cils qui duissont la loy garder
Et gens du loy se font nomer, 24590
Ces sont qui plus font a co_n_trere.
Cassodre le fait tesmoigner,
Qe cil q’au loy voet contraler
Entent tous regnes a desfere.
Mais un petit m’en covient tere,
Qe d’autres regnes ne sai guere,
De ceaux qui sont dela la mer,
Mais je say bien q’en ceste terre,
Si dieus n’amende leur affere,
Le regne en porront tost quasser.[597] 24600
La loy de soy est juste et pure
Et liberal de sa nature,
Mais cils qui sont la loy garda_n_t
La p_er_vertont et font obscure,
Si la vendont a demesure,
Q’a lo_ur_ marché n’est un marchant
Des povres gens q’est sufficant:
Ce fait les riches malfaisant;
Car bien scievont au p_re_sent hure
Qe povre gent est sanz garant; 24610
Siq_ue_ la loy du meintenant
Ne sciet justice ne droiture.
Mais nepo_ur_qant je ne dy mye
Q’en ces pledours de leur p_ar_tie
Tantsoulement demoert le vice,
Dont bon_n_e loy s’est p_er_vertie;
Ainz est en la justicerie,
Qui devont garder la justice:
Car po_ur_ l’amour dame Avarice,
Qant elle vient en lour office 24620
Et ad la main del orr saisie,
Tant les assote et les entice
Qe ly plus sage en est tout nyce,[598]
Par quoy le tort se justefie.

=Ore dirra un poy de l’estat des Jugges solonc le temps d’ore.=

Doun, priere, amour, doubta_n_ce,
Ce sont qui font la varia_n_ce
Des Jugges, dont sont corrumpu:
Om dist, et j’en croy la parlance,
Q’ore est justice en la balance
Del orr, qui tant ad de vertu; 24630
Car si je don_n_e plus q_ue_ tu,[599]
Le droit ne te valt un festu;
Car droit sanz do_u_n n’est de vailla_n_ce
As Jugges, ainz serras deçu;
Qant il mes do_u_ns aront reçu,
Ton droit n’ara vers moy puissa_n_ce.
Auci si j’eie cause torte,
Maisq_ue_ des g_ra_ns seigno_ur_s apporte
Leur l_ett_res a prier pour moy,
Ly Jugges qui le cuer vain porte, 24640
Au fin que je de luy reporte
Loenge, qant au Court de Roy
Serrai venuz, enp_re_nt sur soy
Ma cause, et fait to_ur_ner la loy,
Siq’au droiture ne desporte,
Mon tort ainz contre bon_n_e foy
Avance; et ensi je le voy,
Priere est de la loy plus forte.[600]
Amour les Jugges flecche auci,
Car si je soie au Jugge amy 24650
Ou d’alliance ou de lignage,
La loy se tourne ovesq_ue_ my,
[Sidenote: =f. 135=]
Siq_ue_ je n’ay voisin le qui
M’ose enpleder de mon oult_ra_ge,
Combien q_ue_ je l’ay fait damage;
Et s’il le fait, nul avantage
En poet avoir; car j’ay celluy[601]
De qui je clayme cousinage,
Q’est Jugge, dont en mon corage
A faire tort sui plus hardy. 24660
Le Jugge auci sovent po_ur_ doubte
Justice a faire trop redoubte
Contre seigno_ur_ qui se mesp_re_nt;
Car qant uns de la pov_er_e route
Se pleignt q’il ad sa teste route,
Ou q’om ses biens luy tolt et p_re_nt,
Et quiert son droit en juggement
Vers le seigno_ur_, lors nullement
Au povre cry le Jugge escoulte:
Et c’est la cause au temps p_re_sent 24670
Qe mal seigno_ur_ la pov_er_e gent
En tous paiis flaielle et boute.
Ly Jugges qui par covoitise
Des do_u_ns avoir pert sa f_ra_nchise
Au droit jugger, offent son dieu;
Car mesmes dieu, ly halt Justise,
As Jugges toute tiele prise
Par Moÿsen ad defendu:
Si dist q_ue_ do_u_n ensi resçu
Le cuer du Jugge ad corrompu, 24680
Q’il point n’en voit la droite assise,
Et de sa langue en ad tollu[602]
Le voirdisant, dont est p_er_du
Le droit du povre en mainte guise.
Ly Jugges qui laist equité
Pour priere ou pour amisté,
Po_ur_ parent ou po_ur_ seigneurage,
Trop erre encontre le decré;
Car mesmes dieu l’ad com_m_andé
Qe Jugge doit en son corage 24690
La poverte ove le halt parage,
La gentillesce ove le servage,
Qant a justice en loyalté
Trestous juger d’ovel estage:
Tous les fist dieus a son ymage,
Et tous serront ovel jugé.
Saint Jaques dist q_ue_ vistement
L’en doit oïr, mais tardement
Parler: pour ce Senec auci
Nous dist, q’il a son escient 24700
Le Jugge tient pour sapient
Qui tost ara la cause oï,
Mais ainz q’il juge ou toy ou luy,
De bon loisir s’avise ensi
Qu’il tort ne face en jugement.
Enten pour ce le povre cry,
O Jugges, car cil est failly
Qui la justice au poeple vent.
Ly Juge auci qui pour paour
Laist au felo_u_n et malfesour 24710
Vengance faire en jugement,
Il est de soy cause et motour
Qe ly malvois devient peiour;
Meistre Aristole ensi m’aprent.
L’apostre dist tout ensement
Qe po_ur_ t_ra_ngressio_u_n du gent
La loy fuist faite, et lors au jour
Ly Jugges ot toutdis p_re_sent
S’espeie au coste p_re_stement,
Com_m_e du justice executour. 24720
Dieus qui voit toute chose ap_er_te
Dist: ‘Way au Juge qui p_er_verte
Justice et porte les falsines,
U la malice gist coverte.’
Du quoy vient la com_m_une perte,
Si fait soudaines les ruines
De les voisins et les voisines;
Il p_re_nt les owes et gelines
Et les capons de la poverte,
Mais a luy q’ad mains argentines 24730
Plus q’as vertus qui sont divines
Ly Jugges ad l’oraille overte.
O Jugges, qui des tiels soldées
Les beals manoirs edifietz,
Qui sont semblable au Paradis,
Di lors si vous p_ar_ ce quidetz
Q’as tous jours y habiteretz:
Fols es si tiel soit ton avis.
Enten ce que je truis escris,
Dieus mesmes t’ad pour ce maldis,
Car tu le deable as herbergez 24741
En tes maiso_u_ns com_m_e tes amys
Par covenant q’apres toutdis
En son enfern herbergeretz.
O Jugges, qui tant nettement
Ton corps, ta maison et ta gent
Des toutes partz fais conroier,
O com_m_e tant bell vessellement
Et tant honeste garnement,
Q’au plus sovent te fais monder,[603] 24750
Qe tache n’y doit apparer
Dehors, mais p_ar_dedeins le cuer
Ordure y est toutdis p_re_sent,
Du covoiter et fals juger
Scies tu quoy serra ton loer?
Dieus t’en dist, Way! sanz fineme_n_t.
Cil Jugges folement s’ensense
Qui se fait tendre en conscience
Des choses qui ne valont nient,
Dont quiert a porter l’app_ar_ence 24760
Du vray justice en la p_re_sence
De la com_m_une u qu’il devient,
Mais qant le g_ra_nt busoign avient,
Et fals brocage a luy survient,
Lors de justice l’evidence
Oublist, q_ue_ point ne luy sovient;
Et c’est la cause dont tort vient,
Et fait mainte inconvenience.
Ce q’Ysaïe depar dieu
Jadis disoit ore est venu, 24770
Des Jugges qu’il p_ro_phetizoit
Q’as dons se sont trestout tenu,
N’est qui de ce s’est abstenu;
Par quoy ly povres orendroit
Ne puet justice avoir ne droit.
Helas, q’est ce q’om dire doit?
Car qant no_us_ avons loy p_er_du,
Tout est failly, si q’om ne voit
Queu p_ar_t aler, ainz l’en forsvoit,
Dont grant p_er_il est avenu. 24780
Par tout aillours, ce truis escrit,
Ad viele usage ou loy escrit,
Du quoy le poeple est governé;
Mais mon paiis est trop maldit,
Ly quel ne d’un ne d’autre vit,
Ainz y governe volenté:
Ce q’au jour d’uy est adjugé[604]
Po_ur_ loy, demain ert forsjugé,
Ore est tout bien, ore est desdit;
Qant l’en meulx quide en verité 24790
Avoir sa cause terminé,
Trestout le fait est inparfit.
Ensi pour dire courtement
Le pledour ove le p_re_sident
Et l’app_re_ntis et l’attourné
Le no_u_n portont inp_ro_prement
Du loy; car loy deins soy comp_re_nt
Verray justice et equité,
Mais ils la loy ont destourné
En cautele et soubtilité, 24800
Dont ils pilont trestoute gent;
Si q’om puet dire en verité,
Ore ad p_er_du sa charité
La loy p_ar_ force de l’argent.
Om dist q_ue_ tout estat enpire,
Mais certes nuls est ore pire
Des tous les seculers estatz
Qe n’est la loy, dont fais escrire;
Car qui voldroit au droit descrire
Les pledours et les advocatz 24810
Dirroit mervailles en ce cas;
Car quiq_ue_ vent, ils font po_ur_chas,
Del autry mal leur bien respire;
Si dieus socour n’y mette pas,
Om puet doubter q_ue_ leur compas
Destruiera tout cest enpire.

=Ore q’il ad dit de ceaux qui se nomont gens de la loy, dirra
des Viscontes, Baillifs et Questours.=

D’une autre gent, sicome l’en voit,
La loy com_m_une se pourvoit,
Qui sont viscontes appellé.
Visconte jure en son endroit 24820
La loy solonc justice et droit
Guarder sanz faire falseté,
Au p_ro_ufit de com_m_unalté:
Mais om dist q’il s’est p_er_juré,
Et qu’il le pueple plus deçoit;
Car de nul droit s’est appaié,
Ainçois q’il soit del orr paié,
Ne chalt com_m_ent il le reçoit.
Ce sciet om q’au com_m_encement
Visconte fait son serement 24830
Et jure q’il primer au Roy,
Au pueple et puis secondement,
Doit servir bien et loyalment,
Sicome ministre de la loy:
Mais ore om dist, et je le croy,
Q’il tout en pieces ad la foy
Si route, qu’il ascunement
Retient de ce ne grant ne poy;
Car il ne moet, s’il n’ait po_ur_ quoy,
Le pié pour aider a la gent. 24840
[Sidenote: =f. 136=]
De ces viscontes u serra,
Qui dire salvement porra
Q’il son acompte ad bien fo_ur_ni,
A l’eschequer qant il vendra,
Et q’il lors ne deceivera
Le Roy, ou q’il le pueple auci
Ne pile au tort? Po_ur_ moy le dy,
Ne say un soul visconte, qui
Qant a ce point s’escusera:
Le p_er_jurer met en oubli, 24850
Maisqu’il de lucre n’ait failly,
Sa conscience ne faldra.
Et nepourqant om puet oïr
Visconte dire q’eschuïr
Ne puet la perte en son office,
Ou autrement l’estuet blemir
Sa conscience; et sanz faillir
Voir dist, mais il n’est pas si nice,
Com_m_ent q_ue_ l’alme se chevice,
Q’il laist po_ur_ ce tort ou malice, 24860
Dont quiert sa perte ades fuïr:
Car conscience ne justice
Ne cure, maisq’il l’avarice
De son office puet tenir.
Le brief q_ue_ le povre hom_m_e porte,
Qant il l’argent ove ce n’apporte
Pour le visconte desporter,
Trop longueme_n_t puet a la porte
Hucher, avant ce qu’il reporte
Le droit qu’il en duist reporter:[605] 24870
Mais qui les do_u_ns voet apporter,
Pour ce redoit ove soi porter
L’exploit, voir de sa cause torte:
Mais qui visconte conforter
Ne voet del orr, desconforter
Verra sa cause ensi com_m_e morte.
N’as pas en vein ton argent mis,
Dont le visconte as fait amys,
Car lors aras tu la douszeine 24879
Des fals questo_ur_s du deable apris,
Ly quel, qant scievont bien le pris,
Qe tu leur dorras large estreine,
Ja n’aras cause si vileine,
Qe p_er_jurer du bouche pleine
N’en vuillent les ewangelis
Qe ta querelle soit certeine;
Siq_ue_ tu dois avoir la leine,
Dont autre est sire des berbis.
O le conspir, o le brocage,
Dont l’en requiert, prie et brocage,
Qe le visconte aider voldra 24891
A luy qui d’autri l’eritage
Demande avoir de son oultrage!
Car il les larges do_u_ns dorra,
Dont le visconte avoeglera,
Qui le panell ordeinera
Des fals juro_ur_s a l’avantage
De luy q’ad tort. O quoy serra,
Qant hom_m_e ensi pourchacera?
Dont n’est celly qui n’ad dam_m_age.
Prim_er_ement est dam_m_agée 24901
Cil q’est au tort desherité,
Mais c’est en corps tantsoulement;
Et l’autre encore est pis grevé,
Q’ensi la terre ad pourchacé
De son malvois compassement;
Et le visconte nequedent
N’est pas sanz culpe, ainçois offent,
Ensi font l’autre p_er_juré,
Dont l’alme le repaiement 24910
Ferra sanz null deslayement,
Qant l’alme leur serra passé.
Mais le visconte en son bargain,
Au fin q’il puet avoir le gaign,
De l’une et l’autre part voet p_re_ndre,
Car lors sciet bien q’il est certain,
Mais l’une part enmy la main
Deçoit, ainz q’om le puet ap_re_ndre:
Mais il se sciet si bien defendre
Et p_ar_ cauteles faire entendre, 24920
Qe nuls n’en puet savoir au plain.
Ensi se pourchace a despendre,
Dont il serroit bien digne a pendre,
Si reso_u_n nous serroit p_ro_chain.
O com_m_e visconte ad grant vertu!
S’il voet, l’enqueste ert tost venu,
Et s’il ne voet, ne vendra mye,
Dont meint hom_m_e ad esté deçu:
Car qant visconte ad l’orr resçu
Pour tort aider de sa partie, 24930
Lors jeuera la jeup_ar_tie
De fraude, siq’au departie
Le droit, ainz q’om l’ait aparçu,
Met en deslay par tricherie
De son office, ou il le plie,
Au fin q’il serra tout p_er_du.
Ensi pour affermer mon conte
Sicome la vois com_m_une conte,
Lors porray dire et bien conter
Que trop nous grieve le visconte: 24940
Dont luy falt rendre dur acompte
Apres la mort a l’eschequer
U pour plegger ne pour guager
Justice ne puet eschaper;
Ainz ce q_ue_ sa decerte amonte
Son auditour doit allouer,
C’est qu’il p_re_ndra po_ur_ son louer
Honour ou p_er_durable honte.
Des soubz baillifs y ad tout plein
Dont om se pleignt et je m’en pleign,
Car si visconte soit malvois, 24951
Encore sont ils plus vilein;
Car ils pilont et paile et grein,
Si l’argent ne leur vient ainçois.
Vei la ministre de noz loys,
Qui ja nul jour serront courtois
Envers dieu n’envers leur p_ro_chein!
En ce paiis sont plus q_ue_ trois[606]
Q’ont deservi p_ar_ juste pois
L’ono_ur_ des fourches plus haltein.
L’en puet bien dire a cel office, 24961
Sicome Crepaldz dist al herice,
‘Maldit soient tant seigneurant,’
Qui duissont servir de justice
Et sont ministre d’avarice,
Dont vont la povre gent pilant.
Cuer ont des mals ymaginant,
Mains ont plus q_ue_ le glu tenant,[606]
Piés ont po_ur_ courre a toute vice,
Et p_ar_ desdeign vont regardant: 24970
Qui duissent estre loy gardant,
Cils sont qui pl_us_ font de malice.
Semblables sont as enfernals,
U sont les peines eternals,
Car ils font toutdis la tempeste
D’extorcions, des tortz, des mals;
Les hom_m_es et les animals
Chascuns en sente la moleste:[607]
Ne valt priere ne requeste
Au fin q_ue_ l’en l’amour adqueste 24980
De ces baillifs, tant sont ribalds,
Ainz falt q_ue_ l’en lo_ur_ don_n_e et preste,
Q’ils ont toutdis malice preste:
Vei la du deable les vassals!
Ce sont cils qui vivont du proie,
Sicome l’ost_our_ qui tolt et proie,
Ce sciet et l’abbes et l’abesse,
Par qui sovent faisont leur voie:
Mais si la feste est sanz monoie,
Ne dirront point q_ue_ c’est largesse;
Ils n’ont ja cure de la messe 24991
Que moigne chante, ainz la p_ro_messe
Des do_u_ns avoir, ce leur fait joye.
Ensi pilont de la simplesce,
Et escorchont par leur destresce
De l’autry quir large courroie.
Trop est de luy q’ensi visite
La visitacio_u_n maldite:
Car qant baillif visitera, 24999
N’est maison q’il po_ur_ dieu respite;
Com_m_e plus la voit pov_er_e et despite,
Tant plus d’assetz l’opp_re_ssera,
Q’ascune chose enportera;
La qu’il l’esterling ne porra
Avoir, il p_re_nt la soule myte:
Sicome goupil q’aguaitera
Sa proie, quelle estranglera,
Si fait baillif u qu’il habite.
L’en dist, et ce n’est fable mye,
Q’om doit seigno_ur_ p_ar_ la maisnie
Conoistre, et p_ar_ semblable tour 25011
Je croy que si de sa partie
Visconte fuist d’oneste vie,
Ly soubz baillif fuissent meillour.
Mais tiel corsaint, tiel offrendo_ur_,
Si l’un soit mal, l’autre est peio_ur_,
Et sur toute la compaignie
Pis font encore ly questour;
Car leur falsine et leur destour
Fait q_ue_ le tort se magnifie. 25020
Sur ce q_ue_ tu es despendant
Au p_er_jurer ils vont pendant
Le charge de leur conscience,
P_ar_ ce q’ils l’orr vont resceivant
Po_ur_ estre fals et desceivant:
Le do_u_n souffist a l’evidence,
Car covoitise ove leur dispense
Po_ur_ ton argent, po_ur_ ta despense,
Q’ils point ne mettont au deva_n_t
De dieu ne l’amo_ur_ ne l’offense: 25030
Mal font de soy la p_ro_vidence
Contre la mort que vient suiant.
[Sidenote: =f. 137=]
De ces jurours fals et atteintz
Encore y ad des capiteins,
Traiciers ont no_u_n, c’est assavoir[608]
Q’ils treront, mais no_u_npas des meins,
Ainz du malice dont sont pleins,
Le remenant a leur voloir;
Car s’ils diont le blanc est noir,
Les autres dirront, ‘C’est tout voir,’
Et ce vuillont jurer sur seintz: 25041
Ou soit ce fals, ou soit ce voir,
Sicom_m_e Traicier vuillont avoir,
Ensi serra, ne plus ne meinz.
A les assisses et jurées
Qui voet avoir les p_er_jurez
P_ar_ler covient a ces Traiciers;
Car a lour p_ar_t ont aroutez
Tous les fals juro_ur_s redoubtez,
Qui se vendont pour les deniers 25050
Et se p_er_juront volentiers:
Ce sont du deable soldoiers,
P_ar_ queux le tort ad eshalcez
Sur tous les autres seculiers,
Qui sont du fraude coustum_m_ers
Po_ur_ faire abatre loyaltés.
Tout ensi com_m_e ly chiens curro_ur_
Est affaité du veneour
De courre au serf ou a goupil,
Tout autrecy ly fals traiçour 25060
Les jofnes gens qui sont questo_ur_
Affaite et entre a son peril:
Qant nay dirra, dirront nenil,
Qant dist oïl, si dirront il,
Du voir font fals, du fals verro_ur_,
Loyalté mettont en exil
Et felon_n_ie au reconcil:
Maldit soient tiel assissour!
Ly fals questo_ur_ dont vo_us_ endite
Les innocentz au mort endite, 25070
Qui sont sanz culpe d’enditer,
Et les felo_u_ns mortieux acquite:
Quiconq_ue_ son t_ra_vail aquite
Trop sciet le tort bien aquiter;
Ou si le dette est un denier,
Jura q_ue_ c’est un marc entier,
Et si marc soit, dist une myte:
Dire et desdire est son mestier,
Deux langes porte en un testier,
La qui falsine soit maldite. 25080
Loyalté serra desconfit,
Si tu les do_u_ns aras confit
A ces jurours, car leur corage
Ad a l’argent tiel appetit,
Q’ils se p_er_juront pour petit,
Ainçois q’ils lerront ton brocage.
Om voit de n_ost_re voisinage
Tiel qui se p_re_nt a cest usage,
Dont il et tout son hostell vit;
Qe po_ur_ compter du clier gaignage
Sa lange valt pl_us_ d’avantage 25091
Qe sa charue du p_ro_ufit.
Ly povres qui n’ad pas d’argent
Se puet doubter de tiele gent
Au fin q’il n’ara pas son droit;
Si puet ly riches ensement,
S’il ne leur don_n_e largement,
Car l’un et l’autre en lo_ur_ endroit
Se passeront sanz nul exploit:
Pour ce cil qui le siecle voit 25100
Et ad ou terre ou tenement
Des tieux jurours doubter se doit;
Car qui s’en garde il est benoit
En ce mal temps q’ore est p_re_sent.
Mais d’autre p_ar_t il me sovient,
Ascuns y ad qui point ne vient
A les assisses, et fait mal
De ce q’au voir jurer s’abstient;
Car par ce l’autry droit detient,
Dont il duist estre tesmoignal, 25110
Qui sciet le droit original
Et pour le p_ro_ufit voisinal
Jurer ne voet ce q’app_ar_tient:
Il est en p_ar_t sicome causal
De l’autry perte especial,
Dont il respondre a dieu covient.
Mais ceste noble gent vaillant
Quident q’ils serront trop failla_n_t
Par ce q’ensi duissent jurer;
Mais je luy fais bien entendant, 25120
Cil q’au jurer n’est obeissant
Pour la justice supporter,
Ainz souffre l’autre fals questier
Le droit abatre et p_er_jurer,
Du quoy son proesme est enpira_n_t,
Il est ensi come p_ar_çonier
Du mal, puisq’il le pot hoster
Et souffre q’il procede avant.
Prodhom_m_e ne doit eschuïr
De voir jurer pour sustenir 25130
Le droit, dont il est mesmes sage;
Ainçois se doit plustost offrir,
Q’en son defalte laist perir
Le meindre de son voisinage;
Combien qu’il soit de halt p_ar_age,
Son parenté ne desparage
Du voir jurer a l’enquerir,
Ainz fait tresnoble vassellage,
Qant droit remonte en son estage,
Qe tort solait en bass tenir. 25140
Ces clercs diont que le pecché
Du tort dont hom_m_e ad enpesché
Son p_ro_esme, ja n’ert absolu
P_ar_devant dieu ne p_ar_don_n_é,
Ainçois q’arere soit don_n_é
Tout quanq_ue_ en ad esté tollu.[609]
O fals questo_ur_, di q_ue_ fras tu,
Qui tant droit avetz abatu
Du false langue p_er_jurée,
Que ja puis n’ert p_ar_ toy rendu: 25150
Je croy ce te serra vendu,
Que tu quidas avoir gaigné.
En voir disant nully desfame,
Po_ur_ ce vous dy tiele est la fame
Des pledours, dont ainçois vo_us_ dis;
Jugge et visconte auci l’en blame,
Et d’autre p_ar_t ne sont sanz blame
Ne les questours ne les baillis;
Ce duissent estre les amys
Du droit et sont les anemys, 25160
Car covoitise les entame;
Dont font lo_ur_ plaintes et lour cris
La gent com_m_une du paiis,
Si font le seignour et la dame.
O quel dolour la loy no_us_ meine!
Car gens du loy prim_er_ la leine
Pilont, com_m_e vous ay dit devant,
Mais l’autre gent est pl_us_ vileine,
Car le visconte ove la douszeine
Et les baillifs vont escorchant 25170
Le peal, siq_ue_ du meintenant
Nuls est ses p_ro_pres biens tenant:
Et nepo_ur_qant, si je me pleigne,
Ne truis socour ne tant ne qant;
La loy, que nous serroit garant,
No_us_ est sur tout la pl_us_ greveine.

=Ore q’il ad dit l’estat de ceaux qui sont plaidours et Jugges
de la loy, dirra l’estat des Marcha_n_s solonc le temps q’ore
est.=

Dieus solonc la div_er_seté
Des t_er_res ad ses biens don_n_é,
A l’une leine, a l’autre soie,
A l’une vin, a l’autre blée, 25180
Et ensi la com_m_odité
Divide, mais u q_ue_ je soie,
Si je du reso_u_n ne forsvoie,
N’est une terre que je voie
La quelle de sa p_ro_preté
Des tous ensemble se rejoye;
Et c’est pour reson_n_able voie
Qe dieus ensi l’ad ordiné.
Si une terre avoir porroit
Tous biens ensemble, lors serroit 25190
Trop orguillouse, et pour cela
Dieus establist, et au bon droit,
Qe l’une terre en son endroit
Del autry bien busoignera:
Sur quoy marchant dieus ordina,
Qui ce q’en l’une ne serra
En l’autre terre querre doit;
Pour ce qui bien se gardera,
Et loyalment marchandera,
De dieu et hom_m_e il est benoit. 25200
La loy le voet et c’est droiture,
Qe qui se met en aventure
De p_er_dre doit auci gaigner,
Qant sa fortune le p_ro_cure:
Pour ce vous dy, cil qui sa cure
Mettre voldra pour marchander,
Et son argent aventurer,
S’il gaigne, en ce n’est a blamer,
Maisq’il le face par mesure
Sanz fraude; car po_ur_ le denier 25210
Qui son voisin quiert enginer
N’ad pas sa conscience pure.
Tous scievont bien q’om doit p_re_cher
As vices pour les amender,
Non po_ur_ gloser du flaterie
Les vertuous, car le blamer
Des mals as bons est le priser;
Et pour cela, si je voir die
As fols ce q’est de leur folie,
Ly sages oms ne se doit mye 25220
[Sidenote: =f. 138=]
Par celle cause coroucer;
Car foy d’encoste tricherie
Du plus notable apparantie[610]
Par son contraire est a louer.[611]
Les bons sont bons, les mals sont mals;
Dont si l’en preche as desloials,
Po_ur_ ce ne doit il pas chaloir
As ceaux qui sont en soi loials;
Car chascuns solonc ses t_ra_vals
Doit son pris ou son blame avoir: 25230
Ne sont pas un, pour dire voir,
Marchant qui pense a decevoir
Et l’autre qui p_ar_ ses journals
En loialté se fait movoir;
Tout deux t_ra_vaillont po_ur_ l’avoir,
Mais ils ne sont pas p_ar_igals.
Del un Marchant au jour p_re_sent
L’en parle molt com_m_unement,
Il ad no_u_n Triche plein de guile,
Qe pour sercher del orient 25240
Jusques au fin del occident,
N’y ad cité ne bon_n_e vile
U Triche son avoir ne pile.
Triche en Bo_ur_deaux, Triche en Civile,
Triche en Paris achat et vent;
Triche ad ses niefs et sa famile,
Et du richesce plus nobile
Triche ad disz foitz pl_us_ q’autre ge_n_t.
Triche a Florence et a Venise
Ad son recet et sa franchise, 25250
Si ad a Brugges et a Gant;
A son agard auci s’est mise
La noble Cité sur Tamise,
La quelle Brutus fuist fondant;
Mais Triche la vait confondant,
Les biens de ses voisins tondant,
Car il ne chalt p_ar_ quelle guise,
Ou soit derere ou soit devant,
Son p_ro_pre lucre vait querant
Et le com_m_un p_ro_ufit despise. 25260
Ascune fois Triche est grosso_ur_,
Mais il ad trop la foy meno_ur_
Endroit de cell avoir du pois
Quel il engrosse, et au retour
Le vent p_ar_ pois du meindre tour
Q’il n’achata l’avoir ainçois,
Dont p_ar_ deceipte le surcrois
Retient, et l’autre en ad descrois:[612]
Mais ce q_ue_ chalt, car son amo_ur_
Triche ad tourné tant sur la crois 25270
De l’esterling, q’as toutes fois
Il quiert du bargaign le meillo_ur_.
Triche auci de sa tricherie
Soventesfois en mercerie
Deceipte fait div_er_sement,
Q’il ad toutplein du queinterie,
Des buffles et de musardie,
Pour assoter la vaine gent,
Dont porra gaigner lo_ur_ argent:
Et si parole bell et gent, 25280
Et fait leur bon_n_e compaignie
Du bouche, mais du penseme_n_t
Son lucre quiert soubtilement
Soubz l’ombre de sa courtoisie.
Cil q’est estrait de ceste mue
N’ad mye la parole mue,
Ainz est crieys plus q’esp_er_ver:
Qant voit la gent q’est desconue,
Lors trait et tire, huche et hue,
Si dist: ‘Venetz avant entrer! 25290
Des litz, courchiefs, penne ostricer,
Cendals, satins, draps d’outre mer:
Venetz, je vous dourray la vieue,
Car si vous vuilletz achater,
Ne vous estuet plus loigns aler;[613]
Vecy le meilleur de la rue!’
Mais bien t’avise d’une chose,
Si voels entrer deinz la p_ar_close,
Qe d’achater soietz bien sage;
Car Triche au point ne se desclose,
Ainçois p_ar_ sa coverte glose 25301
Te dourra craie pour fo_ur_mage.
Tu quideretz p_ar_ son language
Qe celle urtie q’est salvage
Soit une p_re_ciouse rose,
Tant te ferra courtois visage;
Mais si voels estre sanz damage,
En son papir ne te repose.
Ascune fois Triche est draper,
Mais lors sciet il bien attrapper 25310
Les gens qui quieront la vesture.
Le no_u_n de dieu te voet jurer,
Si tu le drap voes achater,
La marché bon_n_e et la mesure
Te fra don_n_er; mais je t’assure,
Ce serra tout en aventure,
S’il porra ton argent happer:
Car combien q’il te dist et jure,
Ja son mestier solonc droiture
A toy n’a autre voet garder. 25320
Ce nous dist dieus, et je le croy,
Qe cil q’est tenebrous en soy
Hiet et eschive la lumere:
Pour ce qant je le draper voy
Deinz sa maison, lors semble a moi
Q’il n’ad pas conscience cliere:
Car oscure ad la fenestrere
La q’il doit faire sa marchiere,
Q’au paine om voit le vert du bloy:
Il est auci de sa maniere 25330
Oscur, car nuls de la primere
Parole sciet du pris la foy.
Au double pris p_ar_ serement
Le drap te met oscurement,
Dont il par tiele oscureté
T’engine plus soubtilement,
Et fait a croire voirement
Qu’il t’ad en ce fait ameisté,
Qant il t’ara plus enginé:
Car il dirra q’il t’ad don_n_é 25340
Pour avoir ton aquointeme_n_t,
Siqu’il de toy n’ad riens gaigné;
Mais la mesure et la marchée
Dirront q’il est tout autreme_n_t.
Si Triche est en son drap venda_n_t
As deux deceiptes entendant,
Il est enquore au double plus
En son office deceivant,
Qant il des leines est marcha_n_t:
Car lors est Triche a son dessus, 25350
Par les Cités il est resçus,
Par les paiis il est conuz,
Il vait les bargaigns pourp_er_na_n_t,
Il ad ses brocours retenuz,
Il fait tourner le sus en jus
Et le derere il met devant.
Triche ad sa cause trop mo_n_deine,
Car l’autry prou toutdis desdeigne
Et quiert son p_ro_pre lucre ades:
Mais il ad trop soubtile aleine 25360
Qant il l’estaple de la leine
Governe, car de son encress
Lors trete et parle asses du p_re_s;
Quoiq_ue_ luy doit venir apres,
Il p_re_nt yci tant large estreine
Du malvois gaign, dont il jam_m_es,
Si dieus n’en face a luy reless,
N’avra sa conscience seine.
O leine, dame de noblesce,
Tu es des marchantz la duesse, 25370
Pour toy servir tout sont enclin;
De ta fortune et ta richesce
Les uns fais monter en haltesce,
Les uns fais ruer en declin;
L’estaple, u q_ue_ tu es voisin,
N’est pas sanz fraude et mal engin,
Dont om sa conscience blesce.
O leine, ensi com_m_e le cristin,
Einsi paien et Sarazin
Te quiert avoir et te confesse. 25380
O leine, l’en ne doit pas tere
Que tu fais en estrange terre;
Car les marchantz des tous paiis
En temps du peas, en temps du guerre,
Par g_ra_nt amour te vienont querre;
Car qui q’al autre est anemys,
Tu n’es jam_m_es sanz bons amys,
Q’en ton service se sont mys
Pour le p_ro_ufit de ton affere:
Tu es p_ar_ tout le mond cheris, 25390
La terre dont tu es norris
Par toy puet g_ra_nde chose fere.
En tout le mond tu es mené
P_ar_ terre et mer, mais assené
Tu es a la plus riche gent:[614]
En Engleterre tu es née,
Mais q_ue_ tu es mal governé[615]
L’en parle molt div_er_sement;
Car Triche, q’ad toutplein d’argent,
De ton estaple est fait regent, 25400
Et le meine a sa volenté
En terre estrange, u proprement
Son gaign po_ur_chace, et tielement
Nous autres sumes damagé.
O belle, o blanche, o bien delie,
L’amour de toy tant point et lie,
Que ne se porront deslier
Les cuers qui font la marcha_n_die
De toy; ainz mainte tricherie
Et maint engin font compasser 25410
Com_m_ent te porront amasser:
Et puis te font la mer passer,
[Sidenote: =f. 139=]
Com_m_e celle q’es de leur navie
La droite dame, et po_ur_ gaigner
Les gens te vienont bargainer
Par covoitise et par envie.
Eschange, usure et chevisance,
O laine, soubz ta gov_er_nance
Vont en ta noble Court servir;
Et Triche y fait lo_ur_ po_ur_voiance, 25420
Qui d’Avarice l’aquointance
Attrait, et po_ur_ le gaign tenir
Il fait les brocours retenir.
Mais quiq_ue_ s’en voet abstenir
Du fraude, Triche ades l’avance,
Siq’en les laines maintenir
Je voi plusours descontenir
Du loyalté la viele usance.
Mais gaigne qui voldra gaigner,
L’en porra trop esmerveiller 25430
En n_ost_re terre a mon avis
Des Lumbardz, qui sont est_ra_nger,
Q’est ce q’ils vuillont chalanger
A demourer en noz paiis
Tout auci francs, auci cheris,
Com_m_e s’ils fuissent neez et norriz
Ovesq_ue_ no_us_; mais pour guiler
Moustro_n_t sembla_n_t come noz amis,
Et soubz cela lo_ur_ cuer ont mys
De n_ost_re argent et orr piler. 25440
Ces Lombars no_us_ font mal bargain,
Lo_ur_ paile eschangont po_ur_ no grain,
Po_ur_ deux biens no_us_ font q_ua_tre mals,
Ils no_us_ apportont leur fustain,
Si no_us_ vuidont du false main
Nos riches nobles d’orr roials
Et l’esterlings des fins metals;
C’est un des causes principals
Dont n_ost_re terre est trop baraign;
Mais si l’en creroit mes consals, 25450
Ja dieus ne m’aid, si tiels vassals
Nous serroient ensi p_ro_chain.
Mais ils scievont de leur p_ar_tie
Si bien juer la jeup_ar_tie[616]
Du brocage et p_ro_curement,
Q’ils par deceipte et flaterie
Font enginer la seignourie
De n_ost_re terre a leur talent,
Dont sont privez pl_us_ q’autre ge_n_t:
Siq_ue_ l’en dist com_m_unement 25460
Q’ils sont de no consail l’espie,
Dont maint p_er_il no_us_ vient sove_n_t,
Et qui regarde au jour p_re_sent
Overte en verra la folie.[617]
Huy voy des tiels Lombars venir
Sicome garçon du povre atir,
Qui ainz q_ue_ soit un an passé
Par leur deceipte et leur conspir
Plus noblement se font vestir[618]
Qe les burgois de no Cité; 25470
Et s’ils eiont necessité
Du seigneurie ou d’ameisté,
Ils se scievont ensi chevir
Du fraude et de soubtilité,
Qe leur querelle est ava_n_cé
Malgré le n_ost_re a leur plaisir.
N’est pas reso_u_n ce q_ue_ je voi,
Ainçois l’en doit bien dire avoi
As tiels seignours qui p_ar_ brocage
Des do_u_ns avoir, ou g_ra_nt ou poy, 25480
Vuillont don_n_er credence ou foy
As tieles gens, qui no damage
Aguaitont pour lour avantage:
Mais c’est g_ra_nt honte au seigno_ur_age,
Qui nous duissont garder la loy,
De noz marchantz mettre en servage,
Et enfranchir pour le pilage
Les gens est_ra_nges trestout coy.
Mais covoitise ad tout soubmis,
Car cil qui don_n_e avra d’amys 25490
Et puet son fait au fin mener,
C’est la coustum_m_e en mon paiis:
Mais qui p_re_nt garde a mon avis
Des toutes p_ar_tz porra mirer
Et du voisin et d’estranger
Qe tricherie en marchander
Toutdis no_us_ vient deva_n_t le vis;
Et d’autre p_ar_t pour reguarder
Les gens qui vivont de mestier,
Trestout sont d’une escole apris. 25500

=Ore dirra un petit com_m_ent Triche est associé et demoert
entre ceaux qui vivont du mestier et d’artifice.=